Morgunblaðið - 30.01.2006, Blaðsíða 8
8 MÁNUDAGUR 30. JANÚAR 2006 MORGUNBLAÐIÐ
FRÉTTIR
Ég vil ekki sjá neinar danskar verksmiðjubeljur, við tuttlum bara áfram að góðum og göml-
um víkingasið, góði.
Um 90% erlendraferðamanna íReykjavík höfðu
góða eða frábæra reynslu
af borginni á liðnu sumri.
Er það ívið jákvæðari nið-
urstaða en sumarið 2004.
Einungis 7% höfðu sæmi-
lega reynslu af borginni en
enginn taldi hana slæma.
Þetta er meðal niðurstaðna
könnunar sem Rannsóknir
og ráðgjöf ferðaþjónust-
unnar önnuðust fyrir Höf-
uðborgarstofu. Könnunin
var unnin síðastliðið sumar
og var úrtakið rúmlega
2000 erlendir ferðamann sem voru
á leið úr landi í Leifsstöð. Sem fyrr
fá sundlaugarnar í Reykjavík og
heilsurækt af ýmsu tagi hæstu ein-
kunn þegar spurt er um afþrey-
ingu (8,6–8,7 af 10 mögulegum).
Náttúran og náttúruskoðun eru
áfram helsta aðdráttaraflið fyrir
ferðamenn til landsins almennt og
dagsferðir af ýmsu tagi eru vinsæll
valkostur ferðamanna og fá 8,6 í
einkunn fyrir gæði. Veturinn 2003–
2004 heimsóttu 23% erlendra
ferðamanna söfn en síðastliðið
sumar var hlutfallið 34%. Þessu til
viðbótar sækja um 17% sumar-
gesta í Reykjavík listviðburði.
Flestir töldu Reykjavík vera
hreina borg eða 86% og 92% töldu
borgina örugga. Vörumerki borg-
arinnar, Reykjavík Pure Energy,
er einnig í marktækri sókn en 64%
erlendra ferðamanna telja það frá-
bært eða gott samanborið við 57%
sem voru þeirrar skoðunar sumar-
ið 2004. Sífellt fleiri ferðamenn
heimsækja Ísland. Tæplega 370
þúsund erlendir ferðamenn komu
til landsins í fyrra og er það nýtt
met. Ferðamönnum fjölgaði um
9.000 frá árinu 2004, en þá voru
þeir rúmlega 360.000. Þetta kemur
fram í nýútkomnu fréttabréfi Sam-
taka ferðaþjónustunnar. Á síðustu
þremur árum hefur fjöldi ferða-
manna aukist um 30%. Sé horft yf-
ir lengra tímabil má meðal annars
sjá að árleg fjölgun síðastliðinn
áratug er að meðaltali 11%. Mest
er aukningin á fjölda ferðamanna
frá Bandaríkjunum og Asíu. Ár-
sæll Harðarson, forstöðumaður
markaðssviðs Ferðamálastofu,
sagði í Morgunblaðinu nýverið at-
hyglisvert að nærmarkaðirnir sem
hafi verið í hvað mestum vexti und-
anfarin misseri væru nú að hægja á
vexti en á móti vegi að fjærmark-
aðir eins og Bandaríkin og Asía séu
í meiri vexti en áður. Ferðamönn-
um fjölgar einnig yfir veturinn og
er ferðamannatímabilið að lengj-
ast. Þannig var fjöldi ferðamanna í
október sem leið hinn sami og í júní
fyrir fjórum árum.
Langflestir ferðamenn sem
hingað koma fara um Keflavíkur-
flugvöll. Alls voru þeir 356.152 í
fyrra, samanborið við 348.533 árið
2004. Með Norrænu komu rúm-
lega 8.000 gestir, um 56.000 með
skemmtiferðaskipum. En af hverju
koma ferðamenn til Íslands og
hvaðan fá þeir upplýsingar um
landið? Hvað það er sem dregur
ferðamenn til ákveðinna staða er
mismunandi. Kannanir hafa sýnt
að hrein og ómenguð náttúra er
það sem flestir ferðamenn á Ís-
landi eru komnir til að upplifa.
