Fréttablaðið - 02.03.2009, Blaðsíða 2

2 2. mars 2009 MÁNUDAGUR
SKOÐANAKÖNNUN 45,5 prósent segjast nú vilja að
Ísland sæki um aðild að Evrópusambandinu, en 54,5
prósent eru því mótfallin. Stuðningur við aðildar-
umsókn hefur því aukist lítillega frá því 22. janúar
þegar 59,8 prósent voru aðildarviðræðum andvíg.
Stuðningur hefur aukist um tæp níu prósentustig
meðal kvenna og rúm
átta prósentustig meðal
kjósenda á höfuðborgar-
svæðinu frá því í janúar.
Lítill munur er á afstöðu
eftir kyni, en 55 prósent
kjósenda á höfuðborgar-
svæðinu styðja aðildar-
viðræður, en 34 prósent
kjósenda landsbyggðarinnar.
Ef horft er til stuðnings við stjórnmálaflokka
hefur mesta breytingin orðið meðal kjósenda
Vinstri grænna og hefur vinstri grænum sem styðja
aðildarumsókn fjölgað um rúm níu prósentustig,
fara úr 29 prósent í 38 prósent. Þá eykst stuðningur
kjósenda Samfylkingar og þeirra sem ekki gefa upp
stuðning við flokk við umsókn að Evrópusamband-
inu um tæp fimm prósentustig frá því í janúar.
Hringt var í 800 manns á kosningaaldri fimmtu-
daginn 26. febrúar og skiptust svarendur jafnt
eftir kyni og hlutfallslega eftir búsetu. Spurt var:
Á Ísland að sækja um aðild að Evrópusambandinu?
75,4 prósent tóku afstöðu til spurningarinnar. - ss
T
B
W
A
\R
e
yk
ja
ví
k
\
S
ÍA
\
0
9
4
1
9
7
Könnun Fréttablaðsins og Stöðvar 2 um viðhorf til aðildarviðræðna við ESB:
Stuðningur við umsókn eykst
Tómas, lendið þið Magnús
stundum á rauðu ljósi?
„Rautt ljós er bara hugarástand.“
Tómas Hermannsson, útgefandi hjá
Sögum, ekur þessa dagana um borg og
bý meðan Magnús Eiríksson tónlistar-
maður lætur dæluna ganga. Afraksturinn
mun nýtast Tómasi við ritun ævisögu
Magnúsar sem kemur út fyrir næstu jól.
Eitt vinsælasta lag Magnúsar heitir „Á
rauðu ljósi“.
Fe
b.
´0
6
Ja
n.
´0
7
Se
pt
. ´
07
Fe
b.
´0
8
O
kt
. ´
08
N
óv
. ´
08
Ja
n.
´0
9
Fe
b.
´0
9
80
70
60
50
40
30
Á ÍSLAND AÐ SÆKJA UM AÐILD AÐ ESB?
SKV. KÖNNUN FRÉTTABLAÐSINS/STÖÐVAR 2
26. FEBRÚAR 2009
34,3%
36,0%
55,1%
68,8%
59,6%
40,2%
46,1%
48,9%
SLYS Þyrla landhelgisgæslunnar
flutti í gær tvær franskar konur,
sem slasast höfðu í bílveltu á
Breiðamerkursandi, á Borgar-
spítalann í Reykjavík.
Skömmu eftir að þyrlan lagði
af stað til Reykjavíkur með aðra
konuna, rétt fyrir hádegi, sneri
hún við að Klaustri, náði þar í
lækni og flutti á Höfn. Þar þarfn-
aðist bráðveikt ungbarn læknis.
Læknirinn var ekki á staðnum,
þar sem hann var í útkalli vegna
umferðarslyssins.
Hin konan sem slasaðist hafði
verið flutt á Höfn til aðhlynn-
ingar. Þegar þyrlan kom með
lækninn var ákveðið að senda
hana með samferðakonu sinni til
Reykjavíkur. Þar lenti þyrlan um
hálf þrjú leytið. - hhs
Bílvelta austan Jökulsárlóns:
Tvær franskar
konur slösuðust
STJÓRNMÁL Ingibjörg Sólrún Gísla-
dóttir hyggst ekki hætta sem for-
maður Samfylkingarinnar. Hún
gefur kost á sér til áframhaldandi
forystu á landsþingi flokksins sem
haldið verður í lok mars. Jóhanna
Sigurðardóttir verður hins vegar
forsætisráðherraefni Samfylking-
arinnar í komandi þingkosningum
og mun leiða flokkinn í kosninga-
baráttunni.
