Tíminn - 13.01.1988, Blaðsíða 2

2 Tími'nn
Miðvikudagur 13. janúar 1988
Bændur í Garði II í Mývatnssveit leita réttar síns vegna
dráttar á greiðslu fyrir sauðfjárafurðir í október og desember s.l.:
Kaupfélaginu
birt stefna
Á næstu dögum verður Kaupfé-
lagi Þingcyinga birt stefna frá þeim
feðgum ■ Garði II í Mývatnssveit,
Þorgrími Starra Björgvinssyni og
Kára Þorgrímssyni, vegna dráttar á
greiðslu fyrir sauðfjárafurðir 15. okt-
óber og 15. desember sl. Samkvæmt
búvörulögum eiga sláturleyfishafar
að vera búnir að gera að 75% upp
við bændur þann 15. október, en
100% greiðsla á síðan að vera komin
inn á reikninga þeirra þann 15.
desember.
Eins og kunnugt er af fréttum
liðinna vikna, var hálfsmánaðar
dráttur á fullnaðargreiðslu til bænda,
frá 15. desember s.l. og samkvæmt
upplýsingum frá Landssambandi
sauðfjárbænda munu sumir bændur
ekki enn hafa fengið greitt að fullu
fyrir sínar afurðir.
Þeir feðgar í Garði II fengu færð
75% af heildarupphæðinni inn á
reikningþannó. nóvembers.l. Síðan
var gert upp að 92% 31. desember
s.l.
Auk þess að krefjast fullnaðar-
greiðslu fyrir afurðir, er í stefnunni
farið fram á að Kaupfélagið greiði
dráttarvexti, frá tilteknum gjalddög-
um.
Samkvæmt upplýsingum sem
Tíminn hefur aflað sér, hafa lög-
menn þeirra feðga sent Kaupfélag-
inu innheimtubréf en án árangurs.
Því er nú farin sú leið að birta því
stefnu til 100% greiðslu afurða,
dráttarvaxta og tilfallandi kostnað-
ar.
Lögfróðir menn, sem Tfminn hef-
ur haft tal af, telja að hér sé um að
ræða hreint innheimtumál. Hinsveg-
ar eru margir sem líta svo á þetta sé
prófmál fyrir aðra sauðfjárbændur í
landinu, og niðurstöður þess skeri úr
um lagalegar skyldur sláturleyfishafa
til að greiða fyrir afurðir á lögbundn-
um gjalddögum. Jóhannes Krist-
jánsson, formaður Landssambands
sauðfjárbænda, tjáði Tímanum að
þau myndu ekki leita réttar bænda
fyrir dómstólum, en þess í stað
fylgdust menn grannt með gangi
umrædds stefnumáls þeirra Garðs-
feðga.
Eins og Tíminn greindi frá í gær
telja sláturleyfishafar að ríkið skuldi
þeim um 530 milljónir króna, sem
aftur leiði til að þeir séu nánast
útilokaðir frá því að geta staðið í
skilum við bændur. Ríkið er þessu
hinsvegar ósammála.
Ekki er ósennilegt að deila ríkis
og sláturleyfishafa fléttist að ein-
hverju marki inn í nefnt stefnumál
gegn Kaupfélagi Þingeyinga. Lög-
fróðir heimildamenn Tímans búast
við að dráttarvextir verði ekki
greiddir eftir birtingu stefnunnar,.
enda væri þá verið að gefa fordæmi •
sem þyrfti jafnt yfir alla sláturleyfis-
hafa að ganga. Því er jafnvel búist
við dómur muni fljótlega falla í
héraðsdómi á Húsavík og málinu
vísað áfram til Hæstaréttar.
1 samtali við Tímann sagði Þor-
grímur Starri Björgvinsson að hann
vildi taka skýrt fram að af sinni hálfu
væri þessu máli ekki í reynd stefnt
gegn Kaupfélagi Þingeyinga, heldur
gegn óréttlátum búvörulögum. Þó
hefði hann ekki neinna kosta völ en
að beina stefnu gegn sínum slátur-
leyfishafa, þ.e. Kaupfélagi Þingey-
inga. „Við erum einungis að krefjast
þess að ákvæði búvörulaganna um
gjalddaga verði virt. Ráðamönnum
virðist vera alveg sama hvort þeir
setja kaupfélögin á kaldan klaka
með samningsbroti. Þeir um það,
við eigum ekki aðgang að öðrum en
sláturleyfishafa, sem í þessu tilfelli
er Kaupfélag Þingeyinga. Það er
síðan í verkahring þess að leita
réttar síns gagnvart ríkinu. Það er
mín skoðun að gott sé að þetta mál
kom fram í dagsljósið því það gæti
skorið úr um hvort búvörulögin geti
orðið til þess að drepa kaupfélögin í
landinu."
Þorgrímur Starri Björgvinsson
Þorgrímur sagðist telja að hér
væri um að ræða prófmál, því að ef
gengi að innheimta umræddar fjár-
hæðir, væri slíkt þar með opið fyrir
aðra sauðfjárbændur í landinu gagn-
vart viðkomandi sláturleyfishöfum.