Flestir þeirra nefna náttúruna og
landið þegar spurt er um hvaðan
hugmynd að Íslandsheimsókn hafi
komið. Næstflestir nefna vini/ætt-
ingja og síðan þætti eins og við-
skiptatengsl, netið og ferðabækl-
inga. Þá vegur náttúran sem fyrr
þyngst þegar ákvörðun um Ís-
landsferð er tekin. Netið er lang-
öflugasti upplýsingamiðill erlendra
ferðamanna um Ísland. Ríflega
helmingur þeirra notar netið í
þessum tilgangi. Í ljósi þess hversu
hratt ferðamönnum hefur fjölgað
hér á landi undanfarin ár hafa
vaknað spurningar um hver áhrifin
á samfélag og umhverfi ferða-
mannastaða eru. Þótt flestir fagni
því að ferðaþjónustan festi sig enn
frekar í sessi fylgja svo mikilli
fjölgun ferðamanna ýmis vanda-
mál og grípa þarf til markvissra að-
gerða og framkvæmda til þess að
ferðamannastaðir um land allt geti
raunverulega tekið á móti öllum
þeim fjölda ferðamanna sem þang-
að leggja leið sína. Þolmörk ferða-
mennsku eru skilgreind sem sá há-
marksfjöldi ferðamanna sem getur
ferðast um svæði án þess að það
leiði af sér óviðunandi hnignun á
umhverfinu eða upplifun ferða-
manna og íbúa svæðisins. Ef áhrif
ferðamennsku verða óviðunandi á
náttúrulegt eða manngert um-
hverfi, heimamenn og ferðamenn,
má álykta að einum eða fleiri þátt-
um þolmarka sé náð. Nokkrar
kannanir hafa verið gerðar á þessu
og ein þeirra, sem framkvæmd var
árið 2003 á vegum Ferðamálaráðs,
Háskóla Íslands og Háskólans á
Akureyri, sneri m.a. að Land-
mannalaugum, sem er mjög fjöl-
sóttur ferðamannastaður á hálend-
inu og Lónsöræfum sem er
fáfarnari og óaðgengilegri. Kom
m.a. fram í þeirri skýrslu að þeir
ferðamenn sem nú koma í Land-
mannalaugar eru ánægðir með
náttúrulega upplifun en hins vegar
hafi uppbygging þjónustu á svæð-
inu engan veginn verið í takti við
fjölgun ferðamanna. Er þetta gott
dæmi um mikilvægi þess að skipu-
lag og uppbygging ferðamanna-
staða haldist í hendur við fjölgun
ferðamanna.
Fréttaskýring | Ferðamönnum hefur fjölgað
jafnt á byggðu sem óbyggðu bóli á Íslandi
Flestir hafa
góða reynslu
Sundlaugarnar, listasöfnin og ósnortin
náttúra draga ferðamenn til landsins
Ferðamenn skoða ljósmyndasýningu.
Ferðamenn á Íslandi gætu
orðið um milljón árið 2020
Ferðamenn hérlendis gætu
orðið í kringum milljón talsins
árið 2020 sé miðað við meðaltals
fjölgun ferðamanna síðustu tvo
áratugi. Sé hins vegar miðað við
varlegustu spár gætu ferðamenn
orðið í kringum 500 þúsund árið
2020. Fram hefur komið að Sam-
tök ferðaþjónustunnar telja ljóst
að grípa þurfi til markvissra að-
gerða og framkvæmda til þess að
ferðamannastaðir um land allt
geti raunverulega tekið á móti
öllum þeim fjölda ferðamanna
sem þangað leggja leið sína án
þess að staðirnir láti á sjá.
Eftir Sunnu Ósk Logadóttur
sunna@mbl.is
UM 32% borgarbúa heimsækir
þrisvar eða oftar á ári í Heiðmörk,
rúmlega 11% þrisvar eða oftar á
útivistarsvæðið við Rauðavatn og
45% borgarbúa heimsækir þrisvar
eða oftar á ári í Elliðaárdalinn sem
verður því að teljast langvinsælasta
svæðið, samkvæmt könnun sem um-
hverfissvið lét gera á nýtingu Reyk-
víkinga á stærstu útivistarsvæðum
borgarinnar. Staðirnir sem spurt
var um voru Heiðmörk, Rauðavatn
og Elliðaárdalurinn. Helstu niður-
stöður voru að tæplega 30% borgar-
búa koma samkvæmt könnuninni
aldrei í Elliðaárdalinn, 33% aldrei í
Heiðmörk og 72% aldrei við Rauða-
vatn. Einnig kom fram að íbúar í
Árbæ og Grafarholti sækja þessi út-
vistarsvæði meira en íbúar í öðrum
hverfum ef allar tölur eru lagðar
saman.
