Tíminn - 11.07.1987, Blaðsíða 5
Laugardagur 11. júlí 1987
Tíminn 5
Kaup og sala á kvóta fiskiskipa:
Vestfirðingar með
mestu kvótasöluna
Vestfirðingar eru manna dugleg-
astir að selja kvótann sinn til
annarra verstöðva á landinu, sam-
kvæmt skýrslum sjávarútvegsráð-
uneytisins, en tímaritið Sjávar-
fréttir fékk leyfi ráðuneytisins til
að skoða skýrslur um kvótatilfærsl-
ur milli byggðarlaga og vinna upp
úr þeim, og birtast niðurstöður
þessara athugana í nýjasta tölubl-
aði þess.
Frá Vestfjörðum voru 2.485
þorskígildi færð til annarra ver-
stöðva, en aðeins 933 tekin inn í
staðinn. Vestfirðir létu því tæpum
1600 þorskígildum meira frá sér en
voru flutt þangað. Á sama tíma eru
það Vestfirðingar sem segjast tapa
mestu á núverandi kvótakerfi, og
hafa margoft krafist aukins kvóta í
sitt hérað.
Þetta er þó ekki án skýringa.
Hluti skýringarinnar gæti verið
fólginn í kvótatilfærslum milli ver-
stöðva tengd rækjuveiðum. Til-
færslurnar eru fólgnar í því að
aðkomubátar eru fengnir til að
landa á Vestfjörðum rækju, og
fengu að hluta til borgað í þorsk-
kvóta. Önnur skýring gæti verið að
flestir togarar Vestfirðinga eru á
sóknarmarki og mega því ekki
stunda kvótaviðskipti. Þriðja
skýringin gæti verið hin svokalla
„geymsla kvóta", en hún felst í
því, að samkvæmt lögum kvóta-
kerfisins er heimilt að færa 10%
kvóta síðasta árs yfir á þetta ár.
Þeir sem áttu meira en 10% eftir af
honum um síðustu áramót gátu þá
fært umframmagnið yfir á önnur
skip, í stað þess að láta hann
einfaldlega falla niður. Þannig gat
annað skip „geymt“ kvóta hins
skipsins.
En hvað hefur sjávarútvegsráðu-
neytið um málið að segja? Árni
Kolbeinsson, ráðuneytisstjóri:
„Það kann að vera, og er oft
tilvikið, að skipin veiða fyrir
heimamenn og landa á heimahöfn
Landað úr Guðbjörgu ÍS.
kvótans, enda þó að þau séu skráð
annars staðar. Maður verður í
fyrsta lagi að hafa mjög stóran
fyrirvara um flutning milli byggðar-
laga. Því flutningur kvóta milli
byggðarlaga þarf ekki endilega að
vera flutningur í lönduðum afla
milli byggðarlaga. Heldur einungis
flutningur milli skrásetningar-
merkingar þeirra skipa sem aflann
veiða. Önnur dæmi sýna að Vest-
fjarðabátar hafi verið á rækju og
ekki nýtt þorskkvótann þess vegna.
Þeir hafi frekar kosið rækjuna og
þá framselt þorskfiskkvótann á
móti. Þannig framselt kvótann út
úr byggðarlaginu að því leytinu til
að bátar sem skrásettir eru annars
staðar sem veiða aflann, en að
hvaða marki honum er landað í
byggðarlaginu er ekki alveg Ijóst,
en örugglega er eitthvað af því. En
vissulega er sá möguleiki fyrir
hendi að þeir sem stunda rækjuna
hafi framselt þorskkvótann alger-
lega úr byggðarlaginu, en oft er
það sett sem skilyrði fyrir sölu
kvóta að skipin landi í heimahöfn
þess sem kvótann seldi“ sagði
Árni.
Vestfirðingar liafa einnig sínar
skýringar. „Þetta er náttúrulega
ekkert magn, þetta er skítur á
priki. Við gnæfum þarna upp úr af
því að við fiskum meira en aðrir og
okkur vantar kvóta ef eitthvað er.
Þessi „sala“ tilheyrir bara rækju-
bátunum, það selur enginn sem er
á ferskfiski hér, ekki einn einasti.
Það eru eiginlega allir togararnir á
sóknarmarki, þannig að þetta eru
eingöngu rækjubátarnir" sagði
Guðmundur Guðmundsson, hjá
Útvegsmannafélagi Vestfjarða.
Á landinu öllu voru 11.300
þorskígildi flutt á milli skipa, sem
ekki eru gerð út frá sömu verstöð,
og þó það virðist mikið við fyrstu
sýn, þá er þetta ekki nema 3,2% af
heildarþorskafla síðasta árs. Þessar
tilfærslur eru háðar samþykki sveit-
arstjóra og verkalýðsféiaga á við-
komandi stöðum og á skýrslum
sjávarútvegsráðuneytisins eru þær
200 talsins.
Vesturland er landshluta dugleg-
astur við að kaupa kvóta, því
Vestlendingar kaupa 1750 þor-
skígildum meira en þeir selja, en
stór hluti skýringarinnar felst í því
að útgerðarmenn suðvestanlands
fengu skip að vestan til að veiða
fyrir sig, landa þar og síðan var
aflinn settur á vörubíla og fluttur
suður í vinnslu þar er kvótinn var
upprunninn frá.
Af einstökum plássum var það
Sauðárkrókur sem keypti mestan
kvóta, eða rúmlega 1100 þorskí-
gildi. Það á sér þó eðlilegar
skýringar. Tveir togara Sauð-
kræklinga töfðust í Þýskalandi
vegna breytinga og voru önnur
skip fengin til að veiða kvótann, en
langstærsti hluti veiðinnar hélst
innan héraðs til vinnslu. -SÓL
STOLL Vestur-þýsk gæðavara
Reyndar af bútæknideild landbúnaðarins.
Stoll Z 400 heyþyrla 4ra stj. 5 arma Vbr. 4,2 m . kr. 85.700,- Stoll R311 stjörnumugavél 8 arma Vbr. 3,1 m .. kr. 70.800,-
Stoll Z 500 heyþyrla 4ra stj. 6 arma Vbr. 5,1 m . kr. 97.300,- Stoll R331D stjörnumúgvél 10 arma Vbr. 3,35 m. kr. 77.700,-
GÓÐ GREIÐSLUKJÖR
Vélaborg Bútækni hf. Sími 686655/686680