Tíminn - 09.01.1987, Síða 3

Föstudagur 9. janúar 1987
Tíminn 3
Skaftártungumenn eiga megniö af Veiðivötnum:
Búast má við harðvítugum
hreppadeilum vegna veiði
Rangæingar eru ekki á því aö sleppa sínum
hluta af Veiðivötnum og munu áfrýja
málinu til Hæstaréttar
Þó svo aö dómur sé genginn í máli
Skaftártunguhrepps gegn Land-
manna- og Holtahrepp í Rangár-
vallasýslu er ekki útséð um hvaða
áhrif dómurinn hefur. Með dónisúr-
skurði sem grcint hefur verið frá í
Tímanum var ákveðið að hreppa-
mörkunum og jafnframt sýslu-
mörkunum skyldi breytt frá því sem
verið hefur. Hin nýju sýslumörk
gera það að verkum að rjóminn af
vötnum í Veiðivatnaklasanum er nú
i landi Skaftafcllssýslu. Þau vötn
sem Landmanna- og Holtahreppur
halda eftir eru Skyggnisvatn, hluti af
Snjóölduvatni, Breiðavötn og Nýja-
vatn. Aftur á móti hafa Skaftár-
tungumenn eignast með hinum nýja
dómi öll gjöfulustu vötnin sem jafn-
framt eru vinsælust af stangaveiði-
mönnum.
„Það er alveg á hreinu að við
munum áfrýja þessu máli til Hæsta-
réttar,“ sagði Guðni Kristjánsson
bóndi á Skarði í Landssveit í samtali
við Tímann í gær. En það eru fleiri
í sömu hugleiðingum. Valur Odd-
steinsson oddviti og bóndi í Úthlíð í
Skaftártunguhreppi segir sína menn
vera að íhuga gagnáfrýjun fari svo
að Land- og Holtamenn áfrýji til
Hæstaréttar.
Engan veginn er Ijóst hvað gerist
í sumar þegar stangveiðimenn fara
að leita að veiðileyfum. Valur
oddviti segir að nú liggi á að ræða við
Land- og Holtamenn vegna þessa.
Guðni á Skarði sem er í stjórn
veiðifélags Land- og Holtamanna
vegna Veiðivatna segir að hann eigi
ekkert vantalað við Skaftártungu-
menn vegna þcssa máls. Mál þetta
hefur alla burði til þess að verða hin
versta rimma og sagði Guðni það
reyndar.
Allir hrcpparnir eiga mikilla hags-
muna að gæta í þessu máli jafnt
fjárhagslegra sem annarra. í 24 ár
hafa Land-og Holtamenn verið með
veiðifélag um Veiðivötn og segjast
hafa ræktað upp vötnin og byggt þá
aðstöðu sem nú er fyrir hendi og
:verður að teljast góð.
Skaftártungumenn hafa veiðifélag
oh er það félag með nokkur vötn á
sínum snærum og segir Valur að það
verði næsta skrcfið að taka þessi
vötn inn í veiðifélagið.
Það er viðbúið að eitthvað eigi
eftir að gerast í þessari óútkljáðu
deilu og aldrei að vita hvernig málin
þróast þegar líður fram á sumar og
veiðitíminn hefst. Spurningin sem
vaknar er sú hvort menn eigi að
kaupa veiðileyfi af Skaftártungu-
mönnum eða Land- og Holtamönn-
um.
- ES
Sverrir Hermannsson um
hljómflutningstæki Reykjavíkurborgar:
„ÉG GERÐIST
MEDEIGANDI"
„Nú getur maður fengið almennilegan
hljómflutning á Listahátíð"
„Ég gerðist meðeigandi í hljóm-
flutnirtgstækjum Réykjavíkur-
borgar. Ég fagna því mjög. Nú
getur ntaður fengið almennilegan
hljómflutning á Listahátfð til
dæmis," sagði Sverrir Hermanns-
son þegar hann var inntur eftir
samningi rfkisins við Reykjavíkur-
borg um að ríkið gæfi eftir tolla og
eignaðist þannig hlut í hljómflutn-
ingstækjum þeim sem borgarsjóð-
ur keypti í tilefni 200 ára afmælis
borgarinnar.
