Tíminn - 02.06.1989, Blaðsíða 7
Föstudagur 2. júní 1989
Tíminn 7
Alþjóðleg ráðstefna í Reykjavík
um veirusjúkdóma sem leggjast á heilann:
MÓTEFNI
ERU ENN
ÓFUNDIN
„Því miður er það ekki svo að fundist hafi slíkt mótefni við
veirusjúkdómnum visnu að bólusetja megi við henni, þannig
að minn fyrirlestur er skýrsla um til þessa neikvæðan árangur
af tilraunum sem við höfum gert hér að Keldum,“ sagði
Guðmundur Pétursson forstöðumaður TOraunastöðvar Há-
skólans í meinafræði.
Rætt var við Guðmund vegna þess
að í gær og í dag stendur yfir í
Reykjavík alþjóðleg ráðstefna um
veirur og veirusýkingar í heila. Ráð-
stefnan er kennd við norðurljós og
heitir Northern Lights Neuroscience
Symposium og er þetta í þriðja sinn
sem norrænir taugameinasér-
fræðingar efna til ráðstefnu undir
þessu nafni.
Vísindamenn sem fást við eyðni-
rannsóknir líta mjög til íslands þar
sem rannsóknir á svonefndum hæg-
gengum veirum hafa um langt skeið
verið stundaðar hér og var visnuveir-
an sú fyrsta af þessum flokki sem var
einangruð og skilgreind. Það gerðist
einmitt á Keldum undir forystu
Bjöms Sigurðssonar heitins árið
1957 enda er fræðiheiti veirunnar
Maedi-Visna ovine lentivirus, sem
mætti þýða sem sauðfjármæðivisna
af völdum hæggengs vírusar.
- En hvað er visna? Guðmundur
Pétursson: „Visna er veirusjúkdóm-
ur sem leggst á sauðfé og er veiran
sem honum veldur náskyld þeirri
sem veldur svokallaðri þurramæði í
sauðfé. Visna heitir sjúkdómurinn
þegar hann hefur lagst á heilann eða
miðtaugakerfið og valdið lömun af
ýmsu tagi.
Visnan leggst ekki á menn en hins
vegar eru margar þekktar veirur í
dýrum og mönnum af sama flokki og
visnuveiran og þar á meðal er eyðni-
veiran," sagði Guðmundur Péturs-
son.
Um 160 manns taka þátt í ráð-
stefnunni frá 16 löndum. Þar af eru
fjörutíu íslendingar. Fjallað verður
um á hvern hátt veirur berast til
heilans, hvernig þær valda skemmd-
um og hvemig bregðast megi við
þeim. Þá verður fjallað um hvemig
nota má veimr til að kanna þróun
heilans. Loks verður fjallað um
sjúkdóma í mönnum og dýmm af
völdum svokaliaðra retroveira, en
til þeirra teljast visnuveiran og
eyðniveiran.
Ellefu yfirlitserindi verða haldin á
ráðstefnunni af gestafyrirlesurum en
alls verða erindi og fyrirlestrar um
fimmtíu. - sá
Kafbátsslysið við Bjarnarey:
Geislavirkni
afar ólíkleg
í svari sem utanríkisráðuneytinu hefur borist frá sovéskum
stjórnvöldum varðandi kafbátsslysið við Bjarnarey kemur
fram að aukning fram yfir eðlilegt geislunarstig á svæðinu þar
sem kafbáturinn fórst hafi engin orðið.
í svarinu segir að sovésk skip með allra nýjasta sérútbúnaði
muni hafa frekara eftirlit í langan tíma. Ríkisstjórnarnefndin
muni halda áfram að rannsaka orsakir slyssins og er einnig
rætt um þann möguleika að ná honum upp.
Einnig segir í svarinu að kafbátur-
inn sé búinn kjamaofni af vatns-
kældri gerð. Hulstur kjarnaofnsins
sé búið þykkveggjuðu hylki úr mjög
styrku stáli, sem álitið er standast
þrýsting sem er miklu meiri en
vatnsþrýstingurinn á því dýpi sem
kafbáturinn sökk. Sem brennsluefni
var notað lítið brætt úraníum 235,
en áður en kafbáturinn sökk mun
kjarnaofninn hafa verið kældur nið-
ur í 40 stig á Celcius. Frekari varma-
skipti munu hljótast af eðlilegu
hringstreymi í umlykjandi sjónum
og því er útilokaður möguleiki á
samanbroti kjarnavirka stykkisins.
Sams konar kjamaofnar höfðu
verið settir í tvo ameríska og tvo
sovéska kjarnakafbáta, sem áður
hafa sokkið. Athuganir á svæðum,
þar sem þeir fómst, munu ekki hafa
leitt í ljós neina óeðlilega fyrirburði,
sem rekja mætti til kjarnaofna sem
þar Iiggja á hafsbotni. - gs
TÖLVUNOTENDUR
Við í Prentsmiðjunni Eddu
hönnum, setjum og prentum
allar gerðir eyðublaða fyrir tölvuvinnslu.
