Tíminn - 02.06.1989, Blaðsíða 2
Föstudagur2. júní 1989
2 Tíminn
Þannig hljóðaði kynning samtak-
anna sem Tíminn greindi frá í gær á
sjálfum sér þegar þau boðuðu til
blaðamannafundar um starfsemi
sína í byrjun síðustu viku.
Eins og kom fram í blaðinu í gær
var málflutningur þeirra sem að
stofnfundinum stóðu nokkuð öfga-
kenndur og miðast nánast við að
ekki megi drepa neitt kvikt, enda er
slagorð samtakanna: „Örkin -berst
fyrir lífi á jörðinni".
Arkarávarpið
Samtökin hafa gefið út bók eða
bækling sem þau kalla „Arkarávarp-
ið“, en augljóst er af þeirri útgáfu að
þar hafa engir fúskarar verið að
verki og allur frágangur og textaritun
minnir á auglýsingagerð á háþróuðu
stigi. Slíkt þyrfti ekki að koma á
óvart því þeir aðilar sem að baki
samtökunum standa, einkum heims-
frægir popparar, hafa yfir miklu
fjármagni og þekkingu á sviði aug-
lýsingagerðar að ráða.
Forsvarsmenn Arkarinnar segja
að lykillinn að bættum heimi sé
„völd og hugsjónir". Ekki er ástæða
til að draga í efa völd þeirra aðila
sem að baki samtökunum standa þó
slík völd séu ekki formlegs eðlis.
Hugsjónin hins vegar byggist á því
sem Arkarfólkið vill kalla hina „nýju
vistfræði“ eða hina „nýju umhverf-
isverndunarstefnu". Slík stefna
byggir á rómantík og er stefnt gegn
vísindahyggju. „Hin nýja vistfræði
er tilraun til að endurnýja jafnvægi,
að milda vísindaþekkinguna með
þeim skilningi sem við fáum frá
siðferðilegu innsæi og þeim hæfileika
okkar til að sýna viðbrögð við fegurð
jarðarinnar", segir í Arkarávarpinu
um þetta atriði.
Fegurðin er sannleikur
Arkarfólkið segist byggja hug-
sjónir sýnar á rómantískustefnunni
og endurvakningu hennar og harma
það hverig hún hefur lotið í lægra
haldi fyrir kaldri skynsemishyggju
vísindanna. Með tilvísun til franska
heimspekingsins Bergsons segja höf-
undar Arkarávarpsins að til þess að
skilja dýpsta eðli raunveruleikans
þurfi menn að beita fyrir sig siðferð-
isvitund sinni og innsæi. „Þennan
endanlega sannleik - eins og Berg-
son bendir á - er eingöngu hægt að
þekkja í gegnum fagurfræðilega og
siðferðilega dóma. Með öðrum orð-
um þá leiðir fegurðarskyn okkar
leiðir okkar að sannleikanum og það
er þessi sannleikur sem skiptir máli
í alheiminum. Þessi sannleikur er -
eins og Bergson orðar það - guð-
dómlegur ef ekki sjálfur guð.“
Að kvöldi 29. maí 1988. Þá bauð Steingrímur Hermannsson starfsbróður sínum frá Búlgaríu í kvöldverð.
Þjónustustúlkur sjást skenkja hvítvíni í glös gestanna sem voru í opinberri heimsókn.
| |f, ^ " |f 1
Yfirlýsing frá
forsætisráðherra
Vegna þeirrar umræðu, sem orð-
ið hefur um áfengiskaup ráðherra,
m.a. mín, vil ég taka fram eftirfar-
andi:
Ráðuneyti þau, sem ég hef veitt
forstöðu, hafa látið mér í té áfengi
á kostnaðarverði aðeins þegar um
er að ræða veitingar sem tengjast
starfi mínu sem ráðherra og talið
hefur verið eðlilegt í gegnum árin.
Við hjónin höfum kosið að halda
allmörg slík boð á heimili okkar.
Því hefur að sjálfsögðu fylgt mikið
álag á heimilið, einkum fyrir eigin-
konu mína. Hins vegar hefur okkur
virst að gestir meti slíkt mikils.
Á árinu 1988, sem hefur fyrst og
fremst verið til umræðu, voru, fyrir
utan móttökur og smærri boð,
eftirtaldir kvöldverðir helstir:
9. febrúar: Kvöldverður fyrir aðal-
framkvæmdastjóra Atlantshafs-
bandalagsins, Carrington lávarð og
frú, sem komu hingað til að kveðja.
13. mars: Kvöldverður fyrir fram-
kvæmdastjóra Fríverslunarbanda-
lags Evrópu, Per Kleppe og frú,
sem voru hér í kveðjuheimsókn.
16. maí: Kvöldverður fyrir þing-
menn og ýmsa aðra samstarfsmenn
að þingi loknu.
29. maí: Kvöldverður fyrir utan-
ríkisráðherra Búlgaríu, P. Mlade-
nov og frú, sem voru hér í opinberri
heimsókn.
10. júní: Kvöldverður fyrir fram-
kvæmdastjóra Evrópuráðsins, M.
Oreja og frú, sem voru hér í
opinberri heimsókn.
29. ágúst: Kvöldverður fyrir utan-
ríkisviðskiptaráðherra Kína, Zhou
Nan, sem var hér í opinberri heim-
sókn.
29. nóvember: Kvöldverður fyrir
starfsmenn utanríkisráðuneytis hér
á landi.
Á meðan ég gegni starfi ráðherra
munum við hjónin kappkosta að
sýna gestum okkar þá gestrisni,
sem íslendingum sæmir. í því skyni
mun heimili okkar verða gestum
okkar og embættisins opið áfram
eins og við verður komið.