„Ég á nú von á að Samtök sláturleyf-
ishafa reyni að verjast með kjafti og
klóm. En mér hefði nú verið ósárt
þótt þetta endaði á því að klórað
‘ yrði all rækilega í bakið á landbúnað-
arráðuneytinu, og landbúnaðarráð-
herra alveg sérstaklega. Hann hefur
margoft hælt sér af búvörulögunum.
Ef við bændur erum svo sviknir um
staðgreiðsluna, eða kaupfélagið
verður sett á kaldan klaka, vegna
þess að ekki er séð fyrir því að þau
geti staðið við sínar greiðslur, þá er
mér ósárt um að ráðherra verði
sviptur mesta ljómanun af góðverk-
inu,“ sagði Þorgrímur Starri Björg-
vinsson. óþh
Fyrstu fram-
kvæmdir við
tónlistarhús
í Laugardai
Fyrstu framkvæmdir við nýtt tón-
listarhús hófust í gær, þegar boranir
hófust í Laugardalnum, en þar mun
húsið rísa, þegar fram líða stundir.
Nú stendur yfir söfnun til að hefja
grunnframkvæmdir og til að standa
undir ýmsum hönnunarliðum og
voru tónleikarnir í Háskólabíói liður
í þeirri söfnun. En innan fárra ára
mun tónlist fylla Laugardalinn, um
það verður ekki deilt.
Tímamynd: Pjeíur
Kristinn Finnbogason varaformaður bankaráðs Landsbanka (slands:
Ekki nýtt að ekki náist eining
Vegna afsagnar Árna Vilhjálms-
sonar, prófessors, úr bankaráði
Landsbanka íslands, þar sem hann
gegndi stöðu formanns, geta líkur
á kjöri Sverris Hermannssonar,
alþingismanns og fv. ráðherra, til
bankastjóra aukist nokkuð. Árna
Vilhjálmsson greindi á við forystu
Sjálfstæðisflokksins, sem styður
ráðningu Sverris. Árni hafði setið
í bankaráði Landsbankans fyrir
hönd Sjálfstæðisflokksinsfrá 1974.
Eftir bankaráðsfund milli jóla
og nýárs, þegar ráðning banka-
stjóra Landsbankans var borin
upp, kom í ljós að fulltrúar Sjálf-
stæðisflokks í ráðinu voru ekki
sammála um hver bæri að taka við
stöðunni, nú þegar Jónas Haralz,
bankastjóri, hættir. Árni Vil-
hjálmsson studdi Tryggva Pálsson,
en Pétur Sigurðsson, hinn fulltrúi
Sjálfstæðisflokks, lagði til að Sverr-
ir Hermannsson yrði ráðinn.
Eyjólfur K. Sigurjónsson, full-
trúi Alþýðuflokks í bankaráðinu,
tók undir tillögu Árna, en fulltrúi
Framsóknarflokks, Kristinn Finn-
bogason, studdi tillögu Péturs.
Þar með var fulltrúi Alþýðubanda-
Iags, Lúðvík Jósepsson, í oddaað-
stöðu og gat ráðið því, hver yrði
bankastjóri. Hann lét hins vegar
ekki uppi hver hans afstaða væri.
í stað Árna Vilhjálmssonar tek-
ur Jón Þorgilsson, sveitarstjóri á
Hellu, sæti hans í bankaráði. Mbl
hefur eftir honum vegna þessa, að
skoðun hans til ráðningar banka-
stjóra hljóti að mótast af viðhorfi
hans til hlutverks ríkisbankanna
og pólítískrar yfirstjórnar þeirra
með tilliti til þarfa atvinnulífsins í
landinu.
Kristinn Finnbogason, banka-
ráðsmaður fyrir hönd Framsóknar-
flokks, sagði, að vissulega væri
erfitt að ná samstöðu í ráðinu um
þetta mál, en það væri engin ný-
lunda.
„Um langt árabil hefur verið
ágreiningur við ráðningu banka-
stjóra. Það hefur ekki verið sam-
staða í ráðinu um slíkt allt frá því
Einar Viðar var settur bankastjóri.
Um þá bankastjóra, sem nú sitja
og hafa reynst ákaflega vel, var
einnig ágreiningur á sínum tíma.“
Kristinn Finnbogason sagði að í
mörg ár hefðu bankastjórar verið
settir með þremur atkvæðum gegn
tveimur, - bankaráðsmenn annað-
hvort setið hjá við atkvæðagreiðslu
eða greitt atkvæði sitt gegn þeim
sem í boði var. „Að lokum verður
að leiðrétta þann misskilning að
atkvæðagreiðsla vegna ráðningar
bankastjóra hafi þegar farið fram í
bankaráðinu," sagði Kristinn.
„Þetta mál verður ekki á dagskrá
fyrr en Jónas Haralz hefur ákveðið
að segja af sér.“ þj