Tíminn - 27.10.1988, Blaðsíða 12
12 Tíminn
Fimmtudagur 27. október 1988
llllllllllllllllllllll ÚTLÖND lllllllllllllllllllllllllllllllllllllllllll
Hermenn Rauða hersins á undanhaldinu í upphafi seinni heimstyrjaldar:
Fjöldamorð í Litháen
Rauði herinn framdi (jöldamorð í grennd bæjarins Tyelshyai í Litháen 24. júní 1941.
Hermenn úr Rauða hernum, á
undanhaldi undan hernámsliði Þjóð-
verja í Litháen í síðari heimsstyrjöld,
pyntuðu og tóku af lífi 73 pólitíska
fanga og grófu limlest líkin í skógi,
segir nú í sovésku dagblaði.
Að sögn blaðsins Sovietskaya
Litva, sem gefið er út af Kommún-
istaflokki Litháens, framdi hersveit
■ Rauða hernum fjöidamorðið í
grennd bæjarins Tyelshyai aðfara-
nótt 24. júní 1941.
Þó að nú ríki „glasnast" í sovéskri
blaðamennsku hefur ekki til þessa
tíðkast að bera beinar sakir á her-
sveitir úr Rauða hernum og minning-
ar um hlutverk hersins og afrek í
styrjöldinni eru enn friðhelgar.
í blaðinu sl. föstudag, sem barst
ekki til Moskvu fyrr en í gær, sagði
að fangelsisverðir og hermenn hefðu
valið pólitísku fangana úr hópi fanga
í fangelsi bæjarins, bundið þá og
keflað og fært þá á brott. Þar er líka
sagt að sovésku hermennirnir, sem
hefðu verið í þann veginn að yfirgefa
svæðið, hefðu verið undir stjórn
„Dontsovs majórs og Yermolayevs
kafteins".
Fjórum dögurn síðar, þegar her-
mennirnir hefðu hörfað brott og
svæðið var komið undir hernám
Þjóðverja, hefðu gyðingar, búsettir
á staðnum, grafið upp líkin 73 að
skipun lögreglu. Hundruð þessara
gyðinga voru síðar skotnir, segir í
greininni.
„Byssukúlur voru aðeins í fáum
líkanna. Af því sem næst öllum
höfðu kynfærin verið skorin af. Það
var augljóst að þeir voru að reyna að
spara byssukúlurnar. Þeir notuðu
byssustingi, járnstengur, axir og
hermannastígvél," segir blaðið.
Þessar upplýsingar eru meðal
þeirra uppljóstrana um kúgun undir
stjórn Jósefs Stalíns, sem hafa skotið
upp kollinum eftir að Míkhail Gor-
batsjov hvatti til að fyllt yrði upp í
„auða kafla“ í sögu Sovétríkjanna.
Þriðji ársfjórðungur í Bandaríkjunum:
Hagvöxtur í
2,2 prósent
Þessi skýrsla gæti dregið eitthvað
úr vinsældum George Bush, forseta-
frambjóðanda repúblikana, sem hef-
ur vísað til góðrar stöðu efnahags
Bandaríkjartna sem góðrar ástæðu
til að kjósendur ættu ekki að taka
neina áhættu með óreynda stefnu
Michaels Dukakis.
Um tæpra sex ára skeið hefur
hagvöxtur Bandaríkjanna sífellt ver-
ið að eflast og er svo langt tímabil
óslitins vaxtar efnahagslífsins
óþekktur annars á friðartímum. Auk
þess hefur atvinnuleysi ekki verið
minna undanfarin 14 ár.
En demókratar halda því fram að
þessi árangur hafi náðst með geysi-
legri skuldasöfnun sem hafi gert það
að verkum að staða Bandaríkjanna
undir stjórn Ronalds Reagans, hafi
breyst frá því að vera stærsti lána-
drottinn heims í það að verða skuld-
ugasta ríki heimsins.
Hagvöxtur í Bandaríkjunum var
ekki nema 2,2% á mánuðunum
júlí-september og hefur dregið úr
honum frá öðrum ársfjórðungi, en
þá var hann 3%.
Bandaríska viðskiptaráðuneytið
gaf út tilkynningu þessa efnis í gær.
Þar kom ennfremur fram að þjóðar-
framleiðslan, heildarframleiðsla á
vörum og þjónustu, hefði orðið
0,6% meiri ef þurrkarnir fyrri hluta
sumars hefðu ekki dregið úr fram-
leiðslu landbúnaðarvara.
Þrátt fyrir að mátt hefði greina
merki þess að hagvöxturinn yrði
hægari á þriðja ársfjórðungi höfðu
hagfræðingar í Wall Street gert sér
vonir um að vöxturinn yrði a.m.k.
