Tíminn - 13.03.1991, Blaðsíða 4

4 Tíminn
Miðvikudagur 13. mars 1991
UTLOND
' V ,. % s ' %'
Baker fer til Sýrlands í dag
UTUTI
ALDREI
VERIÐ BJARTARA
Menn sjá nú fram á nokkra möguleika á að leysa deilumál ísraels-
manna og araba. James Baker, utanríkisráðherra Bandaríkjanna,
sem hefur forystu fyrir friðartilraununum, sagði í fsrael á mánudag
að útlit væri fyrir tilslakanir hjá báðum aðilum. Baker fer frá ísrael
til Sýrlands í dag.
í gær átti Baker viðræður við full-
trúa Palestínuaraba á herteknu
svæðunum. Frelsissamtök Palestínu
(PLO) áttu ekki fulltrúa á fundinum
en gáfu út samþykki sitt fyrir við-
ræðunum. Á mánudagskvöld ræddi
Baker við utanríkisráðherra ísraels,
David Levy, og sagði Levy að lokn-
um þeim viðræðum að hann teldi aö
stefnubreyting heföi orðið hjá arö-
bum sem gæfi vonir um einhvern
árangur. Baker hvatti ríkisstjórn
ísraels um að sýna sveigjanleika.
Baker kemur til Damascus, höfuð-
borgar Sýrlands, í dag. Þar mun
hann eiga viðræður við sýrlensk
stjórnvöld. Opinberir fjölmiðlar í
Sýrlandi lofuðu í gær Bandaríkin
fyrir jákvæða afstöðu sem þau hefðu
tekið í málefnum araba og ísraela.
Þetta er í fyrsta skipti í fjölmörg ár
sem Sýrlendingar lofa stefnu Banda-
ríkjastjórnar.
Arabaþjóðirnar hafa hingað til kraf-
ist alþjóðlegrar ráðstefnu til að leysa
Palestínumálið en því hafa ísraels-
menn hafnað og Bandaríkjamenn
hafa ekki verið ýkja hrifnir af þeirri
hugmynd. En í gær lýsti Hosni Mu-
barak Egyptalandsforseti því yfir að
nú væri ekki hentugur tími til slíkr-
ar ráðstefnu. Slík ráðstefna þyrfti
mikinn undirbúningstíma. Þessi yf-
irlýsing þykir bera vott um samn-
ingsvilja araba.
En ekki eru allir eins bjartsýnir á
árangur viðræðnanna. Margir
stjórnmálafræðingar eiga erfitt með
Baker er nokkuð bjartsýnn á
árangur.
að sjá fyrir sér að Baker takist að
fullnægja kröfum Palestínuaraba
um sitt eigið land og sannfæra ísra-
elsmenn um að þeir ógni ekki ör-
yggi þeirra. Þeir telja að aðalvanda-
málið sé skortur á trausti deiluaðila
til hvors annars. Egypskur embætt-
ismaður taldi að PLO þyrfti að við-
urkenna mistök sín með að tengja
innrás íraka í Kúvæt við Palestínu-
málið. Vestrænn embættismaður
taldi að friðarviðræður mundu ekki
bera árangur nema skipt yrði um
forystu hjá PLO. Að öðrum kosti
yrði að bíða þar til hún hætti stuðn-
ingi sínum við íraka og aflaði sér al-
þjóðlegs trausts.
Reuter-SÞJ
Kosningarnar í El Salvador:
TALDAR STYRKJA
FRIÐARVIÐRÆÐUR
Stjómmálaleiðtogar hægrímanna
og vinstrísinnaðir skæruliðar í E1
Salvador telja að niðurstaða kosn-
inganna á sunnudag muni koma til
með að efla fríðarviðræður milli
þeirra sem verið hafa undir stjóm
Sameinuðu þjóðanna. Opinberar
niöurstöður kosninganna lágu ekki
fyrir en Arena, stjómarflokkur
hægrímanna, lýsti yfir sigri og hóf-
samir vinstrímenn em taldir hafa
þrefaldaö fylgi sitt.