„Ég fékk mikinn áhuga á þessu
máli og mér var gert kleift að
eignast 49,9% hlut í tæjunum. Mér
var sérstaklcga hugsað til Lista-
hátíðar í þessu efni og mi cr málið
í höfn. En borgin á að reka þetta
oghafa af því allan vcgog vanda.**
Samningar þess efnis að ríkið
tæki á sig hluta þeirra 25,4 milijóna
króna sem tækin kostuöu, voru
undirritaðir fyrir stuttu af borgar-
stjóra, menntamálaráðherra og
fjármálaráðherra. Ríkið mun eiga
49,9% en borgarsjöður 50,1%.
Borgarsjóður skal hins vegar varð-
veita tækin og annast útleigu þcirra
til borgar og ríkisstofnana eftir
gjaldskrá sem borgarráð setur.
Nettótekjur af útleigu tækjanna
skulu notast eingöngu til endurnýj-
unar þeirra. - HM
Æskulýðsráö ríkisins:
Fulltrúar æskulýðssamtaka
ganga út af kjörfundi ÆRR
Fengu ekki að leggja fram mótmælaskjal vegna nýs reglugerðarákvæðis
Fulltrúar ungliðahrcyfinga stjórn-
málaflokkanna, námsmanna og AFS
skiptinemasamtakanna gengu út af
kjörfundi Æskulýðsráðs ríkisins á
miðvikudagskvöld. Kjósa átti þrjá
fulltrúa í stjórn ÆRR eftir nýjum
ákvæðum í reglugerð um ÆRR.
Eiríkur Ingólfsson formaður Æsku-
lýðssambands íslands hugðist bera
fram mótmæli gegn hinurn nýju
ákvæðum á fundinum, en Reynir
Karlsson íþróttafulltrúi ríkisins sem
var fundarstjóri vildi ckki gefa Eiríki
orðið. Þegar svo var komið gengu
fulltrúarnir af kjörfundi.
„Rótin að þessu er sú reglugerð
sem sett var nánast bak við tjöldin
um kosningu í Æskulýðsráð ríkis-
ins,“ sagði Eiríkur í samtali við
Tímann í gær. „Reglunum er breytt
þannig að ÍSÍ, UMFÍ og skátahreyf-
ingin fá margfalda kjörfulltrúa og
geta myndað meirihlutablokk mcð
einu sambandi í viðbót og ráðið
algjörlega kjöri aðalmanna í stjórn
ÆRR. Hin 16 æskulýðssamböndin
fá cngu um það ráðið. Það voru
síðan fulltrúar 8 æskulýðssambanda
sem skrifuðu undir mótmælayfirlýs-
ingu sem viö ætluðum að leggja fram
á kjörfundinum. En þegar ég fékk
ekki leyfi til að taka til máls og leggja
fram mótmælin, þá var ekkert annað
að gera en afhcnda yfirlýsinguna og
ganga út.“
„Áður var þetta þannig að hvert
æskulýðssamband hafði eitt atk væði.
Ég breytti því þannig að öll sambönd
fá eitt atkvæði og síðan gat samband
fengið eitt atkvæði í viðbót fyrir hver
fimmþúsund félaga, en aldrci fleiri
en sjö" sagði Svcrrir Hermannsson
þegar Tíminn innti hann eftir þessu
máli. „Ég vil náttúrlega líta til allra
átta og ekki láta neinn vera afskipt-
an. Lögin eru í cndurskoðun og ég
get vel hugsað mér að athuga með
fjölgun í stjórn ÆRR svo fleiri geti
veriö með. Hins vegar þótti mér
ekki sú skipan sent var vera við
hæfi."
„Þarna var haldinn kjörfundur
sem kjósa átti þrjá fulltrúa í Æsku-
lýðsráð ríkisins og þrír til vara. Alla
tíð sem sambærilegir kjörfundir hafa
verið haldnir, þá hefur það verið
hefð og viðtekin regla að cngar
umræður yröu á kjörfundi. Þess
vegna bar mér þegar beðið var um
orðið bæði fyrirfram og á fundinunt,
að tilkynna mönnum að því rniður
þá leyfði kjörfundur ekki umræður.
