Morgunblaðið - 30.01.2006, Blaðsíða 33
MORGUNBLAÐIÐ MÁNUDAGUR 30. JANÚAR 2006 33
S.V. / MBL
***
Frá Óskarsverðlauna
leikstjóranum Roman Polanski
kvikmyndir.is
***
m.m.j / KVIKMYNDIR.COM
****
S.V / MBL
eeeeL.I.N. topp5.is eeeM.M.J. kvikmyndir.com
eee
H.J. MBL DÖJ, Kvikmyndir.com
e e e e
VJV, Topp5.is
Frá framleiðendum „Bridget Jones Diary“
MUNICH kl. 6 - 8 - 10 B.i. 16 ára.
MUNICH VIP kl. 8
PRIDE AND PREJUDICE kl. 5 - 8 - 10:40
OLIVER TWIST kl. 5 - 8 B.i. 12 ára.
JARHEAD kl.10:40 B.i. 16 ára.
RUMOR HAS IT kl. 6 - 8
CHRONICLES OF NARNIA kl. 5
CHRONICLES OF NARNIA VIP kl. 5
KING KONG kl. 10 B.i. 12 ára.
Litli Kjúlli M/- Ísl tal. kl. 4.20
MUNICH kl. 5 - 8.15 - 10 B.i. 16 ára.
OLIVER TWIST kl. 5 B.i. 12 ára.
CHRONICLES OF NARNIA kl. 8
DOMINO kl. 10.30 B.i. 16 ára.
KING KONG kl. 6 B.i. 12 ára.
FUNWITHDICKANDJANEkl.8og10
RUMOR HAS IT kl. 8
HOSTEL kl. 10 B.i. 16
MUNICH kl. 8 B.i. 16 ára
DOMINO kl. 8 B.i. 16 ára
JARHEAD kl.10:15 B.i. 16 ára
SAMBÍÓ ÁLFABAKKA SAMBÍÓ AKUREYRISAMBÍÓ KRINGLUNNI SAMBÍÓ KEFLAVÍK
KÍNVERSK-ÍSLENSKA menning-
arfélagið og Félag Kínverja á Ís-
landi efndu til drekadans niður
Laugaveginn á laugardaginn í til-
efni kínverska nýársins, en það
hófst í gær. Í þetta sinn byrjaði
„ár rauða hundsins“.
Gengið var niður Laugaveg og
Bankastræti, vestur Austurstræti,
Pósthússtræti og um Austurvöll
að ráðhúsinu. Í göngunni var
m.a. 15 metra langur litríkur
dreki, sem elti perlu, og slag-
verksleikarar.
Að loknum dansi var sýning á
taichi-leikfimi, kungfu- og wushu-
bardagalist í Tjarnarsal Ráðhúss-
ins.
Þetta var í annað sinn sem efnt
var til drekadans í Reykjavík og
tóku margir þátt í göngunni.
Ár rauða hundsins gengið í garð
Að loknum dansi var m.a. sýning á taichi-leikfimi í Tjarnarsal Ráðhússins.
Morgunblaðið/Golli
Í drekadansinum var m.a. þessi fimmtán metra langi og litríki dreki sem vildi hafa fjör í kringum sig.
Fjöldi fólks lagði leið sína niður í bæ til að fylgjast með dansinum.
Fögnuður | Kínverskur drekadans niður Laugaveginn
FRIÐARHORFURNAR á milli
hinna fornu fjenda, araba og Ísr-
aelsmanna, hafa sjaldan verið
ískyggilegri en eftir atburði síðustu
daga. Munich, stórfengleg ádeilan
hans Stevens Spielbergs, getur því
tæpast verið betur tímasett þó svo
hún fjalli á ytra borðinu um atburði
sem gerðust fyrir röskum þremur
áratugum. Nafnið dregur hún af
blóðbaðinu tengdu Ólympíu-
leikunum í borginni árið 1972, en um-
fjöllunarefnið er eftirhreyturnar.
Þetta voru ógnartímar pólitískra
öfgahópa sem spruttu upp eins og
gorkúlur víða um heim. Hvað mest
áberandi voru Rauðu herdeildirnar,
sem teygðu anga sína vítt og breitt.
Japanskir morðhundar sem kenndu
sig við samtökin unnu t.d. voðaverk á
flugvellinum í Tel Aviv; Baader-
Meinhof; hinn palestínski Svarti
september, sem var armur El Fatah-
hreyfingar Palestínumanna. Það
voru liðsmenn Svarta september
sem tóku í gíslingu ísraelsku íþrótta-
mennina ellefu og allur heimurinn
stóð á öndinni. Gíslatakan endaði
með allsherjarklúðri þegar þýskar
sérsveitir hugðust bjarga málunum
og „björgunaraðgerðirnar“ enduðu
með hörmungum. Ísraelsmennirnir
féllu allir fyrir hendi arabanna sem
síðar lágu allir í valnum utan þrír,
fyrir byssukúlum Þjóðverjanna.
Spielberg notar atburðina, m.a.
