Tíminn - 04.08.1989, Qupperneq 4
4 Tírriinn
Föstudagur 4. ágúst 1989
fijuiHjilak.
SÆNGUR OGKODDAR
í miklu úrvali
Umboðsmenn:
Reykjavík og nágrenni
• Fatabúðin, Reykjavík
• Saumalist, Reykjavík
• Smáfólk, Reykjavík
• Verið, Reykjavík
• Vatnsrúm hf., Reykjavík
• Hjartað, Seltjarnarnesi
• Saumasporið hf., Kópavogi
• KF Hafnfirðinga, Hafnarfirði
• KF Miðvangur, Hafnarfirði
Vesturland
• Verslunin Vík, Ólafsvík
• KF Saurbæinga, Búðardal
Vestfirðir
• Ástubúð, Pateksfirði
• Félagskaup, Flateyri
• KF Dýrfirðinga, Þingeyri
• Versl. Gunnars Sigurðss.,
Þingeyri
• Baðstofan, ísafirði
• Einar Guðfinnsson hf.,
Bolungarvík
Norðurland
• KF Strandamanna, Norðurfirði
• KF V-Húnvetninga,
Hvammstanga
• KF Húnvetninga, Blönduósi
• Gestur Fanndal, Siglufirði
• Raftækjavinnustofan, Ólafsfirði
• Augsýn, Akureyri
• Akurvík, Akureyri
• Vatnsrúm hf., Akureyri
• KF N-Þingeyinga, Kópaskeri
Austurland
• KF Héraðsbúa, Egilsstöðum
• Verslunin EYCO, Egilsstöðum
• KF Stöðfirðinga, Stöðvarfirði
• KF Breiðdalsvík, Breiðdalsvík
• KF Djúpavogi, Djúpavogi
• KASK, Höfn
Suðurland
• Ársól, Garði
• Verslunin Alda, Sandgerði
• Versl. Draumaland, Keflavík
• Versl. Palóma, Grindavík
• KF Árnesinga, Selfossi
• KF Rangæinga, Hvolsvelli
• KF Rangæinga, Hellu
• Kjarni hf., Vestmannaeyjum
• Mozart verslun,
Vestmannaeyjum
l'll'IIINIifl'j
Kringlan 8-12, s: 685440 - 685459
&
Á myndinni eru frá vinstri Árni Björn Skaftason frá Kaupstað/Miklagarði, Ólafur Davíðsson framkvæmdastjóri
Félags íslenskra iðnrekanda, Þröstur Ólafsson framkvæmdastjóri Kaupstaðar/Miklagarðs, Gísli Blöndal markaðsráð-
gjafi og Arnþór Þórðarson frá Félagi ísl. iðnrekenda.
KRON Mikligarður verður með sérstaka íslenska daga 10.-25.ágúst:
KRON vill íslenskt
Dagana 10.-25. ágúst verða sérstakir íslenskir dagar í
verslunum Kaupstaðar og Miklagarðs undir kjörorðinu
„Veljum íslenskt“. Dagarnir eru haldnir í samvinnu við félag
íslenskra iðnrekenda. I 6 verslunum, Miklagarði við Sund,
Miklagarði vestur í bæ, Kaupstað í Mjódd, Kaupstað í
Eddufelli, Miklagarði í Kaupgarði og Miðvangi í Hafnarfirði,
verða allar íslenskar vörur sérstaklega merktar.
Aðaleinkenni átaksins verður ís-
lenski fáninn. Vörukynningar verða
í verslunum á fimmtudögum og
föstudögum og í Miklagarði og
Kaupstað á laugardögum. Á þessum
kynningum munu íslenskir fram-
leiðendur kynna vörur sínar og þær
verða jafnframt seldar á sértilboði.
Útvarpsstöðvarnar Bylgjan og
Stjarnan munu leyfa hlustendum
sínum að fylgjast með því sem í boði
er hverju sinni og í samvinnu við þær
verður efnt til getraunaleiks. Dag-
arnir verða settir í Miklagarði með
formlegum hætti fimmtudaginn 10.
ágúst kl. 17:00. Jón Baldvin Hanni-
balsson, sem þá mun gegna embætti
iðnaðar- og viðskiptaráðherra, opn-
ar kynninguna.
