Tíminn - 03.02.1989, Page 3

Föstudagur 3. febrúar 1989
Tíminn 3
Fangelsismálastofnun hefur
starfað einn mánuð:
BRÝN ÞÖRF
ÁÚTTEKTÁ
FANGELSUM
Við eftirgrennslanir Tímans kom í Ijós að engin töluleg
heOdarúttekt hefur verið gerð á stöðu fangelsismála hér á landi,
tíl dæmis með tilliti tíl þess hvaða þörf er fyrir hendi varðandi
húsnæði og hver framtíðarskipan þessara mála eigi að vera.
Nefnd sem skipuð var af Alþingi
1982 átti að gera úttekt á stöðu
fangelsismála samkvæmt þingsálykt-
unartillögu frá 20. apríl 1982 þar sem
segir að sjö manna nefnd skipuð af
Alþingi skuli gera úttekt á fangelsis-
málum og endurskoða iög og reglur
þar að lútandi. Á grundvelli þeirrar
úttektar átti nefndin að skila áliti
jafnóðum, um stöðu fangelsismála og
gera tillögur um brýnar úrbætur í
þeim efnum. Nefndarstarfið skilaði af
sér frumvarpi til laga sem síðar var
samþykkt frá Alþingi sem lög um
fangelsi og fangavist nr. 48 frá 1988. í
þeim lögum var ákveðið að koma á
fót Fangelsismálastofnun nkisins.
Stofnunin tók til starfa 1. janúar
síðastliðinn.
Tíminn hafði samband við Harald
Johannessen forstöðumann Fangels-
ismálastofnunar ríkisins og sagði hann
að honum væri ekki kunnugt um að
nefndin hafi gert þá úttekt sem fjallað
var um í þingsályktunartillögunni.
Haraldur sagði jafnframt: „Eg get
alveg tekið undir að það væri brýnt að
fá slíka úttekt og tillögur um brýnar
úrbætur, sérstaklega þá áætlun um
æskilega framtíðarskipan þessara
mála á íslandi."
Haraldur sagði að lagalega séð væri
það ekki hlutverk Fangelsisstofnunar-
innar að gera slíka úttekt enda hefði
stofnunin ekki það fjármagn sem
þyrfti til þess.
Hlutverk Fangelsisstofnunar ríkis-
ins er skilgreint í fyrmefndum lögum
frá 1988. Þar segir að stofnunin skuli
annast daglega yfirstjóm á rekstri
fangelsa, sjá um fullnustu refsidóma,
annast eftirlit með þeim þar sem
frestað er að ákæra, dæmdir em
skilorðsbundið, fá skilorðsbundna
reynslulausn, náðun eða frestun af-
plánunar. Stofnunin á einnig að sjá
um félagslega þjónustu við fanga og
þá sem taldir vom upp hér að framan.
Að auki sér stofnunin um að í
fangelsum sé veitt sérhæfð þjónusta,
svo sem prestsþjónusta og heilbrigðis-
þjónusta.
Haraldur sagði að með stofnuninni
hefði verið sameinuð ýmis starfsemi
sem var fyrir en var nú sett undir eina
og sömu stjóm. „Með tilkomu stofn-
unarinnar verður einnig sú meginb-
reyting að til kemur sá þáttur er lýtur
að félagslegri þjónustu við fanga. Við
stofnunina starfar svokölluð félags-
máladeild þar sem starfar afbrotaf-
ræðingur, sálfræðingur og félagsráð-
gjafi.“
í mars n.k. verður opnað nýtt
fangelsi við Kópavogsbraut 17 þar
sem bæði karlar og konur verða
vistaðir. Ekki liggur enn fyrir hvemig
skipulagið í því fangelsi verður ná-
kvæmlega, en Haraldur sagði að gert
væri ráð fyrir að það fangelsi yrði
opnara en önnur sem fyrir væm.
Aðspurður um hvort ekki væri
skortur á húsnæði undir fangelsi þrátt
fyrir þessa viðbót sagði Haraldur:
„Við emm bæði með gömul hús og
ekki nægjanlegt pláss eins og staðan
er í dag. Ég hef ekki séð nein plön um
að það standi fyrir dymm að byggja
nýtt fangelsi. Við emm í dag með
mjög þétt setin fangelsi og vonandi
verður fangelsið í Kópavoginum til
þess að taka af mesta þrýstingjnn.“
Aðspurður sagðist Haraldur ekki
geta áætlað hvað mörg viðbótarpláss
þyrfti til að þessi mál kæmust í
æskilegt horf. SSH
NÝJUSTU FRÉTTIR
AF METSÖIUBÓKINNI
í LANDSBANKANUM:
RAUNAVOXTUN KJORBOKAR
VAR FRÁ 8,57%
Á ÁRINU 1988
Já, það kemurmörgum á óvart að óbundin ávöxtunarleið
eins og Kjörbók skuli bera slíka raunávöxtun.
En ástæðan er samt einföld.
Kjörbókin er sveigjanleg í allar áttir og höfundar hennar
í Landsbankanum taka sífellt með í reikninginn
breytilegar aðstæður. Þannig ber Kjörbók
háa grunnvexti, ávöxtunin er reglulega borin saman
við verðtryggða reikninga og þeir sem eiga lengi inni
eru verðlaunaðir sérstaklega með afturvirkum
vaxtaþrepum eftir 16 og 24 mánuði.
Raunávöxtun Kjörbókar árið 1988 var 8,57%.
Þeir sem átt höfðu innstæðu óhreyfða í 16 mánuði fengu
9,92% raunávöxtun á árinu og 24 mánaða óhreyfð
innstæða gaf 10,49% raunávöxtun á sama tíma.
Þér er óhætt að leggja traust þitt og sparifé
á Kjörbókina strax. Hún bregst ekki frekar en fyrri daginn.
Landsbanki
íslands
Banki allra landsmanna