Tíminn - 25.01.1992, Blaðsíða 2

2 Tíminn
Laugardagur 25. janúar 1992
Hörð deila milli Verslunarráðs íslands og Félags íslenskra stórkaupmanna um skipan fulltrúa
í stjórn Lífeyrissjóðs verslunarmanna:
Verslunarráð hvessir
sig við stórkaupmenn
Upp á yfírborðið er enn komin deila milli Félags íslenskra stór-
kaupmanna og Verslunarráðs íslands og nú vegna tilnefningar Fé-
lags stórkaupmanna á fulltrúa og varafulltrúa í stjórn Lífeyrissjóðs
vcrslunarmanna. Verslunarráð íslands hefur sent FÍS bréf, þar sem
félagið er beðið um að endurskoða tilnefningarnar. Að öðrum kosti
muni Verslunarráð gera allt til að tryggja hagsmuni sína í stjórn
sjóðsins — jafnvel gera nýjum fulltrúa í stjórn lífeyrissjóðsins erf-
itt fyrir í starfi hans þar. Það er Jóhann J. Ólafsson, formaður Versl-
unarráðsins, sem skrifar undir bréfið, en hann er nú jafnframt full-
trúi FÍS í stjórn lífeyrissjóðsins.
Að sögn Vilhjálms Egilssonar,
framkvæmdastjóra Verslunarráðs,
hefúr ávallt verið samkomulag um
að Félag ísl. stórkaupmanna þyrfti að
leita samþykkis hjá Verslunarráði
um tilnefningu manna í stjóm lífeyr-
issjóðsins. Þegar Verslunarráð afsal-
aði sér á sínum tíma fulltrúa sínum
til VSÍ og iðnrekenda, hafi verið gert
samkomuiag við FÍS um að fulltrúi
og varafulltrúi í stjórn Lífeyrissjóðs
verslunarmanna skuli vera tilnefnd-
ur með samþykki Verslunarráðs. Nú
beri hins vegar svo við að einhliða er
ákveðið að tilnefna tvo menn í
stjómina og séu þeir báðir úr Félagi
íslenskra stórkaupmanna. Þessir
fúlltrúar eru Birgir R. Jónsson, for-
maður FÍS, og Kristján Einarsson,
varaformaður FÍS, og taka þeir sæti í
stjórn sjóðsins í byrjun apríl, en þá
gengur Jóhann J. Ólafsson út úr
stjóm sjóðsins.
í bréfi Verslunarráðsins segir að
ráðið muni, ef FÍS endurskoði ekki
afstöðu sína, beita öllum tiltækum
ráðum til að gæta hagsmuna sinna,
jafnvel með því að gera þeim fulltrúa,
sem tekur við, erfitt í starfi hans inn-
an sjóðsins. Að sögn Vdhjálms felst í
þeim orðum að þeir muni þá vísa til
reglugerðar lífeyrissjóðsins, þar sem
stendur að kjósa skuli fulltrúana í
sjóðinn og það geri félagsmenn.
Vilhjálmur segir að ráðið geti alls
ekki sætt sig við þá fúlltrúa sem til-
nefndir hafa verið og muni því láta til
skarar skríða. Hann telur jafnframt
að ekki sé um neina hótun að ræða.
Þá tók hann fram að Verslunarráð
væri tilbúið í viðræður til lausnar
málinu um skipan stjórnar lífeyris-
sjóðsins, en ekki hafi komið nein við-
brögð frá FÍS-mönnum við því boði.
Hverjir skipa stjórn lífeyrissjóðsins
er mikið hagsmunamál fyrir báða að-
ila, því sjóðurinn er ein stærsta pen-
ingastofnun í landinu, en eign sjóðs-
ins nemur um tuttugu milljörðum
króna.
Deilur þessar sem upp eru komnar
núna eru beint framhald samskipta-
slita milli FÍS og Verslunarráðs ís-
Iands síðastliðið haust, en meðal
annars höfðu FÍS og VÍ haft sameig-
inlega skrifstofu. FIS taldi sig ekki
eiga neina samleið með Verslunar-
ráðinu og sleit því samskiptunum.
Síðan hefur andað köldu á milli
þeirra. Tíminn hafði samband við
Birgir R. Jónsson, formann Félags
ísl. stórkaupmanna og nýskipaðan
aðalfulltrúa í stjóm lífeyrissjóðs
verslunarmanna, en hann neitaði að
tjá sig um málið.
