Morgunblaðið - 30.01.2006, Blaðsíða 11
Borgarnes | Nú í janúar eru liðin
30 ár frá því að Heilsugæslustöðin
í Borgarnesi var formlega vígð. Af
því tilefni ræddi fréttaritari við
Guðrúnu Kristjánsdóttur, fram-
kvæmdastjóra heilsugæslustöðv-
arinnar. Guðrún er samvinnu-
skólagengin og hefur stýrt
heilsugæslustöðinni frá 1. maí
2000.
„Fyrsta skóflustungan var tekin
3. maí 1972 og var þetta eina stöð-
in á landinu sem var byggð alger-
lega á kostnað ríkisins. Flutningar
hófust í húsið í október 1975 en
formleg vígsla var hinn 10. janúar
1976,“ segir Guðrún. Húsið er
1.260 fm á tveimur hæðum og
sambyggt við dvalarheimilið. Í
umræðu var að heilsugæslustöðin
færi í nýtt húsnæði en Guðrún
segir það ekki standa til. „Verið er
að laga húsið og byggja bílskúr en
sjúkrabíll hefur ekki komist inn
síðan 1997, aðallega vegna þess að
nýrri bílarnir eru stærri,“ en í
Borgarnesi eru tveir sjúkrabílar
reknir í samvinnu við Rauða
krossinn.
Læknishéraðið þjónar um 3.600
manns sem hafa hér fasta búsetu.
„En gera má ráð fyrir að fólki
fjölgi um 1000 yfir vetrartímann
og tvöfaldist á sumrin. Jafnvel má
gera ráð fyrir að á álagstímum
geti verið um 20.000 manns á
svæðinu, hér eru 2.000 sumarhús,
mörg hver heilsárshús, og mikil
fjölgun á sér stað á Bifröst en þar
eru 500–600 manns og Hvanneyri
vex og eru þar 250–300 manns,“
segir Guðrún og bætir við að sam-
skipti við heilsugæslustöðina hafi
aukist um 27% á fyrri hluta árs
2005. „Og í samræmi við stefnu
hins opinbera að fólk búi heima
eins lengi og kostur er hefur
heimahjúkrun aukist úr 1.100 vitj-
unum árið 2003 í 1.800 árið 2005.“
Við heilsugæslustöðina starfa 17
manns í 14 stöðugildum og þar af
eru þrír læknar. Athygli vakti fyr-
ir fáeinum árum að hér vantaði
lækna, en frá árinu 2003 hefur
verið vel mannað. „Já við vorum
svo heppin að um stöðu læknis
sótti kona og maðurinn hennar var
að fara í nám á Bifröst og hefur
hún verið hjá okkur síðan,“ segir
Guðrún. „Hér eru þrjár lækna-
stöður yfir vetrartímann en fjórar
yfir sumartímann. Við höfum rétt
á að taka kandídata, og sumir hafa
sagt að það að vera hér í þrjá
mánuði sé á við tvö ár í lækn-
isfræðinni, þeir lenda í bók-
staflega öllu.“ Guðrún segir
heilsugæslustöðina einnig vel
tækjum búna. „Hér er ágætis
röntgen og hjartalínurit og ýmis
félagssamtök hafa verið dugleg að
færa okkur hluti og tæki, en það
eina sem sárlega vantar er lyfta í
húsið. Hana hef ég sett á fjár-
hagsáætlun á hverju ári en ekki
tekist að ná henni í gegn ennþá.“
Guðrún er þrátt fyrir það
ánægð með starfsemina, hún segir
framkvæmdastjórastarfið fjöl-
breytt og örgrandi, samstarfs-
fólkið sé gott og samskiptin við
heilbrigðisráðuneytið gangi vel.
„Enda eru stofnanir ekki annað en
fólkið sem þar starfar,“ segir Guð-
rún að lokum.
Heilsugæslustöðin 30 ára
Morgunblaðið/Guðrún Vala
Vígsluafmæli Heilsugæslustöðin í Borgarnesi á 30 ára afmæli.
Morgunblaðið/Guðrún Vala
Guðrún Kristjánsdóttir, fram-
kvæmdastjóri Heilsugæslustöðv-
arinnar í Borgarnesi.
