Tíminn - 30.03.1988, Blaðsíða 7

Miðvikudagur 30. mars 1988
Tíminn 7
Innlán í erlendum gjaldeyri en útlán í íslenskum krónum:
Verðtryggða krónan var
Iðnlánasjóði góð búbót
Bragi Hannesson, bankastjóri
Iðnaðarbankans, gerði grein fyrir
stöðu Iðnlánasjóðs á aðalfundi Iðn-
aðarbankans fyrir skömmu. Þar
greindi Bragi m.a. frá því að heildar-
útlán á síðasta ári hefðu numið 4.637
milljónum króna, fyrir afskriftir, og
sé það aukning um 38,8% á árinu.
„Á s.l. þremur árum hefur átt sér
stað mjög mikill vöxtur í starfsemi
Iðnlánasjóðs, og á sama tíma hefur
eigið fé sjóðsins aukist úr 410 millj-
ónum króna í 1.501 milljón króna.
Sjóðurinn hefur á þessu tímabili
orðið ein af sterkustu fjármálastofn-
unum landsins hvað varðar eigið fé.
Eigiðfjárhlutfall af niðurstöðutölum
efnahagsreiknings er um 28,9% í
árslok. Þá er Iðnlánasjóður orðinn
annar stærsti atvinnuvegasjóðurinn
á eftir Fiskveiðisjóði," sagði Bragi.
Hann benti einnig á að hlutabréfa-
og stofnfjáreign Iðnlánasjóðs væri
72,8 milljónirogerhúní 11 félögum.
Tekjuafgangur samkvæmt rekstrar-
reikningi eftir afskriftir og tillag í
afskriftasjóð var 263,7 milljónir, en
var 160,9 milljónir árið áður.
Skýringar á þessari góðu afkomu
sjóðsins sagði Bragi að væri að leita
í samsetningu innlána sjóðsins og í
útlánum hans. Innlán sjóðsins (þ.e.
skuldir hans) eru að verulegu leyti í
erlendum gjaldmiðli, eða meira en
helmingur innlána. Útlánin hins veg-
ar eru að mestu leyti í íslenskum
krónum, og eru útlánin að mestu
bundin lánskjaravísitölu. „Á sl. ári
hækkaði lánskjaravísitalan um
22,2%, en gengi erlendra gjald-
miðla, sem Iðnlánasjóður er með
lán í, hækkaði um 3,5% að vegnu
meðaltali. Að meðaltali hækkuðu
heildarinnlán vegna gengis- og vísi-
töluhækkana um 11%, en útlánin
um 17%,“ sagði Bragi í ræðu sinni.
Hann sagði einnig að útlánsvextir
sjóðsins væru hagstæðir lántakend-
um miðað við aðra kosti á lánamark-
aðnum.
Rekstrarkostnaður sjóðsins á síð-
asta ári var 54,5 milljónir og hækkaði
um 79% milli ára. -SÓL
Lögregluskólinn:
Bjarki Elíasson
sest í skóla-
stjórastólinn
Dómsmálaráðherra skipaði í gær
Bjarka Elíasson, yfirlögregluþjón í
Reykjavík, skólastjóra Lögreglu-
skóla ríkisins. Bjarki tekur til starfa
frá og með 1. júní nk.
Á síðari hluta þessa árs og á næsta
ári er skólastjóranum ætlað að kynna
sér skólastarf á Norðurlöndum og
víðar.
Frá 1965 hefur lögreglustjórinn í
Reykjavík veitt skólanum forystu.
En umfang skólastarfsins hefur farið
vaxandi undanfarin ár og því orðið
tímabært að skólastjórastarfið verði
gert að sjálfstæðu og fullu starfi.
gs
Kennararáð Heyrnleysingjaskólans:
Fagfélag um mennt-
un heymleysingja
Kennararáð Heyrnleysingjaskól-
ans boðar til stofnfunds fagfélags um
menntun heyrnleysingja næstkom-
andi þriðjudagskvöld í mötuneyti
Heyrnleysingjaskólans við Vestur-
hlíð.
