Tíminn - 15.06.1990, Blaðsíða 5

Tíminn - 15.06.1990, Blaðsíða 5
Föstudagur 15. júní 1990 Tíminn 5 Ódýrar „íslenskar" lopapeysur á Bandaríkjamarkaði, aettaðar frá Kína: Kínverjar undirbj íslenskar prjónakonur Ódýrar, íslenskar lopapeysur, sem eru „handprjónaðar" í Kína, fást nú í verslunum í Bandaríkjunum, og að sögn Ólafs Ólafssonar, forstjóra Álafoss, er hér um fullkomlega löglega framleiðslu að ræða, þar sem ekkert einkaleyfi er á mynstrun- um og alvanalegt sé í fataiðnaðinum að stæla framleiðslu annarra fyrirtækja. Ólafur sagði hinsvegar að hann vissi um íslenska aðila, búsetta erlendis, sem keyptu lopa og létu prjóna fyrir sig. Þeir hefðu til skamms tíma látið prjóna fyrir sig á íslandi, en séð sér þann leik á borði að það væri hag- kvæmara og betra að láta prjóna þetta annars staðar. Ólafur sagði að það kostaði á bilinu 500-600 kr. að láta prjóna svona peysur í Kina. Hjá Handprjónasam- bandi íslands fengust þær upplýsing- ar að prjónakonur hérlendis fengju um 1800-2900 kr. fyrir peysur, allt eftir stærð þeirra, en í þeirri upphæð væri lopakostnaður innifalinn, en um 500 kr. kostar í hverja peysu. íslensk- ar prjónakonur fá því 1300- 2400 kr. í laun fyrir peysuna. „Þessir aðilar eru ekkert að hugsa um íslenskar konur, þeir vilja náttúr- lega bara selja peysur á sem lægstu og bestu verði," sagði Ólafur. Ólafur sagði einnig að það væru verksmiðjur sem sæju um framleiðsl- una, en ekki væri um hjáverk kin- verskra húsmæðra að ræða. „Við getum ekkert gert eða sagt í málinu; þessi munstur eru ekkert eign íslendinga frekar en annarra, það hafa hundruðir fyrirtækja notað þau," sagði hann. „Við þessu er ekkert að segja, því miður." Jón Páll Haraldsson, markaðsfull- trúi Álafoss, sagði þetta vera löglega starfsemi í þeim tilfellum þar sem enginn hefur átt munstrið. „Það er hægt að sækja um einkaleyfi á hönnun varðandi munstur og heild- arútlitið, sem flest stærri fyrirtæki er- lendis gera, sem eru þekkt undir sér- stökum nöfhum, og í þeim tilfellum má ekki gera neitt svona," sagði Jón Páll. „En það er enginn einn sem á þetta munstur sem notað hefur verið sem íslenska lopapeysumunstrið, enda geturðu fundið peysur í verslunum hér heima frá flestum ullarframleið- endum héma og sem húsmæður hafa handprjónað bg selt í verslanir, þann- ig að í raun og veru getum við ekkert gert í svona löguðu," sagði hann. Jón Páll sagði þessa erlendu fram- leiðslu getað skaðað islenskan út- flutning í sumum tilfellum, en ekki öllum. „Það getur verið jákvætt að því leyti að vara sé íslensk í útliti og auglýst út af þvi og efhinu sem notað er í hana, ef þetta er góð vara. En ef það er far- ið að gera Iélegar eftirlikingar er það svolítið annað mál," sagði Jón Páll. „Við getum alltaf lent í því að ein- hver taki upp eftirlíkingu af islenskri hönnun og láti handprjóna í Kína." Talsmaður Handprjónasambandsins sagðist skammast sín fyrir að hand- fjatla sumar þær peysur sem hún hef- ur séð í útlöndum, því gæði vörunnar væru svo miklu minni en hinnar ís- lensku, þó svo hún vissi ekki við hvem væri að sakast þar. „En við vitum að það eru islenskar lopapeysur í búðum erlendis sem eru prjónaðar úti," sagði hún. Vara sem fullunnin er erlendis er oft töluvert ódýrari en samskonar íslensk framleiðsla, og kvað Jón Páll það vera slæmt. „Það er hlutur sem við lendum oft í með íslenska framleiðslu að hún er illa samkeppnisfær vegna verðs og framleiðslukostnaðar," sagði hann. Jón Páll sagði þetta ekki vera mjög algengt, en hann hefði orðið vitni að því á sýningu í Austurríki að kanad- ískur aðili, sem Álafoss hefði hætt viðskiptum við og keypti nú svipað band frá Noregi, hefði límt miða á flíkina sem á stóð „norskt ullarband" þar sem áður var „íslenskur lopi". Ólafiir tók fram i máli sínu að ef reynt væri að banna mönnum að kaupa íslenskt hráefhi, þá fengju þeir það annars staðar. Jón Páll sagði að það væru margir sem keyptu af þeim lopa út, nokkur af stóru tískufyrirtækjunum í Banda- ríkjunum og eitt stærsta handprjóna- fyrirtæki Júgóslavíu, þannig að lopi væri seldur um allan heim. Jón Páll sagði lopann í kínversku peysunum ekki endilega þurfa að koma frá Álafossi, þar sem fleiri ís- lensk fyrirtæki flyttu út lopa. —só 20 pundari og Fiat Þeir hafa verið mjög vænir fiskarn- ir sem komið hafa á land í Laxá í Kjós fyrstu daga veiðitímans. Jakob Hafstein veiddi tuttugu punda lax í fyrradag og er það sá stærsti sem kominn er á land. Ónafhgreindur veiðimaður, sem var við veiðar í Kjósinni, setti lika í þann stóra, en hafði