Tíminn - 29.11.1989, Blaðsíða 5

Miðvikudagur 29. nóvember 1989
Tíminn 5
Borgarráð skerti í gær völd borgarverkfræðings. Má ekki lengur upp á sitt eindæmi veita
_______° starfsmönnum byggingafulltrúa leyfi til að hanna hús í hjáverkum:
Bygginganefndin skal
samþykkja aukaverkin
Borgarráð skerti valdssvið borgarverkfræðings nokkuð í
gær þannig að allar undanþágur sem hann framvegis veitir
starfsmönnum byggingafulltrúa til að hanna hús, skulu fara
fyrir bygginganefnd til samþykktar eða höfnunar.
Samkvæmt byggingarreglugerð
nr. 355 sem samþykkt var 1979 er
ekki leyfilegt að starfsmenn borg-
arverkfræðings teikni hús í auka-
vinnu nema í sérstökum tilfellum
og skal bygginganefnd borgarinnar
fjalla um sérhvert þessara tilfella.
Borgarráð hnykkti á þessu atriði
á fundi sínum í gær og tilefnið var
fyrirspurn Sigrúnar Magnúsdóttur
borgarfulltrúa framsóknarmanna
og annarra fulltrúa minnihluta-
flokka í borgarstjórn um í hve
miklum mæli starfsmenn borgar-
verkfræðings stunduðu hönnunar-
vinnu í aukavinnu.
Afgreiðslu fyrirspurnarinnar
varð að fresta á síðasta fundi
ráðsins vegna mikilla umræðna,
einkum um lóðaúthlutunina til Júl-
íusar Hafstein borgarfulltrúa.
Aukavinna starfsmanna bygg-
ingafulltrúa í hjáverkum hefur tals-
vert verið gagnrýnd undanfarið.
Bæði hafa þótt veruleg brögð að
þessu en einnig hefur þótt vafasamt
að starfsmennirnir skuli síðan jafn-
vel taka út og samþykkja eigin
teikningar og koma þeim í gegn
um borgarkerfið.
Á fundi borgarráðs í gær kom
fram að einn starfsmaður borgar-
verkfræðings, Ágúst Þórðarson,
hefur verið óvenju athafnasamur
við að teikna hús í hjáverkum og
árið 1987 teiknaði Ágúst alls þrett-
án einbýlishús en auk þess teiknaði
hann íbúðir í gömlum húsum víðs
vegar um borgina, einkum í kjall-
ara og risi.
Þann sjöunda júlí 1977 sam-
þykkti borgarráð að starfsmönnum
við embætti byggingafulltrúa,
skipulag, þróunarstofnun, eld-
varnaeftirlit og ýmsa eftirlitsaðila
með bygginga- og skipulagsmálum
og væru í þjónustu Reykjavíkur-
borgar væri framvegis óheimilt að
vinna sjálfstætt að hönnunarverk-
efnum nema að fengnu skriflegu
leyfi borgarverkfræðings í hvert
sinn. Borgarverkfræðingur skyldi
síðan gera borgarráði grein fyrir
þeim undantekningum sem hann
heimilaði, að minnsta kosti tvisvar
á ári.
Þetta hefur borgarverkfræðingur
ekki gert og á fundi borgarráðs í
gær var samþykktin frá 1977 felld
niður og ákveðið að framvegis
skyldi sérhvert hinna „sérstöku
tilfella" sem tilgreind eru í bygg-
ingareglugerð 355 fara fyrir bygg-
inganefnd. Borgarráð hefur þannig
skert valdsvið borgarverkfræðings
í þessum málum.
I svari borgarverkfræðings við
fyrirspurn Sigrúnar kemur fram
yfirlit yfir aukaverk starfsmanna
hans og segir þar að öll aukaverk
hafi verið unnin með skriflegu
samþykki hans með einni undan-
tekningu. Síðan segir:
„Athygli vekur hversu mikil um-
svif Ágústs Þórðarsonar við gerð
byggingarnefndarteikninga voru á
árinu 1987 sem urðu mér þá tilefni
til að gera þar um athugasemdir
við starfsmanninn. Árin 1988 og
1989 eru verkin færri og flest þess
eðlis að hann hefur teiknað upp
áður gerðar íbúðir sem eigendur
eru að sækja um til bygginganefnd-
ar að verði gerðar löglegar og
veðhæfar.
Það má ljóst vera að meðferð
þessara mála getur verið viðkvæm
og opin fyrir gagnrýni. Þær verk-
lagsreglur hafa verið settar að við-
komandi starfsmaður fari hvorki
yfir teikningar af þeim mannvirkj-
um sem hann hannar, né hafi í
höndum úttektir byggingafulltrúa
á þeim.
