Tíminn - 07.05.1988, Blaðsíða 16

16 Tíminn,
Laugardagur 7. maí 1988
Æ\
KENNARA-
HÁSKÓLI
ÍSL^NDS
Almennt kennara-
nám til B.Ed.-prófs
Umsóknarfrestur um þriggja ára almennt kennara-
nám viö Kennaraháskóla íslands er til 5. júní, en
dagana 14. og 15. júlí verðurtekið við viðbótarum-
sóknum. Áttatíu af hundraði væntanlegra kennara-
nema eru valdir úr hópi þeirra sem sækja um fyrir
5. júní. 120 nýnemar verða teknir inn í Kennara-
háskólann næsta haust. Inntaka nemenda er í
höndum sérstakrar nefndar sem starfar á vegum
skólaráðs. Hún byggir niðurstöður sínar á umsókn-
um og viðtölum við nemendur. Umsókninni skal
fylgja staðfest afrit af prófskírteinum. Umsækjend-
ur koma til viðtals í júní, þar sem þeim verður
gefinn kostur á að gera grein fyrir umsókn sinni.
Inntökuskilyrði eru stúdentspróf eða annað nám
sem skólaráð telur jafngilt.
Nánari upplýsingar ásamt umsóknareyðublöðum
fást á skrifstofu skólans, Stakkahlíð, 105 Reykja-
vík, sími 91-688700.
Rektor Kennaraháskóla íslands
Auglýsing
um verklegt próf í endurskoðun
Samkvæmt reglugerð nr. 208/1979, sbr. reglugerð
nr. 1/1980 verður haldið verklegt próf til löggilding-
ar til endurskoðunarstarfa og er áætlað að það
verði á tímabilinu frá 20.október til 10. nóvember
1986.
Þeir sem hyggjast þreyta prófraun sendi prófnefnd
löggiltra endurskoðenda, c/o fjármálaráðuneytið,
tilkynningu þar að lútandi fyrir 13. júlí n.k. Tilkynn-
ingunni skulu fylgja skilríki um að fullnægt sé
skilyrðum til að þreyta prófraun sbr. lög nr.
67/1976.
Prófnefndin mun boða til fundar með prófmönnum
í september n.k.
Reykjavík, 3. maí 1988
Prófnefnd löggiltra endurskoðenda
|5| Vinnuskóli
S|S Reykjavíkur
Vinnuskóli Reykjavíkurtekurtil starfa um mánaða-
mótin maí-jún í nk. í skólann verða teknir unglingar
fæddir 1973 og 1974 og voru nemendur í 7. og 8.
bekk grunnskóla Reykjavíkur skólaárið 1987-
1988.
Umsóknareyðublöð fást í Ráðningarstofu Reykja-
víkurborgar, Borgartúni 3, sími 622648 og skal
umsóknum skilað þangað fyrir 20. maí nk.
Þeir sem eiga nafnskírteini eða önnur skilríki,
vinsamlegast hafi þau með.
Vinnuskóli Reykjavíkur
III REYKJKIÍKURBORG III
H —__________________'*• **
'V S&uávi
Heimilishjálp
Starfsfólk vantar til starfa í hús Öryrkjabandalags
íslands í Hátúni.
Vinnutími 2-4 klst. eða eftir samkomulagi.
Upplýsingar í síma 18800.
ARNAÐ HEILLA
IIIIUIII
Jóhanna Kristjánsdóttir
Kirkjubóli í Bjarnadal
80 ára
Hún Jóhanna okkar á Kirkjubóli
er áttræð í dag 7. maí. Ekki er það
nú á henni að sjá, svo teinrétt og
grönn og virðuleg í fasi, lítur hún
ekki úr fyrir að vera degi eldri en 70
ára. Og í svip hennar er heiðríkja,
sem lýsir innri manni. Við kven-
félagskonur á Vestfjörðum eigum
Jóhönnu svo margt að þakka, hún
hefur um áratuga skeið verið í stjórn
Sambands vestfirskra kvenna. Og
fundarritari á sambandsfundum hef-
ur hún verið síðan 1963. Það var
einmitt fyrsti sambandsfundur sem
undirrituð sat sem fulltrúi fyrir
Kvenfélagið Hvöt í Hnífsdal. Ég tók
sérstaklcga eftir þessari konu, sem
þarna skipaði sæti fundarritara, og
jafnframt hafði hún framsögu þegar
tekið var fyrir að ræða áfengisvanda-
málið. En Jóhanna hefur alltaf verið
mikil bindindismanneskja og hvar-
vetna fylgt fram þeirri sannfæringu
sinni í ræðu og riti. Á þessum sama
fundi var henni einnig veitt viður-
kenning fyrir störf að garðyrkju- og
skógræktarmálum úr Verðlauna-
sjóði Kristins Guðlaugssonar frá
Núpi.
