Tíminn - 29.04.1988, Blaðsíða 2

2 Tíminn
Föstudagur 29. apríl 1988
Ársskýrsla Byggðastofnunar:
38 fyrirtæki skulda
1,42 milljarða króna
Byggðastofnun hefur nú lagt fram ársskýrslu sína fyrir árið
1987, sem var annað heila starfsár stofnunarinnar.
í innganginum kemur fram að stofnunin telji að fólksflótti af
landsbyggðinni hafi haldið áfram á árinu og sú röskun sé
þjóðarbúinu mjög óhagkvæm og hættuleg. Bent er á að
stjórnvöld geti lagt atvinnuþróun landsbyggðarinnar lið án þess
að mismuna einum eða neinum.
Á árinu samþykkti stjórn stofn-
unarinnar 364 láns- og styrkum-
sóknir, hafnaði 91 en 38 umsóknir
féllu niður. Styrkir og lán námu
samtals 1.022 milljónum króna á
síðasta ári og voru 270 milljónir af
því ógreiddar í árslok.
Skuldunautar stofnunarinnar
voru um áramótin- 1.491 talsins.
Þar af skulduðu 38 fyrirtæki yfir 20
milljónir hvert, en alls 1.423,5
milljónir, eða 35,3% af heildar-
skuldunum. Flest þessara fyrir-
tækja eru í sjávarútvegi. Vanskil
við stofnunina jukust um 53% á
árinu.
Alls voru afskrifuð lán upp á
31,3 milljónir króna og átti stofn-
unin aðild að um 20 gjaldþrotamál-
um. Byggðastofnun gekk í ábyrgð
vegna tveggja lána á árinu og tvær
ábyrgðir voru í gildi frá fyrra ári.
Ábyrgðirnar námu samtals 74,3
milljónum króna.
Niðurstaða efnahagsreiknings
Byggðastofnunar var 4.621,7 millj-
ónir króna og hafði hún hækkað
um 25,6% á árinu. Eigið fé nam
1.374 milljónum og hafði það vaxið
um 29,6% á árinu.
Á árinu voru veitt lán til 114
aðila í sjávarútvegi, að upphæð
564 milljónir króna. Stærstu veit-
ingarnar voru til Hraðfrystihúss
Stokkseyrar, 37 milljónir, Hrað-
frystihúss Grundarfjarðar, 30
milljónir og KEA 25 milljónir. I
árslok voru skuldir sjávarútvegs-
fyrirtækja 64% af lánveitingum.
Byggðastofnun bendir á í árs-
skýrslunni, að auðlindanýting kalli
á vissa dreifingu byggðar, en
vinnsla afurða sé hagkvæmari á
fáum stöðum.
„Nauðsynlegt er að leita leiða til
að samræma þetta mismunandi
hagræði atvinnugreina, þannig að
búsetan verði í byggðarlögum sem
fá staðist til lengdar. Án þess
háttar stefnumörkunar mun sjávar-
útvegurinn í vaxandi mæli snúast
um að safna saman hráefni til
vinnslu erlendis. Ekki mun fást
nægilegt vinnuafl í landi til að
vinna þau störf sem vinna þarf,"
segir í inngangi skýrslunnar.
Stofnunin bendir loks á að nauð-
synlegt sé að byggja markvisst upp
framlag úr ríkissjóði til stofnunar-
innar, sem hægt sé að nota til
ýmissa verkefna á landsbyggðinni
sem hún telur nauðsynlegt að ráð-
ast í. Stofnuninni sé það óhægt um
vik, þar sem mjög mikill hluti
fjármagns hennar sé endurlánað
lánsfé og stjórnendurnir vilji ekki
ganga á höfuðstólinn. -SÓL
Unglingur úr Garðabæ gegn verkfallsverði:
Þumabrotið
kæit til RLR
Verkfallsvörðurinn, sem fingur-
brotnaði við verkfallsvörslu við
Kjötmiðstöðina í Garðabæ um há-
degisbilið á föstudag fyrir viku, hefur
kært atvikið til Rannsóknarlögreglu
ríkisins. Hann brotnaði á þumal-
fingri vinstri handar og telur að hann
hafi lent milli stafs og hurðar, þegar
hún skall aftur í áhlaupi unglinga á
verkfallsvörnina.
