Tíminn - 25.11.1988, Síða 13

Föstudagur 25. nóvember 1988
Tíminn 13
llllllllllllilllllllllllllll ÚTLÖND llllillllllllllllllililllllllllllllllillllllllillllllllll
Beðið um regn
í Bangladesh!
Fyrir tveimur mánuðum óðu Bangladeshbúar vatn upp í axlir. Nú biðja þeir
um rigningu vegna vatnsleysis.
Ástandið er ýmist í ökkla
eða eyra í hinu síhrjáða landi
Bangladesh. Fyrir tveimur
mánuðum var axladjúpt vatn
yfir stórum hluta þessa lands
vegna storma og mikilla rign-
inga. Nú liggja landsmenn á
bæn og biðja um rigningu.
Flóðin fyrir tveimur mánuðum
kostuðu þúsundir landsmanna lífið
og rústuðu bágan efnahag landsins,
enda eru flóðin talin þau mestu í
sögu landsins. En nú er það þorstinn
sem hrjáir fólkið.
„Við erum að klára síðustu vatns-
dropana því það hefur ekkert rignt,“
sagði Subodh Bhandari sem er bóndi
í þorpinu Haludbunia en það er á
ströndinni 400 km suðvestur af
Dhaka. Það eru einmitt strandhér-
uðin sem verst fara út úr regnleysinu,
en þau fóru einnig verst út úr
flóðunum.
Það vatn sem fáanlegt er á þessum
slóðum er brimsalt og ódrekkandi.
Ekki er hægt að dæla upp ferskvatni
vegna þess hve sendinn jarðvegurinn
er, svo eina leiðin til að fá drykkjar-
vatn er að safna regnvatni. Þorpsbú-
ar safna venjulega vatni á regntím-
anum, en þá vantar ekki úrkomuna.
Regnvatnið er sfðan geymt til
þurrkatíma í leirgámum undir yfir-
borði jarðar. Flóðin í haust eyði-
lögðu flesta þessa vatnsgeyma.
„Erfiðleikar okkar hafa aukist því
sama og ekkert hefur rignt frá því
flóðin rénuðu. Engin úrkoma þýðir
ekkert drykkjarvatn," segir Bhand-
ari. ,
Flóðin í haust eyðilögðu vegakerf-
ið í strandhéruðunum svo ekki er
hægt að flytja vatn með tankbílum
frá nærliggjandi svæðum þar sem
vatn er að finna. Hins vegar senda
ættingjar hinna illa stöddu vatn í
plastbrúsum til vatnslausu þorp-
anna. „En hvernig er hægt að svala
þorsta þúsunda manna með því að
senda vatn á flöskum þegar vatns-
þörfin er milljónir lítra á degi
hverjum?“ spyrja þorpsbúar sig og
aðra þessa dagana.
Neyðarástand
Neyðarástandi og útgöngubanni
hefur verið lýst yfir í Baku höfuð-
borg Azerbaijan í kjölfar kynþátta-
óeirða Azera og Armena sem kostað
hafa þrjá hermenn lífið. Vopnaðir
hermenn og brynvarðar bifreiðar
gæta þess að allt sé með felldu á
götum borgarinnar. Útgöngubannið
gildir frá því klukkan tíu að kvöldi
til fimm að morgni.
Um það bil 400 þúsund manns
tóku þátt í mótmælaaðgerðum í
Baku gegn Armenum í síðustu viku
eftir að ungur Azeri var dæmdur til
dauða fyrir aðild að morðum á sjö
Armenum í borginni Sumgait í febr-
úarmánuði, en þá létu 32 menn lífið
í kynþáttaóeirðum, flestir Armenar.
Neyðarástandi var lýst yfir í hér-
uðunum Kirovobad og Nakhichevan
íBaku
þriðj udaginn eftir að múslímskir Az-
erar og kristnir Armenar lentu í
átökum. Þau átök kostuðu hermenn-
ina þrjá lífið og á annað hundrað
slasaða.
Hermenn gæta nú heimila Arm-
ena víðs vegar um Azerbaijan til að
koma í veg fyrir aðsúg að þeim, en
Armenar eru í miklum minnihluta í
héraðinu.
115 Thailendingar
farast í flóðum
Að minnsta kosti 115 manns hafa
látið lífið í flóðum og skriðuföllum í
suðurhluta Thailands, en þar hafa
miklar rigningar gengið yfir undan-
farna daga. Verst er ástandið í Lan
Saka héraði og í Nakhon Si Tham-
marat héraði. Þar er 180 manns
saknað og hefir 81 lík verið grafið
upp úr leðjunni eftir að aurskriður
hafa fallið á þorp. í Nakon Shi
Thammarat grófust 45 manns í einu
þegar aurskriður féllu.
