Tíminn - 09.06.1988, Blaðsíða 7
Fimmtudagur 9. júní 1988
Tíminn 7
Halldór Ásgrímsson, sjávarútvegsráðherra:
Verðlagsráð hættir
ekki störfum sínum
„Það er nú ekki mikið sem ég get gert í þessu máli.
Verðlagsráð er sá vettvangur sem notaður hefur verið
samkvæmt lögum til að fjalla um fiskverð. Þar hafa í
gegnum tíðina ávallt verið skiptar skoðanir. Þann tíma sem
ég hef komið qálægt þessum málum, hefur verðið oftast
verið ákveðið af fulltrúum seljenda og oddamanni, enda
hafa verið uppgangstímar í greininni.
Nú hefur verð fallið og því meiri
lfkur á að seljendur eigi erfiðara
með að sætta sig við þær staðreynd-
ir,“ sagði Halldór Ásgrímsson,
sjávarútvegsráðherra, í samtali við
Tímann í gær um þá upplausn sem
nú ríkir í Verðlagsráði sjávarút-
vegsins, eftir að sjómenn tóku þá
ákvörðun að taka ekki þátt í störf-
um þess, a.m.k. fram á haust.
„Oddamaður er skipaður sam-
kvæmt lögum, hann erekki fulltrúi
ríkisstjórnar og ég tel að það verði
ekki hjá því komist að það verði
einhver vettvangur sem fjalli um
fiskverð og tel það vera afar
óskynsamlegt af aðilum málsins að
hverfa frá þeim vettvangi, nema þá
að annar sé fundinn í staðinn,"1
sagði Halldór.
Hann sagði að Verðlagsráð yrði
að starfa áfram samkvæmt lögum
og þar hefði ekki orðið breyting á.
Hann sagði að eðlilega yrði mjög
Halldór Ásgrímsson, sjávarútvegs-
ráðherra.
erfitt fyrir það að starfa án þátttöku
allra málsaðila, en það verði hins
vegar að taka á málum í samræmi
við löggjöf. Hann persónulega væri
nú þannig gerður að honum fyndist
ekki nóg að finna að þeirri skipan
sem er starfandi og vera andvígur
henni þegar á móti blési án þess að
geta bent á aðra skipan í staðinn.
„Ég bendi á að kaupendur hefðu
eins getað sagt í gegnum árin að
það sé ekki ástæða fyrir þá að taka
þátt í þessu vegna þess að það hafa
verið teknar ákvarðanir á móti
þeim. Ég bendi jafnframt á að
kaupendur vildu ekki borga neina
fiskverðshækkun þegar byrjað var
að tala um þessi mál. Oddamaður
rcynir að ná sem mestum sáttum
og stuðla að því að það sé tekið
tillit tii beggja sjónarmiða. Ef selj-
endur heíðu ekki átt aðild að
umræðum um fiskverðsákvörðun,
þá er líklegra að það væri þeim
rneira í óhag en niðurstaðan varð.
Ef sjómenn vilja ekki taka þátt í
þessu starfi, þá eru engar líkur á að
þeir geti haft mikil áhrif á niður-
stöðuna, þannig að ég harma þessa
afstöðu sjómanna og tel hana
óskynsamlega. Ég skil samt mjög
vel að það er erfitt fyrir þá að sætta
sig við minni hækkanir en aðrir
hafa fengið, en það tel ég vera
annað mál og óskylt aðildinni að
Verðlagsráði. Ráðið verður að
starfa áfram nema lögum sé breytt
og ég get ekki séð að undan því
verðivikist,“sagðiHalldór. -SOL
Starfsfólk Ölduselsskóla mótmælir
setningu Sjafnar í embætti skólastjóra:
Álit okkar
fótum troðið
Birgir ísleifur Gunnarsson menntamálaráðherra hefur sett
Sjöfn Sigurbjörnsdóttur skólastjóra Ölduselsskóla frá 1.
ágúst eins og greint var frá í Tímanum í gær. Deilt hefur verið
um ráðningu í stöðuna en Daníel Gunnarsson yfirkennari
skólans sótti einnig um skólastjórastöðuna. Þó svo að ráðning
hafi farið fram virðast eftirmálar ætla að verða og komu
kennarar og annað starfsfólk Ölduselsskóla saman til fundar
í gærmorgun.
f ályktun sem starfsfólkið sam-
þykkti er setning Sjafnar Sigur-
björnsdóttur í embætti skólastjóra
ölduselsskóla, þvert á vilja starfs-
fólks skólans og foreldra, harðlega
mótmælt. í ályktuninni segir enn-
fremur að á undanförnum árum hafi
þeirri skoðun vaxið fylgi að skólar
fengju aukið sjálfstæði í starfi. Jafn-
framt hafi verið lögð rík áhersla á
samstarf heimila og skóla og því sé
það álit fundarins að setning Sjafnar
í embættið gangi þvert á þessa
stefnu. „Enn hafa ekki komið fram
nein gild rök sem réttlæta ákvörðun
menntamálaráðherra. Við erum
óánægð, okkur finnst álit okkar og
sannfæring hafa verið fótum troðin,"
segir í ályktuninni.