Byggingafulltrúa ber að sjá til
þess að þessu sé framfylgt. Á hinn
bóginn tel ég það æskilegt að
eftirlitsaðilar á borð við starfsmenn
byggingafulltrúa haldi sér við í
sínu fagi með hönnunarstörfum,
enda sé það í hófi gert.
Að lokum er á það að líta að
laun tæknimanna í þjónustu borg-
arinnar eru lág.“ -sá
Álfhildur Ólafsdóttir aðstoöarmaöur landbúnaðarráðherra
segir um tillögur ríkisstjórnar til bjargar loðdýraræktinni:
„Ekki dauðadómur“
Borgarstjóri kallaöi þaðfjárkúgun er þinglýstir eigendur
nafnsins „Borgarleikhús" vildu selja borginni nafniö:
Lei khi ísi< >ks
„Bo irga irlei kh ús“
Ríkisstjórnin hefur náð sam-
komulagi um aðgerðir til að leysa
vanda loðdýrabænda. í frumvarpi
sem Stemgrímur Sigfússon landbún-
aðarráðherra mun leggja fram á
þingi í dag er gert ráð fyrir að a.m.k.
25 milljónum verði varið til að
greiða niður loðdýrafóður og að
hámarki 280 milljóna ríkisábyrgð
verði veitt til að skuldbreyta lánum
bænda. Upphaflega var gert ráð
fyrir ríkisábyrgð allt að 420 milljón-
um og 100 milljónum til niður-
greiðslu á loðdýrafóðri.
í útvarpsfréttum í gær sagði Jón
Ragnar Björnsson framkvæmda-
stjóri S.f.L. að þessar tillögur væru
dauðadómur yfir loðdýraræktinni.
Tíminn spurði Álfhildi Ólafsdóttur
aðstoðarmann landbúnaðarráðherra
út í þessi ummæli.
Álfhildur sagðist vilja taka það
fram að þessar tillögur væru ekki
tillögur landbúnaðarráðherra heldur
væri þetta niðurstaða af samninga-
þófi í millum ríkisstjórnarflokk-
anna. „Ég held að það sé of fast að
orði kveðið að kalla þessar tillögur
dauðadóm yfir greininni. Menn
mega ekki afgreiða þessar tillögur
fyrirfram. Þessi niðurstaða mun
flækja málin og skilja eftir fleiri
lausa enda en annars hefði verið ef
farið hefði verið eftir upphaflegum
tillögum. Ef farið hefði verið eftir
þeim hefði verulega stór hópur
bænda væntanlega getað búið við
viðunandi rekstrarskilyrði. Upphaf-
legu tillögurnar byggðu á faglegum
grunni. Nú er búið að meðhöndla
tillögurnar þannig að það verður á
ýmsan hátt erfiðara að vinna eftir
þeim.“
Telur þú að það sé ennþá grund-
völlur fyrir þessari atvinnugrein?
„Já, ég tel að það sé alls ekki
minni grundvöllur fyrir þessari grein
en mörgum öðrum atvinnugreinum
sem við erum að fást við. Með því
að halda áfram í loðdýraræktinni
erum við að taka áhættu, en við
erum að taka áhættu í mörgum
öðrum greinum. Hvað vitum við
hvað verða margir fiskar í sjónum
eftir þrjú ár? Ég hef ekki heyrt nein
rök sem hníga að því að verð á
loðskinnum verði áfram lágt. Þvert
á móti, ýmislegt bendir til hins
gagnstæða."
Er ekki erfitt að byggja afkomu
sína á atvinnugrein sem þarf að
ganga í gegnum niðursveiflur með
vissu árabili?
„Jú, það er verst að byrja í lok
uppsveiflu, eins og flestirgerðu. Það
er allt annað að byggja upp þegar
gott verð er framundan. Þetta er það
sem hefur valdið stöðunni í dag.
Loðdýrabændur tóku verðtryggð lán
og á sama tíma breyttist gengið ekki
neitt. Þetta gat einfaldlega ekki
gengið upp.“
Þú vilt ekki að stjórnvöld taki upp
þá stefnu að loðdýrarækt verði ein-
faldlega hætt?
„Það er svo stór ákvörðun fyrir
menn að hætta því að um leið verða
menn að taka ákvörðun um að borga
ekki skuldir af rekstrinum. Það er
ljóst að það borgar enginn venjuleg-
ur launamaður niður lán af atvinnu-
rekstri. Auk þess er ekki um auðug-
an garð að gresja með annan at-
vinnurekstur í sveitum."
Má þá ekki búast við því að það
þurfi að ráðast í árlegar björgunar-
aðgerðir fyrir loðdýraræktina?