Það var því ekki undarlegt að eftir
þessari konu væri tekið. Þannig
hefur það líka alltaf verið. Jóhanna
hefur unnið sér áðdáun og hylli allra
fundarkvenna í S.V.K. æ síðan. Og
fundargerðirnar hennar eru svo lif-
andi og skemmtilegar og þess vand-
lega gætt að skrá allt vel og skil-
merkilega. Hún hefur verið fulltrúi
S.V.K. á landsþingum ogsótt Haust-
vökuK.Í. Og allt sem þarskeði flutti
hún okkur af sinni alkunnu frásagn-
argleði og klykkti þá gjarnan út með
ljóði.
Jóhanna er mjög vel máli farin svo
sem hún á kyn til, og á létt með að
kasta fram vísu, eins og bróðir
hennar, skáldið Guðmundur Ingi,
sem löngu er þjóðkunnur fyrir ljóð
sín og ritstörf önnur.
Jóhanna Guðríður Kristjánsdóttir
fæddist á Kirkjubóli í Bjarnadal.
Foreldrar hennar voru Kristján G.
Guðmundsson sem lést 1920 og
Bessabe Halldórsdóttir, búendur á
Kirkjubóli. Þau eignuðust 4 börn,
sem eru: Ólafur Þ. fyrrum skóla-
stjóri Flensborgarskóla, hann er
látinn, Guðmundur Ingi, skáld, Jóh-
anna og Halldór, fyrrum alþingis-
maður.
Jóhanna vann heimili móður sinn-
ar meðan hún var búandi á Kirkju-
bóli, eða til ársins 1944 en síðan bjó
hún með bróður sínum Guðmundi
Inga. Jóhanna hefur alltaf átt sitt
heimili á Kirkjubóli. Hún eignaðist
eina dóttur Kolfinnu Guðmunds-
dóttur 1. ágúst 1950, hún er hjúkrun-
arkona og býr á Patreksfirði og hjá
henni hefur Jóhanna stundum dval-
ist að vetrinum og notið samvista við
barnabörn sín.
Skólaganga Jóhönnu var eins og
gerðist í þá daga. Hún stundaði nám
í farskóla sveitarinnar veturna 1920-
1921 og 1921-1922. Og veturinn
1930-1931 var hún í Héraðsskólan-
um á Laugum í Reykjadal.
Jóhanna hefur mikinn áhuga á
íslensku máli og hefur mikið ritað til
Orðabókar Háskólans, einnig hefur
hún unnið fyrir Þjóðminjasafnið við
spurningaskrár þess um þjóðhætti
og handiðnir. Hún hefur líka skrifað
ritgerðir fyrir tímaritið Hugur og
hönd og greinar um dýralíf í Dýra-
verndarann. Jóhanna hefur sérstakt
yndi af hestum og hafði sérlega gott
lag á þeim. Á fyrri árum átti hún
góða reiðhesta, sem hún notaði sér
þegar tækifæri gafst.
Hún var ein af stofnendum Kven-
félags Mosvallahrepps og í stjórn
þess hefur hún verið frá stofnun þess
árið 1960, sem ritari og er enn. Ung
var hún að árum er hún gekk í
Ungmennafélagið Bifröst, þar var
hún 21 ár í stjórn, þar af ritari í 20
ár, eða 1928-1947. Af þessari upp-
talningu sést að starfskraftar og
hæfileikar Jóhönnu hafa hvarvetna
komið að miklum og góðum notum,
og hún alltaf fús að leggja sitt af
mörkum og vel það. En Jóhanna
hefur áhuga á fleiru en félagsstörfum
þó þau láti henni vel. Hún er mikil
hannyrðakona, vinnur íslensku ull-
ina alveg frá byrjun, tekur af kind-
inni, tekur síðan ofan af, kembir,
spinnur og prjónar. Laufaviðarvett-
lingarnir hennar bera henni fagurt
vitni um vandaða vinnu og listilegt
handbragð.
Og sá sem lítur heim að Kirkjubóli
í Bjarnadal og dáist að gróðrinum
sem þar er, lítur þar handaverk
Jóhönnu, það er eingöngu hennar
verk eða svo segja bræður hennar.
