Tíminn - 08.02.1990, Blaðsíða 20
AUGLÝSINGASÍMAR: 680001 — 686300 !
-
RlKISSÍóP NÚTIMA FLUTNINGAR Holnarhúsinu v/Tryggvagötu, S 28822 SAMVINNUBANKINN Lí BYGGÐUM LANDSINS iðá PÓSTFAX TÍMANS 687691 Múlakaffi ALLTAF í LEIÐINNI Q 37737 36737
Tíminn
FIMMTUDAGUR 8. FEBRÚAR 1990
Forstjóri Þjóðhagsstofnunar segir allar forsendur vera fyrir hendi
til að markmið kjarasamninganna um 6-7% verðbólgu náist:
Verðum að hafa strangt
aðhald í efnahagsmálum
Þórður Friðjónsson forstjóri Þjóðhagsstofn-
unar segir ríkissjóð verða að gæta aðhalds í
útgjöldum ef takast eigi að lækka vexti. Hann
segir að staða efnahagsmála þjóðarinnar sé nú
með þeim hætti að góðar líkur séu á að markmið
nýgerðra kjarasamninga náist og verðbólga
verði á bilinu 6-7% á árinu.
„Ef forsendur samninganna
halda gæti veröbólga orðið 6-7%
frá upphafi til loka árs. Ef verð-
bólga minnkar með þessum hætti
ættu nafnvextir að geta lækkað
verulega og þar með skapast meiri
möguleiki á stöðugleika í efna-
hagslífinu. Það sem helst gæti
stefnt árangri í þessa veru í tvísýnu
er að ekki verði nægilegt aðhald í
efnahagslífinu á næstunni. Ef að-
hald er ekki nægjanlegt gæti
myndast þensla sem gæti haft í för
með sér launaskrið og meiri vcrð-
lagsbreytingar," sagði Þórður.
í endurskoðaðri þjóðhagsspá
spáir Þjóðhagsstofnun 6-7% verð-
bólgu á þessu ári, en í desember
spáði hún 10,5% verðbólgu. Spáð
er að kaupmáttur standi í stað, en
falli ekki um 3% eins og spáð var.
„Það er mjög mikilvægt að það
vcrði nægilegt aðhald í peninga-
málum og ríkisfjármálum. Halli á
ríkisfjármálum má ekki aukast.
Ef hallanum er mætt með auknum
lántökum á innlendum Iánamark-
aði, en ekki niðurskurði útgjalda
að neinu marki, hefur það áhrif til
hækkunar á vöxtum. Þeim mun
meiri sem hallinn verður á ríkis-
sjóði, þeim mun hærri verða vext-
irnir.
Eins er mikilvægt að þess verði
gætt að útlán og peningamagn
aukist ekki óhóflega á næstunni.
Ég held að þó að nafnvextir lækki
verulega eigi að vera hægt að hafa
aðhald í peningamálum þar sem
raunvextir lækka ekki.
Ef myndast mikil lánsfjáreft-
irspurn núna í kjölfar kjarasamn-
inganna verður að tryggja að útlán
aukist ekki með því að beita þeim
tækjum sem menn hafa. Þau tæki
eru vextirnir fyrst og fremst."
-Telur þú að menn hafi sett sér
Þórður Friöjónsson, forstjóri
Þjóðhagsstofnunar.
raunhæf markmið með nýgerðum
kjarasamningum?
„Þessi markmið geta verið raun-
hæf í sjálfum sér. Það er ekkert
sem sjálfkrafa brýtur þau niður ef
menn halda rétt á málum. Það
sem gerir það að verkum að ef til
vill er betra tækifæri núna en
oftast áður til að ná árangri er að
skilyrði í þjóðarbúinu eru betri
núna. Halli á viðskiptum við önn-
ur lönd er minni og þar með betra
samræmi milli þjóðartekna og
þjóðarútgjalda heldur en verið
hefur um langt skeið. Það er betra
jafnvægi í ríkisfjármálum, betra
jafnvægi á peningamarkaði og það
eru betri almenn rekstrarskilyrði
útflutningsgreina. Þetta þrennt
hefur kannski ekki farið jafn Ijós-
lega saman lengi og þess vegna
ætti að vera betra tækifæri til ná
þessum markmiðum en áður.“
-EÓ
Nýr strætó
höfuðborgar-
svæðisins
Nýlega var undirritaður stofn-
samningur Almenningsvagna b.s. en
fyrirtækinu er ætlað að halda uppi
almenningssamgöngum á höfuð-
borgarsvæðinu, utan starfssvæðis
SVR. Fyrirtækið tekur til starfa 1.
