Tíminn - 03.02.1989, Blaðsíða 4

4 Tíminn
Yfirlýsing frá Arnarflugi varðandi afskipti Flugráðs:
Dæmi um hlutdrægni
Flugleiðamannanna
Lending Arnarflugsþotunnar á Keflavíkurflugvelli síðast-
liðið föstudagskvöld hefur vakið athygli, því á sama tíma
hættu þrjár Flugleiðaþotur við að lenda vegna veðurskilyrða.
Mál þetta var lagt fram í Flugráði s.l. þriðjudag og óskaði
ráðið eftir rannsókn þess en þá var upplýst að rannsókn væri
þegar hafin hjá loftferðaeftirlitinu.
Arnarflugsmenn telja að þessi
vinnubrögð ráðsins sé dæmi um
hlutdrægni Flugleiðamanna í Flug-
ráði og með þessu sé verið að skapa
Arnarflugi ávirðingar.
Vegna þessa atviks og fréttaflutn-
ings fjölmiðla í kjölfar þess hefur
Arnarflug sent frá sér yfirlýsingu,
þar sem því er vísað á bug að
Arnarflug hafi með lendingunni sýnt
ógát í flugi. Yfirlýsingin er á þessa
leið: „Flugstjórinn í umræddu
flugi er einn af okkar reyndustu og
vandvirkustu flugmönnum. Hefur
hann sem slíkur verið yfirflugstjóri
félagsins s.l. tvö ár og haft yfirum-
sjón með þjálfun annarra áhafna.
Samkvæmt gögnum og rannsókn
á umræddu flugi var farið eftir öllum
settum reglum og fyllstu nákvæmni
gætt í allri framkvæmd. Svo sem
það, að flugvélin hafði yfrið nóg af
eldsneyti til þess að fljúga til Skot-
lands þótt aðflug yrði reynt.
Skyggni úr lofti var breytilegt á
þessum tíma vegna éljagangs og í
aðflugi sást flugbrautin úr 700 feta
hæð, var flugvélin þá í réttu aðflugi
auk þess sem fylgst var með ferðum
hennar á aðflugsradar.
Arnarflugi þykir mjög miður, að
fréttaflutningur sem þessi, skuli eiga
sér stað einmitt þegar óvissa ríkir
um afkomu þess og hefði frétta-
mönnum verið hæg heimatökin að fá
réttar upplýsingar frá fyrstu hendi.
Einnig þykja okkur vinnubrögð
flugmanna Flugleiða, sem lögðu
fram beiðni sína til flugráðs um
rannsókn í mörgum liðum, nokkuð
óstéttvís þar sem þeir hefðu einnig
getað fengið réttar upplýsingar frá
flugmönnum Arnarflugs og þar með
komist hjá því að þyrla upp þessu
moldviðri.
Fetta lítur út sem enn eitt dæmi
um hlutdrægni Flugleiðamanna í
Flugráði, sem beinist gegn hagsmun-
um Arnarflugs."
Tíminn hafði samband við Þor-
stein Þorsteinsson, deildarstjóra
flugrekstrarsviðs hjá Arnarflugi, og
innti hann nánar eftir því hversvegna
þeim mislíkaði svo við vinnubrögð
Flugráðs. Þorsteinn sagði að Arnar-
flug væri alls ekki á móti því að
Loftferðaeftirlitið rannsakaði þetta
mál enda væri þar gætt trúnaðar.
„Það sem okkur líkar ekki eru
afskipti Flugráðs. Við teljum að það
sé ekki í verkahring Flugráðs að
blanda sér í rannsóknir og koma
upplýsingum af þessu tagi til fjöl-
miðla. Við teljum að þarna sé um að
ræða óeðlileg vinnubrögð og þar
með er verið að gera meira úr þessu
máli en efni standa til. Ég er viss um
að þessi vinnubrögð eru einsdæmi.