Ingibjörg og Jóhanna kynntu
þessi áform sín á blaðamannafundi
á laugardag. Jóhanna sækist eftir
efsta sætinu í sameiginlegu próf-
kjöri flokksins í Reykjavík og Ingi-
björg öðru. Fái þær brautargengi
í þau sæti munu þær leiða sinn
listann hvor í Reykjavík. Össur
Skarphéðinsson utanríkis- og iðn-
aðarráðherra sækist eftir þriðja
sætinu.
Ingibjörg sagðist á fundinum
hafa íhugað að draga sig alfarið
í hlé frá stjórnmálastarfi vegna
þeirra veikinda sem hún hefur átt
við að etja. Hún hefði hins vegar
talið það uppgjöf og ákveðið að
halda ótrauð áfram.
Ingibjörg verður ekki ein í kjöri
til formennsku í flokknum því
að Jón Baldvin Hannibalsson til-
kynnti um mótframboð samdæg-
urs. Hann segist þó jafnframt
styðja Jóhönnu til áframhaldandi
setu á stóli forsætisráðherra. - sh
Jóhanna Sigurðardóttir verður forsætisráðherraefni Samfylkingarinnar:
Skipta með sér forystuhlutverkum
TVÍEYKIÐ Ingibjörg og Jóhanna stefna á
að skipta með sér forystuhlutverkum í
Samfylkingunni. FRÉTTABLAÐIÐ / PJETUR
HJÁLPARSTARF „Við höfum orðið vör
við mikla þörf fyrir aðstoð síðustu
vikur og mánuði. Sem dæmi má
nefna að símtölum í hjálparsím-
ann okkar 1717 hefur fjölgað úr
fimmtíu í sjötíu á sólarhring, og
algengast er að fólk sé í fjárhags-
vandræðum, búi við andlega van-
líðan og þar fram eftir götunum,“
segir Gunnhildur Sveinsdóttir,
verkefnastjóri hjá Rauða krossi
Íslands. Ný miðstöð sem ber nafn-
ið Rauðakrosshúsið verður opnuð
í lok vikunnar, og þar gefst fólki
kostur á að leita úrræða vegna
fjárhagsvandræða, fá sálrænan
stuðning og viðtöl hjá sérfræðing-
um á borð við sálfræðinga, hjúkr-
unarfræðinga og presta.
Rauðakrosshúsið verður í 300
fermetra húsnæði á neðstu hæð
í Borgartúni 25, á sama stað og
Mæðrastyrksnefnd var með
úthlutanir fyrir síðustu jól. Mið-
stöðin er tilraunaverkefni til sex
mánaða til að byrja með, og er
unnið í samstarfi við þjóðkirkj-
una. Gunnhildur segir að mein-
ingin sé að leyfa starfsemi stöðv-
arinnar að þróast eftir því sem
aðstæður krefjast næstu mán-
uði.
„Í fyrstu verður opið frá klukk-
an 14 til 16 á daginn og ýmis-
legt verður á boðstólum. Það
verða námskeið og hópfundir
af ýmsum toga, og einnig verð-
um við með aðgang að tölvum og
interneti fyrir þá sem einhverra
hluta vegna hafa þurft að segja
upp áskriftum sínum heima við.
Fyrir utan að leita sér úrræða
viljum við líka að fólk geti leitað
eitthvert í félagsskap og stuðning.
Húsið er ekki bara fyrir atvinnu-
lausa heldur er það öllum opið.“
Að sögn Gunnhildar er þetta
fyrsta miðstöð sinnar tegundar
sem hleypt er af stokkunum síðan
kreppan skall á. Starfseminni
verður að langmestu leyti sinnt af
sjálfboðaliðum. „Við fengum hús-
næðið í síðustu viku og auglýstum
eftir sjálfboðaliðum til að hjálpa
okkur að koma því í stand. Viðtök-
urnar voru hreint út sagt ótrúleg-
ar og margt frábært fólk sem er
sérþjálfað á ýmsum sviðum vinn-
ur í þessu með okkur. Það hefur
aldrei verið jafn mikið um að fólk
leiti til okkar og vilji gerast sjálf-
boðaliðar, bæði þeir sem eru með
vinnu og atvinnulausir. Ég held að
fólk sé byrjað að velta því mikið
fyrir sér hvað það er sem gefur
lífinu gildi,“ segir Gunnhildur
Sveinsdóttir. kjartan@frettabladid.is
Geta leitað í stuðn-
ing og félagsskap
Rauðakrosshúsið, ný miðstöð þar sem fólki gefst kostur á að leita úrræða vegna
fjárhagsvanda og sækja sér stuðning og félagsskap, verður opnað í lok vikunn-
ar. Verkefnastjóri Rauða krossins segir aldrei fleiri hafa boðið fram aðstoð sína.
