Tíminn - 22.02.1989, Blaðsíða 13

Miðvikudagur 22. febrúar 1989
Tíminn 13
% ■
Egyptar vara við
árás á efnaverk-
smiðjuna í Líbýu
Egyptar hafa varað Bandaríkjamenn við að gera árás á
efnaverksmiðju þá í Líbýu sem Bandaríkjamenn telja að sé
ætluð til framleiðslu á eiturefnavopnum. Egyptar eru nánustu
bandamenn Bandaríkjamanna í arabalöndunum.
Hosni Mubarak forseti Egyptalands
hefur varað Bandaríkjamenn við að
gera árás á efnaverksmiðjuna í
Kabta í Líbýu. Egyptar eru tryggustu
bandamenn Bandaríkjanna í araba-
löndunum ásamt Saudi-Aröbum.
- Ég skýrði Bandaríkjamönnum
frá því að árás á -líbýsku efnaverk-
smiðjuna væri ekki rétta leiðin til að
leysa málin, þau yrði að leysa með
friðsamlegum hætti, sagði Hosni
Mubarak forseti Égyptalands í
blaðaviðtali í gær.
Yfirlýsing þessu mun trúlega
draga mjög úr líkunum á því að
Bandaríkjamenn geri loftárásir á
efnaverksmiðjuna eins og þeir hafa
gefið í skyn að þeir muni gera, verði
ekki komið í veg fyrir efnavopna-
framleiðslu þar á annan máta.
Egyptar og Ljbýumenn hafa eldað
grátt silfur um áratuga skeið og háðu
stutt landamærastríð árið 1977. Þrátt
fyrir það gefa Egyptar nú í skyn að
árás Bandaríkjamanna á Líbýu muni
skaða samskipti ríkjanna, en það
myndi gera stöðu Bandaríkjamanna
í Mið-Austurlöndum mjög erfiða,
sérstaklega í Ijósi þess að Sovétmenn
leggja nú mikla áherslu á að bæta
tengsl sín við arabalöndin.
En þó Husni Mubarak hafi varað
Bandaríkjamenn við loftárás á Lí-
býu þá stóð ekki á honum að hæla
George Bush í blaðaviðtalinu og
telur Mubarak að Bush geti leikið
aðalhlutverkið í því að koma á friði
á þessum slóðum.
- Bush skilur vandamál Mið-Aust-
urlanda mjög vel. Menn kunna að
segja að hann sé lengi að taka
ákvarðanir, en í raun er hann að
brjóta málin til mergjar áður en
hann tekur ákvörðun, sagði Mubar-
ak. Mubarak mun að líkindum hitta
Bush að máli í Japan síðarí vikunni,
en þar munu þeir báðir verða við-
staddir útför Hirohitos keisara
Japans.
Mubarak fullyrti einnig að upp-
reisn Palestínumanna á hernumdu
svæðunum muni verða til þess að
friðarráðstefna verði haldin um mál-
efni Mið- Austurlanda innan tíðar.
írar og Bretar
vinna saman að
málum N-írlands
Bresk og írsk stjórnvöld hyggjast
nú taka á vandamálum Norður-fr-
lands af festu og efla tengsl milli
þjóðþinga ríkjanna með því að
koma á fót sérstakri stofnun þar
sem þingmenn frá báðum ríkjun-
um ræði málefni Norður-írlands
og önnur mál er koma upp á milli
Englendinga og íra.
Þingmenn frá báðum þjóðþing-
unum, sem að undanförnu hafa
verið að ræða leiðir til beinskeytt-
ari og ákveðnari samvinnu í hinum
erfiðu málum á Norður-írlandi,
sögðu að stofnun þessi yrði skipuð
tuttugu og fimm þingmönnum frá
hvoru ríkinu fýrir sig. Þing-
mennirnir munu koma saman
tvisvar á ári undir merkjum þessar-
ar stofnunar og yrði fyrsti fundur-
inn haldinn í júní.
-Við vonum að stofnun sem
þessi geti komið í veg fyrir hluta
þeirrar ringulreiðar og misskilnings
sem oft hefur gætt í samskiptum
ríkjanna beggja vegna írlandshafs.
Það ætti einnig að færa umræður
um málefni Norður-írlands í West-
minster á hærra plan, sagði Peter
Temple-Morris, þingmaður breska
íhaldsflokksins þegar ákvörðun
þessi var kunngerð.
Hin nýja stofnun mun ekki hafa
nein formleg völd, en væri tilkomin
í kjölfar samkomulags sem Eng-
lendingar og írar gerðu árið 1985,
en með því er gert ráð fyrir að írar
hefðu rétt til að hafa áhrif á
málefni Norður-írlands.
Sama dag og þingmannanefnd-
irnar skýrðu frá tilurð hinnar nýju
stofnunar var kaþólskur maður
skotinn til bana á Norður-írlandi.
Maðurinn er tíunda fórnarlamb
átaka mótmælenda og kaþólskra á
Norður-írlandi á þessu ári.
Bandarískur geimfari á ferð í M-Ameríku:
TunglfánitilNikaragva
Bandaríski geimfarinn Jim Irwin
afhenti í gær Daniel Ortega forseta
Níkaragva þjóðfána Níkaragva sem
var með í för til tunglsins fyrir átján
árum. Irwin afhenti Ortega fánann í
tilefni af batnandi samskiptum Ník-
aragva og Bandaríkjanna, en sam-
skiptin hafa vægast sagt verið stirð
undanfarin ár. Þau virðast þó vera
að skána eftir að Níkaragvastjórn
samþykkti að halda frjálsar kosning-
ar og koma snarlega á fót ýmsum
umbótum í stjórnmálalífi landsins.
