Tíminn - 08.02.1990, Blaðsíða 4

4 Tíminn
Fimmtudagur 8. febrúar 1990
FRÉTTAYFIRLIT
JÓHANNESARBORG-
Bandaríski blökkumanna-
leiötoqinn Jesse Jackson kom
til Suour-Afríku þar sem hann
mun dvelja í vikutíma og hvetja
blökkumenn til dáöa.
PEKING — Sextíu og fimm
Kinverjar hafa verið dæmdir til
dauða vegna þrælasölu í Anh-
ui héraði. Fólkið hafði selt
fjölda kvenna og barna í ánauð
undanfarin ár. Þá hafa 3535
manns verið handteknir og
2937 verið dæmdir fyrir þræla-
hald í Anhui héraðinu sem er
eitt það fátækasta í Kina. Yfir-
völd hafa náð að bjarga rúm-
lega 10 þúsund konum og
börnum úr höndum þrælahald-
ara að undanförnu. Segir í frétt
Alþýðublaðsins í Kína að
undanfarin tíu ár hafi þræla-
hald í Anhui aukist gífurlega.
BONN — Vestur-þýsk stjórn-
völd hvöttu austur-þýsku
stjórnina til að hefja þegar
samningaviðræður um gjald-
eyrissamband ríkjanna. Gert
er ráð fyrir að sami gjaldeyrir
muni ríkja og þannig verði
komið í veg fyrir hrun efna-
hagslífs í Austur-Þýskalandi.
BEIRÚT — Rauðakrossliðar
fengu fylgd franskra sendi-
ráðsmanna til að koma fórnar-
lömbum innbyrðis átaka krist-
inna manna í Líbanon til
hjálpar. Að minnsta kosti 350
manns hafa fallið í átökunum
og hefur Samir Geagea leið-
togi Líbönsku hersveitanna
beðið Frakka um að grípa inn
í og stöðva andstæðinginn
Michel Aoun.
PRAG — James Baker utan-
ríkisráðherra Bandaríkjanna
varaði ríki Austur-Evrópu um
að hvika frá lýðræðisstefnu
sinni. Ef slíkt yrði gert myndu
Bandaríkjamenn beita sér fyrir
að þau ríki yrðu einangruð á
alþjóðavettvangi. Baker kom
til Moskvu í gær.
PRAG - Gífurlega öflug
sprenging varð í sovéskri her-
stöð í Tékkóslóvakíu í fyrrinótt.
Sveppalagað sprengiský lagði
upp af herstöðinni og eldar
kviknuðu í nærliggjandi
skógum. Sem betur fer fórst
enginn í sprengingunni sem
varð vegna þess að allar
öryggisreglur í tengslum við
vopnabúr voru brotnar, ef
marka má talsmann sovéska
hersins í Tékkóslóvakiu.
ÚTLÖND
Mikhaíl Gorbatsjof forseti Sovétríkjanna styrkir stööu sína eftir sögulegan miðstjórnar-
fund sovéska kommúnistaflokksins:
Kommúnistaflokkurinn
lætur af valdaeinokun
Valdaeinokun sovéska kommúnistaflokksins er lokid og
fjölflokkakerfí mun veröa komið á í Sovétríkjunum. Frá
þessu var gengiö á miðstjórnarfundi sovéska kommúnista-
flokksins ■ gær. Eru þetta róttækustu breytingar sem orðið
hafa í Sovétríkjunum frá því í byltingunni 1917.
Á fundi miðstjórnar flokksins í
gær voru umbótatillögur Mikhaíls
Gorbatsjofs samþykktar, en þær
miðuðu að „mannlegum, lýðræðis-
legum sósíalisma". Ein tillagan var
að nenta 6. grein sovósku stjórnar-
skrárinnar úr gildi, en hún kvað á
um aö sovéska kommúnistaflokkn-
um bæri forystuhlutverk í Sovétríkj-
unum.