Eftir Guðrúnu Völu Elísdóttur
MORGUNBLAÐIÐ MÁNUDAGUR 30. JANÚAR 2006 11
VESTURLAND VIÐSKIPTI/ATHAFNALÍF
ÞAÐ er hagsmunamál allra þeirra
sem tengjast verklegum fram-
kvæmdum að dýrmætum tíma sé
ekki eytt í þrætumál. Þetta kom
fram í máli Sveins Hannessonar,
framkvæmdastjóra Samtaka iðnað-
arins, á árlegu útboðsþingi samtak-
anna og Félags vinnuvélaeigenda,
sem haldið var tíunda árið í röð síð-
astliðinn föstudag.
Hann sagði að starfsmenn Sam-
taka iðnaðarins fyndu fyrir því í
daglegum störfum sínum hve erfitt
það gæti reynst að leysa úr deilu-
málum sem risu vegna verksamn-
inga. „Stundum finnst manni eins
og þegar skrifað hefur verið undir
verksamning hafi verið skrifað und-
ir stríðsyfirlýsingu,“ sagði Sveinn í
setningarræðu sinni á þinginu.
Hann sagði vandamálið vera að
úrræði væru fá og næstum engin af
þeim væru nýtt nema dómstólaleið-
in, sem væri kostnaðarsöm. Gerð-
ardómur Verkfræðingafélags Ís-
lands, sem vísað er til í
útboðsstaðlinum ÍST 30, væri eina
skilgreinda ferlið í þessum efnum
hér á landi, en það hefði næstum
ekkert verið nýtt í hátt í tuttugu ár.
Þetta væri fáheyrt í vestrænu ríki.
„Við eigum ekki tölur um það hve
mikill kostnaður fellur á fyrirtæki,
sveitarfélög og opinbera aðila vegna
smárra og stórra deilumála um efni
samninga og útfærslur, sem erfitt
reynist að lenda farsællega. En við
vitum þó að þetta er mjög tímafrekt
og æði dýrt og það væri betra að
orka og fjármunir færu í aðra
hluti.“
Fram kom í máli Sveins að Sam-
tök iðnaðarins hefðu tekið þátt í
vinnu sem Verkfræðingafélagið hef-
ur átt frumkvæði að, sem miðast að
því að endurskoða reglur um gerð-
ardóm hér á landi. Fyrirhugað væri
að kynna á ráðstefnu í vor hvernig
staðið er að úrlausn deilumála í
tengslum við verklegar fram-
kvæmdir í Danmörku. Þar í landi
væri kostnaður vegna þessa hófleg-
ur. Hvatti Sveinn verktaka til að
taka virkan þátt í umræðum um
þessi mál.
Níu helstu verkkaupar
Tilgangurinn með útboðsþinginu
er að gera verktökum grein fyrir
því hvað í vændum er í verklegum
framkvæmdum hér á landi. Níu af
helstu verkkaupunum í landinu gáfu
yfirlit yfir útboð og framkvæmdir á
þeirra vegum. Þetta eru Reykjavík-
urborg, Framkvæmdasýsla ríkisins,
Siglingastofnun, Landsvirkjun,
Kópavogsbær, Hafnarfjarðarbær,
Landsnet, Orkuveita Reykjavíkur
og Vegagerðin.
Morgunblaðið/Sverrir
Árlegt útboðsþing Sveinn Hannesson í ræðustól á útboðsþingi Samtaka
iðnaðarins og Félags vinnuvélaeigenda þar sem helstu verkkaupar í land-
inu kynntu útboð og framkvæmdir á þeirra vegum á þessu ári. Þetta var í
tíunda skiptið sem útboðsþingið var haldið.
Of mikill tími
og kostnaður
í þrætumál
Eftir Grétar Júníus Guðmundsson
gretar@mbl.is
NÝSKRÁÐUM hluta- og einka-
flutafélögum fjölgaði um nærri
17% á árinu 2005 frá árinu á und-
an. Þá voru skráningar 2.527 tals-
ins en fóru í 2.938 í fyrra.
Samkvæmt tölum Hagstofunnar
er hlutfallsleg skipting nýskrán-
inga eftir atvinnugreinum nokkuð
jöfn milli ára. Séu nýskráningar
skoðaðar eftir landshlutum eru
rúmlega 72% nýskráðra félaga
með lögheimili á höfuðborg-
arsvæðinu. Hlutfallslega fjölgaði
skráningum mest á Suðurlandi og
Suðurnesjum, eða um 40% frá
árinu 2004.