3%.
Hagvöxturinn á síðasta fjórðungi
ársins yrði að verða a.m.k. 3.4% ef
markmið Reagans ætti að nást um
3.0% aukningu yfir allt árið.
Umhverfisnefnd Norðurlandaráös:
Gagnrýnir til-
lögur ráðherra
Umhverfisnefnd Norðurlanda-
ráðs hefur harðlega gagnrýnt ráð-
Ein í risaþotu
Einungis einn farþegi var um
borð í risaþotu British Airways,
er flaug frá Tokyo til London í
gær. Japanska konan, sem upp-
lifði þetta gat valið um 353 sæti
og sex kvikmyndir.
Ástæður þessa sérstaka flugs,
sögðu talsmenn BA vera að ris-
aþotunni, af gerðinni Boeing 747
Jumbo, seinkaði á þriðjudags-
kvöld. Farþegar sem áttu bókað
með vélinni, fengu sæti með öðr-
um vélum, utan konan sem flaug
ein með vélinni.
herra Norðurlandanna, sem fara
með umhverfismál, fyrir að geta
ekki ákveðið hvernig taka eigi á
mengun eigin hafsvæða. Nefndar-
rnenn sögðu jafnframt að endur-
skoða verði tillögur og áætlanir ráð-
herranna, hvað þennan málaflokk
varðar.
Á fréttamannafundi í Osló talaði
fulltrúi Danmerkur um álætlunina
sem málamyndun. Hún innihaldi
hvorki takmarkanir hvað varðar los-
un á iðnaðar- og landbúnaðarúrg-
angi, né ákveðin tímamörk. Norskur
fulltrúi tók í sama streng og lagði
áherslu á að tíminn væri naumur.
Ákveðinna aðgerða væri þörf og því
hefði nefndin ákveðið að hafna til-
lögum ráðherranna.
Loftárásir ísraels-
manna í Suður-Líbanon
í gær gerðu ísraelskar herflugvélar
loftárás á búðir skæruliðahreyfingar-
innar Fatah sem er stjórnað af
Arafat leiðtoga PLO.
Skæruliðabúðirnar eru staðsettar
innan flóttamannabúða Palestínu-
manna tæpa 40 kílómetra suður af
Beirút. Að sögn sjónarvotta létust
fjórir og 18 særðust. Við árásina
braust út eldur í flóttamannabúðun-
um og skemmdir urðu miklar, en
íbúar búðanna leituðu skjóls í hreys-
um sínum.
Loftárásin er sú þriðja sem ísraels-
menn gera á fimm dögum, samtals
hafa 13 látist og 59 særst í þessum
árásum.
Fréttaskýrendur telja að þessar
árásir ísraelsmanna séu hefndarráð-
stafanir. Fyrsta árásin sem gerð var
síðastliðinn föstudag er talin vera í
beinum tengslum við sjálfsmorðs-
árás sem leiddi til dauða átta ísra-
elskra hermanna í Suður-Líbanon í
síðustu viku. Á mánudag lýsti Fatah
hreyfingin yfir ábyrgð sinni á árásar-
ferð sjö skæruliða inn í norðurhluta
ísraels þar sem þeir reyndu að taka
gísla í þvt' markmiði að þvinga
stjórnvöld í ísrael til að láta lausa
palestínska fanga. Ferð sjömenning-
anna mistókst og voru þeir hand-
teknir.
Filippseyjar:
Fellibylur gengur yfir
Síðastliðinn mánudag gekk mik-
ill fellibylur yfir Filippseyjar, sá
sautjándi á þessu ári. Áquino for-
seti lýsti yfir neyðarástandi í höfuð-
borginni Manila og fimm öðrum
landsvæðum eftir að í Ijós kom að
yfir eitt hundrað höfðu farist í
flóðum og um hundrað þúsund
orðið heimilislausir. Líklegt er tal-
ið að þessar tölur eigi eftir að
hækka þegar skýrslur berast frá
afskekktari svæðum.
í óveðrinu fórst ferjan Dona
Marilyn. Farþegar eru taldir hafa
verið 518, jafnvel fleiri, nú þegar
hefur verið staðfest að 27 hafi látist
og enn er yfir 300 saknað. Aquino
forseti hefur fyrirskipað ítarlega
rannsókn á ferjuslysinu, en þetta
er í annað sinn á tíu mánuðum sem
ferja ferst á þessum slóðum. Fyrra
ferjuslysið varð þegar ferjan Dona
Paz fórst eftir árekstur við olíu-
flutningaskip, en þá fórust 2500