Tíminn - 22.03.1989, Síða 12
12 Tíminn
Miðvikudagur 22. mars 1989
FRÉTTAYFIRLIT
TELAVIV — Palestínumaö-
ur frá hernumda svæöinu í
Gaza stakk ísraelskan gyðing
til bana í Tel Aviv og særöi tvo
aðra áður en lögreglan skaut
hann og handsamaöi. ísra-
elskir hermenn settu á út-
göngubann í Gaza, skrúfuðu
fyrir vatn og rafmagn til þess
aö neyða íbúana til að skila
vopnum sem rænt var af herm-
önnum sem barðir voru í átök-
um.
LONDON — Bretar bönnuðu
fiskveiðar á stóru svæði á Erm-
arsundi og franskir tundurdufl-
ar leituðu að gámi sem fór fyrir
borð, en hann er fullur af
baneitruðu efni sem vísinda-
menn segja að geti valdið
meiriháttar umhverfisspjöllum.
Talsmaður ráðuneytis land-
búnaðar, fiskveiða og matvæla
sagði ekkert enn benda til
þess að leki hafi komið að
gámnum og mengað sjóinn.
SANTIAGO — Augusto t
Pinochet forseti Chile sakaði;
pólitískaandstæðingasínaum;
að hafa eitrað vínber frá Chile'
og leggja þannig ávaxtaútflutn-
ing Chilemanna í rúst, sjálfum
sér til framdráttar, en tap vegna í
eitrunar hefur kostað milljónir
dollara.
WASHINGTON - Verð á
neysluvörum í Bandarikjunum
hækkaði að meðaltali um 0,4%
í febrúar og er það minni
hækkun en í janúar. Því virðist
aðeins vera að draga úr verð-
bólgu í Bandaríkjunum.
MOSKVA — Dagblað >
Moskvudeildar kommúnista-
flokkins sem talið er hafa barist
gegn Boris Yeltsin fyrrum leið-
togi Moskvudeildarinnar,
prentaði baráttumál Yeltsins
við hlið baráttumála frambjóð-
anda kommúnistaflokksins. Er
þetta talið sigur fyrir stuðnings-
menn Yeltsins sem söfnuðust
saman í þúsundavís um síð-
ustu helgi og hvöttu Yeltsin til
dáða.
MOSKVA - Mikhaíl Gor-
batsjov undirritaði áætlun sem j
gerir ráð fyrir að skera niður í i
herliði Rauða hersins um hálfa |
milljón manna í ár og á næsta
ári.
DUBAI — íranar hafa ákveð-
ið að kaupa mikið af vopnum í
af austantjaldslöndum. Hafa
þeir gert samninga við Rúmen-
íu og Tékkóslóvakíu um kaup<
á skriðdrekum, eldflaugum og
hugsanlega efni í nýja flota-
stöð á Qeshm eyju á Hormuzs-
undi. íranar sneru sér til aust-
urblokkarinnar eftir að Vestur-
lönd höfðu hafnað vopna-
samningum.
IIIIIIIIIIUIIIIIIIII
ÚTLÖND
Átökmilli kristinnamannaog múslíma í Líbanon haldaáfram af fullum krafti:
Þrír írskir friðar
gæsluliðarSÞfalla
Þrír írskir liðsmenn friðargæslusveita Sameinuðu þjóðanna
féllu í suðurhluta Líbanons þegar jeppi þeirra ók á jarð-
sprengju á gæslusvæði þeirra. Hefur Perez de Cuellar
aðalframkvæmdastjóri Sameinuðu þjóðanna fyrirskipað ítar-
Iega rannsókn vegna þessa atburðar, en atburður þessi varð
við bæinn Brashiet sem er á mörkum öryggislínu ísraela í
Líbanon.
þúsund manna herliði að skipa, en
hann mætti sín lítils ef Sýrlendingar
beittu tuttuguþúsund manna herliði
sínu í Líbanon gegn honum.
Aoun sagði í samtali við franska
útvarpsstöð að Sýrlendingar héldu
fjórum milljónum Líbana í gíslingu
með veru sinni í Líbanon. Sýrlend-
ingar vísa þessu á bug og segjast ekki
vilja lenda í átökum við kristna
menn þar.