Á fimmtudaginn voru stofnuð sam-
tök sem kölluð eru fslensk verslun
og á Félag íslenskra stórkaupmanna
aðild að þeim, ásamt Bílgreinasam-
bandinu og Kaupmannasamtökun-
um. Um er að ræða samtök um 1000
fyrirtækja og segir í stofnsamþykkt
samtakanna að þeim sé ætlað að
vinna að sameiginlegum hagsmun-
um fyrirtækja í verslun. Vilhjálmur
Egilsson, framkvæmdastjóri Versl-
unarráðs, segist ekki sjá að þessi
samtök séu sett til höfuðs ráðinu og
að ráðið hafi ekkert á móti samtök-
um kaupmanna. -PS
drjpar
Keyptur hefur verið nýr bíll
handa Halldóri Blöndal, enda
var bifreiöin sem hann haföi
til umráða áður orðin eldgöm-
ul og handónýt, en það var
Cherokee jeppi af árgerðinni
1987. Nýi bíliinn er Ford
Explorer og kostar tæpar 3
milljónir króna. Ráðherra
tefldl þó ekki á tvær hættur við
bílakaupin, því þegar hann
varð ráðherra réð hami aðstoð-
armann sinn með tilliti til bíta-
kaupanna. Aðstoðarmaðurinn
hettJr Þórhallur Jósepsson og
var áður bflaskríbent þeirra
Moggamanna. Ætli hlutverki
Þórhalls sé nú lokið?
Krafa um feðradag
Dropateljari heyrði að fyrir
nokkru hefði Jafnréttisráði
borist kæra frá einhveijum
einstaklingum þar sem tefeáð
var fyrir að á almanökum komi
fram að einn dagur á ári er
kallaður mæðradagur. Kæra
mannanna fjallaði um að þeim
fannst þeir misrétti beittir þar
sem ekki væri dagur sem
nefndur væri feðradagur og
væri það skýlaust brot á jafn-
réttislögum. Jafnréttisráð
fjallaði um málið, en viti
menn, ráðið vísaði því frá.
Á að tengja Hvalfjarðargöng við vegakerfið með vegi sem liggur vestan við Akrafjall?
Stefnir í deilur um Hvalfjarðargöng
Deilur hafa risið um legu væntanlegra Hvalfjarðarganga. íbúar í Innri-
Akraneshreppi eru mjög ósáttir við þá ákvörðun stjómar Spalar hf. að stað-
setja göngin á Hnausaskersleið og leggja veg frá göngunum um Innri-Akra-
neshrepp vestan megin við Akrafjall. Vegagerð ríkisins er nú að kanna
kostnað við vegalagningu í tengslum við göngin. Ekki hefur endanlega ver-
ið ákveðið hvemig göngin verða tengd við vegakerfið.
Spölur, hlutafélagið sem hyggst
leggja göng undir Hvalfjörð, gerði á
síðasta ári samning við samgöngu-
ráðuneytið um göngin. í samningn-
um segir að Spölur hafi rétt til að
velja göngunum þann stað sem er
hagstæðastur en samgönguráð-
herra verði að samþykkja staðsetn-
inguna. Fyrr í þessum mánuði til-
kynnti stjórn Spalar samgönguráð-
herra að hún vildi að göngin yrðu
lögð um Hnausaskersleið. Jafnframt
spurði stjórnin hvort samgönguráð-
herra gerði athugasemdir við
ákvörðunina. Samgönguráðherra
greindi ríkisstjórninni frá erindi
Spalar og sagði eftir fundinn í sam-
tali við Tímann að hann gerði engar
athugasemdir við ákvörðun stjórnar
Spalar.
I útvarpsþætti í vikunni sagði sam-
gönguráðherra hins vegar að ekkert
Foreldrafélag Laugarnesskóla:
Mótmælir sparn-
aóartillögunum
Stjórn foreldrafélags Laugarnes-
skóla hefur sent frá sér ályktun þar
sem harðlega er mótmælt fram-
komnum tillögum um sparnað í
grunnskólum, fækkun kennslu-
stunda og fjölgun í bekkjum. Stjórn
félagsins telur fráleitt að selflytja
nemendur milli skóla í hagræðing-
arskyni, slíkt sé ekki aðeins hæpinn
sparnaður í peningum talið, heldur
valdi einnig rótleysi sem hafi áhrif
þegar til lengri tíma sé litið. Stjórn
foreldrafélagsins hvetur alþingis-
menn og skólyfirvöld til að standa
við nýsamþykkt grunnskólalög og
standa vörð um velferð barna lands-
ins. -PS
væri búið að ákveða um vegalagn-
ingu vegna ganganna. Ætíð hefur
verið talað um að vegur yrði lagður
vestan við Akrafjall ef Hnausaskers-
leið yrði valin. Gylfi Þórðarson,
stjórnarformaður Spalar, sagði fyrr í
vikunni í samtali við Tímann að
hann Iiti svo á að búið væri að
ákveða að fara Hnausaskersleið en
eftir væri að ákveða hvernig göngin
yrðu tengd vegakerfinu.
