Morgunblaðið - 20.09.2006, Blaðsíða 25
slíkt starf í lokaverkefninu í mast-
ersnáminu.
Rannsóknin sem ég vann og
nefnist starfendarannsókn fór
fram í Oddeyrarskóla árin 2002–
2004. Skólinn er sá fámennasti á
Akureyri, með rúmlega 200 nem-
endur í 1. til 10. bekk, en við skól-
ann starfa 44 starfsmenn. Í skól-
anum er einnig móttökudeild fyrir
nýbúa á Akureyri.“
Jákvæð áhrif á námsárangur
Ingibjörg hafði hugmyndir
Joyce L. Epsteins, félagsfræðings
við John Hopkins-háskólann í
Bandaríkjunum, til fyrirmyndar.
„Epstein leggur til að skólar
vinni á sex sviðum í samstarfi sínu
við foreldra en þau eru: uppeldi,
samskipti, heimanám, sjálfboða-
liðastarf, ákvarðanataka og tengsl
við samfélagið. Hún leggur skólum
til vinnuferli að samstarfinu. Þar
er byrjað á því að skoða skipulega
þarfir nemenda, foreldra og kenn-
ara og meta hvernig samstarf
skólans mætir þörfum skóla-
samfélagsins og markmiðum
skólastarfsins. Starfsfólk skólans,
foreldrar, nemendur og ráðgjafi
mynda síðan þróunarteymi sem
setur fram samstarfsáætlun og
kemur starfinu á og af stað. Hver
skóli vinnur út frá sínum þörfum
og þeim aðstæðum sem hann býr
við. Kjarni þátttöku foreldra í
skólastarfi er að hafa jákvæð áhrif
á nemendur og starf skólans.“
Tekist á um
fjölskylduheimsóknir
Ingibjörg segir að áætlun Ep-
steins hafi reynst Oddeyrarskóla
ágætlega sem og vinnulag. „Bæði
kennarar og foreldrar lýstu
ánægju sinni með samstarfið,
skipulag þess og þann árangur
sem náðist. Í upphafi, þegar mat á
starfi skólans við foreldra lá fyrir,
fannst mér þörfin frekar liggja í
nánara og dýpra samstarfi á milli
foreldra og kennara heldur en
auknu samstarfi. Ég lagði því til
að umsjónarkennarar færu í heim-
sóknir heim til nemenda og nálg-
uðust foreldra á þeirra forsendum
en frekar yrði dregið úr öðru sam-
starfi.
Það voru mjög skiptar skoðanir
um þessa hugmynd í skóla-
samfélaginu. Fjórir umsjón-
arkennarar voru hins vegar til-
búnir til þess að taka þátt í
verkefninu. Í lokamati kom fram
árangurinn af samstarfinu virtist
mestur þegar umsjónarkennarar
heimsóttu heimili nemenda sinna.
Kennararnir töldu að heimsókn-
irnar hefðu haft bein áhrif á störf
sín en einnig á börnin og foreldr-
ana.“
– Hvernig mæltust heimsóknir
kennara á heimilin fyrir?
„Foreldrarnir voru jákvæðir allt
frá byrjun og almenn samskipti á
milli foreldra og kennara jukust í
kjölfarið.
Í heimsókninni komu oft fram
upplýsingar, bæði frá foreldrum
og kennurum, sem ekki höfðu
komið fram áður. Það myndaðist
gagnkvæmt traust og öryggi sem
hélst og hafði áhrif allt skólaárið.
Það sem verður að teljast mik-
ilvægast var að heimsóknin hafði
greinileg og jákvæð áhrif á líðan
og árangur nemenda bæði í skól-
anum og heima.“
Dýpra samstarf
og meiri virkni
– Fannst foreldrum þeir hafa
nægan tíma til þess að sinna sam-
starfinu?
„Fjöldi rannsókna sýnir að
tímaskortur er hindrun sem oft er
erfitt að yfirstíga í samstarfi
heimilis og skóla. Í Oddeyrarskóla
töldum við að samstarfið væri
nægjanlegt en hins vegar væri
ástæða til þess að leita leiða til
þess að ná til allra fjölskyldna og
dýpka samstarfið og virkni for-
eldra.“
– En kennararnir, fundu þeir
tíma í stundatöflunni til þess að
sinna samstarfinu?