28 þúsund í Heiðmörk
Þórólfur Jónsson, garðyrkjustjóri
Reykjavíkur, segir að ætla megi að
28 þúsund manns fari mánaðarlega í
Heiðmörkina af Stór-Reykjavíkur-
svæðinu. Í frétt frá umhverfissviði
segir Þórólfur að fólk virðist heim-
sækja Heiðmörk óháð búsetu í borg-
inni og aldri. Útivistarsvæðið við
Rauðavatn er hins vegar háðara
hverfi því íbúar í Árbæ og Grafar-
holti nota það áberandi mest en íbú-
ar í miðborginni, Hlíðum og Háaleiti
minnst. Könnunin sýnir að flestir
koma í Heiðmörkina til að ganga eða
hlaupa, eða rúmlega 65%, aðrir til að
stunda útivist með fjölskyldunni,
fara í bíltúr, stunda náttúruskoðun
eða annað. Grafarvogsbúar slá jafn-
vel Árbæinga út í sókn sinni í Elliða-
árdalinn. Í ljós kemur að 25%
borgarbúa sækja Elliðaárdalinn oft-
ar en 12 sinnum á ári.
„Það er ánægjulegt að fá það stað-
fest að útivistarsvæðin eru svona vel
sótt og ég tel að Rauðavatn búi enn
yfir ónotuðum tækifærum og verði
fjölsóttara í framtíðinni,“ er haft eft-
ir Þórólfi í frétt umhverfissviðsins.
Könnun IMG Gallup var gerð í
síma 3.–17. nóvember 2005. 1.400
manns á aldrinum 16–80 voru í úr-
takinu sem var handahófsvalið úr
þjóðskrá. Endanlegt úrtak var 1.251
og svarhlutfall 54%.
Elliðaárdalurinn
vinsælasta
útivistarsvæðið
HJÖRVAR Steinn Grétarsson varð
á laugardag unglingameistari
Reykjavíkur 2006, en mótið fór fram
í Taflfélagi Reykjavíkur. Varði
Hjörvar þar með titil sinn frá því í
fyrra. Hjörvar, sem einungis er 12
ára gamall, hefur verið í mikilli
framför undanfarið og skemmst er
að minnast frammistöðu hans á
Skeljungsmótinu – Skákþingi
Reykjavíkur 2006 – en þar hlaut
hann sex vinninga úr níu skákum og
gerði m.a. jafntefli við tvo alþjóðlega
meistara, Sævar Bjarnason og sig-
urvegara mótsins, Stefán Kristjáns-
son.
Hjörvar Steinn Grétarsson hlaut
6,5 vinninga úr sjö skákum. Eftir á
að hyggja var hann hættast kominn í
2. umferð gegn Vilhjálmi Pálmasyni,
en Vilhjálmur tapaði þrátt fyrir að
hafa afar vænlega stöðu, þar sem
hann skildi kónginn eftir í dauðan-
um.
í 2.–3. sæti urðu Daði Ómarsson
og Matthías Pétursson með 5,5 vinn-
inga, en þeir töpuðu báðir fyrir
Hjörvari Steini og gerðu svo inn-
byrðis jafntefli. Daði hreppti 2. sætið
á stigum.
Þeir Vilhjálmur, Daði og Matthías
eru allir í skáksveit Laugalækjar-
skóla sem varð Norðurlandameistari
grunnskólasveita í haust og um
miðjan febrúar munu Hjörvar og
Vilhjálmur, ásamt fleirum, keppa á
Norðurlandamótinu í einstaklings-
keppni fyrir Íslands hönd.
Hjörvar Steinn Grétarsson í hópi ungra skákáhugamanna.
Hjörvar Steinn
unglingameistari
annað árið í röð