Tíminn - 01.04.1995, Blaðsíða 11

Laugardagur 1. apríl 1995
WfllBÍtM
'jj
11
x
Folk i fyrirrúmi
Endurreisn heimilanna
Greiðsluerfiðleikar hafa skapað neyðarástand hjá fjölda
heimila í landinu og gjaldþrot blasir við mörgum þeirra.
Forsendur þeirra fjárskuldbindinga sem heimilin gerðu eru
brostnar vegna aðgerða ríkisstjórnarinnar.
Skattar á einstaklinga hafa verið stórhækkaðir. Álögur í
heilbrigðis- og menntamálum hafa verið auknar og vaxta- og
barnabætur hafa verið lækkaðar. Stór hluti heimila í landinu
á í stórkostlegum erfiðleikum. Því er óumflýjanlegt að grípa
til aðgerða til að aðstoða fólk við að greiða úr
skuldavandamálum heimilanna.
Framsóknarflokkurinn telur endurreisn heimilanna eitt
mikilvægasta verkefni næsta kjörtímabils og leggur því
áherslu á eftirfarandi:
Að sett verði lög um greiðsluaðlögun sem gefa einstaklingum
í alvarlegum greiðsluerfiðleikum möguleika á því að ná stjórn
á fjármálum sínum.
Að Húsnæðisstofnun verði fengið nýtt og breytt hlutverk sem
ráðgjafar- og endurreisnarstöð heimilanna sem aðstoði fólk
við að greiða úr skuldavandamálum sínum.
Að gripið verði til víðtækra skuldbreytinga sem feli í sér að
vöxtum og-eða lánstíma sé breytt, skuld sé lækkuð eða fryst
um tíma meðan fólk leitar lausnar á tímabundnum
erfiðleikum svo sem vegna atvinnuleysis eða veikinda.
Að húsnæðislán hjá Húsnæðisstofnun sem hafa 25 ára
lánstíma verði lengd í 40 ár. Það mun létta greiðslubyrðina
um 25%.
Atvinna fyrir alla
- vinna er velferð
Framsóknarflokkurinn mun ekki sætta sig við að atvinnuleysi
verði viðvarandi í landinu. Atvinnuleysið er ósamrýmanlegt
hugmyndum framsóknarmanna um félagslegt réttlæti.
Atvinna fyrir alla er hornsteinn velferðar í landinu.
Ríkisstjórnin hefur hins vegar notað atvinnuleysið sem
hagstjórnartæki en því hafnar Framsóknarflokkurinn. Það er
forgangsverkefni að skapa því fólki sem nú er atvinnulaust
vinnu og auka fjárfestingar í atvinnulífinu. Þannig að það
unga fólk sem kemur inn á vinnumarkaðinn á næstu árum
geti gengið að fjölbreyttum og vel launuðum störfum.
Því leggur Framsóknarflokkurinn áherslu á eftirfarandi:
Að ríki og Reykjavíkurborg taki höndum saman í átaki með
verkalýðshreyfingunni, atvinnurekendum og lífeyrissjóðum
um að fjármagna og flýta mannfrekum verkefnum til að
stórminnka atvinnuleysi á næstu 2-3 árum.
Að fjárfesting í atvinnulífinu sér undirstaða nýrra starfa. Því
þarf að örva fjárfestingu með skattaívilnunum fyrir fyrirtæki
og einstaklinga. Jafnframt verði leitað til lífeyrissjóðanna
með áhættufé til nýsköpunar í atvinnulífinu.
Að Iðnþróunarsjóði verði breytt í áhættufjármagnssjóð m.a.
til að aðstoða ungt fólk til að koma fyrirtækjum á fót án þess
að leggja alla framtíð sína að veði.
Að þeir sem vilja hefja sjálfstæðan atvinnurekstur hafi
aðgang að ráðgjöf og leiðbeiningum.
Að hægt verði að ábyrgjast lán fyrir fyrirtæki með mikla
vaxtarmöguleika en takmörkuð veð og veita þannig
nýjungum í atvinnulífi stuðning í formi launagreiðlsna sem
annars hefðu farið í atvinnuleysisbætur. Þetta verður gert
m.a. með því að sameina starfsemi Byggðastofnunar,
Atvinnuleysistryggingasjóðs og atvinnuráðgjafa.
Að markaðsstarfsemi opinberra aðila á erlendri grund verði
gerð öflugri og aukin verði kynning á möguleikum erlendra
fjárfesta hér á landi.
SS «*iðiunnl
Við höfhum þessari leið
Hreinar skuldir ríkissjóbs
% af vergri
landsframleiðslu.
Fjöldi fasteigna sem seldar voru
á naubungaruppbobi
x Reykjavík.
400
Atvinnuleysi 1980 - 1994
% af mannafla.
Skuldir heimila
í milljöröum og sem hlutfall af ráöstöfunartekjum.
Miljarbar
kr.
300
200
1 00
Hlutfall %
1 50
1 0 0