Tíminn - 24.10.1990, Blaðsíða 3

Miðvikudagur 24. október 1990
Tím'mn *3-
Vfir 160 þús. slátur hafa selst í fjórum slátursölum:
Nýtt met í sölu sláturs
var sett á þessu hausti
Metsala hefur veríð á slátrí á þessu hausti í lgölfar mikillar aukning-
ar sem orðið hefur á slátursölu tvö s.l. haust. Ljóst virðist að slát-
urgerð hefur veríð stunduð á þúsundum heimila í landinu um síð-
ustu helgar. Tvær slátursölur í Reykjavík hafa selt samtals um 90
þúsund slátur síðustu vikumar hvar af milli 8 og 9 þúsund slátur
voru seld aðeins síðasta fostudag. Hlutfallslega virðist slátursala
vera enn meirí utan höfuðborgarsvæðisins. Þannig var t.d. beðið
eftir innmatnum úr hvetju lambi sem slátrað var á Akureyrí og
dugði ekki til. Til að anna eftirspuminni, 35 þús. slátmm, varð dag-
iega að sækja mörg hundmð til Húsavíkur. Svipað var uppi á ten-
ingnum í Borgamesi þar sem varla hafðist undan að hreinsa vambir
og svíða hausa.
Hálf milljón slátur-
keppa í Reykjavík?
„Slátursala er mjög góð núna, eins
og raunar síðast liðin tvö ár, en þó
aldrei meiri en nú“, sagði Úlfar
Reynisson hjá Afurðasölu Sam-
bandsins. Hann sagði slátursölu
hafa aukist verulega haustið 1988 og
síðan haldist svipuð í fyrra. í haust
sé svo búið að selja um 50.000 slátur
sem sé enn nokkur aukning frá í
fyrra. Úlfar reiknaði með að slátur-
sölu hjá Afurðasölunni lyki í dag
(miðvikudag).
Svipað var uppi á teningnum hjá
slátursölu Sláturfélags Suðurlands í
Reykjavík. Kristinn Skúlason sagði
slátursölu hafa aukist verulega fyrir
tveimur árum frá því sem áður var.
Nákvæmar sölutölur í haust sagðist
hann enn ekki hafa en sýndist sala
svipuð nú og í fyrra. Þá seldi SS um
40 þús. slátur á sláturmarkaði í
Reykjavík, en um 50 þús. slátur í
heild. Kristinn sagði mesta sölu fyr-
ir helgar og hann ætlar að reyna að
halda opnu út þessa viku.
Biðraðir eftir slátri
á Akureyri
„Hér á Eyjafjarðarsvæðinu seldum
við yfir 35 þúsund slátur í haust,
sem er aukning úr 29 þúsund í fyrra.
Enda eru þetta gífurlega góð matar-
kaup“, sagði Óli Valdimarsson slát-
urhússtjóri hjá KEA á Akureyri. Auk
þess, sem allt seldist þar jafnóðum
og slátrað var, fékk hann um 400
viðbótarslátur á dag frá Húsavík og
að síðustu varð hann einnig að fá
sent slátur frá Kópaskeri.
„Það bókstaflega hreinsaðist hér
upp dag eftir dag og varð oft um
klukkutíma bið eftir þessu. Það hef-
ur heldur aldrei komið fyrir áður,
svo ég muni eftir, að við urðum
m.a.s. uppiskroppa með blóð. En
slátursalan var svo mikil suma daga
að við höfðum ekki undan að af-
greiða vegna skorts á blóði. Það var
rétt síðustu dagana sem við náðum
að safna svolitlu blóði til að frysta
fyrir veturinn".
Þótt salan hafi verið mest á
fimmtudögum og föstudögum sagði
Óli það hafa verið daglegt vandamál
að skaffa nóg til að anna eftirspurn-
inni. ,
Fjölskyldusamkomur
„Það er mjög algengt að fólk taki sig
saman um sláturgerðina, sauma-
klúbbar og fjölskyldur og annað.
Þetta er ekkert ósvipað og er með
laufabrauðið hjá okkur, þegar fjöl-
skyldurnar koma saman um helgar
til að skera út laufabrauð fyrir jólin",
sagði Óli. „Raunar var slátursalan
svo mikil að við urðum oft að neita
fólki um aukahluti til að geta annað
eftirspurninni eftir heilum slátrum.