Smíðjuvegi 3, 200 Kópavogur. Sími 45000
Verkalýðsfélög á Vesturlandi leita aðstoðar fjármálaráðuneytisins:
Ýtt á eftir rannsókn
með undirskriftum
Undirskriftalistar, sem sendir verða fjármálaráðuneyti, eru
farnir af stað meðal launþega á Vesturlandi, sem með þeim
taka undir og leggja aukna áherslu á beiðni sem stjórnir
þriggja verkalýðsfélaga hafa sent fjármálaráðuneytinu nýlega
um rannsókn á málum Lífeyrissjóðs Vesturlands. Undir-
skriftalistarnir fóru af stað í Ólafsvík. Að sögn Kristjáns
Guðmundssonar er áhugi mikill meðal launþega á öllu
svæðinu.
Þetta mun vera í fyrsta sinn sem
farið er fram á slíka rannsókn við
ráðuneytið. En þar sem fjármála-
ráðuneytið staðfestir reglugerðir líf-
eyrissjóðanna og gefur þeim starfs-
leyfi, er það æðsta stofnunin í má-
lefnum þeirra.
Það eru stjórnir Verkalýsfélags
Borgarness, Vals í Búðardal og
Jökuls í Ólafsvík sem hafa farið þess
á leit við fjármálaráðuneytið að það
hlutist til um að gerð verði ítarleg
athugun á starfsemi Lífeyrissjóðs
Vesturlands vegna síðustu ára.
Athugunin skuli taka til bókhalds,
skráningar lífeyrisréttinda, iðgjalda-
greiðslna, lánveitinga og ávöxtunar
sjóðsins á fjármunum sínum.
Ástæður þessarar málaleitunar
segja stjómarmenn vera þessar:
Ársreikningar sjóðsins vegna ár-
anna 1986 og síðar liggi ekki fyrir.
Ársreikningar ársins 1984 hafi ver-
ið lagðir fram en ekki samþykktir
vegna þess að þeir eru taldir rangir.
Fulltrúaráðsfundir hafi ekki verið
haldnir frá árinu 1984 til 1988. En
samkvæmt reglugerð sjóðsins beri
að halda þá áriega.
Sjóðfélögum hafi ekki borist yfirlit
um geiðslustöðu sína um árabil.
Það taki langan tíma fyrir einstaka
sjóðfélaga að fá upplýsingar um
réttindi sín í sjóðnum og greiðslu-
stöðu.
Bókhaldsóreiða sjóðsins síðustu
ár hafi kostað sjóðinn, og þar með
sjóðfélaga, verulega fjármuni í
greiðslum til endurskoðenda utan
það sem eðlilegt má telja.
Verkalýðsfélögin fara þess á leit
við ráðuneytið að málinu verði hrað-
að eftir föngum þar sem núverandi
ástand hafi skapað sjóðfélögum
mikla óvissu.
ATHYGLI FÉLAGSMANNA
VERZLUNARMANNAFÉLAGS REYKJAVÍKUR
ER VAKIN Á
GILDANDI ÁKVÆÐI KJARASAMNINGS
UM AFGREIÐSLUTÍMA VERSLANA
Afgreiðslutími.
Heimilt er að afgreiðslutími smásöluverslana og annarra sölustaða
sé sem hér segir:
Virka daga skal heimilt að hafa verslanir opnar á mánudögum til
fimmtudaga til kl. 18.30, á föstudögum til kl. 21.00 og á laugardögum
til kl. 16.00.
Þó skulu verslanir vera lokaðar á laugardögum
mánuðina júní, júlí og ágúst, en á sama tímabili er
heimilt að hafa opið til kl. 20.00 á fimmtudögum.
Óski verslun að hafa opið umfram dagvinnutíma skal haft fullt
samráð um vinnutímann við trúnaðarmann V.R. og starfsfólk í
viðkomandi verslun.
Hver starfsmaður hefur rétt á að hafna yfirvinnu og óski starfsmaður
ekki eftir að vinna yfirvinnu skal hann ekki látinn gjalda þess á neinn
hátt.
Óski starfsmaður að fá yfirvinnu, sem hann vinnur, greidda með
fríum skal svo gert í samráði við vinnuveitanda. Við útreikning á gildi
yfirvinnutíma skal fara eftir ákvæðum í gildandi kjarasamningi V.R.
við vinnuveitendur, sbr. grein 2.1.4.
Þessi ákvæði um lokunartíma gilda á félagssvæði V.R.
Ákvæði þessi um lokunartíma breyta ekki eldri reglum um annan
lokunartíma sérverslana, svo sem minjagripaverslana, söluturna og
blómaverslana.
VERZLUNARMANNAFÉLAG
REYKJAVÍKUR