Tíminn - 02.06.1989, Blaðsíða 13

Föstudagur 2. júní 1989
Tíminn 13
ARNAÐ HEILLA
lllllllllllllllllll
Aðalsteinn Jóhannsson
Tíminn líður hratt, einnig á köldu
vori við ísafjarðardjúp, og menn
ræða tíðarfarið og muna vart annað
eins, enda minni á veður misjafnt og
ef til vill muna sumir liðin harðinda-
vor þótt þeir muni þau ekki. En einn
af gleggstu bændum Djúpsins varð
áttræður hinn 16. maímánaðar,
maður með trútt minni og hefur
lifað mörg vor blíð og stríð hér á
slóð; Aðalsteinn Jóhannsson, bóndi
á Skjaldfönn áratugum saman og
þar runninn upp. Er það mín mein-
ing fullkomin að orðum hans megi
treysta í þessu efni sem öðrum.
Bændaættir standa að Aðalsteini
og bjuggu foreldrar hans á
Skjaldfönn, Jóhann Ásgeirsson og
kona hans Jóna Jónsdóttir ljósmóð-
ir, enda mun búskapur hafa staðið
næst hjarta hans sem sá atvinnuveg-
ur, er hann helst vildi stunda, ekki
þó með gróðasjónarmið í huga held-
ur öllu fremur köllun, haldreipi,
lífsstíll eins og sagt er nú á dögum.
Hitt er annað mál, að það sem vel er
hirt gefur góðan arð og engum fær
dulist, er heim að Skjaldfönn kemur,
hvílík snyrtimennska þar ríkir og
hver regla þar er á öllum hlutum.
Getur vart fegurra býli hér á slóðum
og þótt víðar væri um skyggnst. Fer
þar saman fallegt bæjarstæði,
Skjaldfönn
eldfornt, hinn vinalegi burstabær
svo og umgengni öll og sú prýði er í
öllu mætir auga. Skammt til jökuls,
en Selá liðast neðan túns.
En eigi er Aðalsteinn allur í
bóndanum séður og hafa margir
þessa varir orðið, innlendir menn og
aðrir af fjörrum löndum, er hingað
kómu að efla sig í náttúruvísindum
og þjóðlegum fróðleik. Kann Aðal-
steinn hin bestu skil á ýmsu því er
hér til heyrir og sóttu fræðimenn
ótæpilega í þann brunn er hann var
BÆKUR
Kvikmyndahand-
bókin komin út
Nýlega kom út hjá íslenska kilju-
klúbbnum nýr bókapakki og eru í
honum þrjár bækur. Það eru Þegar
ég varð óléttur. Úrval úr ritum
Þórbergs Þórðarsonar, Heltekinn
eftir P.D. James (fyrra bindi) og
fimmta og síðasta bindi Kvikmynda-
handbókarinnar eftir Leslie Halli-
well með íslenskum viðauka.
Þegar ég varð óléttur er úrval úr
ritum Þórbergs Þórðarsonar og kem-
ur út í tilefni aldarafmælis hans.
Meðal efnis eru Endurfæðingar-
krónika Þórbergs, frásögn hans af
því er hann hélt sig vera óléttan,
sagan af því er hann var myrtur,
kafli um ritsnilld hans og kaflinn um
byltingu í ríki útvaldra, svo eitthvað
sé nefnt. Aftast í bókinni er ritgerð
eftir Áma Sigurjónsson um Þórberg
og yfirlit yfir ævi hans og verk.
Útgáfu bókarinnar önnuðust Ámi
Óskarsson og Ámi Sigurjónsson.
Bókarkápu gerði Guðjón Ketilsson.
Bókin er 199 bls. að stærð og
prentuð og bundin hjá Prentstofu G.
Benediktssonar.
Heltekinn eftir P.D. James er
íspennuságá- í 'fýrstá flokki.- Fyrra
bindi hennar kemur út nú en hið
seinna að mánuði liðnum. Sagan
kom áður út hjá Máli og menningu
árið 1988. Áskrifendur kiljuklúbbs-
ins þekkja P.D. James vel, enda er
þetta fjórða saga hennar, sem gefin
er út í klúbbnum. Gerð hefur verið
sjónvarpsþáttaröð byggð á Heltek-
inn, og er ráðgert að sýna hana á
íslandi. Kápu hannaðiTeikn. Bókin
er 253 bls. að stærð og er unnin hjá
Prentstofu G. Benediktssonar.
Kvikmyndahandbókin eftir Leslie
Halliwell hefur áður verið kynnt í
blöðum. íslenski kiljuklúbburinn
hefur nú lokið útgáfu á þessu mikla
verki, þar sem fímmta og síðasta
bindið er nú komið út. Þýðingin er
eftir Álfheiði Kjartansdóttur. Aftast
í þessu síðasta bindi er viðauki um
íslenskar kvikmyndir. Hann felst
annars vegar í yfírlitsgrein eftir Er-
lend Sveinsson og hins vegar í um-
sögnum um íslenskar kvikmyndir
sem unnar em með líkum hætti og
umsagnir Halliwells. Kápu þessarar
bókar hannaði Brian Pilkington.
Bókin er 272 blaðsíður að stærð.
Hún er unnin hjá Prentsmiðjunni
Oddah.f.
og er. Mun örnefnasöfnun hans í
landi Skjaldfannar til fyrirmyndar
að vexti og trúverðugleika og vel
man undirritaður útskýringar hans á
notkun og heitum ýmissa amboða og
áhalda er nútíminn hefur lagt fyrir
óðal: drögur, vögur, líkberi ...