Evrópubandalagið hvatti á mánu-
dag allt erlent herlið í Líbanon að
draga sig hið snarasta úr landi, en
þar eru auk Sýrlendinga, alltaf ein-
hverjir ísraelskir herflokkar að gæta
öryggis við landamæri sín. Sýrlend-
ingar svöruðu þessari áskorun á
þann vega að Sýrlendingar væru
ekki útlendingar í Líbanon.
Hersveitir múslíma hafa haldið
uppi stórskotaliðsárásum á svæði
kristinna manna í vesturhluta Beirút
og á svæðinu þar í kring. Eru
hersveitir kristinna manna úr tengsl-
um við umheiminn að öðru leyti en
höfnin í Jounieh norður af Beirút er
á þeirra valdi. Múslímar hafa lokað
öllum vegum að svæði kristinna
manna og hefur Michel Auon leið-
togi kristinna sakað Sýrlendinga um
að standa á bak við þær aðgerðir.
Almenningur í Beirút hefur haldið
sig að mestu í loftvarnarbyrgjum og
kjöllurum undanfarna daga vegna
hinna endalausu sprengjuárása.
Michel Aoun er forsætisráðherra
í ríkisstjórn kristinna manna í Líb-
anon og einnig yfirmaður kristinna
hermanna í hinum klofna her
landsins. Hann hefur á fimmtán
Irskur friðargæsluliði Sameinuðu þjóðanna að störfum í Líbanon. Þrír
félagar hans félli í suðurhluta landsins í gær. Bardagar milli kristinna manna
og múslíma í landinu halda áfram.
Skæruliðar í Afganistan fara halloka í bardögum við stjórnarherinn:
Þjóðvegurinn til
Jalalabad opnaður
Afganski stjórnarherinn hefur aft-
ur náð á vald sitt þjóðveginum frá
Kabúl til borgarinnar Jalalabad sem
verið hefur í herkví skæruliða frá því
Sovétmenn yfirgáfu Afganistan um
miðjan febrúar.
Leiðin er nú opin og hafa vöru-
flutningabílar hlaðnir matvælum og
vistum verið sendir til Jalalabad frá
Kabúl. Frá þessu var skýrt í Moskvu-
útvarpinu í gær.
Talsmaður sovéska utanríkisráðu-
neytisins hafði skýrt frá því á mánu-
dag að árásum skæruliða á Jalalabad
hefði verið hrundið og að stjórnar-
herinn væri að ná undirtökunum á
svæðinu eftir harða bardaga í tvær
vikur.
Talsmaðurinn sagði að afganskir
stjórnarhermenn héldu öllum stöðv-
um sínum kringum borgina og að
árásir orrustuþotna og stórskotaliðs
stjórnarinnar hefðu fellt um fimmtán
hundruð liðsmenn skæruliða undan-
farna þrjá daga.
Sovéska sjónvarpið sagði í fréttum
um helgina að umsáturslið skæruliða
væri um tuttuguþúsund menn, þar af
fjórðungur Pakistanar.
Skæruliðar leggja allf í sölurnar til
að ná Jalalabad á sitt vald til að hafa
þar aðsetur bráðabirgðastjórnar
skæruliða sem mynduð var í síðasta
mánuði. Skæruliðar hafa enga stóra
borg á valdi sínu þó staða þeirra sé
sterk á landsbyggðinni. Staða þeirra
er þó ekki eins sterk og menn töldu,
enda sundrung í liði þeirra vegna
gamalla ættbálkaerja og mismun-
andi afstöðu í stjórnmálum.
Þotasprakk
í loft upp
Að minnsta kosti tíu manns
fórust þegar vöruflutningaþota af
gerðinni Boeing 707 sprakk í loft
upp yfir fátækrahverfi í brasilísku
borginni Sao Paulo í nokkurra
kílómetra fjarlægð frá alþjóða-
flugvellinum þar. Þrír menn voru
í áhöfn vélarinnar, en hinir sjö
urðu undir brennandi braki er
féll til jarðar. Allt að hundrað
manns slösuðust er brakið dreifð-
ist yfir hreysin.
Flugmaður þotunnar sem var
frá flugfélaginu Transbrasil hafði
haft samband við flugturninn í
Sao Paulo skömmu áður en hún
sprakk og sagst vera í vandræðum
og hugði á nauðlendingu.