Allir sem atvinnu hafa haft eða
hafa eru hvattir til að mæta og gerast
félagar í fagfélaginu.
Markmið félagsins er samkvæmt
tillögum undirbúningsnefndar að
viðhalda faglegri vitund félags-
manna og því markmiði hyggst félag-
ið ná með því m.a. að koma á
framfæri þekkingu og reynslu á
þessu sérsviði.
Tillögur að iögum félagsins liggja
fyrir og er hægt að vitja þeirra á
skrifstofu skólans sem jafnframt tek-
ur við hugmyndum að nafni hins
nýja félags. -SÓL
Skýrsla Þjóðhagsstofnunar um þjóðarbúskap 1945-1986:
Hagvöxtur sexfaldast
frá lokum stríðsins
Þjóðhagsstofnun hefur gefið út
nýja skýrslu í ritröðinni um þjóðar-
búskapinn. Skýrsiunni er ætlað að
gefa sögulegt yfirlit í tölum yfir
hagþróun síðustu fjögurra áratuga,
frá 1945 til 1986.
Efnið er fengið víða að, þó sér-
staklega frá Hagstofunni og Seðla-
bankanum, til þess að fá sem
gleggsta mynd af þeim þáttum sem
hafa mótað hagþróun undanfarna
áratugi.
í skýrslunni kemur m.a. fram að
árlegur hagvöxtur hefur að meðaltali
verið 4,4% en hefur sexfaidast frá
1945. Hagvöxturinn hefur ekki verið
jafn, heldur hefur hann sveiflast
talsvert.
Fólksfjölgunin alit tímabilið var
1,5% á ári sem jafngildir því að
landsframleiðslan á mann hafi aukist
um tæp 3%.
Á mælikvarða landsframleiðslu
hefur meðalverðhækkun frá fyrra
ári verið um 20% undanfarna fjóra
áratugi en mest síðasta áratuginn
yfir 40%.
í kafia um búskap hins opinbera
kemur fram að árið 1985 svöruðu
heildarútgjöld hins opinbera til
þriðjungs landsframleiðslunnar en
höfðu verið um fimmtungur hennar
árið 1945.
Fjöldi annarra þátta eru teknir
fyrir, t.a.m. skiptingþjóðarútgjalda,
atvinnuþróun, utanríkisviðskipti,
verðlag og tekj ur og erlendar lántök-
ur.
Saltfisksala til Portúgals:
Verðlækkun um
8% á saltfiski
Sölusamband íslenskra fisk-
framleiðenda hefur nú gengið frá
samningi við portúgalska kaupend-
ur um kaup á saltfiski. Vegna
mikillar birgðastöðu hjá sam-
keppnisaðilum okkar, m.a. Norð-
mönnum, þurfti að lækka meðal-
talsverðið um 8% frá síðasta samn-
ingi.
Samkeppnisaðilar okkar bjóða
saltfisk á mun lægra verði en við
höfum hingað til gert, og er það
m.a. gert vegna þess að Brasilíu-
markaðurinn lokaðist og því sitja
þeir uppi með miklar birgðir sem
þeir þurfa að losa sig við. Þá er
einnig mikill þrýstingur á aila fisk-
markaði og tegundir fisks um verð-
lækkun.
Þessi verðlækkun hefur það í för
með sér að gjaldeyristekjur þjóðar-
innar minnka um hundruð milljóna
króna. -SÓL
AUGLÝSING
UMINNLAUSNARVERÐ
VERÐTRYGGÐRA
SPARISKÍRTEINA RÍKISSJÓÐS
FLOKKUR INNLAUSNARTÍMABIL INNLAUSNARVERÐ* ÁKR. 100,00
1980-1.fi. I 15.04.88-15.04.89 kr. 1.680,77 i
"Innlausnarverð er höfuðstóll, vextir, vaxtavextir og verðbót.
Innlausn spariskírteinaríkissjóðsferfram í afgreiðslu
Seðlabanka íslands, Kalkofnsvegi 1, og liggja þar jafnframt frammi
nánari upplýsingar um skírteinin.
Reykjavík, mars 1988
SEÐLABANKIÍSLANDS