Borgarastyrjöld hefur geisað í land-
inu í ellefu ár milli vinstrisinnaðra
skæruliða Þjóðfrelsishreyfingar
Farabundo Marti (FMLN) og stjórn-
arinnar sem er studd af Bandaríkj-
unum. Sameinuðu þjóðirnar hafa
nú í eitt ár reynt að miöla málum
milli stríðsaðila. Útvarpsstöð í San
Salvador, höfuðborg landsins, sagði
á mánudag að stjórnin og leiðtogar
skæruliða mundu hittast 21. mars í
Mexíkóborg eða San Jose á Kosta
Ríku til frekari samningaviðræðna.
FMLN lýsti yfir þriggja daga vopna-
hléi meðan á kosningunum stóð en
sögðust halda stríðinu áfram á
mánudag. Hins vegar bættu þeir við
að líkur á friðsamlegri lausn deilu-
mála þeirra og hægrimanna hefðu
aukist eftir kosningarnar. Þeir
sögðu að vinstrisinnað fólk hefði nú
meiri stjórnmálavöld en áður og
þeir mundu nýta sér það.
Ruben Zamora, leiðtogi sambands
vinstriafla, Lýðræðisfylkingarinnar,
sem varð í þriðja sæti í kosningun-
um, sagði að sigur vinstrimanna
væri það stór að þeir væru farnir að
hafa áhrif og gerði það að verkum að
þingið yrði góður málsvari friðar-
viðræðna. „Hingað til hefur það
(þingið) verið nokkurs konar drag-
bítur (á samningaviðræður),“ sagði
Zamora.
Bandarísk stjórnvöld fögnuðu
kosningaúrslitunum og sögöu að
þau yrðu til að auka líkurnar á friði í
iandinu.
Reuter-SÞJ
Sterar streyma frá
USSR til Finnlands
Flóttamennimir sem fóm til Italíu hafa flestir snúið aftur.
Albanía:
Tekur upp stjórn-
málasamband við BNA
Stjórnvöld í Albaníu munu taka
upp stjórnmálasamband við Banda-
ríkin þann 15. mars, að sögn opin-
beru fréttastofunnar ATA í gær.
Fréttastofan sagði að utanríkisráð-
herra landsins, Muhamet Kapllani,
mundi fara til Washington 15. mars
og undirrita formlegan samning
milli landanna.
Stjórnmálasamband landanna
rofnaði þegar Ítalía réðst inn í land-
ið árið 1939 rétt áður en seinni
heimsstyrjöldin skall á. Stalínistinn
Enver Hoxha komst til valda í Al-
baníu upp úr heimsstyrjöldinni og í
hans tíð einangraðist Albanía frá
umheiminum. Arið 1961 slitu AI-
banir stjórnmálasambandi við Sov-
étríkin og við Kína árið 1977. En frá
því Hoxha féll frá árið 1985 hefur
núverandi forseti landsins, Ramiz
Alia, fylgt gjörbreyttri stefnu.
Utanríkisráðherra Ítalíu sagði á
mánudagskvöldið að stjórnvöld í Al-
baníu hefðu ákveðið að láta alla pól-
itíska fanga lausa. Talsmaður stjórn-
arandstöðunnar sagði að allt að 200
pólitískir fangar væru enn í haldi en
albönsk stjórnvöld segja töluna vera
mun lægri. Reuter-SÞJ
Júgóslóvíu boöað til neyðarfundar
Smygl á uppbyggjandi sterum frá
Sovétríkjunum til Finnlands hefur
tí- til fimmtánfaldast á síðustu
þremur eða fjórum árum að sögn
finnskra yfirvalda.
Mest kemur frá Eistlandi, en sjó-
leiðin yfir Eystrasaltið til Finnlands
er ekki nema 80 km. í janúar höfðu
tollyfirvöld fundið 66 þúsund stera-
töflur en allt árið í fyrra fundust ekki
nema 78 þúsund töflur.
Sterar geta hjálpað íþróttamönn-
um að byggja upp vöðva en þeir
auka hættuna á hjarta-, lifrar- og
nýrnasjúkdómum. Einnig er talið að
sterar auki hættuna á krabbameini.
Sumir vísindamenn telja stera vera
vanabindandi.
Tollyfirvöld í Finnlandi telja að
markaðsverðið á steratöflunni sé
a.m.k. tíu mörk (150 kr. ísl.) og það
mun vera tíu til tuttugu sinnum sá
kostnaður sem smyglarinn þarf að
leggja út í.