janúar 1993 en þá renna út sérleyfi
þeirra sem sjá um almenningssam-
göngur á svæðinu. Samstarf verður
haft við Reykjavíkurborg um sam-
eiginlegar skiptistöövar og tengingu
við leiðakerfi SVR.
Aðild að liinu nýja byggðasamlagi
eiga sex sveitarfélög á höfuðborgar-
svæðinu: Bessastaðahreppur,
Garðabær, Hafnarfjörður, Kjalar-
neshreppur, Kópavogur og Mos-
fellsbær. SSH
KVEIKT í Á
BENSÍNSTÖD
Slökkviliðið í Reykjavík var kall-
að að bensínstöð ESSO við Stóra-
gerði í fyrrakvöld, vegna elds er þar
logaði. Þegar að var komið var
eldurinn slokknaður. Eftir um-
merkjum að dæma hafði verið kveikt
í bensíni við stöðina og sást sót á
skyggni stöðvarinnar. RLR fékk
málið til meðferðar, en til tveggja
pilta sást er þeir hlupu á brott, en
ekki hafði í gær tekist að hafa upp á
þeim. -ABÓ
íslenskar hænur verpa nú 3-4 kílóum meira á ári en fyrir tíu árum. Þær eiga þó langt í land með að ná
__ systrum sínum:
Evrópskar hænur verpa
T5 kílóum meira á ári
íslenskar hænur verpa nú 3-4
kííóum meira ári en þær gerðu fyrir
tíu árum. Eftir sem áður verpa
þýskar og hollenskar hænur 4-5
kílóum meira á ári en þær íslensku.
Þetta kom fram í erindi sem Eiríkur
Einarsson frá Félagi eggjaframleið-
enda flutti á ráðunautafundi Búnað-
arfélags íslands. Eiríkur segir unnt
að ná fram töluverðri hagræðingu í
framleiðslu og dreifingu eggja, sér-
staklega með því að flytja inn nýja
varpstofna.
Samkvæmt forðagæsluskýrslum
eru 230 þúsund hænur í landinu.
Bændur með hænur eru samkvæmt
sömu skýrslum 424, þar af eru um 50
bú með yfir 200 hænur. Smáfram-
Ieiðendum hefur fjölgað nokkuð á
síðustu árum.
í fjölda ára hafa verið flutt inn egg
frá Noregi til stofnræktar. Hingað til
hcfur ekki fengist leyfi til að flytja
inn erfðaefni frá öðrum löndum af
ótta við smitsjúkdóma. Nú er talið
að stofninn sem er í landinu afkasti
u.þ.b. 13-14 kílóum af eggjum á ári,
en fyrir aðeins um 10 árum var þessi
tala í kringum 10 kíló á ári. I löndum
eins og Þýskalandi og Hollandi eru
stofnar sem verpa ca. 18 kílóum á ári
og nota til þess mun minna fóður en
við þekkjum hér á landi.
Fóðurkostnaður er langstærsti
kostnaðarliðurinn við eggjafram-
leiðsiuna. Reiknað er með að hann
sé um 43% kostnaðarins og þá er
ekki reiknað með fóðurkostnaði
vegna eldis hænuunga. Laun eru
aðeins um 10% kostnaðar við fram-
leiðsluna.
Talið er að hægt sé að ná fram
umtalsverðri framleiðniaukningu
með því að flytja inn afkastabetri
hænsnastofna sem nýta fóðrið betur.
í dag þarf um 3,5 kíló af fóðri til að
framleiða eitt kíló af eggjum. Ef að
hægt væri að komast af með 2,4 kíló
af fóðri mynd hvert meðalbú spara
u.þ.b. 1,8 milljónir króna. Fram-
leiðslukostnaður myndi lækka um
15-20%. -EÓ