Kannski hafa þeir þó líka tekið til
hendi, ekki er það óhugsandi. Þá
hefur Jóhanna lagt mikið til málanna
í sambandi við garðrækt og skógrækt
innan Kvenfélagsins og Ungmenna-
félagsins, og unnið að gróðursetn-
ingu trjáplantna á hverju vori.
Það væri hægt að segja svo margt
fleira um hana Jóhönnu, en ég hugsa
að henni finnist nóg komið, hún
hefur aldrei verið gjörn á að flíka því
sem hún hefur verið að gera. Við
sem höfum starfað með henni í
Sambandi vestfirskra kvenna send-
urn henni hugheilar hamingjuóskir í
tilefni 80 ára afmælisins. Við þökk-
um henni samstarfið sem aldrei hef-
ur borið skugga á og vonum að við
fáum notið samvista við hana meðan
heilsa hennar leyfir. Kvenfélags-
hreyfingin á Vestfjörðum á hcnni
mikið að þakka, en ég veit líka að
Jóhanna ætlast ekki til þakklætis,
henni er það svo eðlilegt að leggja
fram krafta sína í þágu þeirra mál-
efna sem hún hefur áhuga fyrir. Hún
vinnur svo sannarlega í anda þess að
sælla er að gefa en þiggja.
Og við óskum Kvenfélagi Mos-
vallahrepps til hamingju með þá
gæfu að eiga slíka félagskonu. í dag
7. maí halda þær henni kaffisamsæti
í skólanum í Holti, og verður þar
örugglega margt um manninn.
F.h. Sambands vestfírskra kvenna
Jóna Valgerður Kristjánsdóttir,
formaður.
Páll Pampichler
Pálsson
Hann er fæddur í Graz í Austur-
ríki þann 9. maí 1928. Þar nam hann
tónlistarfræði með trompet sem
aðalhljóðfæri. Að námi loknu tók
hann að leika með óperuhljómsveit-
inni í Graz en síðsumars 1949 kom
fyrrum prófessor hans, dr. Franz
Mixa, að máli við hann og mælti með
því að hann færi um tíma til íslands
að leika með Sinfóníuhljómsveit ís-
lands og jafnframt að taka við stjórn
Lúðrasveitar Reykjavíkur.
Þessu boði tekur Páll en margt fer
öðruvísi en ætlað er því árin urðu
fleiri en tvö og hefur Páll starfað á
íslandi síðan. Snemma urðu menn
þess áskynja að hér var á ferðinni
mikill hæfileikamaður og voru hon-
um sífellt falin fleiri og viðameiri
störf.
Um tíma fór hann til Þýskalands
og jók við nám sitt í hljómsveitar-
stjórn, enda tók hann að stjórna
sinfóníunni og var um tíma aðal-
stjórnandi hennar en aðstoðar-
stjórnandi lengst af.
Árið 1964 tók hann við stjórn
Karlakórs Reykjavíkur og stjórnar
honum enn. Þar hefur hann unnið
sextugur 9. maí 1988
frábært starf sem við kórfélagarnir
kunnum vel að meta. Hefur árangur
kórsins á söngsviðinu einkennst af
snilld Páls og flest af því besta sem
kórinn hefur afrekað er Páli að
þakka.
Undir stjórn Páls hefur kórinn til
dæmis farið í 9 söngferðir um víða
veröld - til Bandaríkjanna og Kan-
ada, Sovétríkjanna, Kína, fsraels og
fjölmargra annarra landa. Erfitt, ef
ekki ómögulegt, væri að festa tölu á
fjölda þeirra tónleika sem kórinn
hefur staðið fyrir á fslandi undir
stjórn Páls. Undantekningarlaust
hefur kórnum verið vel tekið og
hefur orðstír kórsins stöðugt aukist
undir stjórn Páls. Nær 100 lög hefur
kórinn sungið inn á hljómplötur
undir hans stjórn og mörg hver í
útsetningu Páls en Páll hefur útsett
fjölmörg íslensk og erlend lög fyrir
karlakór sem karlakórar víða um
land hafa notið góðs af.
Snemma tók Páll að semja lög
fyrir kórinn og aðra og er ljóst að
hæfileikar hans á því sviði eru ekki
minni en með stjórnsprota fyrir
framan kór eða hljómsveit.
Karlakór Reykjavíkur árnar hon-
um alira heilla á þessum tímamótum
á ævi hans og þakkar honum hj artan-
lega fyrir samstarfið og fjölda
ánægjustunda.
Sverrir Einarsson