En almennt hefur smygl frá Sovét-
ríkjunum til Finnlands aukist og
helsta ástæðan er talin vera eftir-
sókn í trausta gjaldmiðla. Meðal
smyglvarningsins er m.a.s. kjöt sem
nú er mikill skortur á í Sovétríkjun-
um. Reuter-SÞJ
Forsetaráð
Borisav Jovic, forseti Júgóslavíu,
boðaði forsetaráð Júgóslavíu til
neyðarfundar í gær að ósk varnar-
málaráðuneytisins. Hann sagði að
ráðið mundi ræða ástand ríkja-
bandalagsins.
í forsetaráðinu eru forsetar lýð-
veldanna átta. Ráðið er æðsti yfir-
boðari hersins og hefur vald til að
lýsa yfir neyðarástandi og herlögum.
Tanjung-fréttastofan sagði í gær að
öllum fundum júgóslavneska þings-
ins hefði verið frestað um sinn
vegna krafna yfirvalda í Slóveníu og
Króatíu um að forsetaráðið skipaði
hernum opinberlega að fara úr
Belgrad, höfuðborg Júgóslavíu og
Serbíu. Herinn fór úr borginni á
sunnudag án opinberrar tilskipunar.
í gær gekk stjórnarandstaðan út af
serbneska þinginu því þeim fannst
stjórnvöld ekki vilja koma nógu
mikið til móts við kröfur stúdenta.
Þingið samþykkti að láta fara fram
rannsókn á árekstrum mótmælenda
og lögreglu sem leiddu til að tveir
menn létust og hátt í hundrað
manns slösuðust en að öðru leyti
fengu kröfur stúdenta engan hljóm-
grunn. Síðar um daginn sögðu
fimm yfirmenn opinberra fjölmiðla í
Serbíu af sér og að sögn Tanjung-
fréttastofunnar var það vegna þrýst-
ings frá serbneskum stjórnvöldum.
Afsögn þeirra var ein af meginkröf-
um stúdenta. Reuter-SÞJ
Fréttayfirlit
Nikósía - Byltingarmenn í Irak
sögðu í gær að írösk stjómvöld
heföu tekið um 5 þúsund konur
og böm í gíslingu og hótað að
drepa þau ef uppreisnin gegn
Saddam yrði ekki stöðvuð. Ut-
varpiö f Teheran sagöi að her-
menn hliöhollir Saddam hefðu
notaö napalm-sprengjur gegn
byttingarmönnum.
Kairó - Hosni Mubarak, forseti
Egyptalands, sagði í gær að nú
væri ekki rétti tíminn til að halda
alþjóölega friðarráðstefnu um
vandamál Miðausturianda því
slík ráðstefna þyrftí mikinn undir-
búningstíma. Hann lagði þess í
stað áherstu á að arabar og fsra-
elsmenn mundu leysa sín mál
sjálfir. Hann sagöi einnig að PLO
væm einu lögmætu fulltrúar Pal-
estínuaraba þrátt fyrir stuðning
samtakanna viö fraka í Persa-
flóastríðinu.
Damascus - Sýrland lofaöi i
gær þá stefnu sem Bandaríkja-
menn hafa tekið í Palestínumál-
inu. James Baker, utanríkisráð-
herra Bandaríkjanna, kemur tíl
Sýríands í dag.
Bagdad - frösk stjómvöld sögðu
í gær að sm'rtsjúkdómar eins og
taugaveiki og kólera breiddust nú
út í landinu og að háttsettir aö-
stoðarmenn Saddams færu nú
um landiö til að koma á röð og
reglu.
Vín - Stjómvöid í Albaníu hafa
ákveðið að taka upp stjómmála-
samband viö Bandaríkin. Þau
stefna að því að undirrita samn-
ing milli tandanna þann 15. mars.
Belgrad - Forsetaráð Júgóslav-
iu var kallað saman i gær vegna
ástandsins í landinu. Það hefur
vald tii að lýsa yfir neyðarástandi
og setja heriög.
Befgrad - Dusan Mitevic, yfir-
maður Belgrad sjónvarpsins og
útvarpsins, sagðí af sér I gær
ásamt flórum öðrum fjölmiðla-
mönnum. Mótmælendur höfðu
krafist afsagnar Mitevic vegna
hlutdrægni með kommúnistum.
Reuter-SÞJ