Þarna var margt sem þyrfti að
ræða um, en það er alveg aldcilis
ófært á kjörfundi“ sagði Reynir
Karlsson, fundarstjóri hins sögulega
fundar. „Þarna voru hins vegar
kjörnir fulltrúar ungmennahreyfing-
arinnar, skátahreyfingarinnar,
íþróttahreyfingarinnar, bindindis-
hreyfingarinnar, kristilega æskulýðs-
starfsins og farfugla. Þannig að við
teljunt sent sátum þcnnan fund, að
þarna sitji þó fulltrúar stærstu æsku-
lýðssambanda á landinu. Þarna
endurspeglast að sjálfsögðu átök
milli annars vegar hinnar breiðu
æskulýðsstarfsemi og hins vegar fé-
lagsstarfs ungs fólks sem að er mikið
hagsmunamál og pólitískt mál, um
áhrif og völd. Þarna verður nokkur
áherslubreyting þannig að meir er
lagt upp úr hinu fjölbreytilcga barna
og unglingastarfi, á kostnað hags-
munahópanna, þ.e. pólitísku hóp-
anna og námsmannahópanna."
- HM
Erlendum ferðamönnum fjölgaði um 16 þús. í fyrra:
Lang mest fjölgun Þjóðverja og Dana
Erlendir ferðamenn hér á landi
urðu alls 113.528 á nýliðnu ári, sem
er rösklega 16 þúsund fleira en árið
1985 (16,5%). Um tvo þriðju aukn-
ingarinnar, eða um 10.500 manns
mátti rekja til aðeins fjögurra landa.
Mestu munaði þar um 44% fjölgun
þýskra ferðamanna, eða úr um 9.400
upp í um 13.600 milli ára. Dönum
fjölgaði um hátt í 3 þús. upp í 13.600
manns, Svíum um 2.300 og Norð-
mönnum um 1.100. Frá þessum
fjórum löndum komu rúmlega 40%
allra ferðamanna hingað í fyrra.
Lang flestir ferðamenn koma enn
sem fyrr frá Bandaríkjunum, um
32.700 manns á síðasta ári - en
athyglivert er að þeim fjölgaði þá
aðeins um rúmlega 1 þús. frá árinu
áður, þrátt fyrir leiðtogafundinn
fræga og umræddar lopapeysu-
kaupaferðir Kana. Frá Bretlandi
komu um 10 þús. manns, og hefur
sú tala lítið hækkað frá 1984. Frá
framangreindum 6 löndum hafa yfir
80% allra erlendra ferðamanna
komið síðustu þrjú árin, þótt hlut-
föllin milli þeirra hafi nokkuð breyst.
Hlutfallslega fjölgaði ítölum hins
vegar einna mest milli ára, eða um
81%, en fjöldi þeirra er hins vegar
ekki mjög mikill, eða um 2.120
manns. Svipaður fjöldi kom frá Hol-
landi, sem var um 40% fjölgun.
Frökkum fjölgaði og um fjórðung
uppí um 5.620 í fyrra. Hjá Svisslend-
ingum, Austurríkismönnum, Kan-
adamönnum og Finnum verður ekki
vart aukins áhuga á okkur íslending-
um á síðasta ári.
Þótt 114 lönd hafi átt fulltrúa í
hópi ferðamanna hér á síðasta ári
voru það aðeins 13 lönd sem áttu
fleiri en eitt þúsund fulltrúa.
Erlendum ferðamönnum hefur
fjölgað um 33% eða rúmlega 28 þús.
manns á síðustu tveim árum. Yfir
því hlutfalli eru 7 lönd. Hlutfallslega
hefur Itölum fjölgað mcst 104%, þá
Dönum 66%, Svíum 56%, Austur-
ríkismönnum 52% og Norðmönn-
um, Hollendingum og Vestur-Þjóð-
verjunt um 42-45%. Frá Bandaríkj-
unum er fjölgunin tæp 20%, en varð
nær öll milli áranna 1984 og ’85.
-HEI