Tíminn - 13.10.1992, Blaðsíða 2

2 Tíminn
Þriðjudagur 13. október 1992
Síldarútvegsnefnd:
Erfiðiega horfir
með sölu sattsfldar
Svo kann að fara að minnstur hluti þeirrar sfldar, sem veiðist á
komandi vertíð, fari til manneldis, en því meira til bræðslu. Þar
veldur mestu um miklir efnahagsörðugleikar í Rússlandi og Pól-
landi, samfara miklu framboði af ódýrri sfld á helstu veiðisvæðun-
um. Það hefur leitt til lækkandi verös á fersksfld, sem þrýstir aftur
á verðlækkun á sfldarafurðum.
Á undanfömum misserum hafa
fulltrúar frá Síldarútvegsnefnd verið
á faraldsfæti og rætt við kaupendur í
helstu markaðslöndum fyrir saltaða
síld, en þær viðræður hafa ekki skil-
að miklum árangri til þessa. Rússar
treysta sér m.a. ekki til að standa við
fyrri samninga, sökum blankheita,
og eins telja Pólverjar hag sínum
betur borgið með því að kaupa ódýra
síld úr rússneskum verksmiðjuskip-
um en með því að versla við íslend-
inga. Sömuleiðis hefur reynst erfitt
að fá staðfestar pantanir frá kaup-
endum á Norðurlöndum og jafnvel
búist við að þarlendir kaupi minna
magn en oft áður.
Jóhann Kr. Sigurðsson, útgerðar-
stjóri Sfldarvinnslunnar hf. í Nes-
kaupstað, segir það afar slæmt ef
ekki verður hægt að finna kaupend-
ur að saltsfld. Hann segir að þótt
Sfldarvinnslan hafi ekki mikið salt-
að, en flakað því meir, þá hafi sfldar-
söltunin verið ein helsta atvinnu-
trygging verkafólks frá Vopnafirði og
suður úr allt til Grindavíkur, á sfld-
arvertíðinni.
Þótt af og til berist fregnir af sfld-
veiði loðnuskipa, eru hinir hefð-
bundnu sfldveiðibátar ekki enn fam-
ir af stað, enda fátt um fína drætti á
miðunum og sfldin dreifð.
-grh
Landlæknir til mæðra
kornabarna:
Sjálfsagt að gefa
komabörnum bijóst
Vegna fréttar á Stöð 2 þann
15. sept. sl., um blýmengun í
brjóstamjólk, vill landlæknir
taka fram að brjóstamjólk ís-
lenskra kvenna inniheldur að
öllum líkindum minna af blýi
en brjóstamjólk þeirra kvenna,
sem búa á mjög menguðum
svæðum, svo sem við Norður-
sjó. Landlæknir mælir óhikað
með því að íslenskar konur
hafi börn sín á brjósti á fyrsta
æviskeiði þeirra, þrátt fyrir að
skjalfestar upplýsingar um blý-
innihald mjólkurinnar liggi
ekki fyrir. Fyrir nokkrum ár-
um voru uppi áætlanir um að
athuga blýinnihald brjósta-
mjólkur íslenskra kvenna, en
frá því var horfið vegna þess
hve kostnaður var mikill. Efna-
greining á sérhverju sýni kost-
ar um 10 þúsund krónur.
Verð á Levis-gallabuxum aldrei lægra en nú:
Gallabuxnastríð
að fara af stað?
Þessa dagana er hægt að kaupa Levis- gallabuxur á lægra verði en tíðkast
hefur, eða á tæpar 4.000 kr. Verð á þessari vöru hefur verið allt að 7.000 kr.
Verslunarstjóri í sérverslun með buxumar segir að framleiðendur þeirra líti
þetta mál mjög alvariegum augum.
„Þessi vara hefur verið allt of dýr
hér á markaðnum," segir Ragnar
Haraldsson, verslunarstjóri í Hag-
kaup Kringlunni sem býður þessi
lækkuðu kjör. Hann bætir við að
fólk hafi keypt þessa vöru erlendis í
miklu magni á lágu verði. „Við för-
um á stúfana, kaupum buxumar á
réttu verði og seljum þær á réttu
verði,“ segir Ragnar. Hann telur að
það háa verð, sem hafi þekkst, bendi
til að illa sé staðið að innkaupum á
buxunum. „Við kaupum okkar bux-
ur beint frá Bandaríkjunum, en ég
hef heyrt að þær hafi verið fluttar
inn frá umboðsmanni í Danmörku,"
segir Ragnar og telur að í því geti
legið skýringin á háu verði á galla-
buxunum.
Ragnar segir að Hagkaupsmenn
séu í mikilli samkeppni við verslun-
arferðir íslendinga til útlanda, og
þetta sé m.a. liður í að spyrna við
fótum.
Hann segir að viðbrögð viðskipta-
vina hafi verið góð. „Það er mikil
sala, þó að við höfum bara byrjað í
gær," bætir Ragnar við.
Hann hefur ekki heyrt um nein við-
brögð samkeppnisaðila enn sem
komið er.
Verða kaupmenn að
kaupa inn á háu verði?
í sérverslun með Levis-gallabuxur
fengust þær upplýsingar að lægsta
verð á buxunum væri 6.590 kr.