Á síðasta ári komu upp tugir tilvika
sem snertu Flugleiðir og ég er viss
um að Flugráð gerði engar bókanir
um þau. Enda get ég ekki séð að
Flugráð hafi neina ástæðu til að efast
um það að Flugmálastjóri og Loft-
ferðaeftirlitið skili sínu hlutverki
þegar svona mál koma upp. Það er
enginn að banna Flugráðsmönnum
að forvitnast um hvað sem þeim
sýnist, en okkur þykir skjóta skökku
við að þeir fari með það í fjölmiðla
að þeir hafi óskað eftir rannsókn á
einhverju. Ef þeir hafa éinhvern
tíma óskað eftir rannsókn á ein-
hverju, þá hafa þeir hingað til ekki
rokið með það í fjölmiðla. Með
þessum aðferðum er ótvírætt verið
að skapa ávirðingar á okkur.“
Loftferðaeftirlitið hóf rannsókn á
þessu atviki síðastliðinn mánudag,
en eftirlitið rannsakar iðulega atvik
af þessu tagi þar sem grunur leikur
á að eitthvað hafi verið athugavert.
Þessa dagana er verið að rannsaka
segulbandsupptökur af fjarskiptum
milli flugstjórnar og umræddrar
Arnarflugsþotu. Ekki liggur fyrir
hvenær niðurstöður rannsóknarinnr
liggja fyrir. SSH
Tímacn iconflið í líflfci ftinnni^
|) 1 lillÚSf irenyid i inivci j|unni
Kjalnesingar eru órólegir vegna hugmynda um aö
sorphaugar höfuðborgarsvæðisins alls verði í hreppnum. í
fréttum sjónvarpsins í fyrradag kom fram að núverandi
eigendur Álfsness á Kjalarnesi hefðu boðið fram land
undir sorphaugana og af því tilefni kom hreppsnefnd
hreppsins saman til að ítreka fyrri afstöðu sína í málinu.
„Við erum almennt á móti því
að sorp sé urðað. Það veit enginn
hvað gerist þegar tíu metra stæða
af pökkuðu sorpi tekur að rotna
næstu fimmtíu til sextíu árin?
Rotnunarlyktin verður ekki það
versta. Það er hins vegar hin ósýni-
lega mengun, bæði efni sem leka út
í jarðskorpuna og uppgufun þeirra
sem mesta og alvarlegasta hættan
stafar af. Hér er ég að tala um
kvikasilfur og kvikasilfursambönd,
þungmálma og klórsambönd sem
ekki klofna niður heldur berast út
í lífkeðjuna og safnast þar upp.
Urðun sorps er tímaskekkja og
má líkja við að samþykkja óútfyllt-
an víxil með óákveðnum gjald-
daga. Slíkt gerir enginn óvitlaus
maður,“ sagði Gunnar Sigurðsson
sérfræðingur hjá Rannsóknastofn-
un landbúnaðarins.
Gunnar sagði að hið nýja fyrir-
komulag við sorphirðinguna væri í
raun engin grundvallarbreyting.
Það eina sem breyttist væri að
sorpið verður pressað saman og
vírbundið í bagga. Það verður
síðan urðað eins og þegar er gert í
Gufunesi. Einasta breytingin er að
sorpið verður fyrirferðarminna.
Minna svæði þarf undir sorpið en
áður. Það mun hins vegar líklega
taka lengri tíma að brotna niður og
rotna og verður því eins og niður-
grafin tímasprengja langt fram á
næstu öld.
Aíunnar er stjórnarmaður Nátt-
úru- og umhverfisfélags Kjalnes-
inga sem stofnað var um síðustu
helgi en tilefni að stofnun félagsins
er að hluta tif fyrirætlanir um að
framtíðarsorphaugar fyrir höfuð-
borgarsvæðið verði á Kjalarnesi en
Kjalnesingar eru því almennt mót-
fallnir.
Á stofnfundinum gengu um 15%
Kjalnesinga sem kosningarétt
hafa, í félagið og í máli þeirra sem
töluðu á fundinum kom fram
stuðningur við fyrri ákvarðanir
hreppsnefndar Kjalarneshrepps að
ekki komi til greina að urða sorp í
hreppnum.