Má af þessu ráða og fleiru, að vel
hefði Aðalsteinn sómt sér sem verk-
maður á akri íslenskra fræða, og
enda þótt sá sé vel plægður, mundi
hafa munað um hann á þeim reit og
eigi ólíklegt, að hann hefði þar
brotið nýtt land að nokkm, hliðstætt
því er hann gert hefur á búi sínu, en
ræktunarmaður lands hefur hann
verið, bæði í miklum mæli og vel að
unnið. Bækur hafa verið honum
innan seilingar jafnan og er Skjald-
fönn mikið bókaheimili og finnst þar
bæði- gamalt og nýtt í skápum.
Kemur mér vitanlega í hug, hvort
Aðalsteinn muni ekki meðal hinna
síðustu í bændastétt er sinna á
stopulum stundum fræðum í ein-
hverri mynd og að einhverju marki,
um leið og þess skal vænst að
hugboð þetta reynist rangt. Má
vissulega segja, að hann sé í þessu
efni sómi stéttar sinnar eigi síður en
í búskap öllum. Eitt sinn er við
gengum völl frá kirkju á Melgraseyri
til húss, vék hann tali sínu að
brjóskmyndun í efra skolti nautgripa
og hafði um þetta fáheyrt orð,
þjarkur.að mig minnir, en eigi kann-
aðist ég við hvorki vöxt þennan né
heiti hans og sannaði Aðalsteinn
mér enn á ný hið fornkveðna, að
margt er skrýtið í kýrhausnum.
Aðalsteinn er hinn mesti gæfu-
maður, farsæll í starfi og kvæntur
hinni mestu myndar- og greindar-
konu, Hólmfríði Indriðadóttur,
skálds frá Fjalli, Þórkelssonar, og
má með sanni segja að svo sem allt
er í reglu og röð utanhúss á býli
þeirra, þá er og hið sama á teningi
uppi hvað varðar umgengni innan-
húss. Ber allt þar blæ snyrti-
mennsku, hreiiilætis og menningar-
legrar umgengni.
Þeim hjónum varð þriggja barna
auðið og býr Indriði, eldri sonurinn,
á ættaróðalinu, mjög „of ið sama
far“, svo notað sé fornt orðalag, allt
með festu og öllu vel í horfi haldið,
ræktun fjár og jarðar, sem öðru, og
mun afmælisbarninu þykja betra en
ekki að svo er, þekki ég rétt til. Hin
bömin eru Kristfn, gift í Svíþjóð,
íslenskum manni, og Jóhann er býr
í Reykjavík.
Grein þessi er síðbúnari en ég
hefði viljað, en með því eigi mun um
fengist verða sleppi ég afsökunar að
biðja, en hún á að flytja Aðalsteini
og Hólmfríði þakkir okkar hér í
Vatnsfirði fyrir góða viðkynningu og
traust, er við öll höfum verið sam-
tímis við Djúp, en það er nú orðið á
fjórða tug ára. - Við óskum þér
góðra ára, hlýrra vora með góley í
varpanum, mikillar gleði er dalinn
og ána ber fyrir augu, landið, sem
hefur ætíð verið þinn heimur og
hýsir draum þinn allan. -Lifðu heill.
Síra Baldur Vilhelmsson,
prófastur, Vatnsfirði.
« v —’ - - -- -
BÍLRÚÐUtSETNINGAR
OG INNFLUTNINGUR
SMIÐJUVEGI 30 0 670675
RÚÐUÍSETNINGAR í
ALLAR TEGUNDIR BIFREIÐA
EIGUM FLESTAR RÚÐUR
ÁLAGER
PÓSTSENDUM
NEYÐARÞJÓNUSTA Á KVÖLDIN
OG UM HELGAR
KJARTAN ÓLAFSSON 0 667230
GUNNAR SIGURÐSSON S 651617
Alexander Stefánsson
alþlngismaður
Vesturlandskjördæmi
Alexander Stefánsson, alþingismaður verður til viðtals og ræðir
þingmál og stjórnmálaviðhorfið, á eftirtöldum stöðum sem hér segir.
Reykholt, föstudaginn 2. júní kl. 14.00
Hvanneyri, föstudaginn 2. júní kl. 17.00
Hlöðum, Hvalfjarðarströnd, laugardaginn 3. júní kl. 14.00
Borgarnes, mánudaginn 5. júní kl. 20.30
Akranes, þriðjudaginn 6. júní kl. 20.30
Tímasetning og húsnæði auglýst jafnóðum.
Landsstjórn og
framkvæmdastjórn LFK
Aðal- og varamenn eru boðaðir til fundar að Nóatúni 21, laugardag-
inn 3. júní kl. 10-16.
Dagskrá: Undirbúningur landsþings.
A. Málefni.
B. Framkvæmd.
C. önnur mál.
Áríðandi er að tilkynna þátttöku í síma 91-24480.
Ath. breyttan fundardag.
Stjórnin.
llli
Sumartími:
Skrifstofa Framsóknarflokksins, að Nóatúni 21 í Reykjavík, verðurfrá
og með 1. júní n.k. opin alla virka daga frá kl. 8.00-16.00.
Framsóknarflokkurinn.
¥
Vorhappdrætti
Framsóknarflokksins 1989
Dregið verður í vorhappdrætti Framsóknarflokksins 9. júní n.k.
Velunnarar flokksins, sem ekki hafa greitt heimsendan gíróseðil, eru
hvattir til að gera skil eigi síðar en 9. júní.
Framsóknarflokkurinn
Reykjanes
Skrifstofa Kjördæmissambandsins^að Hámráborg 5, Kópavogi er
opin á mánudögum og miðvikudögum kl. 17 til 19. Sími 43222.
K.F.R.
Framsóknarmenn Siglufirði
Munið hádegisfund á Hótel Höfn föstudaginn 2. júní.
^xjjsxr^jrxarjrjfiaaxxsx