„Þetta er það sama og gerist á Norð-
urlöndum," segir Viðar Tómasson
verslunarstjóri. Hann segir að versl-
unin þurfi því að kaupa inn vöruna á
sama hátt og þekkist þar. „Þetta
skiptist í mörg markaðssvæði og við
tilheyrum þessu svæði,“ segir Viðar.
Hann segir að borgir, sem íslending-
ar hafi farið til í verslunarferðir, séu
á öðru markaðssvæði og því sé verð
á buxum lægra þar en á Norður-
löndum.
Hann segir að þar sem verslunin
hafi gert samning við Levis-fyrir-
tækið, sé henni óheimilt að kaupa
inn nema í gegnum Norðurlönd.
Viðar telur að þetta lága verð, sem
Hagkaup bjóði, skýrist af því að var-
an sé keypt frá söluaðila í Bandaríkj-
unum. Hann segir að framleiðend-
umir líti þetta mál mjög alvarlegum
augum.
Um það hvort verslunin muni
reyna að stöðva þessa sölu, segir
Viðar: „Það er nú ekki alveg ljóst
ennþá. Þetta er svo nýtilkomið."
-HÞ
Nýtt viðvörunarkerfi um jarðskjálfta:
Töívur brátt á
jarðskjálftavakt
Nýtt viðvörunarkerfi, sem varar við
jarðskjálftum, verður reynt á næst-
unni. Þá sjá tölvur um að vara sér-
fræðinga við hættulegum jarðhrær-
ingum, eins og t.d. Suðurlands-
skjálfta.
Frá því í vor hefur verið unnið að
því að setja upp viðvörunarkerfi í
sambandi við jarðskjálfta, sem Veð-
urstofa íslands og Viðlagasjóður
kosta. Nú mun vera stutt í að kerfið
verði reynt. „Það, sem við höfum
verið að reyna að byggja upp, er
kerfi sem varar við óvenjumiklum
skjálftum á ákveðnum stöðum,"
segir Ragnar Stefánsson jarð-
skjálftafræðingur. í stuttu máli
byggist kerfið á því að tölva hringir í
litla „friðþjófa", sem sérfræðingar
hafa. Þá geta þeir komist í samband
við tölvuna og unnið úr upplýsing-
unum.
Ragnar á von á að hægt verði að
prófa nýja kerfið eftir tvær til þrjár
vikur. Fylgst er með svæðinu frá
Reykjavík að Mýrdalsjökli og er Suð-
urlandið sérstaklega skoðað með til-
liti til væntanlegs Suðurlands-
skjáifta. HÞ
Kvikmyndir:
Sódóma fékk
þrjár stjörnur
Sódóma Reykjavíkur ***
í kvikmyndagagnrýni Amar Markús-
sonar í laugardagsblaði Tímans féll
niður einkunnargjöfin fyrir myndina.
Öm gaf myndinni þrjár stjömur og er
því hér með komið á framfæri.
Athugasemd
Með greininni „Varla þarf að þreyja sitj-
andi“, sem birtist hér í blaðinu nú um
helgina, fylgdi með myndskreyting, sem
tekin var traustataki úr nýútkomnu há-
tíðarblaði Tímarits iðnaðarmanna. Að
þessu hefur réttilega verið fundið og em
hlutaðeigandi beðnir velvirðingar.
Þorsteinn Gíslason fiskimálastjóri:
Hættir um áramétin
Þorsteinn Gíslason fískimálastjóri hefur ákveðið að láta af störf-
um um næstu áramót. Þann 19. október n.k. verður Fiskiþing
sett og verður það hið síðasta,
fískimálastjóri.
„Ég er búinn að vera hér [þ.e. hjá
Fiskifélagi íslands] í 22 ár, þar af
sem fiskimálastjóri í ein 10 ár og í
12 ár sem vara-fiskimálastjóri. Það
er mín persónulega skoðun að yf-
irmenn stofnana eigi ekki að vera
lengi í sama starfinu og ég ætlaði
mér aldrei að starfa sem fiskimála-
stjóri lengur en í 10 ár,“ segir Þor-
steinn Gíslason.
Hann segir að helstu breyting-
arnar, sem orðið hafa í málefnum
sjávarútvegsins á þeim áratug sem
hann hefur verið við stjórnvölinn
hjá Fiskifélagi íslands, sé tvímæla-
laust kvótakerfið og það að fisk-
vinnslan sé í æ ríkari mæli að
flytjast út á sjó.
Þorsteinn Gíslason segist búast
við fjörugu Fiskiþingi, en að und-
anförnu hefur verið fundað stíft í
fiskdeildum félagsins vítt og breitt
sem Þorsteinn mun sitja sem
um alla strönd. Hann segir að auð-
vitað sé ríkjandi mismikil bjart-
sýni meðal manna um ástand og
horfur innan sjávarútvegsins, en
hinu sé ekki að íeyna að miklir erf-
iðleikar steðja að atvinnugrein-
inni. „Menn hafa auðvitað engar
lausnir á takteinum, nema þá
kannski Guð almáttugur og þá
með því að auka fiskigengd á mið-
unum.“
Fiskimálastjóri segir að það sé
samkomulag við sjávarútvegsráð-
herra að Fiskifélagið haldi áfram
að sinna sínu þjónustuhlutverki
og það muni ekki breytast með til-
komu Fiskistofu. En eins og
kunnugt er tók Fiskistofa til starfa
þann 1. september sl. Forstöðu-
maður hennar er Þórður Ásgeirs-
son.
-grh