Tíminn - 09.10.1990, Blaðsíða 8

Tíminn - 09.10.1990, Blaðsíða 8
Þriðjudagur 9. október 1990 Stólræður séra Guðmundar Arnar Ragnarssonar á Seltjarname Nálastungulæk utan kirkjunn „Ég sagði nú við einn mann, sem sagði að presturinn væri búinn að dæma alla Lions- menn út í ystu myrkur að hann yrði þá að byrja biskupnum sínum, ég er nefnilega Lionsmað- ur", sagði Ólafur Skúlason biskup í gær. Ástæð- an fyrir þessum ummælum biskups er sú að séra Guðmundur Örn Ragnarsson farprestur, sem þjónar á Seltjarnarnesi meðan að sóknar- presturinn, séra Sólveig Lára Guðmundsdóttir, er í barnsburðarleyfi, hefur í stólræðum sínum sagt eitt og annað sem sóknarbömunum hefur ekki líkað alls kostar við. Guðmundur hefur í ræðum sínum sagt öllu kvakli strið á hendur og hefur m.a. beint spjót- um sínum að nálastungulækningum. Þá hefur hann sagt að félagsstarfssemi sem ekki væri á vegum kirkjunnar væri óæskileg og af hinu illa. Einmitt þau ummæli hans hafa orðið til þess að formaður Öryrkjabandalagsins hefur ritað Biskupi íslands bréf þar sem m.a. er spurt hvort túlka megi þessi ummæli prestsins sem skoðun þjóðkirkjunnar. Það stendur sem sagt stormur um prestinn á Seltjarnarnesi og í gær hélt biskupinn yfir ís- landi fund á skrifstofu sinni með sóknarnefhd- inni á Seltjarnarnesi og prestinum, sr. Guð- mundi. Hvort tekist hafi að ná sáttum eða að hemja yfirlýsingagleði prests vitum við ekki, þar sem fundarmenn voru allir þöglir sem gröf- in um það sem fram fór á fundinum. Þá aftók sr. Guðmundur með öllu að ræða við blaðamann Tímans um málið. Eftir umræddan fund í gær var rætt við biskup íslands, hr. Ólaf Skúlason um þetta mál. Hann sagði að sér virtist fólk taka það úr samhengi sem séra Guðmundur Öm væri að segja og þess vegna væri um þennan misskilning að ræða. í sambandi við félagsstarfsemina hefði Guð- mundur einfaldlega sagt að kirkjan ætti að vera okkur nægjanleg bæði sem félagslegur vett- vangur og trúarlegur og þá þyrftum við ekki á öðru að halda, eins og t.d. þessum sérhópum, svo sem Lionsklúbbum. Þetta hafi hann sagt og þetta stæði hann við. Biskupinn, hr. Ólafur Skúlason, sagðist sjálfur vinna að kirkjulegum málefnum nótt sem nýt- an dag. Engu að síður hefði hann mjög gaman af því að hitta félaga sína í Lions aðra hverja viku - „og ég tel mig jafn góðan kristinn mann og áður". Hann sagði að sr. Guðmundur hefði að vísu sagt eitthvað í þessa veru, en átt við það að fólk noti oft þessa klúbba og félög sér til af- sökunar fyrir því að hafa ekki tíma fyrir kirkju sína. Fundur með sóknarnefnd Seltjarnarness, prestinum og biskupi í gær Skoðanir Guðmundar hafa vakið mikla at- hygli á Seltjarnarnesi og í gær var haldinn áð- umefndur fundur með sóknarnefndinni, prest- inum og biskupi íslands þar sem ræddar voru skoðanir prestsins, ýmis ummæli hans í stól- ræðum ásamt ýmsum breytingum sem gerðar hafa verið á kirkjulegri þjónustu í sókninni. Formaður sóknarnefndarinnar sagði eftir fundinn að nefndarfólkið sækti reglulega styrk til biskups og leiðbeiningar og þessi fundur hefði verið haldinn í þeim tilgangi. Þau fari út af þessum fundi með hans leiðbeiningar að vegar- nesti og ætli að reyna að starfa áfram í kirkjunni eins og þau hafi áður gert - fyrst og fremst vegna trúar þeirra á Jesú Krist. Aðspurður um það hvort skoðanir prestsins samrýmdust skoð- unum sóknarnefndarinnar sagði einn