ógleymanlegar beinar sjónvarps-
sendingar, sem inngang að sinni
áhrifaríkustu mynd frá upphafi,
hefndarsögunni um viðbrögð Goldu
Meir og ríkisstjórnar hennar, og
veltir fyrir sér í leiðinni ýmsum
spurningum um eftirleikinn, ekki
síst siðferðislegum.
Forsætisráðherrann Meir (Lynn
Cohen) velktist ekki í vafa um hvað
gera skyldi, smalaði saman fimm
manna hópi bestu atvinnumorðingja,
tengdra Mossad, leyniþjónustu Ísr-
ael. Hlutverk hans: Að drepa 11
skotmörk tengd slátruninni í
München.
Fyrir hópnum fer Avner (Bana),
langsjóaður fyrrverandi stríðsmaður
Mossad. Frú Meir telur hann á að
koma aftur til starfa og leiða fimm-
menningana sem hann hittir einn af
öðrum. Þeir eru ólíkir að yfirbragði
en allir knúnir áfram af hefnd-
arþorsta og trúnaði við málstaðinn;
Ísraelsmaðurinn Carl (Hinds), Steve
(Craig), frá S-Afríku, belgíski
sprengjusérfræðingurinn Robert
(Kassovitz) og Þjóðverjinn Hans
(Zischler). Avner fær ótakmarkað fé
til að fjármagna aftökurnar og alla
hugsanlega hjálp frá Mossadmann-
inum og tengiliðnum Ephraim
(Rush). Opinberlega hafa frú Meir
og stjórnvöld í Ísrael ekki minnstu
hugmynd um tilvist hópsins.
Nú tekur við langvinn leit sem
berst vítt um Evrópu þar sem skot-
mörkin eru tínd upp, eitt af öðru,
með mikilvægri hjálp franskra feðga
og fleiri milliliða. En aðgerðirnar
hafa samhliða óvænt áhrif á Avner.
Hann á sjálfur konu og nýfæddan
son og því dýpra sem hann sekkur í
sívaxandi fossandi blóðflóð fórn-
arlambanna, því meiri verður kvölin
og efinn um réttmæti drápanna.
Vitanlega er Munich umdeild
mynd og eldfim og hefur fallið í mis-
jafnan jarðveg hjá bæði Ísraelum og
Palestínumönnum, því hún tekur
róttæka afstöðu. Spielberg er jú einu
sinni stærsta nafnið í kvikmynda-
heiminum og einn frægasti gyðingur
samtímans. Hann vildi ekki sitja
lengur aðgerðalaus hjá, kvaddi um
sinn afþreyingarmylluna, og reynir
að gæta hlutleysis í frásögninni og
draga fram í dagsbirtuna firringuna,
ofbeldið og hatrið. Hann fékk til liðs
við sig leikritaskáldið Tony Kushner
til að betrumbæta handrit Erics
Roths, sem byggt er á Vengeance:
The True Story of an Israeli Count-
er-Terrorist Team, umdeildri bók
eftir George Jonas. Þeir gagnrýna
blóðugt hefndarferlið: „Ef við drep-
um einn af þeim drepa þeir einn af
okkur.“ Eitthvað á þá leið segir Avn-
er þegar honum er orðið nóg boðið
og búinn að sjá í gegnum tilgangs-
leysi hefndarinnar. Orðið ljóst að
verkin hans verða síður en svo til að
stilla til friðar á milli fjandmann-
anna.
Þeir Spielberg undirstrika skoð-
anir sínar enn frekar í táknrænu
lokaatriði í Brooklyn, þegar kvik-
myndatökuvélinni er beint yfir Aust-
urá og fryst á Tvíburaturnunum.
Þrjátíu ár eru liðin og hvaða gagn
hefur endalaust blóðbað og djöf-
ulgangur gert annað en að ala á
linnulausri hringrás ofbeldisverka?
Sjálfsagt hefur frú Meir vonað að
hefndaraðgerðirnar byndu enda á
hryðjuverkastarfsemina sem beitt
var gegn þegnum hennar í síauknum
mæli. Lítið vitum við sem fyrr um af-
leiðingar gjörða vorra.
Munich er sláandi mynd og í alla
staði vel gerð og Spielberg, sem hvíl-
ir okkur á brellum og öðrum þreytt-
um vörumerkjum sínum, á heiður
skilinn fyrir dug og þor, fyrir utan
gamalkunna fagmennskuna. Von-
andi opnar hans kvalafyllsta en besta
mynd um árabil augu fleiri en hins
almenna áhorfanda. Munich er tíma-
bært stórvirki sem á erindi við alla.
Auga fyrir auga
„Munich er sláandi mynd og í alla staði vel gerð,“ segir m.a. í dómnum.
KVIKMYNDIR
Sambíóin, Háskólabíó
Leikstjóri: Steven Spielberg. Aðalleik-
arar: Eric Bana, Daniel Craig, Ciarán
Hinds, Mathieu Kassovitz, Hanns
Zischler, Geoffrey Rush, Ayelet Zurer,
Michael Lonsdale, Mathieu Amalric. 165
mín. Bandaríkin 2005.
Munich Sæbjörn Valdimarsson