Margir eru ósáttir við ákvörðun
stjórnar Spalar. Ólafur Sigurgeirs-
son, bóndi á Þaravöllum í Innri-
Akraneshreppi, hefur haft forgöngu
um að safna undirskriftum gegn
staðsetningu ganganna á Hnausa-
skersleið. Ólafur sagði að þessari
leið fylgi mun meiri náttúruspjöll
og röskun fyrir íbúa, en ef farin væri
Kiðafellsleið. „Við sækjumst ekki
eftir að fá hraðbraut í gegnum tún
og önnur mannvirki. Við höfum bú-
ið í þessum hreppi í friði og þannig
viljúm við hafa það áfram. Við vilj-
um ekki spilla þeirri fallegu náttúru
sem hér er,“ sagði Ólafur.
Ólafur sagði að sér þætti skynsam-
legast að velja þá leið sem er styst,
hefur í för með sér minnsta röskun
fyrir íbúa og er ódýrust fyrir Vega-
gerðina. Hann sagðist ekki sjá hag-
ræðið í því að leggja göngin þannig
að þau stefni á mitt Akrafjall, eins og
þau gera ef Hnausaskersleið er valin.
Ólafur sagði að íbúar frá allflestum
bæjum í Innri- Akraneshreppi hefðu
skrifað undir áskorunina. Undir-
skriftirnar verða hafhentar sam-
gönguráðherra fljótlega.
Innri-Akraneshreppur er ekki hlut-
hafi í Speli, félaginu sem hyggst
leggja göngin, en næstu nágrannar
hreppsins, Skilmannahreppur og
Akranesbær, eru meðal hluthafa.
Sjónarmið stjórnar Spalar er að
með því að velja þá leið sem liggur
utar í firðinum sé líklegra að meiri
tekjur fáist af göngunum vegna ná-
lægðarinnar við þéttbýlið á Akra-
nesi. Þessi rök byggjast á því að veg-
urinn liggi vestan megin við Akra-
fjall.
Helgi Hallgrímsson vegamálastjóri
sagði að Vegagerðin væri þessa dag-
ana að kanna hvaða leiðir kæmu til
greina varðandi tengingu ganganna
við vegakerfið og kostnað við hverja
leið fyrir sig. Helgi sagði að ýmsar
leiðir kæmu til greina. Hann vildi
ekki svara því hvort Hnausaskersleið
yrði dýrari fyrir Vegagerðina. Það
færi t.d. eftir því hvort Grunnafjörð-
ur verði brúaður. -EÓ
Á myndinni má sjá þær tvær
leiðir sem taldar voru koma til
greina fyrir jarðgöng undir
Hvalfjörð. Syðri leiðin nefnist
Hnausaskersleið og þá leið vill
Spölur fara. Sú leið þýðir að
fara verður út í umfangsmikla
vegagerð og eins og sjá má
þarf að krækja fyrir Akrafjall ef
Grunnafjörður verður ekki brú-
aður. fbúar í Innri- Akranes-
hreppi, sem liggur sunnanmeg-
in við Akrafjall, eru ósáttir við
að fá hraðbraut um hreppinn.

L'elrir'.
l'/tUvitn
jifeifjaif
Ttn^wiqai'
© Hnausaskersleið
© Kiðafellsleið
Borgnesingar vilja ekki
taka afstoðu til GATT
Bæjarstjóm Borgamess hefur vísað frá tillögu fulltrúa Framsóknarflokks í
bæjarstjórainni um stuöning við ályktanir bændasamtakanna í GATT-mál-
inu. Kristín Halldórsdóttir, sem bar tillöguna fram, segir þessa afstöðu sér-
kennilega í ljósl þess að Borgames byggir afkomu sína að stærstum hluta
á úrvinnslu og dreifingu landbúnaðarvara.
Tillaga Kristínar hljóðaði þann-
ig: „Bæjarstjórn Borgarness lýsir
yfir stuðningi við ályktun stjórnar
Búnaðarfélags íslands og Stéttar-
sambands bænda frá 6. janúar síð-
astliðinn um drög Arthurs Dunkels
frá 21. desember að nýju GATT-
samkomulagi.
Borgarfjarðarhérað er meðal
helstu landbúnaðarhéraða íslands
og Borgarnesbær byggir tilveru
sína á úrvinnslu landbúnaðarvara.
Það er því sameiginlegt hagsmuna-
mál héraðsins og bæjarins að jafn-
vægi í byggð haldist og öruggur
grunnur undir atvinnulífi byggðar-
lagsins í heild sé tryggður. Bæjar-
stjórn Borgarness skorar á Alþingi
og ríkisstjórn íslands að fara með
fyllstu gát og taka fullt tillit til allra
landsins barna áður en óafturkall-
andi ákvarðanir eru teknar í svo
mikilvægu máli sem þessu.“
Meirihluti bæjarstjómar, sem
sjáifstæðismenn og alþýðuflokks-
menn skipa, lagði til að tillögunni
yrði vísað frá og var það samþykkt.
Fulltrúi óháðra í bæjarstjórninni
var trúr sinni sannfæringu og sat
hjá. -EÓ