Fréttablaðið - 26.02.2009, Blaðsíða 45

FIMMTUDAGUR 26. febrúar 2009
UMRÆÐAN
Gunnlaugur Stefáns-
son skrifar um þing-
ræði
Njörður P. Njarðvík próf-
essor skrifaði grein í
Fréttablaðið um „Nýtt lýð-
veldi“. Þar leggur hann til
að Alþingi verði lagt niður
í allt að 16 mánuði svo sérstaklega
skipuð neyðarstjórn „með víðtæku
valdsviði“ geti stjórnað landinu og
samið nýja stjórnarskrá. Þetta eru
þekktar hugmyndir þegar mönn-
um var í nöp við lýðræðið. Slíkir
stjórnarhættir voru kenndir við
menntaða einvalda, herforingja
eða Sovétlýðveldin og enduðu
ávallt með ósköpum.
Lýðræði á Íslandi grundvallast
á þingræði og mannréttindum. Nú
er vegið að þessum grunnstoðum
með ýmsum hætti. Stjórnmála-
menn þola níð og yfirgang sem er
bein aðför að lýðræðinu. Stjórn-
málaflokkar verða fyrir óverð-
skulduðu aðkasti. Á sama tíma
þykir fínt að hrópa eftir útlensk-
um manni til að stjórna Seðlabank-
anum, útlendingum til að rannsaka
bankahrunið og hafa vit fyrir þjóð-
inni á mótmælafundum. Hvenær
verður þess krafist, að útlendingar
sitji einir á Alþingi hins nýja lýð-
veldis? Íslendingar heyja nú bar-
áttu um efnahagslegt sjálfstæði
sitt. Það verður ekki tryggt nema
á íslenskum forsendum, en í sam-
starfi við aðrar þjóðir.
Það er rétt að þingið hefur veikst
andspænis framkvæmdarvaldinu.
Ekki vegna þess hvernig þing-
menn og ráðherrar sitja í þingsaln-
um, sem fyrrum prófessor hefur
áhyggjur af, en er þó enn lifandi
tákn um styrk þingsins, heldur
vegna þess að Alþingi hefur ekki
náð að eflast og þróast í ljósi marg-
þættara og tæknivæddara þjóðfé-
lags á meðan stjórnsýsl-
an hefur þanist út. Einnig
hefur það verið lífsstíll og
þjóðaríþrótt, sérstaklega á
meðal fólks sem vill láta á
sér bera, að tala niðrandi
um þingið. Táknrænt er
að prófessorinn vill leggja
niður störf aðstoðarfólks
þingmanna, sem er þó
mjór vísir til að styrkja
sjálfstæði þingmanna. Þar
er hann sammála þeim sem alltaf
fannst lýðræðið dýrt og þvælast
fyrir viturlegum ákvörðunum í
erfiðum aðstæðum.
Fjármálakerfi þjóðarinnar
hrundi. Það var mannanna verk
á meðan landsframleiðsla vinn-
andi fólks var í sögulegu hámarki.
Horfast verður í augu við þær
staðreyndir, læra af reynslunni og
vonandi taka þau maklegum mála-
gjöldum sem ábyrgð báru. Það
er sárt fyrir almenning að bera
óverðskuldaðar byrðar, en verð-
ur ekki sælla við að brjóta niður
það sem enn stendur. Nú ber að
standa vörð um fólkið sem minnst
má sín með öflugri velferðarþjón-
ustu, beitingu skattkerfis til jöfn-
unar lífskjara, efla atvinnulífið
með öllum ráðum og verja mennt-
un. Það er styrkur þjóðar að eiga
grunnstoðir og opinbera þjónustu
sem byggir á mannréttindum og
sterkri lýðræðishefð. Þessi gildi
verður að varðveita og styrkja and-
spænis öfgafullu niðurbroti og upp-
lausn. Við skiptum hvorki um fólk
í landinu né gefumst upp, heldur
byggjum á þeim grunni sem best
hefur reynst: Lýðræðinu þar sem
einstaklingurinn er í fyrirrúmi.
Ég er sammála Nirði P. Njarðvík
um að þar verði kristilegt siðferði
og ábyrgð að vera leiðarljós.
Höfundur er prestur í Heydölum,
fyrrv.alþm. og í flokkstjórn Sam-
fylkingar.
Aðför að þingræðinu
GUNNLAUGUR
STEFÁNSSON
Potta- og pönnubúðin þín
Rúmlega 100 tegundir í boði! Allar með afslætti!
Komdu á potta- og pönnudaga og sparaðu þúsundir!
Stórir pottar • litlir pottar • skaftpottar • þrýstipottar
fonduepottar • gufusuðupottar • djúpar pönnur
grunnar pönnur •pottapönnur • grillpönnur •wok-pönnur
pönnukökupönnur • ál • stál • pottjárn • keramik • teflon • títan
Pottar Pönnur!
Potta- og pönnubúðin þín
nur!
Á ÍSL
ENSK
RI FR
AMLE
IÐSL
U
30%
afsláttur af íslenskum rúmum
allt að
TILB
OÐ
allt að
60%
afsláttur af arineldstæðum