Jósefína Friðriksdóttir, kennari í
Ölduselsskóla, sagði aðspurð í sam-
tali við Tímann skömmu eftir fund
starfsfólksins í gærmorgun að bæði
uppsagnir og annars konar aðgerðir
hefðu komið til umræðu. „Við erum
mjög ósátt með að þurfa, ef til
kemur, að grípa til slíkra hluta,“
sagði Jósefína.
Ingibjörg Sigurvinsdóttir sem sæti
á í fulltrúaráði Foreldrafélags Öldu-
selsskóla sagði að stöðuveitingin ætti
eftir að koma til umræðu hjá félag-
inu. „Við töldum að tekið yrði tillit
til okkar óska í þessu sambandi,"
sagði Ingibjörg.
Birgir ísleifur Gunnarsson
menntamálaráðherra sagði að hann
byggði mat sitt á umsækjendum í
fyrsta lagi á því, hvaða aðferð eigi að
nota við veitingu í svona stöðu.
„Grunnskólalögin gera ráð fyrir
því að ráðherra veiti skólastjóra-
stöður við grunnskóla að fengnum
tillögum skólanefndar, í þessu tilviki
Fræðsluráðs og fræðslustjóra. „Það
er mat okkar hér í ráðuneytinu að
Sjöfn hafi meiri reynslu bæði í
kennslu og fjölþættari menntunar-
bakgrunn," sagði Birgir ísleifur.
Hvað varðar undirskriftalista for-
eldra og kennara til stuðnings Daní-
el, sagði menntamálaráðherra að
eitt af grundvallarréttindum opin-
berra starfsmanna sé að allar slíkar
stöður séu auglýstar og við mat á
stöðum sitji umsækjendur við sama
borð. { undirskriftasöfnun sitja þeir
ekki við sama borð, sagði ráðherra,
og undirskriftasöfnun er ekki sú
aðferð sem okkar stjórnkerfi gerir
ráð fyrir að ráði í slíkum tilvikum.
„Ég vil leggja áherslu á núna eftir
að þessi ákvörðun hefur verið tekin
að menn taki höndum saman með
nýjum skólastjóra, að undirbúa
skólastarf að hausti og efla það
skóastarf sem þarna hefur verið
ræktað," sagði Birgir.
„Ég veit ekki hvað skal segja,
hefur það nokkuð upp á sig,“ sagði
Daníel Gunnarsson í samtali við
Tímann, eftir að niðurstaða mennta-
málaráðherra lá fyrir. „Ég sæki um
þessa skólastjórastöðu hvattur af
nemendum, foreldrum, samstarfs-
mönnum mínum innan skólans og
fráfarandi skólastjóra," sagði Daní-
el.
Aðspurður hvort hann héldi áfram
störfum við skólann, sagði Daníel
að sér fyndist það algjört aukaatriði
í þessu máli, „aðalatriðið er að mér
finnst vegið að þeirri stefnu og því
starfi sem við höfum unnið hérna.
Mér finnst foreldrunum, nemendun-
um og kennurunum misboðið".
Ekki náðist í Sjöfn Sigurbjörns-
dóttur þar sem hún er stödd erlendis.
-ABÓ
Ölduselsskóli í Reykjavík. Tímamynd: Gunnar
Auglýsing frá stuðningsmönnum
Vigdísar Finnbogadóttur, forseta íslands
Eins og komiö hefur fram í fjölmiðlum hafa stuðningsmenn
Vigdísar Finnbogadóttur, opnað bækistöðvar að Garðastræti 17,
3. hæð og verða þar til aðstoðar við kjósendur alla daga frá kl. 10
til 19.
Hjá okkur mun liggja frammi kjörskrá, upplýsingar verða veittar um
atkvæðagreiðslu erlendis og önnur vafaatriði er kunna að koma
upp.
Nú gefst þjóðinni tækifæri til að sýna
forseta sínum stuðning og þakklæti fyrir
framúrskarandi vel unnin störf í þágu
lands og þjóðar undanfarin átta ár.
í forsvari fyrir stuðningsmenn eru:
Svanhildur Halldórsdóttir,
Anna Sigríður Gunnarsdóttir,
Gunnar Sigurðsson,
Jón Bjarman, (fjölmiðlar)
Tómas Zoéga