Gunnar sagði í saml i við Tím-
ann að reynsla annarra þjóða sýndi
að urðun sorps væri fráleit og sagði
hann að fjöldi mengunarslysa frá
sorphaugum sýndi það ótvírætt.
Erfitt hefði reynst að fá fólk til að
flokka sorpið og bærust því stór-
hættuleg efni frá heimi m á haug-
ana, svo sem mikið n gn af raf-
hlöðum sem innihalda kvikasilfur
og þungmálma og ýmiskonar leysi-
efni sem innihalda klórsambönd
auk annarra efna.
Afleiðingar hefðu orðið mjög
alvarlegar þegar slík efni komust í
lífkeðjuna, bæði á sjó og landi. Því
væri það skammsýni að velja bæði
sorpmóttökustað og urðunarstað
út frá aðeins einu sjónarmiði,
skammtíma sparnaðarsjónarmiði.
Fráleitt væri að láta skammtíma
kostnaðarsjónarmið ráða frágangi
á sorpi almennt. Staðarval borgar-
yfirvalda Reykjavíkur fyrir sorp-
móttökustöðina virtist einkum
miðast við að framtíðarurðunar-
staðurinn yrði á Kjalarnesi. „Við
vitum ekkert hver endanlegur
kostnaður verður þegar til langs
tíma er litið. Það er hinn óútfyllti
víxill sem ég nefndi.
Auðvelt er að endurvinna stóran
hluta sorps og endurvinnsla er
einasta lausnin sem okkur er sam-
boðin.“ sagði Gunnar að lokum.
-sá
Föstudagur 3. febrúar 1989
Áætluð sala á lagmeti til
Sovétríkjanna nemur um
250 milljónum króna í ár:
Samningar
að takast við
Sovétmenn
Líkur eru taldar á að samningar
við Sovétmenn um sölu á lagmeti
verði undirritaðir í dag eða á morgun
að sögn Theódórs S. Halldórssonar,
framkvæmdastjóra Sölustofnunar
lagmetis. Heildarverðmæti þessara
sölusamninga er talið nema um 250
milljónum króna, en samið er um
kaupverð í dollurum, um sölu fyrir
allt árið 1989. Lagmetið sem verið er
að selja er gaffalbitar, síldarflök,
lifur og reykt síld og fleira.
Þegar Tíminn ræddi við fram-
kvæmdastjóra Sölustofnunar lag-
metis í gær, Theódór S. Halldórsson,
vildi hann ekki tjá sig um verð á
tilteknum tegundum, enda væru lík-
ur á að komist yrði að samkomulagi
alveg á næstunni og líkast til skrifað
undir þessa mikilvægu samninga í
dag eða á morgun, föstudag. KB
Magnús Gauti Gautason.
Magnús
Gauti
tekur
viðKEA
Fyrsta febrúar tók Magnús Gauti
Gautason við starfi kaupfélagsstjóra
Kaupfélags Eyfirðinga af Val Árn-
þórssyni.
Magnús lauk prófi í rekstrarhag-
fræði frá háskólanum í Uppsölum
árið 1974. Það sama ár kom hann til
starfa hjá Kaupfélagi Eyfirðinga og
var árið 1978 skipaður fulltrúi kaup-
félagsstjóra. 1986 gerðist hann fjár-
málastjóri KEA og í september
síðastliðinn var hann ráðinn sem
aðstoðarkaupfélagsstjóri.
Valur Arnþórsson lætur um leið
af starfi kaupfélagsstjóra Kaupfélags
Eyfirðinga og tekur við starfi banka-
stjóra Landsbanka íslands.
Valur gerðist fulltrúi kaupfélags-
stjóra 1965 en 1970 tók hann við
stöðu aðstoðarkaupfélagsstjóra sem
hann gegndi til ársifis 1971 er hann
var skipaður kaupfélagsstjóri. jkb