Tíminn - 17.02.1990, Síða 13

Laugardagur 17. febrúar 1990
Auglýsing frá
Tölvunefnd
Þann 1. janúar 1990 tóku gildi lög nr. 121 frá 28. desember
1989 um skráningu og meðferð persónuupplýsinga, en lög
þessi leysa af hólmi lög nr. 39/1985 um kerfisbundna
skráningu á upplýsingum er varða einkamálefni. Samkvæmt
30. gr. laga nr. 121/1989 hefur dómsmálaráðherra skipað
nefnd fimm manna, tölvunefnd, til þess að hafa eftirlit með
framkvæmd laganna og reglna settum samkvæmt þeim, veita
leyfi þau og heimildir sem kveðið er á um í lögunum og
úrskurða ágreiningsefni.
I.
Tölvunefnd vekur athygli á því, að samkvæmt hinum nýju
lögum er starfsemi eftirtalinna aðila óheimil án sérstaks
starfsleyfis, sem tölvunefnd veitir:
a) Þeirra, sem annast söfnun og skráningu upplýsinga um
fjárhagsmálefni og lánstraust einstaklinga og lögpersóna
í því skyni að miðla öðrum upplýsingum um það efni, sbr.
15. gr. laganna.
b) Þeirra, sem selja úr skrám eða afhenda með öðrum hætti
nöfn og heimilisföng tiltekinna hópa einstaklinga, stofnana,
fyrirtækja eða félaga, sbr. 21. gr. laganna.
c) Þeirra, sem annast um fyrir aðra áritanir nafna og
heimilisfanga svo sem með límmiðaáritun eða aðra
útsendingu tilkynninga til tiltekinna hópa einstaklinga,
stofnana, félaga eða fyrirtækja, sbr. 21. gr. laganna.
d) Þeirra, sem í atvinnuskyni annast markaðs- og skoðana-
kanpanir um atriði, sem falla undir ákvæði laga nr.
121/1989, sbr. 24. gr. laganna.
e) Þeirra, sem annast tölvuþjónustu fyrir aðra, sbr. 25. gr.
laganna. Er öðrum en starfsleyfishöfum skv. 25. gr.
óheimilt að varðveita eða vinna úr upplýsingum, sem falla
undir ákvæði 1. mgr. 4. gr. laganna (viðkvæmar persónu-
upplýsingar); upplýsingum, sem falla undir ákvæði V. kafla
laganna (fjárhagsmálefni og lánstraust) og upplýsingum,
sem falla undir ákvæði 3. mgr. 6. gr. laganna (samtengingu
skráa).
Samkvæmt 37. gr. laga nr. 121/1989 getur það varðað
refsingu að hafa með höndum slíka starfsemi, sem að framan
greinir, án starfsleyfis frá tölvunefnd. Þeim sem nú hafa
ofangreinda starfsemi með höndum er hér með veitturfrestur
til 7. mars nk. til þess að sækja um starfsleyfi til tölvunefndar.
f umsókn skal greina nafn umsækjanda, starfssvið, starfsstöð
og aðrar upþlýsingar sem máli skipta.
Umsóknir sendist til ritara nefndarinnar, Jóns Thors, skrif-
stofustjóra í dóms- og kirkjumálaráðuneytinu, sem einnig
veitir nánari upplýsingar í sima 609010.
II.
Þá vekur tölvunefnd athygli á því að samkvæmt lögum nr.
121/1989 er eftirtalin starfsemi almennt óheimil hafi ekki verið
fengin heimild nefndarinnar til hennar:
a) Að safna og skrá upplýsingar þær um einkamálefni
einstaklinga sem nánar eru taldar í 1. mgr. 4. gr. laganna.
Tekur þetta til upplýsinga sem m.a. varða heilsuhagi,
trúarbrögð, stjórnmálaskoðanir, áfengis- og vímuefna-
notkun og veruleg félagsleg vandamál.
b) Að skýra frá þeim upplýsingum sem nefndar eru í 1. mgr.
4. gr. laganna, og taldar eru ( ll-a) hér að framan, sbr. 5.
gr. laganna.
c) Að tengja saman skrár, sem hafa að geyma persónuupp-
lýsingar í skilningi laga nr. 121/1989 ef um er að ræða
skrár sem ekki eru í eigu sama skráningaraðila, sbr. 6. gr.
laganna.
d) Að annast markaðs- og skoðanakannanir þegar um er að
ræða aðila, sem ekki hafa fengið til þess starfsleyfi, sbr.
