Tíminn - 03.08.1989, Qupperneq 2

2 Tíríiírin
'fimm'túclagur'3: ágúát ^1989
Óða-Rauðka
kynsælust
hrossa á íslandi
Vidtal við Jónas Kristjánsson
um nvia „osttbók‘ hrossa
Snævar Guðmundsson fjármálastjóri hjá KRON segir að sögur
um greiðslustöðvun geti skemmt stórlega fyrir viðskiptum:
Viðtal birtist við Jónas Kristjánsson í Hestinum okkar.
JÓNAS DV-RITSTJÓRI
DOTTINN í ÆRGILDIN
Jörðin Leirubakki í Landmannahreppi í Rangárvallasýslu var
seld í júnímánuði s.L. Kaupandi jarðarinnar er Hilmir sf. í
Reykjavík og var kaupverðið á milli sjö og átta milljónir.
Leirubakki þykir ágætlega fallinn til búskapar og jörðinni fylgja
67,5 ærgildi. Þau hjón sem bjuggu á jörðinni höfðu þó viðurværi
sitt aðallega af þjónustu við ferðamenn. Skúli Pálsson lögfræðing-
ur gekk, fyrir hönd kaupenda, frá eigendaskiptum jarðarinnar.
ÁLeirubakkaerfarfuglaheimili, bústaði. Þá þykir Leirubakki einn-
afgreiðsla fyrir bensínsölu og sölu-
skáli fyrir ferðamenn. Samkvæmt
heimildum Tímans hefur komið til
umræðu hjá nýjum eigendum að
nýta jörðina meðal annars til þess
að byggja upp sumarbústaði og
leigja, eða selja land undir sumar-
ig ágæt beitarjörð og þess vegna
tilvalið að nýta hana undir hross.
Þegar Tíminn fór að kanna þetta
mál frekar kom í Ijós að eigendur
Hilmis eru m.a. Jónas Kristjáns-
son, ritstjóri DV og Sveinn R.
Eyjólfsson annar aðaleigandi
Frjálsrar fjölmiðlunar. Virðist því
ljóst, að Jónas ritstjóri er orðinn
eigandi að jörð sem hefur 67,5
ærgilda fullvirðisrétti og er því
kominn í tölu bænda. En Jónas
Kristjánsson hefur eins og kunnugt
er talið bændur til meirháttar byrði
í þjóðfélaginu. Nú hefur hann
sjálfur kosið að bætast við þessa
„byrði“ enda orðinn áhugamaður
um hrossarækt eins og viðtal við
Itann í Hesturinn okkar bendir til.
Þar „sviptir" ritstjórinn hulunni af
ættfærslu á hrossum og telur flest
af því vitlaust og rangt, enda sé
íslenski hrossastofninn mest megn-
is kominn af Óðu-Rauðku úr
Hornafirði.
Fram að þessu hefur Jónas frætt
lesendur blaðs síns mest um kinda-
kjöt og kartöflur. Hins vegar var
ekki fyrr vitað að hann væri orðinn
alvitur í hrossarækt. Má vænta
þess að hagar í kringum Leiru-
bakka verði brátt fullir af hrossum,
sem komin eru af Óðu-Rauðku.
Sýnt er af þessu að bændastétt-
inni hefur bæst óvæntur liðsauki,
þar sem Jónas Kristjánsson bóndi
er. Hins vegar hafa höfundar
hrossabóka, eins og Gunnar
Bjarnason, frændi Jónasar fengið
hættulegan keppinaut í ættfærslu
hrossa. Fyrri rit um það efni telur
Jónas ómerkileg og röng, enda
hefur hann sjálfur komið sér upp
fullkomnu skjali á Macintosh
tölvu, sem sýnir svo óyggjandi er,
að Óða-Rauðka er formóðirin. Þá
er þess að vænta að Jónas noti sér
fullvirðisréttinn upp á 67,5 ærgildi
og fari nú að reyna á sjálfum sér
hvað er að vera bóndi, lendi hann
ekki við bensíndæluna hafi með-
eigendur hans sýkst af bændabakt-
eríunni og vilji ólmir stunda ærgild-
in. IGÞ/ÁG
Frá grænmetistorgi Sölufélagsins. Tímamynd: Pjeiur
Sölufélag garöyrkjumanna leggur niöur uppboðsmarkaðinn og setur á stofn „Grænmetistorg":
Grænmeti lækkar um 12-13%
Sölufélag garðyrkjumanna hyggst
nú með aukinni hagræðingu lækka
heildsöluverð á grænmeti. Þetta er
gert með því að leggja niður upp-
boðsmarkaðinn, endurskipuleggja
sölustarfið og flytja alla starfsemina
í eitt húsnæði. Að sögn Valdimars
Jónassonar framkvæmdastjóra Sölu-
félagsins er áætlað að þessar breyt-
ingar lækki heildsöluverðið um 12-
13%. Sem dæmi um verðlækkunina
má nefna að kílóið af tómötum
lækkar í heildsölu úr 182 krónum í
163. Agúrkur lækka úr 245 krónum
í 217 og paprika fer úr 470 krónum
í 413.