Margir vildu t.d. fá aukahjörtu og af
vömbum virtist heldur aldrei nóg.
Við urðum því að einskorða okkur
að mestu við heil slátur til þess að
geta skaffað öllum". Þeir sem vildu
t.d. ekki hausana gátu hins vegar
keypt allt hitt í kflóavís. Það borgaði
sig líka best fyrir þá sem bara vildu
gera lifrarpylsu.
Eitt mötuneyti með
1.000 slátur
Hjá KEA varð slátursalan meiri
heldur en innan úr öllum þeim
lömbum sem slátrað var. Alls sagði
ÓIi slátrað um 34 þús. dilkum þar í
haust. ,Auk þess sem selt var á slát-
urmarkaðnum varð ég vitanlega að
skaffa búðunum innmat líka.
Ég á m.a.s. enn eftir að afgreiða
pöntun frá stóru mötuneyti upp á
1.000 slátur sem ég á engin hjörtu í
og verð því að útvega þau annars-
staðar frá“, sagði Óli. Sömuleiðis á
hann eftir að að sjá um lögun á slátri
fyrir fleiri fyrirtæki og stofnanir, allt
upp í 200 til 300 fyrir hverja þeirra.
„Fólk sér vitanlega hvað það fær
þarna mikinn og góðan mat á hag-
stæðu verði. T.d. tíu slátur fyrir
4.900 krónur er ekki mikill pening-
ur“.
Uppskríftir með
í Borgamesi
„Við höfum selt slátur á færibandi
hér í Borgarnesi. í okkar eigin slát-
ursölu fyrir heimamarkað höfum
við selt allt það slátur sem við höf-
um getað annað. Þ.e. jafnóðum og
vambirnar voru hreinsaðar og haus-
arnir sviðnir var þetta rokið út. Það
má m.a. geta þess að við létum fylgja
uppskriftir fyrir þá sem kynnu að
vera svo bernskir í faginu að þeir
hafa ekki Helgu Sigurðar undir
höndum eða ömmu til aðstoðar. Hér
á heimamarkaði höfum við líklega
selt rúmlega 10.000 slátur, sem er
nokkur aukning frá því í fyrra",
sagði Gunnar Guðmundsson slátur-
hústjóri f Borgarnesi.
Það sem ekki seldist á staðnum var
svo pakkað í kassa, 5 slátur í hvern,
og sent til Reykjavíkur til sölu í
verslunum. Þannig um búin hafa
um 16.000 heil slátur farið í verslan-
ir á höfuðborgarsvæðinu. í Borgar-
nesi var slátrað tæplega 60 þúsund
lömbum í haust. Heil slátur hafa því
þegar verið seld úr um helmingi
þeirra.
„Enda er þetta líklega einhver ódýr-
asti matur sem fólk getur fengi og
jafnframt einn sá hollasti að ég hygg
ef fólk stillir mörnum í hóf‘, sagði
Gunnar.
„Umbúðaþjóðfélagið“
í viðtalinu við Óla Valdimarsson
kom fram að ein kostnaðarsöm
breyting hefur orðið
í sambandi við slátursöluna, þ.e.
stóraukinn umbúðakostnaður.
„Hér áður fyrr kom fólk með brúsa
og önnur ílát með sér undir slátrið.
En nú er þessu öllu pakkað í plast-
umbúðir. Einn plastpoki utan um
svipahausa getur t.d. kostað allt upp
í 20 krónur og brúsi undir blóðið
annað eins eða meira“.
í raun sagði Óli plastið þó svolítið
hættulegar eða a.m.k. varasamar
umbúðir um slátur. Vegna þess að
slátrið fer allt beint í sölu án þess að
hafa náð að kólna nægilega. Haus-
arnir fara t.d. beint úr sviðningu. Sé
þeir settir í lokaða plastpoka og þeir
ekki opnaðir fljótlega geti þeir verið
mjög fljótir að skemmast. Það sama
eigi t.d. við um mör sem ekki hefur
náð að kólna nægilega vel áður.