Stór hópur unglinga í Garðabæ
gerðist aðsópsmikill gegn verkfalls-
vörðum þennan dag. Unglingarnir
hreyttu ónotum í verkfallsverði,
hentu í þá plastpokum fylltum af
vatni og lögðust af fullum þunga á,
verðina, svo þeir urðu að forða sér
inn í anddyri verslunarinnar. Hrafn
Bachman, eigandi Kjötmiðstöðvar-
innar, gekk fram fyrir skjöldu og
baðst verkfallsvörslunni vægðar.
Unglingarnir létu segjast í bili, en
héldu uppteknum hætti stuttu síðar
og þá við bakdyrnar að Kjötmiðstöð-
inni. Þar mun slysið hafa átt sér stað.
Ekki er vitað hvaða unglingur úr
Garðabæ á sök, en málið er í
höndum RLR. þj
Framsóknarþingmenn:
Funda á
Suðurnesjum
Þingflokkur framsóknarmanna
fundar á fleiri stöðum en í Alþingis-
húsinu. Á miðvikudag héldu þing-
menn Framsóknarflokksins til
Suðumesja og héldu þingflokksfund
í Keflavík. Eftir þingflokksfundinn
ræddu þingmenn flokksins við trún-
aðarmenn Framsóknarflokksins á
Suðumesjum og kynntu sér enn
ítarlegar en áður sérmálefni Suður-
nesjamanna.
Núndu bekkingum var stefnt í félagsmiðstöðina Þróttheima í gær eins og aðrar félagsmiðstöðvar í Reykjavík.
IB Viðbúnaður við lok samræmdu prófanna:
Oflugra starf í
félagsmiðstöðvum
í gær luku 4.200 nemendur 9. bekkja grunnskólanna samræmdu
prófunum og var mikill viðbúnaður hjá ýmsum aðilum vegna þessa.
Eins og alþjóð er kunnugt, er venjulega mikið um drykkjuskap
daginn sem prófunum lýkur og flykkjast krakkarnir gjarnan í bæinn
og fagna próflokum.
í ár var ákveðið að reyna að
sporna við þessu og hafði Áslaug
Brynjólfsdóttir, fræðslustjóri í
Reykjavík, samband við félagsmið-
stöðvarnar og bað um að sérstakur
viðbúnaður yrði á stöðunum og
reynt að gera það sem í þeirra valdi
stæði til að fá krakkana þangað í
stað þess að fara í bæinn.
Félagsmiðstöðvarnar brugðust vel
við og var t.a.m. haldin árshátíð í
félagsmiðstöðinni Þróttheimum í
gær og var mikið um dýrðir. Einn
starfsmanna félagsmiðstöðvarinnar
sagði í samtali við Tímann í gær, að
árshátíðin hefði nú verið ákveðin
fyrirfram, en starfsfólkið hefði nú
lagt sig alla fram um að gera starf-
semina sem öflugasta í gærkvöldi,
með tilliti til prófloka.
Sömu sögu höfðu fleiri aðilar í
félagsmiðstöðvum að segja og voru
aðilar sammála um að reynt yrði til
hins ýtrasta að fá krakkana í hús í
gærkvöldi.
Lögreglan í Reykjavík hafði líka
sérstakan viðbúnað í gærkveldi og
vaktaði bæinn vel.
-SÓL
Gigt dýrasti sjúkdómurinn
„Hún Iæðist með veggjum en er skæð. Hún veldur örkumlum
en sjaldan dauða. Gigtin er dýrasti sjúkdómur á íslandi en um
leið sá afskiptasti í heilbrigðiskerflnu,“ segir í fréttatilkynningu
Gigtarfélags íslands.
Nýkjörin stjórn Gigtarfélagsins
hefur sett fram kröfu um að heild-
arskipulagi verði komið á varðandi
læknisþjónustu við gigtsjúka hér á
landi.
Þó félagar í Gigtarfélagi íslands
séu 2.200 talsins eru gigtsjúkir í
landinu ekki undir fimmtíu þús-
undum. Allur þessi fjöldi þjáist á
einn eða annan hátt dag hvern.
Vinnutapið er gífurlegt og örorku-
bætur og sjúkrapeningar sem gigt-
veikir fá eru margfalt meiri en það
fé sem veitt er í gigtlækningar.
Undir forystu Sveins Indriðason-
ar hefur Gigtarfélag íslands reist
gigtlækningastöð við Ármúla 5 í
Reykjavík. Þar starfa nú 4 sjúkra-
þjálfarar, 2 iðjuþjálfarar og 3 gigt-
arlæknar. Þar er unnið gott starf en
þessa heilsugæslu þarf að auka og
bæta, segir í fréttatilkynningunni.