Nýskráðum
félögum fjölg-
aði um 17%
$3 4 5
5
(6,
& & & & &
SPROTAÞING Íslands gerir ráð
fyrir að halda 20 fjárfestaþing í vor
og haust á alls tólf stöðum í heim-
inum, að Íslandi meðtöldu. Fyrsta
þingið verður í Ósló 25. apríl nk. og
svo tveimur dögum síðar í Reykja-
vík. Síðan tekur við hrina fram í
júní og þráðurinn tekinn upp að
nýju í október og nóvember á
þessu ári. Þingum hefur fjölgað frá
síðasta ári og í fréttabréfi Sprota-
þings kemur fram að samtökin hafi
notið stuðnings sendiráða Íslands
erlendis og ræðismanna við að
kynna íslensku sprotafyrirtækin.
Borgirnar sem þingin fara fram
í eru sem sagt Reykjavík, Ósló,
Sjanghæ, London, Stokkhólmur,
New York, Moskva, Helsinki, Tall-
inn, Varsjá, Minneapolis og Vilníus.
Núna standa yfir tilnefningar sem
alþjóðleg dómnefnd fjárfesta mun
síðan velja úr til þátttöku á þing-
unum.
Tuttugu fjárfestaþing á árinu
Stykkishólmur | Erla Friðriksdóttir, bæjarstjóri
Stykkishólmsbæjar, og bæjarstjórn kynntu bæjarbú-
um nýlega fjárhagsáætlun bæjarsjóðs fyrir þetta ár.
Þeir sem láta sig varða hvernig fjármunum bæjar-
félagsins er varið mættu á fundinn og fengu fræðandi
upplýsingar um stöðu bæjarsjóðs og verkefni hans á
árinu.
Þetta er fyrsta fjárhagsáætlun sem Erla bæjarstjóri
fylgir úr hlaði, en hún tók við starfinu sl. sumar. Hún
segist áður hafa tekið þátt í mótun fjárhagsáætlana fyr-
ir fyrirtæki, sem er dálítið á öðrum nótum en hjá sveit-
arfélögum. Það kom Erlu mest á óvart í þessari vinnu
hvað tekjur og gjöld eru fyrirfram ákveðin og lítið hægt
að gera fyrir utan hina föstu liði. „Svigrúmið er nánast
ekkert,“ segir Erla.
Skatttekjur bæjarins eru áætlaðar 412 m.kr og aðrar
tekjur tæpar 200 m.kr. Gjaldaliðurinn hljóðar upp á 589
m. kr og því er tekjuafgangur. Sem fyrr eru það
fræðslumálin sem taka mest til sín eða um 55% af
tekjum bæjarsjóðs.
Leikskóli er stærsta verkefnið
Erla var spurð hvað einkenndi fjárhagsáætlun bæj-
arsjóðs: „Það eru framkvæmdir sem við ætlum að láta í
forgang á þessu ári og koma til móts við ýmsar þarfir
bæjarbúa. Samkvæmt áætluninni mun bæjarsjóður
ráðast í framkvæmdir fyrir 214 m. kr. Fyrst vil ég
nefna byggingu leikskóla. Í fyrra var hafist handa við
að byggja nýjan leikskóla sem tekinn verður í notkun í
lok þessa árs. Við leggjum til 120 m.kr í það verk á
árinu. Annað sem ég vil nefna er að ráðgert er að fara í
gatnagerð og frágang í gamla bænum fyrir 20 m.kr.
Það er framkvæmd sem margir Hólmarar og gestir eru
búnir að bíða lengi eftir,“ segir Erla Friðriksdóttir.
Aðrar framkvæmdir eru, að til stendur að flytja Amts-
bókasafnið í nýtt húsnæði, farið verður í gatnagerð í
nýjum hverfum og Golfklúbburinn fær góðan styrk til
að endurbæta golfvöllinn.
Erla segir að bæjarsjóður standi vel fjárhagslega.
Sala á Hitaveitu Stykkishólms breytti stöðunni mikið
og lækkaði greiðslubyrði sveitarsjóðs um 60 m. kr á ári.
„Það er ósk mín,“ segir Erla að lokum, „að tekjur
Stykkishólmsbæjar aukist á næstu árum. Mikil þörf er
fyrir peninga til að koma til móts við þær kröfur sem
gerðar eru til bæjarfélagins um að veita góða þjónustu
á sem flestum sviðum og að því viljum við stuðla.“
Framkvæmdirnar
hafa forgang
Morgunblaðið/Gunnlaugur Árnason
Leikskóli Nýr leikskóli er í byggingu í Stykkishólmi og
er áætlað að taka hann í notkun í lok ársins. Þetta er
langstærsta verkefni bæjarsjóðs á árinu 2006.
Eftir Gunnlaug Árnason