Tíminn - 10.09.1992, Page 12
AUGLYSINGASIMAR: 680001
Áskriftarsími
Tímans er
AUÐVITAÐ
Suöurlandsbraut 12
Öðruvísi bílasala
BÍLAR • HJÓL •
BÁTAR • VARA-
HLUTIR.
MYNDJ1JÁ OKKUR - BlLL HJÁ ÞÉR
SIMI 679225
>
HÖGG-
DEYFAR
gp.
sövarahlutir
Verslió hjá fagmönnum
: J/ Hamanböröa I - s. 67-67-44 /:
Tímírm
FIMMTUDAGUR 10. SEPT. 1992
Ólafur G Einarsson menntamálaráðherra:
Skorið verður niður á
framhaldsskólastigi
Á dögunum var greint frá því að búast mætti við 800 milljóna niðurskurði
til menntamála í umræðum um fjárlög næsta árs. Ólafur G. Einarsson
menntamálaráðherra segir að þessar tölur séu ekki marktækar þar sem þær
séu úr eins konar vinnuskjali. Að sögn Ólafs mun niðurskurðurinn koma
mest niður á framhaldsskólunum.
Um framhaldsskólana segir Ólafur:
„Þó ýmsar aðhaldsaðgerðir hafi ver-
ið þetta ár þá var búið að skipuleggja
síðasta skólaár þegar á haustinu
1991 þannig að þetta kemur ekkert
síður niður núna á þessu haustmiss-
eri.“
Jafnframt bætir hann við
að aðhaldsaðgerðum verði haldið
áfram í grunnskólakerfinu. Hann
segir að allur niðurskurður verði þó
gerður í samráði við skólamenn.
Ólafur vildi ekki tjá sig um einstaka
þætti fjálagagerðarinnar þar sem
hún sé á vinnslustigi. „Þegar menn
fá upplýsingar um svona niðurskurð
þá segir þetta svo lítið. Það þarf þá
að fara að útskýra frá hvaða tölu ver-
ið sé að skera niður," segir Ólafur.
Hann bendir á að ekki sé hægt að
segja til um þetta fyrr en rammi að
fjárlögum sé kominn og á ekki von á
því að það verði fýrr en í næstu viku.
„Ríkisstjórnin er ekki búin að festa
þetta fyrir hvert ráðuneyti. Við erum
auðvitað að þrengja að á ýmsum
sviðum og það kemur niður í öllum
ráðuneytum," segir Ólafur.
Heyrst hefur að bókasöfn skólanna
eigi ekki að fá neina fjárveitingu til
bókakaupa á næsta ári. „Þetta er al-
veg nýtt í mínum eyrum. Þessu er
ekki stjómað úr ráðuneytinu og við
reynum að draga sem minnst úr
sjálfstæði skólanna," segir Ólafur.
Um það hvort framhald verði á
fækkun á kennslustundum í grunn-
skóla segir Ólafur: „Ég ætla ekkert
að spá í það en lögin um breyttan
kennslustundafjölda hafa ekki gildi
nema út þetta ár. Ef á að halda því
áfram þarf nýja lagaheimild frá Al-
þingi."
-HÞ
Háskólarektor spyr:
Á skólanám
að fara eftir
þorskgengd?
Háskólarektor varpaði þeirri spum-
ingu fram á blaðamannafundi í gær
hvort þorskgengd og skólanám
þyrfti óhjákvæmilega að haldast í
hendur.
Sveinbjörn Bjömsson háskólarekt-
or bendir á Norðurlöndin sem dæmi
um hvernig þjóðir bregðist við sam-
drætti í þjóðfélagi með því að auka
fjárveitingar til háskóla. Þannig hafi
Svíar m.a. ákveðið að auka fjárveit-
ingar til háskóla um 700 milljónir
sænskra króna.
Svipuð úrræði segir hann að Norð-
menn og Danir noti. „Þessar þjóðir
telja að bætt menntun sé fremsta
forsenda þess að þeim vegni vel í
Evrópusamstarfí," segir Sveinbjöm.
Hann ætlar að beita sér fyrir því að
ráðgjafar verði fengnir frá þessum
löndum til að leggja mat á háskóla-
nám hér á landi. -HÞ
Framkvæmdastjórn VSÍ telur afnám aðstöðugjalds
óhjákvæmilegt:
Lækkar verðlag,
eykur atvinnu og
almenn umsvif
Að mati framkvæmdastjómar Vinnuveitendasambandsins mun afnám að-
stöðugjaldsins hafa jákvæð áhrif á þjóðarbúið. Með því móti má lækka verð-
lag um allt að 2,5%, auka atvinnu og almenn umsvif í þjóðfélaginu. Hins
vegar er VSÍ það ljóst að þessar breytingar kalla að einhverju leyti á nýja
tekjustofna fyrir sveitarfélögin.
Að því marki sem afla þarf sveitar-
félögunum nýrra skatttekna er það
skoðun framkvæmdastjórnar VSI að
hækka verður tekjuskatta og draga
úr millifærslum í núverandi skatt-
kerfí. Áhrif þessarar skattbreytingar
á kaupmátt ráðstöfunartekna verða
hins vegar óveruleg að mati VSÍ,
vegna þeirrar verðhjöðnunar og
aukinnar atvinnu sem leiða mun af
afnámi aðstöðugjaldsins.
Tangi hf. á Vopnafirði:
Keypti frystan
f isk af Rússum
Sl. mánudag lestaði rússneskur
frys itogari 70 tonn af frystum
þorstá á Vopnafirði og verður hann
þíddur upp og endurunninn þar og á
Bakkafirði.