1. júní 1989
Steingrímur Hermannsson
forsætisráðherra
Arkarfólkið byggir síðan baráttu
sína og skoðanir á einstökum málum
á þessari hugsjón um að sé eitthvað
lifandi og fallegt, einkum í dýrarík-
inu, sé það af hinu góða. Slíkt má
ekki deyða eða skemma. Fyrir ís-
lendinga er því athyglisvert að lesa
þann kafla Arkarávarpsins sem fjall-
ar um hvali og hvalveiðar. Þunga-
miðjan í þeirri umfjöllun er glæsi-
leiki hvalanna einkum þó og sér í
lagi glæsileiki hvals hvalanna, Móbí
Dicks. Þar segir meðal annars um
konung (,,Leviathan“) hvalanna og
er vitnað til Hermans Melville höf-
undar skáldsögunnar um Móbí Dick
þar sem því er varpað fram „hvort
konungurinn (Leviathan) geti lengi
enn þolað svo gegndarlausan elting-
arleik og grimmilegan skaða; hvort
honum verði ekki á endanum útrýmt
úr höfunum og síðasti hvalurinn,
líkt og síðasti maðurinn, reyki sína
síðustu pípu og gufi síðan sjálfur
upp í hinsta reykhnoðranum."
Niðurstaða Arkarfólksins er ótvíræð
því þeir segja: „Þessi hinsti reyk-
hnoðri er í nánd - að minnsta kosti
fyrir hvalinn. Enn er þó hægt að
bjarga hvölunum, ef við einbeitum
okkur að því. Með því að bjarga
þeim, gætum við bjargað okkur
sjálfum."
„Fasískur11 stimpill
Eflaust má spyrja hvort hægt sé að
rökræða málflutning af þessu tagi
sem fyrirfram setur innsæi og tilfinn-
ingar ofar skynsemi. Arkarfólkið
hefur fengið á sig „fasískan" stimpil,
sem er kannski ekki skrýtið. Gagn-
rýnin á skynsemina og áherslan á
tilfinningar og innsæi gagnvart undr-
um lífríkisins er byggð á svipuðum
forsendum og áhersla fasískra afla á
undur þjóðernis og illa skilgreinda
menningararfleið og dulúðug tákn
enda hvoru tveggja öfgar dregnar út
úr rómantísku stefnunni. Vissulega
hefur komið gagnrýni á skynsemis-
hyggju úr öðrum áttum en samlík-
ingin verður skiljanlegri þegar við
bætast einstrengingslegar kröfur um
verndun lífríkis þar sem það er
aukaatriði hvort afkoma heilla þjóð-
félaga er í húfi og stofnun alheims-
samfélags þar sem samtökin halda
um hina skipulagslegu tauma.
Ef til vill væri upphlaup og sam-
takastofnun af þessu tagi ekki til-
tökumál, nema einmitt fyrir þær
sakir að hér eru á ferðinni menn með
mikið fjármagn og mjög góða að-
stöðu til að koma hugmyndum sín-
um á framfæri og því mætti ætla að
þessi samtök gætu haft töluverð
áhrif. - BG
Kjúklingabændur segjast ekki anna
eftirspurn vegna takmarkaðs kvóta:
Skortur á
kjúklingum
Undanfarið hefur borið á skorti á
kjúklingum. Kjúklingabændur fá
úthlutaðan ákveðinn kvóta sem að
sögn dugir ekki til að þeir geti einu
sinni annað eftirspum sinna föstu
viðskiptavina. En þó viðskiptavin-
imir leiti annað er víða sömu sögu
að segja, engan kjúkling að fá.
„Kvótinn hefur skorið okkur svo
niður að við náum ekki einu sinni að
anna eftirspurn okkar föstu við-
skiptavina. Kjúklingabændur í kring
um sláturhúsið á Árnesi mega selja
eitthvað í kring um 160. En með því
ráðum við engan veginn við eftir-
spurnina, við gætum selt tugi tonna
í viðbót. í sumum tilfellum leita
okkar viðskiptavinir annað en í
mörgum tilfellum hafa þeir ekki
heldur getað fengið þessa vöm hjá
öðmm. Manni finnst þetta fyrir-
komulag dálítið galið og ég vona að
þeir sem stjórna þessu beri gæfu til
að gera eitthvað í málinu,“ sagði
Ásgeir Eiríksson kjúklingabóndi á
Klettum í samtali við Tímann.
Að sögn verslunarstjóra Hag-
kaups, Torfa Matthíassonar, hafa
þeir orðið varir við að framboð
hefur minnkað. En ekki hefur þó
ennþá komið til þess að verslunin
fengi enga kjúklinga. Hjá Mikla-
garði var sömu sögu að segja, en þar
hafði sérstaklega reynst erfitt að fá
kjúklinga skömmu fyrir verkfall.
Þeir höfðu þó ekki orðið varir við
neinn skort að heitið gæti. jkb
Húsnæðisstofnun ríkisins:
Lánsloforð afgreidd til
16. okt. og 30. sept. ’87
Hjá Húsnæðisstofnun ríkisins
hafa þegar verið afgreidd lánsloforð
til þeirra sem sóttu um, sextánda
október 1987 og fyrr.
Þetta á aðeins við um þá sem eru
að kaupa húsnæði í fyrsta sinn.
Aðrar umóknir hafa verið afgreiddar
fram til þrítugasta september sama
ár. í júní verður fjárhagsstaðan
athuguð og haldið áfram með af-
greiðslu lánsloforða eftir föngum,
þegar mið hefur verið tekið af fjár-
upphæðum sem fara til þeirra sem
von eiga á síðari hluta lána. jkb