Að sögn Gísla Blöndals markaðs-
ráðgjafa er þetta átak til komið í
kjölfar kynningarstarfs íslenskra
iðnrekenda meðal kaupmanna, inn-
kaupastjóra og starfsfólks í verslun-
um. Þetta kynningarstarf var skipu-
lagt í þeim tilgangi að efla samstarf
og samvinnu þessara aðila og fram-
leiðenda. Ólafur Davíðsson hjá Fé-
lagi íslenskra iðnrekenda taldi að
svona átak hefði veruleg áhrif í
einhvern tíma. Hann taldi að nú
væri brýnt að menn sneru bökum
saman og reyndu að auka markaðs-
hlutdeild íslenskrar framleiðslu. Þó
að sala á íslenskum vörum hafi
aukist á undanfömum árum meðan
þensla hefur verið, hafa þær ekki
haldið markaðshlut sínum. Nú þegar
menn tali um atvinnuleysi hefði
áróðurinn fyrir því að menn kaupi
íslenskar vömr því að það auki
atvinnu, einhvern tilgang. Fyrir
tveimur árum þegar skorti fólk í
vinnu hljómaði slíkt ankannalega.
Þröstur Ölafsson framkvæmdastjóri
Kaupstaðar/Miklagarðs sagði að
mikil vinna lægi að baki svona kynn-
ingarátaki. Hann kvað verslanirnar
verða lagðar undir þetta átak og allt
vera gert til að skapa góða stemmn-
ingu. Átakið væri framlag samvinnu-
verslana í Reykjavík til að gera
íslenskar vömr samkeppnishæfari á
síharðnandi markaði. - EÓ
Úr hvaða gullnámu ætlar ríkissjóður að ausa um miðjan næsta áratug?
Um 22% erlendu lánanna
á gjalddaga árið 1995
Þeir sem gera áætlanir um
þaö hvernig og hvenær ríkis-
sjóður eigi að endurgreiða
sínar erlendu langtímaskuld-
ir virðast vænta þess að mikið
„gull“ taki að streyma í ríkis-
kassann innan fárra ára. í
stað þess að endurgreiða í
kringum 4% upphæðarinnar
árlega, eins og áætlað er í ár
og næstu tvö, hljóða áætlanir
upp á að endurgreiða allt
upp í 22% skuldarinnar til
baka á einu ári um miðjan
næsta áratug. Jafnframt er
áætlað að hreinsa ríkissjóð af
samtals meira en helmingi
allrar skuldarinnar á aðeins
þrem árum, 1995-1997.
Erlendar langtímaskuldir ríkis-
sjóðs námu rúmlega 40 milljörðum
kr. um síðustu áramót samkvæmt
ársskýrslu Seðlabankans. Eftir
margar gengisfellingar síðan og nýj-
ar lántökur gætu þær nú verið farnar
að nálgast 50 milljarða (sem nemur
nær 280 þús.kr. á hvern landsmann
yfir 15 ára aldri).
Á þessu og næstu tveim árum er
áætlað að greiða tæplega 4% skuld-
arinnar ár hvert. Síðan fara greiðslur
snarhækkandi. Hámarkið er að sex
árum liðnum (1995). Þetta eina ár
hljóða áætlanir upp á að endurgreiða
hátt í fjórðung (22%) skuldarinnar
á einu bretti. Miðað við núvirði
(núverandi gengi) gæti þetta svarað
til um 10-11 milljarða endurgreiðslu
erlendra skulda ríkissjóðs þetta eina
ár, auk vaxta.
Og ekki veitir þá af áframhaldandi
góðæri, því á aðeins þriggja ára bili,
1995-1997, er51% heildarskuldanna
á gjalddaga.
Raunar kemur fram í Seðlabanka-
skýrslunni að áætlanir séu uppi um
að „velta hluta víxilsins" eitthvað
lengra áfram. Þannig voru áform
uppi um áramótin að endurfjár-
magna á þessu ári tvö lán sem tekin
voru í japönskum yenum á árunum
1982 og 1983. Það/þau nýju lán eiga
að létta nokkuð endurgreiðslur lán-
anna næstu átta árin, þó sérstaklega
árið 1993 - en það ár er áætluð
endurgreiðsla þó „aðeins" tæplega
6% af skuldinni.
Ríkissjóður hefur um langt skeið
lagt áherslu á að taka erlend lán til
а. m.k. 10 ára, til þess að meðalend-
urgreiðsla á hverju ári verði tiltölu-
lega væg. „Þessi stefna hefur m.a.
leitt til þess, að í árslok 1988 var
meðallánstími erlendra lána ríkis-
sjóðs talinn vera 15,2 ár, samanborið
við 9,8 ár hjá bönkum og sjóðum og
б, 2 ár hjá einkaaðilum", segir í
skýrslu Seðlabankans.
Þau erlendu lán sem hér um ræðir
eru eingöngu lán ríkissjóðs og stofn-
ana hans. Lán ríkisfyrirtækja eru
ekki meðtalin, en þau námu um 22,5
milljörðum í lok síðasta árs.
- HEI