Tíminn - 24.02.1990, Blaðsíða 3

Laugardagur 24. febrúar 1990
Tíminn 3
Samstaða í ríkisstjóminni um hverjir eigi fulltrúa í stjórn aflamiðlunar. Forsætisráðherratelur að í þessu felist lausn:
„TRUIEKKIOÐRU EN
ÞESSU VERÐI TEKID“
Á ríkisstjórnarfundi í gærmorgun var staðfest að full
samstaða væri innan ríkisstjórnarinnar um þá tillögu forsætis-
ráðherra, utanríkisráðherra og sjávarútvegsráðherra að
stjóm aflamiðlunar verði þannig skipuð að einn aðiU komi
frá hverjum aðila. Þar sem utanríkisráðherra fer með málið,
kemur hann til með að flytja formlega þessa tillögu.
Þetta þýðir að einn fulltrúi kemur
frá hverjum eftirtalinna aðila, LÍÚ,
sjómönnum, fiskverkafólki og fisk-
vinnslu. Þessir aðilar eiga síðan að
koma sér saman um formann, að
sögn Steingríms Hermannssonar
forsætisráðherra.
Steingrímur sagði að ákveðið hafi
verið að áfram yrði unnið að þessari
lausn. Aðspurður um hvort gefa
þyrfti út reglugerð vegna þessa,
sagði Steingrímur svo ekki vera,
heldur væri þetta á valdi þess ráð-
herra sem færi með útflutningsleyfin
og nóg að hann tilkynnti um það
bréflega að þessi háttur skyldi hafður
á. Aflamiðlunin kemur til með að
heyra undir utanríkisviðskiptaráðu-
neytið að minnsta kosti til að byrja
með að sögn Steingríms.
Forsætisráðherra sagðist telja að í
þessari skipan fælist vissulega lausn
og sagðist ekki trúa öðru en að þessu
yrði tekið, þar sem ekki væri um
mikla breytingu að ræða frá fyrri
tillögum. „Ég held að allir aðilar
sem náðist í hafi verið jákvæðir í
garð þessarar niðurstöðu," sagði
Steingrímur.
Yfirnefnd Verðlagsráðs sjávarút-
vegsins lagði til að tveir fulltrúar
kæmu frá LÍÚ og enginn aðili valinn
sameiginlega. „Með þeirri breytingu
sem þarna hefur verið gerð, er verið
að koma til móts við Verkamanna-
sambandið, að það verði einn frá
hverjum aðila, en síðan valinn odda-
maður sameiginlega," sagði forsætis-
ráðherra.
Landssamband smábátaeigenda
sendi í gærmorgun bréf til utanríkis-
ráðherra þar sem farið var fram á að
fulltrúi frá landssambandinu yrði
skipaður í stjórn aflamiðlunar.
Steingrímur sagði að eflaust væru
mjög margir ósáttir með að fá ekki
fulltrúa í í þennan hóp sem stýrir
aflamiðlun. „Því miður, þetta er
viðkvæmt mál, og ef svo færi þá
óttast ég að þetta geti haldið lengi
áfram," sagði Steingrímur.
I bréfinu segir að Landssamband
smábátaeigenda geti alls ekki sætt
sig við að í stjórn aflamiðlunar verði
enginn fulltrúi sem gæta mun hags-
muna smábátaeigenda, og á það
bent að á síðasta ári öfluðu smábátar
12% heildarþorskafla þjóðarinnar.
Þórður Friðjónsson formaður yfir-
nefndar Verðlagsráðs sjávarútvegs-
ins sagði í samtali við Tímann að
þeir yrðu að ræða málin og skoða
þessa niðurstöðu ríkisstjórnarinnar.
Hvenær fundur yrði boðaður í yfir-
nefnd sagðist Þórður ekki vera viss
um en líklega yrði það gert á
morgun.