- Við héldum til tunglsins í nafni
friðar fyrir allt mannkyn. Tilgangur
farar okkar til Níkaragva er að færa
frið Guðs til þjóðarinnar, sagði
Irwing, en hann var í áhöfn Apollo
XV sem lenti á tunglinu í júlí árið
1971.
Irwin, sem segir að ferð hans til
tunglsins hafi dýpkað trú hans á
Guð, er nú á ferð um Mið-Ameríku
með hópi kristinna Kanadamanna
sem eru að boða guðspjöllin.
Irwin tók það þó skýrt fram að
dvöl hans í Níkaragva væri einka-
heimsókn og í engum tengslum við
stjórnvöld í Bandaríkjunum.
Venezuela:
Sjö láta
lífið í
fanga-
uppreisn
Sjö fangar létust og tuttugu og
tveir særðust í fangauppreisn í
norðurhluta Venezuela í fyrradag.
Fangarnir hófu uppreisn á sunnudag
en á mánudagsmorgun braust út
eldi/r í fangelsinu með fyrrgreindum
afleiðingum. Fangarnir hafa nú látið
undan og haldið til klefa sinna á ný,
en lögregla og hermenn umkringja
þó enn fangelsið í San Felipe sem er
bær 277 km vestur af Caracas.
Ute Morris fylkisstjóri í Yaracuy
héraði neitaði að fangarnir héldu
konu og sjö mánaða barni hennar í
gíslingu, en vitað er að konan og
barnið eru innan veggja fangelsisins.
Morris segir að konan sé fangi og að
hún hafi nýlega fengið leyfi til að
hafa barn sitt hjá sér í fangelsinu.
Embættismaður innaníkisráðu-
neytisins í Venezuela sem fór fyrir
nefnd yfirvalda er ræddi við for-
sprakka fanganna á mánudag hafði
áður fullyrt að konan og dóttir
hennar væru í gíslingu.
Fangaupprejsnin hófst eftir heim-
sóknartíma á sunnudaginn þegar
fangarnir neituðu að gangast undir
ýtarlega líkamsleit áður en þeir
héldu til klefa sinna á ný.
Fangelsisyfirvöld segja að eldur-
inn hafi brotist út eftir að fangar
settu eld í dýnu í einum fangaklefan-
um. Þau staðhæfa að enginn hafi
verið drepinn af öryggisvörðum.
i -i Wm 1^ , 1-J -i
rkvixixow i Mnr
FELAGSMALASKOLI
Samband ungra framsóknarmanna og Kjördæmissambönd
Framsóknarflokksins hafa ákveðiö að fara á stað með
Félagsmálaskóla þar sem boöið verður uppá eftirfarandi
námskeið:
A. Grunnnámskeið í félagsmálum:
Efni: Fundarsköp og* ræðumennska, tillögugerð, stefnumál
Framsóknarflokksins o.fl.
Tímalengd: 8 klst.
Leiðbeinendur verða: Gissur Pétursson, Egill HeiðarGísla-
son, Finnurlngólfsson, Arnar Bjarnason og HrólfurÖlvisson.
Stefnt er að því að halda námskeiðið í febrúar og mars á
eftirtöldum stöðum ef næg þátttaka fæst: Reykjavík, Keflavík,
Selfoss, Vestmannaeyjar, Höfn, Egilsstöðum, Akureyri, Sauð-
árkróki, ísafirði, Ólafsvík og Akranesi.
B. Fjölmiðlanámskeið:
Efni: Framkoma í sjónvarpi og útvarp. Undirstöðuatriði í
frétta- og greinaskrifum. Áhrif fjölmiðla.
Tímalengd: 16 klst.
Leiðbeinandi: Helgi Pétursson, fréttamaður. Stefnter að því
að halda námskeið í Reykjavík og á Akureyri.
Þeir aðilar sem hafa áhuga á þessum námskeiðum eru hvattir
til að hafa samband við eftirtalda aðila:
Reykjavík: Skrifstofa Framsóknarflokksins, s. 91-24480
Reykjanes: Ágúst B. Karlsson, sími 91-52907
Vesturland: Bjarni Guðmundsson, sími 70068
Vestfirðir: Sigurður Viggósson, sími 94-1389
Norðurland vestra: Bogi Sigurbjörnsson, sími 95-71527
Norðurland eystra: Snorri Finnlaugsson, sími 96-61645
Austurland: Ólafur Sigurðsson, sími 97-81760
Suðurland: Guðmundur Búason, sími 98-23837
Samband ungra framsóknarmanna
Kjördæmissambönd Framsóknarflokksins
Framhalds-
námskeið
Raddbeitingar og framsagnarnámskeið hefst miðvikudagign 22.
febrúar kl. 20.00 að Nóatúni 21.
Kennarar: Baldvin Halldórsson, leikari
Kristján Hall
Getum enn bætt við örfáum þátttakendum.
Upplýsingar í síma 24480.
Stjórn LFK
Fjölmiðla-
námskeið
Arnþrúður
Fjölmiðlanámskeiðið hefst fimmtudaginn 23. febrúar nk. kl. 17.30 og
stendur laugardaginn 25. febr. frá kl. 13.00 og sunnudaginn 26. febr.
frá kl. 13.00 að Nóatúni 21. Samtals 22 kennslustundir.
Kennari: Arnþrúður Karlsdóttir fjölmiðlafræðingur.
Getum enn bætt við örfáum þátttakendum.
Upplýsingar í síma 24480.
Stjórn LFK