Samgöngur og símsamband er í
rúst á þessum slóðum vegna flóð-
anna og hafa hundruð húsa flotið á
brott í mörgum þorpum. Fólk hefur
leitað upp á þök húsa sinna í von um
björgun með þyrlum. Hundruð
manna hafa bjargast á þann hátt, en
ljóst er að margir hafa drukknað þar
sem björgunarþyrlur hafa komið of
seint á staðinn.
Tuttugu og fjórir drukknuðu í
Sonkhla héraði og tíu í Yala, en
flóðin þar eru þau verstu í tíu ár.
Þá er ferðamannaeyjan Koh Samui
algerlega einangruð frá umheimin-
um.
Enbættismenn telja að ekkert lát
verði á flóðunum og að ástand kunni
að versna í ýmsum hlutum landsins
þar sem enn rignir og von er á
miklum stormi af hafi.
Filippseyjar:
MORÐÁRÁS
Á KAPELLU
Moröóöir byssumenn réðust inn í þéttsetna kapellu á
Filippseyjum í gær og skutu á allt kvikt. Sautján manns
lágu dauðir eftir í valnum og tólf særðir. Meðal hinna föllnu
voru gamalmenni og börn á aldrinum tveggja til níu ára.
Ekki er vitað hverjir byssumennirnir voru, en skæruiiðar
kommúnista eru sterklega grunaðir um ódæðið.
„Fólkið í kapellunni öskraði og
grét. Ég kastaði steinum að byssu-
mönnunum og þegar ég hafði ekki
fleiri steina lagðist ég flatur á
jörðina," sagði hinn 27 ára bóndi
Jose Canillo þar sem hann lá
særður á sjúkrahúsi cftir árásina.
Stjórnarherinn segist ekki hafa
neina vísbendingu hverjir árásar-
mennirnir eru en grunaðir skæru-
liðar kommúnista hefðu vcrið
færðir til yftrheyrslu vegna íirásar-
innar.
Canillo sagði skæruliða reiða út
í þorpsbúa þar sem þeir hefðu
neitað samvinnu við kommúnista.
Taldi hann líkur á að sú væri
ástæðan fyrir árásinni.
BÆKUR
Bókaútgáfan Hildur:
Bárusog
eftir Bergsvein Skúlason
Eins og í fyrri bókum
Bergsveins er í þessri bók að finna
fjölbreyttan fróðleik um líf og störf
þess fólks sem byggði eyjar og
strendur Breiðafjarðar á liðinni
tíð. í bókinni leitar hinn aldni
sagnamaður, sem nú er nær
níræður að aldri, víða fanga og
öruggt er að efni hennar er
kærkomið öllum þeim sem unna
þjóðlegum fróðleik.
Bókaútgáfan Hildi:
Sporðdrekar í
Monte Carlo
eftir Ib H. Cavling
Bækur Cavling hafa um langa
hríð notið vaxandi vinsælda
lesenda og óhætt er að segja að
þessi nýjasta bók Cavling sem
kemur út á íslensku sé
einstaklega viðburðarík og
spennandi.
Alveg milljón
- eftir Andrés Indriðason
Mál og menning hefur gefið út
nýja unglingabók, ALVEG
MILLJÓN, eftir hinn vinsæla
höfund, Andrés Indriðason.
Sagan er um 14 ára strák sem
s verður vitni að ráni á
Laugaveginum. Hann hikar við að
láta lögguna vita og tekur málin í
sínar hendur þegar hann kemst á
slóð ræningjanna. Sagt er frá
átökum stráksins við skúrkana en
jafnframt kemur skólalífið og
fjölskyldan við sögu og síðast en
ekki síst vinkona sem hann
eignast óvænt.
Bókin er 190 blaðsíður, unnin i
Prentsmiðjunni Odda. Kápumynd
gerði Brian Pilkington.
BILALEIGA
meö utibú allt í kringurri
landiö, gera þér mögulegt
aö leigja bíl á einum staö
og skila honum á öörum.
Reykjavík
91-31615/31815
Akureyri
96-21715/23515
Pöntum bíla eriendis
interRent
Bílaleiga Akureyrar
Félag framsóknarkvenna í Reykjavík
Komið og bakið með okkur laufabrauð fyrir basarinn laugardaginn 26.
nóvember kl. 13.30 að Nóatúni 21.
Mætið velog hafið með ykkur áhöld.
Stjórnin
Akranes
Fundur um bæjarmálefni verður haldinn í Framsóknarhúsinu laugar-
daginn 26. nóv, kl. 10.30.
Bæjarfulltrúarnir mæta á fundinn.
Fulltrúaráðið