Harðlt'numennirnir í sovéska
kommúnistaflokknum hafa því
endanlega orðið undir í valdabarátt-
unni, en þeir reyndu þó sitt besta á
miðstjórnarfundinum scm stóð í þrjá
daga, degi lengur en ráð var lyrir
gert. Gagnrýndu harðlínumennirnir
umbótastefnu Gorbatsjofs harðlega
og sökuðu hann um að hafa hrakið
Sovétríkin fram á hengiflug upp-
lausnar og stjórnleysis. Gckk gagn-
rýnin svo langt að einhverjir fulltrúar
kröfðust afsagnar Gorbatsjofs.
í tillögum Gorbatsjofs er ekki
einungis gert ráð fyrir að afncma
valdaeinokun kommúnistaflokksins,
heldur er gert ráð fyrir róttækum
breytingum á skipulagi hans. Fækk-
að verður í miðstjórn flokksins
þannig að þar sitja 200 fulltrúar,
mynduð verði ný stjórnmálanefnd
þar sem fulltrúar allra fimmtán Sov-
étlýðveldanna eiga sæti, í stað emb-
ættis aðalritara kemur voldugt emb-
ætti formanns kommúnistaflokksins
og verða tveir varaformenn kjörnir.
Breytingar þessar sættu mikilli
andstöðu harðlínumanna, en um-
bótasinnar fullyrtu að ef flokkurinn
gcrði ekki umbætur á sjálfum sér í
tíma þá myndi hann hljóta örlög
annarra kommúnistaflokka í Aust-
ur-Evrópu, missa tiltrú og völd.
70 skæruliðar felldir
Hermenn á Filippseyjum hafa
undanfarna þrjá daga gert harða
hríð að skæruliðum kommúnista.
Tæplega sjötíu skæruliðar voru felld-
ir þegar hundruðum hcrmanna var
sigað á hrciður þeirra á Malindang
fjalli í Zamboanga del Sur héraði
sem er 770 knt suðaustur af höfu-
ðborginni Manila. Einungis átta her-
menn féllu og tíu særðust.
Þetta cru fyrstu meiriháttar bar-
dagar stjórnarhersins á Filippseyjum
og skæruliða Nýja alþýðuhersins,
sem undanfarin 20 ár hefur barist
gegn yfirvöldum á Filippseyjum.
Hermogenes Esperon talsmaður
hersins sagði að hermennirnir hefðu
komið um hundraö skæruliðum á
óvart þar sem þeir dvöldu í búðum
sínum. Margir skæruliðar reyndu að
flýja, en lentu í klóm hermannanna,
að sögn Esperon.
Renato De Villa yfirmaður land-
liers Filippseyja sagði eftir árásina
að Nýi alþýðuherinn ógnaði ekki
lengur ríkisstjórn Filippseyja þar
sem helstu lciðtogar skæruliða hafi
verið handteknir undanfarin tvö ár.
Er talið að herstyrkur skæruliða hafi
fallið úr 25 þúsundum manna í 19
þúsund á einu ári og halli mjög
undan fæti hjá þeim.
Ríkisstiórnin
vill vopnahlé
Ríkisstjórn marxista í Angóla
segist vilja semja vopnahlé við
UNITA skæruliðahreyfinguna
þrátt fyrir að stjórnarherinn hafi
náð á sitt v;dd mikilvægum stöðv-
um skærtiliða í suð-austurhluta
Angóla.
Það var Jose Éduardo Dos Sant-
os forseti Angóla sem skýröi frá
því að stjórnin byði skæruliðunum
upp á vopnahlé, en forsetinn stað-
hæfði að stjórnarherinn hefði liert-
ekið bæinn Mavinga þar sem
UNITA hafði bækistoðvar sínar.
Sagði Santos að stjórnarherinn
hefði ráðist af alefli gcgn skæru-
liðasveitunum vegna þess að
skæruliðar hefðu stóraukið árásir
sínar að undanförnu.
-Ríkisstjórn okkar stefnir ekki
að algerum hernaðarsigri, sagði
Santos og sagðist reiðubúinn að
leyfa sjálfstæðum frambjóðendum
að taka þátt í þingkosningum.
Einungis stjórnarflokkurinn hefur
nú leyfi til að bjóða fram.