Aðspurður hvort þetta væri sú
niðurstaða sem menn gætu sætt sig
við í yfirnefnd, sagði Þórður að væri
ekki frágengið ennþá. „Við höfum
farið yfir þetta á óformlegum fund-
um og það hefur ekki náðst endan-
legt samkomulag. Þó svo að segja
megi að lausn sé í sjónmáli, þá er
ekki búið að ganga endanlega frá
málinu og ekki komin niðurstaða.
Fyrr er málið ekki afgreitt og menn
geta ekki verið vissir um að þetta
komist á með þessu hætti,“ sagði
Þórður.
Um önnur atriði sem yfirnefnd
tekur á, sagði Þórður að ekki hafi
verið búið að ganga frá neinu sam-
komulagi. „Hins vegar held ég að
segja megi sem svo, að þessu máli
frágengnu, þ.e. með aflamiðlunina,
þá held ég að allir aðilar hafi metið
það þannig að allt annað væri leysan-
legt,“ sagði Þórður.
Bandalag starfsmanna ríkis og
bæja samþykkti á stjórnarfundi á
fimmtudag að BSRB styddi eindreg-
ið þau sjónarmið Verkamannasam-
bandsins að við skipan aflamiðlunar
verði haft til hliðsjónar að fiskurinn
í sjónum er sameign þjóðarinnar
allrar. Því sé eindregið vísað á bug
að þröngur hagsmunahópur útgerð-
armanna geti ráðstafað þessari sam-
eign að eigin geðþótta. -ABÓ
Framsóknarflokkurinn:
Hrossahlátur í Reykjavík
Veðurblíða var á höfuðborgarsvæðinu í gær og notuðu hestaeigendur tækifærið og viðruðu hesta sína.
Þessir tveir kunnu vel að meta góða veðrið og hlógu hrossahlátri. Tímamynd pjetur
_i!_ _íL _L _L K _JL er þ|ónusta sem gerir fjórmálastjórum, gjaldkerum og
landsbankans sendimönnum fyrirtækja lífið léttara. Með því að tengja
tölvu fyrirtækisins við BOÐLÍNUNA opnar fyrirtækið í raun sína eigin bankaafgreiðslu sem opin er
frá kl. 8:00-19:00 alla virka daga. Með BOÐLÍNUNNI er hægt að millifæra af eigin reikningi á hvaða
reikning sem er í hvaða banka sem er, og greiða þannig t.d. alla gíróseðla, víxla, skuldabréf og laun
án þess að fara í banka. Jafnframt á fyrirtækið aðgang að fjölbreyttum upplýsingum um stöðu
sína í bankanum og ýmiskonar annarri þjónustu. Hugaðu strax að BOÐLÍNU Landsbankans
og mánaðamótin verða léttari. Allar nánari upplýs-
ingarfást í bæklingi sem liggurframmi í næsta Landsbanka.
L
Landsbanki
Islands
Banki allra landsmanna
UMFERÐAR
RÁÐ
Prófkjör 3
Selfossi
Eins og greint var frá í Tímanum
í gær verður Framsóknarflokkur-
inn á Selfossi með opið prófkjör
um skipan sæta á B-listanum við
bæjarstjórnarkosningarnar í vor.
Kosið verður að Eyrarvegi 15 á
laugardaginn eftir viku og eftir því
sem næst verður komist er þetta
eina prófkjör framsóknarmanna
fyrir kosningarnar. Frambjóðend-
ur í stafrófsröð eru þessir:
Ása Líney Sigurðardóttir, hús-
móðir og nemi, Bergur Pálsson
vélvirki, Grétar Jónsson húsasmið-
ur, Guðmundur Búason, fjármála-
stjóri K.Á., Guðmundur Kr. Jóns-
son framkvæmdastjóri, Gylfi
Guðmundsson húsasmiður, Krist-
ín R.B. Fjólmundsdóttir, húsmóð-
ir og skrifstofumaður, Kristján
Einarsson, húsa- og húsgagnasmið-
ur, Páll Guðmundsson landpóstur,
Sólrún Guðjónsdóttir fulltrúi,
Svanur Kristinsson lögregluþjónn,
Vilborg Helgadóttir framhalds-
skólakennari.