litia möguleika. Veiðimaðurinn var að kíkja fram af brúnni og maðkurinn dinglaði fram og til baka í vindinum. Skyndilega rýkur út af hjólinu hjá veiðimannin- um og hvín all rosalega í. Steinhissa rígheldur veiðimaðurinn í stöngina og hann mun ekki hafa brosað þegar hann áttaði sig á að Fiat bifreið sem leið átti um brúna var á hinum end- anum. Girnið hafði flækst í útvarps- loftneti bílsins og brunaði hann með línuna norður. Þrátt fyrir góð tilþrif sleit Fiatinn. I gærdag voru komnir ríflega 50 laxar úr Laxá í Kjós. UN gengið með 44 Upp og niður gengið stendur undir nafni. Þeir hefja ávallt veiðar í Mið- fjarðará og brugðu ekki út af vanan- um þetta sumarið. Þeir hófu veiðar á mánudag klukkan 16 og fóru heim í gær á hádegi. Afraksturinn var 44 laxar. í fyrra fékk þetta sama veiði- gengi engan lax. Það verður því að segjast eins og er að gengið er upp og niður hjá þeim. 17 pundari úr Meðalfellsvatni Þórhallur Bjarnason setti í sautján punda lax í Meðalfellsvami nýverið og náði að innbyrða hann. Þórhallur var á bát á vatninu er sá stóri beit á. Viðbúið er að fleiri laxar veiðist á allra næstu dögum í Meðalfellsvatni þar sem mikið hefur sést af honum stökkvandi. Tímamy nd Áml Bjama Frá fundi BHMR í Bíóborginni í gær. Tímamynd Ámi BjarnaFrá fundi BHMR í Bíóborginni í gær. Halldór Ásgrímsson segist undrandi á ummælum borgarstjóra, um að lögfræðingar borgarinnar telji ákvörðun ríkisstjórnarinnar hæpna: Lögfræðingar borgarinnar gerðu engar athugasemdir „Það kemur mér á óvart að borgarstjórinn í Reykjavík skuli lýsa þessu yfir." Þetta s'agði Halldór Ásgrímsson, starfandi forsætis- ráðherra, þegar ummæli Davíðs Oddssonar um að lögfræðing- ar borgarínnar hefðu efasemdir um að frestun launaflokka- hækkunar BHMR væri lögmæt, var borín undir hann. Ertu hættulegur í UMFERÐINNl án þess að vita það? Mörg lyl hala svipufi áhril ogáfengi. Ky.intu þér vel lylið sem þú notar ú® „Það kemur mér á óvart að borgarstjór- inn í Reykjavík skuli lýsa þessu yfir." Þetta sagði Halldór Ásgrims „Ég hef fengið upplýsingar um það að samninganefhd ríkisins og lögfræðingar Fjármálaráðuneytisins hafa verið í sam- bandi við embættismenn Reykjavíkur- borgar, þar á meðal lögfræðinga borgar- innar, sem höfðu ekki í frammi neinar athugasemdir varðandi þessa frestunT Þess vegna kemur yfirlýsing borgar- stjórans á óvart og er hún reyndar mjög óheppileg," sagðí Halldór. Hann sagði það vera skoðun ríkis- stjórnarinnar, að ef þessi breyting kæmi nú til framkvæmda myndi það valda röskun á hinu almenna launakerfi i land- inu., J samningnum stendur beinlínis að standa eigi að breytingum þannig að það valdi ekki slikri röskun." I gær var haldinn félagsfundur BHMR í Bíóborginni og var þar nær húsfyllir. Eftir fundinn hittist samninganefhd BHMR og sagði Páll Halldórsson, for- maður BHMR, eftir fundinn að samn- inganefndin hafí falið stjórn félagsins að undirbúa formlega meðferð málsins fyr- ir réttum dómstóli. Halldór Ásgrímsson vonaðist hins veg- ar til þess að BHMR léti ekki verða af þeirri fyrirætlan, vegna þess að rikis- stjórnin ætli sér að standa við þennan samning í einu og öllu. „Það er búið að standa við annan og þriðja kafla samn- ingsins. Nú ríður á að hraða þeim sam- anburði sem á að eiga sér stað sam- kvæmt fyrsta kafla samningsins, milli þeirra sem vinna hjá ríkinu og annars staðar. Því starfi er að hluta til lokið, en ekki að öllu leyti. Niðurstöður í þeim samanburði verður grundvöllur raun- hæfrar niðurstöðu í þessu máli. Þó að nú hafi verið tekin ákvörðun um að fresta gildistöku launaflokkahækkunar BHMR, með þeim hætti sem samning- urinn gerir beinlínis ráð fyrir, þá er það einlægur ásetningur rikisstjómarinnar að ljúka þessu starfi. Málaferli myndu aðeins spilla fyrir og ekki verða á nokk- urn hátt til framdráttar. Ég get ekki séð ávinning fyrir félaga í BHMR með því að fara þá leið, en það er vitaskuld þeirra ákvörðun," sagði Halldór að lokum. Athugasemd Ég vil mótmæla þeim málfiutningi Tímans að Mógilsárdeilan snúist um persónuleg og pólitísk samskipti ein- hverraallabalk Sjálfurvaregfórmaður Félags ungta fiamsóknarmanna í Reykjavík árið 1980, og lét afþví emb- ættíþegarégfortilírarnhaldsnámsvest ur um ha£ Sem þátttakandi í Mógilsár- deilunni kann ég því afar illa að grund- vallar ágreiningur um gróðurverndarr- annóknir sé hártogaður með þessum hættl VirðingaiíylLst, dr. Krisrján Þórarinsson sérfræðingur á Rann- sóknastöð Skógræktar rikisins á MógDsá.

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.