Hernaðarscrfræðingar telja að
stjórnarherinn hafi lagt allt í söl-
urnar við að ná Mavinga til að
ríkisstjórnin hafi betri stöðu í
friðarsamningum. Vopnahlé hafði
náðst í Angóla fyrir sjö mánuðum,
en það hélt ekki lengi. Fimmtán ár
eru liðin frá því að borgarastyrjöld-
in í Angóla hófst.
Mikhaíl Gorbatsjof styrkti mjög stöðu sína í Sovétríkjunum í gær.
Harðlínumennirnir í kommúnistaflokknum lutu í lægra haldi þegar róttækar
umbótaáætlanir Gorbatsjofs voru samþykktar í miðstjóm flokksins. Valda-
cinokun kommúnistaflokksins í Sovétríkjunum er lokið og framundan er
fjölflokkakerfi.
Mikil ólga í Pakistan:
Bardagar í Karachi
Öryggissveitir og æstir and-
stæöingar ríkisstjórnar Pakist-
ans böröust af mikilli hörku á
götum Karachi, næst stærstu
borgar landsins á miðvikudag.
Tuttugu og tveir menn féllu og
sextíu særðust.
Læknar og lögregla í Karachi,
sem var lömuð af allsherjarverk-
falli, sögðu að fjórir hinna föllnu
hefðu verið lögreglumenn.
Flestir hafi fallið fyrir byssukúl-
um.
Læknar á Jinnah og Abbasi
sjúkrahúsunum í Karachi hafa lýst
yfir neyðarástandi og hafa öll frí
læknaliðs og sjúkraliða verið aftur-
kölluð til að sinna hinum særðu.
-Hinir særðu liggja á gólfunum.
Við höfum ekki fleiri sjúkrarúm.
Við Itöfum beðið fólk um að gefa
blóð, sagði einn læknir á Jinnah
sjúkrahúsinu við fréttamenn.
Bardagarnir hófust milli lögreglu
sem studd var af hermönnum eftir
að fimmtíu vopnaðir menn réðust á
lögreglustöð í Karachi til að freista
þess að leysa úr haldi fólk sem
handtekið hafði verið vegna allsherj-
arverkfallsins á miðvikudag.
Verkfallið er ólöglegt, en það er
hin öfluga Mohajir þjóðarhreyfingin
sem fyrirskipaði verkfall í Karachi.
Hreyfingin hefur sakað stuðnings-
mcnn Benazir Bhutto forsætisráð-
herra um að hafa rænt áttatíu með-
limum Mohajir. Var verkfallinu ætl-
að að þrýsta á um að fólkinu yrði
sleppt.
UMSJÓN:
Hallur
Magnússon
BLAÐAM
Borgarstjórakosningar í Kólumbíu:
Skæruliðaforingjar stefna ótrauðir á borgarst jóras tóia
Tveir helstu leiðtogar M-19 skæru-
liðasamtakanna í Kólumbíu sem
nýlega hafa gert friðarsamning við
stjórnvöld hyggjast bjóða sig fram til
borgarstjóra í tveimur helstu borg-
um Kólumbíu.
Carlos Pizarro æðsti leiðtogi M-19
hcfur skráð sig sem frambjóðandi í
borgarstjórakosningunum í höfuð-
borginni Bógóta. Næstráðandi hans,
Antonio Navarro Wolf mun hins
vegar bjóða sig fram í borginni Cali,
sem er þriðja stærsta borg Kólumb-
íu.
M-19 hefur alla tíð átt nokkurn
stuðning í Calí sem er 330 km
suðvestur af höfuðborginni Bógóta.
Telja M-19 liðar sig hafa góða mögu-
leika á sigri þar.
M-19 undirritaði friðarsamning
við stjórnvöld í nóvembermánuði
síðastliðnum. Samkvæmt þeim
samningi leggja skæruliðar niður
vopn og leiðtogarnir tveir fengu
sakaruppgjöf.
M-19 eru hvað frægust fyrir að
hafa hertekið Dómshöllina í Bógóta
árið 1985. Þá létust um hundrað
manns þegar herlið yfirbugaði
skæruliðana.