I- d) hér að framan, sbr. 24. gr. laganna.
e) Að safna og skrá kerfisbundið persónuupplýsingar til
geymslu eða úrvinnslu erlendis skrá eða frumgögn sem
geyma upplýsingar þær sem taldar eru í 1. mgr. 4. gr. sbr.
II- a) hér að framan, sbr. 27. gr. laganna.
f) Að varðveita í skjalasöfnum, svo sem Þjóðskjalasafni, afrit
eða útskriftir úr skrám sem annars skal afmá þar eð þær
hafa glatað gildi sínu, sbr. 28. gr. laganna.
Þeir sem óska eftir heimild til þeirrar starfsemi sem talin er í
liðum a)-f) hér að ofan skulu sækja um það til tölvunefndar.
III.
Nefndin vekur athygli þeirra sem fengið hafa útgefin starfsleyfi
og aðrar heimildir samkvæmt lögum 39/1985 að þau leyfi og
heimildir féllu úr gildi um sl. áramót.
Reykjavík, 14. febrúar 1990.
Tölvunefnd:
Þorgeir örlygsson, formaður
Jón Ólafsson, varaformaður
Bjarni K. Bjarnason
Bjarni P. Jónasson
Hilmar Þór Hafsteinsson
Tíminn 13
SPEGILL
Carrie rukkar „Playboy-kónginn“
- Hún vili að Hefner borgi sér 35 milljónir dollara
sem „eftirlaun“ eftir 6 ára sambúð þeirra!
„Playboy-kóngurinn" Hugh
Hefner hefur nú breytt um lífs-
hætti. Hann er kvæntur maður og
verðandi faðir, - og tengdamamma
hans er meira að segja líka á
heimilinu og er sögð stjórnsöm.
Það var öðruvísi hér áður þegar
hann hafði um sig hirð fallegra
stúlkna, og þeim þótti hinn mesti
heiður þegar hann tók einhverja
þeirra sem kærustu um tíma. Þær
hafa sjálfsagt ekki tapað á vistinni
hjá Hefner. Hann kom þeim á
framfæri með því að birta af þeim
myndir og létta þeim fyrstu sporin
sem fyrirsætur ljósmyndara eða
sýningarstúlkur.
En nú hefur ein þeirra, Carrie
Leigh, 25 ára gömul, farið í mál við
Hugh Hefner og krefst 35 milljón
dollara framfærslueyris sem fyrrv.
ástkona og sambýliskona hans.
Carrie segist hafa verið saklaus
19 ára fyrirsæta þegar Hefner flek-
aði hana og notaði sér hana sem
ástkonu þegar honum sjálfum
sýndist á milli annarra ævintýra.
Loks gafst Carrie upp á þessari
meðferð og yfirgaf „Playboy-
setrið“, og hún segir að þá hafi
Kimberley Conrad, núverandi eig-
inkona Hefners, notað sér tækifær-
ið meðan hann var í sárum og
uppfullur af söknuði eftir Carrie.
Carrie Leigh segir, að á meðan
hún bjó hjá Hefner hafi hún verið
eins og fangi. Hann hafi látið
einkaspæjara elta sig um allt, svo
hún hafi aldrei verið frjáls. Hugh
hafi líka gert sér lífið óbærilegt
með hinu óhemjulega kynlífi sem
hann vildi stunda, - hvar og hvenær
sem var, segir Carrie, og bætti því
við, að henni hafi verið farið að
þykja sem hún væri einhver „sex-
maskína“.
Enginn veit enn hvernig mála-
ferlin við „Playboy-kónginn“ koma
til með að ganga. Vitað er að hann
hefur hina færustu lögfræðinga á
sínum snærum. Sagt er að Carrie
sé ekki í neinni neyð og hún hafi
lifað lúxuslífi þessi ár og ekki litið
út fyrir annað en henni hafi líkað
það allvel. Þá er stúlkan nýgift
forríkum fornsala í New York, og
kom kæran frá henni nokkrum
dögum eftir að þau gengu í hjóna-
bandið.
Vinur Hefners segir: „Hugh gaf
henni bestu ár ævi sinnar, - og hún
launar honum svona!“
Carrie er glæsileg sýningar-
dama svo sem sjá má á mynd-
inni

Hugh Hefner með eiginkonu sinni, Kimberley Conrad, en hann
hallaði sér að henni þegar Carrie yfirgaf hann. Nú eiga þau
Kimberley og Hugh von á barni og allt virðist í lukkunnar velstandí
Á meðan allt lék í lyndi. Hér
sýnlr Hugh Hefner Carrie Leigh
ástaratlot, en hún var orðin „leið
á þessum látum“ eftir 6 ára
sambúð