MIÐSTÖÐ Gunnhildur segir að með Rauðakrosshúsinu í Borgartúni sé verið að víkka
út starfsemi hjálparsímans 1717, sem starfað hefur í nær tuttugu ár.
FRÉTTABLAÐIÐ/STEFÁN
Dagur B. Eggertsson,
oddviti Samfylking-
arinnar í borgar-
stjórn, sækist eftir
varaformennsku í
flokknum á komandi
landsþingi. Hann
tilkynnti þetta í gær.
Hann segir mikilvægt að stjórnmálin
opni sig og flokkarnir verði farvegir
fyrir nýjar hugmyndir og nýtt fólk.
Dagur býður sig ekki fram til
þings en segir það ekki munu
standa honum fyrir þrifum. Veturinn
hafi sýnt að þingið þurfi aðhald,
bæði frá samfélaginu en ekki síður
flokkunum sjálfum.
Áður hefur þingmaðurinn Árni
Páll Árnason tilkynnt um framboð til
varaformanns. - sh
DAGUR VILL VERÐA
VARAFORMAÐUR
Fyrir utan að leita sér
úrræða viljum við líka að
fólk geti leitað eitthvert í félags-
skap og stuðning.
GUNNHILDUR SVEINSDÓTTIR
VERKEFNASTJÓRI
JARÐSKJÁLFTI Skjálftahrina hófst í
vestanverðum Vatnajökli klukkan
tuttugu mínútur yfir tólf í fyrri-
nótt og endaði með skjálfta upp
á 4,3 á Richter klukkan tuttugu
mínútur í eitt.
Þetta er stærsti skjálfti sem
orðið hefur á svæðinu síðan árið
1984, að sögn Halldórs Geirsson-
ar, jarðeðlisfræðings hjá Veður-
stofu Íslands.
Halldór segir að fylgst verði
vel með svæðinu á næstunni, þar
sem svo stór skjálfti geti verið
fyrirboði um aukna eldvirkni og
jafnvel eldgos. Ekki hafi þó orðið
vart við gosóróa eða annað sem
bendir til eldsumbrota. - hhs
Jarðskjálfti í Vatnajökli:
Stærsti skjálfti
síðan árið 1984
ELDGOS Í GRÍMSVÖTNUM 1998
Jarðskjálfti upp á 4,3 á Richter varð í
vestanverðum Vatnajökli í gær.
FRÉTTABLAÐIÐ/GVA
STJÓRNMÁL Þingmenn Vinstri
grænna munu ekki greiða atkvæði
með frumvarpi Össurar Skarphéð-
inssonar iðnað-
arráðherra um
álver í Helgu-
vík. Þetta segir
Steingrímur J.
Sigfússon, for-
maður flokks-
ins.
Steingrímur
segir þó stjórn-
arflokkana ekki
greina á um efni
stjórnarsáttmál-
ans eins og látið hefur verið liggja
að. „Þetta er samningur sem gerð-
ur var í tíð fyrrum ríkisstjórnar
og er bindandi og leggur iðnaðar-
ráðherra þær skyldur á herðar að
leggja frumvarpið fyrir þingið.“
Það hafi Vinstri græn vitað. „En
það lá jafnframt ljóst fyrir að þing-
menn okkar væru óbundnir af því
að styðja málið,“ segir hann. - sh
Steingrímur J. Sigfússon:
Greinir ekki á
um sáttmálann
STEINGRÍMUR J.
SIGFÚSSON
LÖGREGLUMÁL Leit að hinni 37 ára
gömlu Aldísi Westergren, sem
saknað hefur verið síðan síðasta
þriðjudag, verður haldið áfram
með hjálp björgunarsveita í dag.
Lögregla og björgunarsveitir leit-
uðu Aldísar árangurslaust meðan
bjart var úti í gær.
Varðstjóri hjá lögreglunni segir
málið nú í höndum rannsóknar-
deildar. Vísbendingar hafi engu
skilað og ekki eftir neinu að fara í
leitinni. Ekki sé ástæða til að ætla
að um glæp sé að ræða. - kg
Leit að Aldísi Westergren:
Vísbendingar
engu skilað
SPURNING DAGSINS