Tíminn - 09.01.1987, Síða 7

Föstudagur 9. janúar 1987
Tíminn 7
UTLÖND

llllllll!

BÆKUR
Kína:
AFRÍSKIR HÁSKÓLA-
NEMAR MÓTMÆLA
KYNÞÁTTAHATRI
Segjakynþáttahatur í Kínaveraverraen í Suður-Afríku-Viljafara
heim nema öryggi þeirra sé betur tryggt
Það virðist ekki vera svo mjög erfitt fyrir þá hvítu að öðlast virðingu Kínverja.
Séu menn svartir á hörund horfið öðruvísi við
Pekíng - Reuter
Um þrjú hundruð afrískir náms-
menn fóru í gær í mótmælagöngu í
Pekíng, þrátt fyrir bann yfirvalda, tii
að mótmæla kynþáttahatri í Kína.
Einn námsmannanna sagði það vera
verra en í Suður-Afríku.
Stúdentarnir kröfðust þess að vera
sendir heim nema öryggi þeirra væri
betur tryggt. Þeir hvöttu einnig aðra
Afríkubúa til að setjast ekki á skóla-
bekk í Kína.
Bæði lögregla og skólayfirvöld
vöruðu afrísku stúdentana við að
fara í kröfugöngu og sögðu að
heimild skorti frá yfirvöldum fyrir
göngunni en slík lög voru sett til að
draga úr lýðræðiskröfum kínverskra
stúdenta sem hafa verið háværar að
undanförnu. Þrátt fyrir þessar aðvar-
anir gengu háskólanemarnir um 15
kílómetra leið frá hinni erlendu
tungumáladeild Pekíngháskólans til
sendiráðs Marokkó.
Mótmælagangan fylgdi í kjölfar
bréfs til afrískra stúdenta frá Kín-
verska stúdentafélaginu, bréf sem
yfirvöld hafa reyndar sagt að hafi
verið falsað og stúdentafélagið sjálft
hefur afneitað. í því voru afrísku
stúdentarnir sakaðir um að leita á
kínverskar stúlkur á háskólasvæðinu
og hegða sér samkvæmt „siðum er
menn temja sér í hitabeltisskógun-
um“.
Stúdentar frá Nígeríu, Marokkó,
Botswana, Kenya, Uganda, Chad
og nokkrum öðrum Afríkuþjóðum
tóku þátt í mótmælunum og hrópuðu
á göngu sinni vígorð á borð við:
„Látið okkur hafa miðana" og „Aft-
ur til Afríku á rnorgun".
Formaður samtaka afrískra stú-
denta í landinu sagði þá ekki muna
mæta í kennslustundir né taka próf
fyrr en öryggi þeirra væri tryggt.
„Það hvernig farið cr með okkur
hér gerir þetta land verra en Suður-
Afríku. Enginn afrískur stúdent ætti
að koma hingað til að læra,“ sagði
einn Afríkubúanna og bætti við að
flestir félaga sinna þráðu ekkert eins
heitt og að fara heim.
Gangan í gær vakti mikla athygli
og fjöldi Kínverja fylgdist með
henni. Stúdentarnir héldu aftur til
háskóla síns eftir að sendiherra Mar-
okkó hafði lofað að koma kröfum
þeirra á framfæri við viðkomandi
yfirvöld.
Kínversku stúdentasamtökin hafa
neitað að bréfið hafi komið frá þeim
og embættismaður innan mennta-
málaráðuneytisins sagði það hafa
verið skrifað af vondu fólki sem vildi
eyðileggja góð samskipti Kínverja
og Afríkubúa.
Þetta kom þó ekki í veg fyrir að
afrísku stúdentarnir færu í kröfu-
göngu sína enda sögðu þeir árásir á
þá vera algengar mjög. Að sögn
stúdentanna var ráðist á einn sú-
danskan nema í þessari viku fyrir
það eitt að dansa við kínverska
stúlku á hóteli í Pekíng.
„Flestir Kínverja líta upp til þeirra
hvítu en vita nánast ekkert um
Afríku. Þeir halda að við séum
villimenn eða dýr. Kínverskur lækn-
ir spurði einn okkar um daginn hvort
við lifðum í trjám og ætum hvor
annan," sagði einn afrísku stúdent-
anna.
Samkvæmt opinberum tölum
koma um 70% þeirra erlendu stú-
denta sem nema í Kína frá öðrum
Asíuríkjum, Arabaríkjunum og
löndum svörtu Afríku. Þeir eru oft
upp í sex ár í námi sínu og hafa
yfirleitt litla peninga aflögu, komast
þvf sjaldan heim til sín og eru lítið
samvistum við gagnstæða kynið.
Ástralía:
Heróín-
neytandi
hótaði
búðarfólki
með eyðni
Sydney - Reuter
Heróínneytandi þusti inn í tvær
búðir í Sydney í Ástralíu og hótaði
að sprauta viðkomandi búðarfólk
með vökva fengi hann ekki peninga.
Vökvann sagði hinn 24 ára gamli
eiturlyfjasjúklingur innihalda hans
eigið eyðnisýkta blóð.