V aldimar var spurður að því hvort
hann væri ekki hræddur um að
kaupmenn myndu hirði lækkunina.
„Jú, auðvitað erum við dauð-
hræddir við það. En við vonum að
samkeppnin sjái til þess að kaup-
menn freistist ekki til þess.“
- Átti uppboðsmarkaðurinn ekki
líka að lækka verðið?
„Jú, en hann gekk einfaldlega
ekki upp. Kaupmenn hirtu ekki um
að koma á markaðinn nema þá til
þess eins að forvitnast um verðið
sem þeir síðan miðuðu sína verð-
lagningu við. Það voru aldrei seld
nema um 60% af framleiðslunni á
uppboðsmarkaðnum svo að hann
náði aldrei tilgangi sínu. Niðurstað-
an varð sú að hann gerði ekki annað
en að auka milliliðakostnaðinn. Við
lítum svo á að það hafi verið mistök
að reyna þetta fyrirkomulag."
- En teljið þið að með þessum
breytingum takist ykkur að ná niður
milliliðakostnaðinum?
„Já, sparnaðurinn liggur ekki að-
eins í því að leggja niður þennan
markað. Við erum einnig að færa
alla starfsemina á einn stað, þ.e.a.s.
móttöku, pökkun, sölustarf og dreif-
ingu. Áður var þetta á þremur
stöðum í bænum. Við bjóðum kaup-
mönnum að koma hingað í Síðumúl-
ann á þetta svokallaða „Grænmetis-
torg“ og líta á vöruna, velja hana
sjálfir og taka hana með sér. í þessu
felst heilmikill sparnaður. Auk þess
teljum við að með þessu séum við að
bjóða kaupmönnum betri þjón-
ustu.“
- Breytir þetta nýja fyrirkomulag
einhverju fyrir grænmetisbændur?
„Þeir fá sama verð fyrir sína vöru
og áður en við vonumst til að geta
aukið neysluna með þessari verð-
lækkun og þannig bætt hag bænda.“
- Hvernig hefur uppskeran verið
hér innanlands það sem af er sumri?
„Hún er talsvert minni en í meðal-
ári og þar hefur veðráttan mest að
segja. Minni framleiðsla hefur síðan
áhrif á verðið." -EÓ
GROA SNYR
SÉR AÐ KRON
Sú saga barst til eyrna blaðamanns
Tímans að Kaupfélag Reykjavíkur
og nágrennis hefði farið fram á
greiðslustöðvun. Við nánari eftir-
grennslan málsins kom í ljós að svo
er ekki og hefur engin beiðni þessa
efnis borist til fógeta.
Er haft var samband við Snævar
Guðmundsson fjármálastjóra hjá
KRON, neitaði hann því alfarið að
farið hefði verið fram á greiðslu-
stöðvun til handa fyrirtækinu og
sagði slíkar fullyrðingar úr lausu
lofti gripnar. Snævar sagðist þó
kannast við að hafa heyrt þessa sögu
áður, en hér væri um mjög alvarleg-
an áburð að ræða sem gæti skemmt
verulega fyrir KRON. „Mér leikur
mest forvitni á að komast að því
hvaða aðili eða aðilar það eru sem
eru að bera út þessa sögu um
okkur“, sagði Snævar.
Hann vitnaði í þessu sambandi til
sögu sem komst á kreik fyrir ári um
að Byggingarverslun Kópavogs
hefði farið fram á greiðslustöðvun.
Sú “gróa“ spillti verulega fyrir
BYKO, en þar var að verki fyrrver-
andi viðskiptavinur fyrirtækisins.
-ÁG
Léttfetamenn á Sauðárkróki ríöa um 25
km leið til messu:
Riðu með prófastinn
í broddi fylkingar
Síðastliðinn sunnudag fóru á
milli sjötíu og áttatíu manns ríð-
andi frá Sauðárkróki að kirkju-
jörðinni Hvammi í Laxárdal á
Skaga og sátu þar guðsþjónustu. f
fararbroddi hestamannanna af
Króknum fór sóknarprestur þeirra
og jafnframt prófastur Skagfirð-
inga og eurovisiontextahöfundur
með meiru, Hjálmar Jónsson.
Annaðist hann messugjörð, en
kirkjugestir sáu um sálmasöng.
Það voru meðlimir hestamanna-
félagsins Léttfeta á Sauðárkróki
sem stóðu fyrir þessari ferð, sem
þótti takast með eindæmum vel.
Jörðin Hvammur er ekki í byggð
lengur, en er nytjuð af ábúendun-
um á Sævarlandi á Skaga og þáðu
Léttfetamenn kirkjukaffi á eftir, í
boði hjónanna á Sævarlandi, Guð-
mundar Vilhelmssonar og konu
hans. Kirkjugestir riðu aftur til
baka að lokinni messu, en frá
Sauðárkróki að Hvammi er um 25
kílómetra leið.
Guttormur Óskarsson/ÁG