nefndar- manna að presturinn gæti ekki predikað svo öllum líki. Biskup íslands, séra Ólafur Skúlason, sagði eft- ir fundinn að engin formleg kvörtun hefði bor- ist út af ummælum prestsins eða embættis- færslu. Því væri þó ekki að neita að það hefðu rætt við hann menn sem bent hefðu á ýmislegt sem þeim hefði fundist miður fara. „Ég hef rætt við prestinn oftsinnis og við erum ágætis vinir en erum ekki á sömu boðunarlínu á öllum svið- um. Hann skilur mína afstöðu og tekur tiltit til hennar. Auðvitað hefur prestur visst svigrúm í sambandi við boðun og áhersluatriði en hann á að fara eftir því sem boðað er í evangelísku-lút- hersku kirkjunni sem er þjóðkirkja á íslandi og 93% íslendinga tilheyra," sagði biskup. Að- spurður hvort það sem sr. Guðmundur prediki samrýmist ekki lútherskum sið sagði Ólafur að Eftir Stefán Eiríksson viss áhersluatriði væru önnur hjá sr. Guð- mundi, en ekkert hefði komið fram í samtölum þeirra sem benti til þess að hann væri ekki ev- angelísk- Iúterskur og predikaði sem slíkur. Ól- afur sagði að sóknarnefndin stæði einhuga með prestinum, þau hefðu sagt eins og hann að það væru viss áhersluatriði sem þau hefðu gjarnan viljað að væru öðruvísi en þau meti hans boðun oghansstarfmikils. Biskup sagði að ýmislegt væri að athuga við þennan nýaldar-óhemjugang sem nú fengi að vaða uppi. Svo væri komið að varla væri hægt lengur að opna útvarp eða sjónvarp eða fletta blöðum án þess að nýaldarmenn væru ekki all- staðar að þenja sig. Ástandið væri orðið þess eðlis, að hans áliti, að kirkjan yrði að vara fólk við. Margt af því, sem nýaldarmenn kenna, sam- rýmist alls ekki því sem kirkjan sé að boða. Biskup sagði að það væri býsna athugavert að bera t.d á borð fyrir almenning indverska heim- speki þar sem hverjum og einum er kennt að hugsa um sjálfan sig framar öllu öðru, og betl- arinn fyrir utan gluggann skipti engu máli. Slíkum kenningum ætti íslensk þjóð alls ekki að sinna, hvað þá heldur að gleypa við. Nornaveiðar á tuttugustu öld Eins og áður sagði hefur Guðmundur beint spjótum sínum gegn hug- og kvakllækningum ýmis konar og hefur það mátt skiljast á honum að Hallgrímur Magnússon, sem er læknir og beitir nálastunguaðferðum við lækningar, sé útsendari djöfulsins. Hallgrímur sagði í samtali við Tímann að Guðmundur væri með ýmsar kenningar um það að hann og kollegar hans væri af hinu illa vegna þess m.a. að þeir stundi ekki kirkju og fari ekki eftir útlistingum Guð- mundar á biblíunni og þama væri því nánast um nomaveiðar á tuttugustu öld að ræða. Hall- grfmur sagði að Guðmundur tilheyrði einhverj- um sértrúarsöfnuði og að hann túlki í ræðum sínum það, sem standi í biblíunni, langt um- fram það sem þjóðkirkjan geri og sýni ekki eins mikið umburðarlyndi og þjóðkirkjan, sem hún, sem kristin kirkja, eigi að gera. Hallgrímur sagði að þeir hefðu rætt um þess- ar nálastungulækningar og Guðmundur héldi því stíft og stöðugt fram að þær væru af hinu illa. Hann hafi þau rök að þetta sé ekkert annað en kínversk trúarbragðafræði sem liggi á bak við nálastungumar og kínversk heimspeki sam- ræmist ekki boðskap biblíunnar og þ.a.l. sé þetta verk djöfulsins því annað hvort ertu af hinu góða eða hinu illa, „og þess vegna er ég út- sendari djöfulsins", sagði Hallgrímur. „Það er nú málfrelsi hér í landinu og því er manninum

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.