„Ég tel að ef menn hefðu núna
ráðist í aðgerðir til tveggja ára,
greitt fóðurjöfnunargjald sem á
tveimur árum hefði kostað um 150
milljónir og komið skuldum í'skil,
hefði þetta getað verið lokaaðgerð.
Þetta hefði átt að gera því að það er
auðvitað óþolandi ástand að vera
alltaf að bjarga málum fyrir horn,“
sagði Álfhildur að lokum. -EÓ
Borgarleikhúsinu í Reykjavík var
formlega gefið nafn í gær. Gefið í
orðsins fyllstu merkingu, því þrátt
fyrir að hafa gengið undir þessu
nafni allt frá fyrstu byggingardögum
hefur nafnið „Borgarleikhús“ verið
formlega skráð, og þinglýst, eign
forsvarsmanna ferðaleikhússins
„Light Nights“ frá árinu 1965.
Við afhendinguna tók Hjörleifur
Kvaran, framkvæmdastjóri lög-
fræði- og stjórnsýsludeildar Reykja-
víkurborgar formlega við nafninu
frá eigendum þess, Kristínu G.
Magnúss og Halldóri Snorrasyni.
í erindi sem Kristín G. Magnús
flutti við athöfnina kom fram að
saga ferðaleikhússins er tengd þess-
ari afhendingu. Hún sagðist vonast
til að þessi gjöf yrði leiklistinni til
framdráttar, því eðli góðrar listar
væri að gefa en ekki taka.
Auðheyrt var á Kristínu, þegar
hún flutti ræðu sína, að henni líkaði
allt annað en vel þær móttökur sem
hún fékk hjá borgarkerfinu.
Hún sagði að ellefu ár hefðu liðið
frá þinglýsingu nafnsins og þar til
fyrsta skóflustungan að því húsi sem
nú ber löglega nafnið Borgarleikhús,
var tekin. Allt frá þeim degi hafa
þau Kristín og Halldór reynt að
koma borgaryfirvöldum og stjórn
L.R. í skilning um að þau væru
löglegir eigendur nafnsins. Ekki var
hlustað á það, og bréfum ekki
svarað. Að sögn Kristínar gengu
þau á fund borgarstjóra í október,
og buðu honum nafnið til kaups.
Kristín sagði að svar Davíðs hefði
verið; „þetta er black mail“. Kristín
bætti við; „Sem útleggst á íslensku,
að þetta væri fjárkúgun." Síðar var
sú ákvörðun tekin að gefa borginni
nafnið, ef það mætti verða leiklist-
inni til framdráttar.
Ástæðan fyrir því að afhendingin
fór fram í gær en ekki við formlega
opnun leikhússins er að þeim Krist-
ínu og Halldóri var ekki boðið að
vera viðstödd vígslu „Borgarleik-
hússins“. HIÁ
Geirmundur Valtýsson:
Átta frum-
samin lög
í gær kom út ný 14 laga hljóm-
plata með Geirmundi Valtýssyni
tónlistarmanni á Sauðáritróki.
Plötuna nefnir Geirmundur í
syngjandi sveiflu. Á plötunni eru
átta lög sem ekki hafa heyrst
áður, tvö sem nú eru endurútgef-
in og loks lögin fjögur sem Geir-
mundur hefur sérstaklega samið
vegna þátttöku í söngvakeppni
evrópskra sjónvarpsstöðva.
Margir hafa lagt hönd á plóginn
við gerð þessarar plötu auk Geir-
mundar sem hefur samið öll
lögin. Textahöfundar eru allir
búsettir á Sauðárkróki utan einn.
Þeir eru Hjálmar Jónsson, Guð-
rún Sighvatsdóttir, Þorkell Guð-
brandsson, Erling Örn Péturs-
son, Hilmir Jóhannesson og
Aðalsteinn Ásberg Sigurðsson.
Undirleik á plötunni annast ein-
valalið hljóðfæraleikara en að-
stoð við sönginn fær Geirmundur
frá Ara Jónssyni, Helgu Möller,
Evu Ásrúnu Albertsdóttur,
Önnu Gunnarsdóttur, Önnu
Arnardóttur og Erlu Kolbrúnu
Friðgeirsdóttur.
Eins og flestum landsmönnum
er kunnugt hefur Geirmundur
ásamt hljómsveit sinni leikið fyrir
dansi um allt land við fádæma
vinsældir undanfarin 20-30 ár,
því má ætla að þessi fyrsta sóló-
plata hans verði kærkomin hinum
fjölmörgu aðdáendum sem hann
hefur eignast gegnum árin. ÖÞ