Þotan var á leið frá borginni
Manaus sem er á Amazonsvæð-
inu. Ekki er ljóst hvaða farmur
var í vélinni.
Trident-2 kjarnaflaug sprakk í tilraunaskoti frá kafbáti:
Áffall í kjarnaflauga-
áætlun Bandaríkjanna
Kjarnaflaugaáætlun Bandaríkja-
ntanna varð fyrir skakkaföllum í gær
þegar langdræg Trident-2 eldflaug
sprakk í loft upp fjórum sekúndum
eftir að henni hafði verið skotið frá
bandaríska kjarnorkukafbátnum
USS Tennessee. Þetta var í fyrsta
sinn sem Trident-2 eldflaug var skot-
ið frá kafbát á sjó og bar hún að
sjálfsögðu ekki sprengjuhleðslu.
Hinum nýju Trident-2 eldflaugum
hefur verið nítján sinnum skotið á
loft á landi og var fyrirhugað að
skjóta níu flaugum frá kafbátum í
sjó áður en framleiðsla hefst á þeim
fyrir alvöru. Fjórum sinnum mistók-
ust skotin.
Eldflaugin hafði rétt komið sér
upp úr sjónum 50 km austur af
Kanaveralhöfða þegar sjálfeyðing-
arútbúnaður hennar tók til sinna
ráða og sprengdi flaugina í loft upp.
Kafbáturinn hlaut engan skaða af
sprengingunni þó hún yrði nærri.
Samkvæmt áætlunum bandaríska
flotans er gert ráð fyrir að Trident-2
flaugum verði komið fyrir í banda-
rískum kafbátum í desember. Þá er
gert ráð fyrir að breskir kafbátar
muni verða vopnaðir slíkum flaug-
um.
Trident-2 flaugarnar eru lang-
drægar og falla því ekki undir samn-
inga stórveldanna um takmörkun
skammdrægra og miðlungsdrægra
kjarnaflauga. Hver flaug kostar um
24 milljónir Bandaríkjadala og eru
þær öflugustu og nákvæmustu
kjarnavopn sem nokkru sinni hafa
verið framleidd. Þær eiga að bera
margar sprengihleðslur og fjölda
gerviodda sem rugla ratsjárkerfi
fórnarlambsins.
Bandaríski flotinn hyggst smíða
tæplega fjögurhundruð slíkar flaúg-
ar fyrir árið 1996 og koma þeim fyrir
í kafbátum. Er það einn liðurinn í
að færa vopnakapphlaupið í hafið
enda eftirlit með kjarnaflaugum á
landi orðið mjög virkt vegna samn-
inga stórveldanna. Svo fremi sem
óhöpp við tilraunaskot og niður-
skurður til varnarmála í Bandaríkj-
unum verði ekki til þess að stöðva
Trident-2 áætlunina má gera ráð
fyrir að fjöldi slíkra flauga verði í
kafbátum í hafinu kringum ísland og
að Sovétmenn auki kjarnorkuvíg-
búnað sinn að sama skapi hvort sem
er á norðurslóð eða annars staðar í
höfunum.
Bush fundar
meðleiðtogum
George Bush forseti Banda-
ríkjanna mun ræða við þrjá þjóð-
arleiðtoga frá Mið-Austurlönd-
urn í Hvíta húsinu næstu sex
vikurnar og gera menn ráð fyrir
að hann muni leita eftir möguleg-
um fleti til friðarsamkomulags í
Mið-Austurlöndum.
Hosni Mubarak forseti Egypta-
lands mun hitta Bush 3. apríl,
Yitzhak Shamir forsætisráðherra
ísraels mun mæta í Hvíta húsið 6.
apríl og Hussein Jórdaníukon-
ungur mun að líkindum heim-
sækja Bush 2. maí.
Marlin Fitzwater talsmaður
Hvíta hússins sagði að Bush muni
leita eftir afstöðu þjóðarleiðtog-
anna til þess hvernig best megi
koma af stað friðarþróun á þess-
um slóðum. Tók Fitzwater það
skýrt fram að Bandaríkjamenn
muni ekki tjá sig um afstöðu sína
til málefna Mið-Austurlanda fyrr
en að þessum fundahöldum
loknum.