Að sögn Friöriks Guðmundssonar,
framkvæmdastjóra Tanga hf., var
kaupverðið ásættanlegt, en ástæða
kaupanna er m.a. sú að nú fer í hönd
erfiður gæftatími og því gott að hafa
eitthvað til að grípa til við vinnsluna,
ef ske kynni að það yrði hráefnis-
skortur. Friðrik sagði að ekki hefði
verið ákveðið í hvaða pakkningar
fiskurinn yrði unninn, en þessi sam-
vinna þeirra á Vopnafirði og Bakka-
firði er liður í ákveðnu þróunarstarfi
sem unnið er að þar eystra. -grh
Aftur á móti telur framkvæmda-
stjórn VSÍ að ef afnámi aðstöðu-
gjaldsins verði mætt með hækkun
tryggingargjalds á laun um 3,2%,
eins og rætt hefur verið um, þá
muni það hafa sömu ókosti og að-
stöðugjaldið. Auk þess mundi það
grafa undan atvinnu á tímum vax-
andi atvinnuleysis.
í samþykkt framkvæmdastjórnar
VSÍ um að afnám aðstöðugjaldsins
sé óhjákvæmilegt, kemur fram að
það sé forsenda þess að íslensk fyrir-
tæki geti aukið markaðshlutdeild
sína innanlands og að sótt verði
fram á á sviðum útflutnings á vör-
um og þjónustu. Ennfremur telur
framkvæmdastjórnin að íslensk fyr-
irtæki geti ekki gengið til leiks í al-
þjóðlegri samkeppni í fjötrum úrelts
skattkerfis. Sérstaklega þegar höfð
er í huga sú aukna samkeppni sem
íslensk fyrirtæki þurfa að mæta með
tilkomu sameiginlegs markaðar EB
og EES. Því sé þessi þróun óhjá-
kvæmileg og óháð því hvaða form
verður á samskiptum íslands við
Evrópubandalagið í framtíöinni.
Hins vegar veikir aðstöðugjaldið
stöðu íslenskrar verslunar, fram-
leiðslu og þjónustu í stöðugt vax-
andi samkeppni og styrkir að sama
skapi stöðu erlendra keppinauta.
Gjaldið leggst á alla veltu íslenskra
fyrirtækja og því sé sama varan í
raun margsköttuð í framleiðslu og
dreifingu áður en hún kemst endan-
lega í hendur neytenda. -grh
Sverrir Amgrímsson, framkvæmdastjóri Meistara- og verktakasambands byggingamanna, Jóhannes
Gunnarsson, formaður Neytendasamtakanna, og Sigrún Benediktsdóttir, framkvæmdastjóri Húseig-
endafélagsins, undirrita samþykkt um sameiginlega kvörtunarnefnd. Karl Axelsson, lögmaður Hús-
eigendafélagsins, og Elfa Björk Gunnarsdóttir hjá Neytendasamtökunum horfa á.
Hætta húseigendur og verktakar brátt öllum deilum:
Málin lögð fyrir
kvörtunarnefnd?
Húseigendafélagiö, Meistara- og verktakasamband byggingamanna og Neyt-
endasamtökin hafa ákveðiö að setja á fót sameiginlega kvörtunamefnd. Hún
mun úrskurða í ágreiningsmálum sem koma upp milli húseigenda og verk-
taka. Þetta samkomulag var innsiglað á blaðamannafundi í gær. Jóhannes
Gunnarsson, formaður Neytendasamtakanna, vonar að í famtíðinni verði
stofnaður smámáladómstóll sem úrskurði í smærri málum líkt og í mörg-
um Evrópulöndum.
Forsvarsmenn félaganna segja að
tilgangurinn með sérstakri kvörtun-
arnefnd sé að tryggja fljótvirkari og
betri leið til þess að leysa úr ágrein-
ingsmálum en nú er. Þá telja þeir að
algengt sé að upp komi deilur milli
húseigenda og verktaka um verð og
gæði. Ástæður þessa segja þeir áð
illa sé staðið að undirbúningi verks-
ins, þ.e. tilboðsgerö, verklýsingu og
gerð verksamnings.
t máli forsvarsmanna félaganna
kemur fram að nefndinni sé ætlað að
úrskurða um bætur ef ástæða þyki
til. Skilyrði þessa er samt að verk-
kaupandi hafi reynt að ná rétti sín-
um gagnvart verkseljanda skriflega
eða munnlega án árangurs.
Jafnframt benda forsvarsmennirnir
á að nefndin sé ekki dómstóll og geti
því ekki fylgt eftir úrskurði með full-
tingi dómstóla. Hins vegar mun
verða beitt öllum þrýstingi sem
unnt er og aðstoð veitt við að fylgja
málum eftir gerist þess þörf. Þeir
áttu samt ekki von á að þess þyrfti
með nema í undantekningartilfell-
um.
Jóhannes Gunnarsson, formaður
Neytendasamtakanna, telur víst að
komi EES-samningurinn til fram-
kvæmda verði komið á fót smámála-
dómstóli sem úrskurði í smærri
málum og vitnar máli sínu til stuðn-
ings í samtal við Jón Sigurðsson við-
skiptaráðherra. Jóhannes bendir á
að þetta sé að gerast víða í Evrópu en
hingað til hafi stjórnvöld ekki haft
áhuga á að koma á fót slíkum dóm-
stóli. -HÞ