Lögregía sagði manninum hafa tekist
að ná í sem samsvarar tæpum tvö
þúsund íslenskum krónum í fyrstu
búðinni en í annarri búðinni hefði
miðaldra afgreiðslukona neitað að
taka mark á orðum þjófsins og þar
með hefði vopnið verið slegið úr
höndum hans.
Maðurinn hefur verið sakaður um
vopnað rán, líkamsárás og að geyma
heróín í fórum sínum.
Dómari og
böðull
eftir Mickey Spillane
Bókaútgáfan Breiðablik hefur
sent frá sér bókina Dómari og
Böðull, eftir Mickey Spillane.
Mickey Spillane er heimsþekktur
sakamálarithöfundur og seljast
bækur hans í milljóna upplögum
um allan heim. Nokkur orð um
innihaldbókarinnar: „Félagiminn
Jack er dáinn, - myrtur af
einhverjum sem hefur horft á
hann deyja með háðsbros á vör,
meðan honum blæddi út... Ég hef
svarið þess dýran eið að hefna
dauða Jacks vinar míns. Og þegar
ég hef gómað morðingjann mun
ekkert stöðva mig. Ég mun verða
allt í senn, kviðdómur, dómari og
böðull...“ Þannig talar Mike
Hammer, einkaspæjarinn. Nafn
hans eitt vekur ótta í
milljónaborginni... maðurinn sem
framfylgir réttlætinu, meðan
lögreglan stendur ráðþrota.
Rásir dægranna
eftir Málf ríði Einarsdóttur
Hjá forlaginu Ljóðhús er komin
út bókin Rásir dægranna eftir
Málfríði Einarsdóttur. Á
bókarkápu segir að þessi bók sé
tekin saman úr eftirlátnum
skrifum Málfriðar. Annars vegar
er þar efni sem hún vann að á
síðustu árum ævi sinnar. Hins
vegar er þar að finna eldri skrif,
pistla um ýmisleg efni, list og
skáldskap, og um þann vanda að
rita íslensku, lýsingar á umhverfi
og aldaranda og mannlýsingar,
svo nokkuð sé talið. Einnig eru í
bókinni dálítil sýnishorn af
blaðagreinum höfundar, og úrval
bréfa, þar á meðal elstu skrif
Málfríðar í óbundnu máli sem
komið hafa á prent og munu koma
lesendum hennar nokkuð á óvart.
Það er Sigfús Daðason sem búið
hefur bókina til prentunar.
Kardemommu-
bærinn
Sagan sívinsæla
komin út á ný
Bókaútgáfan FORLAGIÐ hefur
sent frá sér bókina Fólk og
ræningjar í Kardemommubæ
eftir norska skáldið Thorbjörn
Egner. Hulda Valtýsdóttir og
Kristján frá Djúpalæk þýddu
söguna. Fólk og ræningjar í
Kardemommubæ kom
upphaflega út á íslensku fyrir
aldarfjórðungi en hefur verið
ófáanleg um langt skeið.
Engu að síður þekkja flestir
íslendingar söguna um
ræningjana þrjá, þá Kaspar,
Jesper og Jónatan af
barnaleikritinu sem höfundur
samdi eftir sögunni og sýnt hefur
verið í Þjóðleikhúsinu og víðar hér
á landi. Og hver man ekki eftir
Tóbíasi gamla, Soffíu frænku,
þeirri skapmiklu konu, eða
Bastían bæjarfógeta sem vill helst
ekki taka nokkurn mann fastan. —
Bókina prýðir mikill fjöldi
litmynda sem höfundur hefur
sérstaklega gert fyrir þessa
endurskoðuðu útgáfu sögunnar.
Aftast í bókinni eru einnig nótur
við söngtextana í sögunni, svo að
allir geti tekið lagið með
söguhetjunum.
Fólk og ræningjar í
Kardemommubæ er 139 bls.
Bókin er prentuð í Noregi.
TÓMSTUNDABÆKUR IÐUNNAR
Nýr bókaflokkur
Tómstunda-
bækur
Iðunnar
Iðunn hefur sent frá sér tvær
fyrstu bækurnar í nýjum flokki
fyrir börn og unglinga,
Tómstundabækur Iðunnar.
Nefnast þær Leikir og grin og
Þrautir og galdrar.
í þá fyrmefndu hefur verið
safnað saman fjölda leikja, bæði
gamalla og nýrra og kemur bók af
þessu tagi sér vel við hin ýmsu
tækifæri þar sem krakkar eru
saman komnir til að skemmta sér.
En í þeirri síðarnefndu er eins
og nafnið bendir til að finna safn
þrauta og galdra. Hér er hægt að
skyggnast inn í leyndardóma hins
fullkomna töframanns og tileinka
sér hin ótrúlegustu brögð og
brellur. Sem dæmi má nefna
ýmsar þrautir með spil, eldspýtur,
vasaklúta o.s.frv.
Þetta eru bækur sem tilvalið er
að draga fram í góðum félagsskap.
Þær eru þýddar úr dönsku.
Sigurður Bjarnason bvddi.