- HEl
I BÆNDATRYGGINGU
SJÓVÁ-ALMENNRA
SAMEINAST
EINKATRYGGINGAR
FJÖLSKYLDUNNAR 0G
VÁTRYGGINGAR
SNIÐNAR AÐ ÞÖRFUM
LANDBÚNAÐARINS
SJÓVÁbjínALMENNAR
Eimskip:
Hlutabréfin
uppseld
Öll þau nýju hlutabréf, sem boðin
voru til sölu í Eimskip samkvæmt
ákvörðun hluthafafundar í sept.
sl., eru nú uppseld. Nafnverð
þeirra var 86 milljónir en sölu-
verð ríflega fimmfalt nafnverð.
Núverandi hluthafar höfðu for-
kaupsrétt að hinu nýja hlutafé, en
28 þeirra, sem áttu tæpan helm-
ing hlutafjár Eimskips, ákváðu að
framselja féð til féíagsins sjálfs
sem síðan seldi það á almennum
markaði.
Aðrir hluthafar nýttu sér hins
vegar forkaupsrétt sinn og keyptu
allt hlutafé, sem þeir áttu rétt á,
fyrir tæpar 45 milljónir króna.
41,3 milljónir voru boðnar til
sölu á Verðbréfamarkaði íslands-
banka. í þær bárust tilboð frá um
1600 aðilum og hljóðuðu tilboðin
upp á um 50 milljónir, þannig að
skerða verður áskriftarbeiðnir
nýrra hluthafa um tæpar níu
milljónir að nafnverði. —sá
BÆNDATRYGGIING
Ríkissaksóknari höfðar sakamál á ný fyrir hönd
Þóris Stephensen gegn Halli Magnússyni:
NY AKÆRA
Ríkissaksóknari hefur ákveðið að
höfða enn mál á hendur Halli Magn-
ússyni vegna ummæla hans um sr.
Þóri Stephensen, nú staðarhaldara í
Viðey, í vettvangsgrein hér í Tíman-
um árið 1988.
Hallur hefur verið boðaður á fund
dómara í sakadómi Rjeykjavíkur þar
sem honum verður birt stefna í mál-
inu. Sem kunnugt er, var málinu
vísað frá Hæstarétti fyrir nokkru og
aftur frá sakadómi þar sem mál-
flutningur ríkissaksóknara, Braga
Steinarssonar byggði á sömu ákæru
og málsgögnum og Hæstiréttur
hafði þegar vísað á bug. Málið er því
enn komið á byrjunarreit.
—sá
Frá hluthafafundi Flugleiða í gær.
Hluthafafundur hjá Flugleiðum:
Ijón króna
Á hluthafafundi Flugleiða í gær var
samþykkt að veita stjóm félagsins
heimild til að auka hlutafé félagsins
um allt að 331.250.000 með sölu
nýrra hlutabréfa til núverandi hlut-
hafa eða nýrra hluthafa, ef ekki
fæst hjá núverandi hluthöfum
áskrift fyrir allri aukningunni.
Hluthafar hafa forkaupsrétt til 7.
nóvember n.k.
Jafnframt því var stjórn félagsins
falið að ákveða útboðsgengi bréf-
anna og sölureglur hverju sinni sem
og að útbúa ákriftaskrá þar sem
nafnverð hinna nýju hluta er ákveð-
ið. Heimildinni til hlutafjáraukning-
ar fylgir sú kvöð að hún sé nýtt inn-
an tveggja ára.
Ljóst er að þessi hlutafjáraukning
gæti skilað félaginu milli 730-750
milljónum króna en sölugengi bréf-
anna er um 2,2. Eigið fé Flugleiða er
nú 3,3 milljarðar og var hlutfall eig-
infjár sem hlutfall af heildareignum
17% í júlí sl. en stefnt er að því að
það verði komið upp í 25% innan
tveggja ára.
Hluthafafundurinn samþykkti líka
í gær breytingar á samþykktum fé-
lagsins um útborgun arðs og felst
breytingin í því að frestur til að
greiða út arð verður 3 mánuðir frá
því að aðalfundur hefur ákveðið arð-
greiðslu, en áður var arður gjald-
kræfur strax.
í skýrslu forstjóra, sem birt var á
fundinum, kom fram að afkoman á
fyrstu 6 mánuðum ársins var mun
betri en í fyrra. Heildarhagnaður
fyrstu 7 mánuði ársins í ár nam 322
milljónum króna, en þetta er í fyrsta
sinn sem birtar eru niðurstöður úr
endurskoðuðum reiknisskilum fyrir
fýrstu sjö mánuði ársins.