„Það hafði verið hugsað fyrir
því að mestu leyti í þessu þróun-
arverkefni en báðir skólastjórn-
endur sátu í þróunarhópnum og
fylgdust vel með framvindunni og
gripu inn í þegar með þurfti. Það
kom þó fyrir að framkvæmdir
töfðust vegna tímaskorts eða sér-
stakra aðstæðna.
Í umræðum um samstarfið inn-
an þróunarhópsins, í viðtölum og á
vettvangi kom oft fram að umsjón-
arkennarar voru kvíðnir vegna
álagsins, ábyrgðar og aukinna
krafna.“
Ingibjörg segir að í rannsóknum
komi fram að með hækkandi aldri
dragi iðulega úr samstarfi heimila
og skóla. „Það er þó nokkuð sem
þarf ekki að gerast. Í viðtölum við
foreldra nemenda á unglingastigi
kom fram mikil ánægja með sam-
starfið og sumum fannst einstakt
að það hefði aukist með árunum
og hrósuðu umsjónarkennurunum
sérstaklega.
Það var ánægjulegt að sjá að
haustið 2005, ári eftir að þróun-
arverkefninu lauk, merkti Oddeyr-
arskóli betri mætingu foreldra á
haustfundum, sérstaklega á ungl-
ingastiginu.“
Nýjung Umsjónarkennarar heimsóttu fjölskyldur nemenda sinna. uhj@mbl.is
smá timjan
2 msk. púðursykur
2 msk. balsamik-edik
Laukur og rabarbari skorið niður
og hitað saman í potti í nokkrar mín-
útur. Timjan, púðursykri og bal-
samikediki bætt út í og látið malla við
vægan hita í potti í 20 mín. Lambið
síðan grillað eins og hverjum og ein-
um þykir best. Borið fram með chut-
ney, salati og bökuðum kartöflum.
Fiskréttur Kryddhjúpaður Skjálf-
andaþorskur.
Kjötréttur Grillað lamb með lauk
og rabarbara-chutney.
Salka Húsið var byggt árið 1883 til að hýsa elsta kaupfélag landsins.
Morgunblaðið/Jóhanna Ingvarsdóttir
MORGUNBLAÐIÐ MIÐVIKUDAGUR 20. SEPTEMBER 2006 25
Suðurlandsbraut 20 – 108 Reykjavík – Sími 588 0200 – www.eirvik.is
-hágæðaheimilistæki
Ef þú kaupir Miele þvottavél færðu kaupverðið
endurgreitt með betri meðferð á þvottinum
Miele þvottavélar eru með nýrri tromlu með
vaxkökumynstri sem fer betur með þvottinn.
Einkaleyfi Miele.
Miele þvottavélar eru byggðar á stálgrind
og eru með ytri þvottabelg úr ryðfríu stáli
ólíkt flestum öðrum þvottavélum.
Miele þvottavélar endast lengur en aðrar
þvottavélar.
Íslenskt stjórnborð
AFSLÁTTUR
30%
ALLT AÐ
1. VERÐLAUN
í Þýskalandi
W2241WPS
Gerð Listaverð TILBOÐ
Þvottavél W2241 kr. 164.000 kr. 114.800
1400sn/mín/5 kg.
Þvottavél W3241 kr. 168.000 kr. 126.075
1400sn/mín/6 kg.
Þvottavél W3245 kr. 191.300 kr. 143.475
1600sn/mín/6 kg.
Þurrkari T233 kr. 112.200 kr. 78.540
m rakaskynjara og útblæstri/5 kg.
Þurrkari T233C kr. 131.000 kr. 91.700
m rakaskynjara og þétti/5 kg.
Þurrkari T4163 kr. 119.800 kr. 107.820
m rakaskynjara og útblæstri/6 kg.
Þurrkari T4263C kr. 141.200 kr. 127.080
m rakaskynjara og þétti/6 kg.
MIELE ÞVOTTAVÉL
- fjárfesting sem borgar sig
Hreinn sparnaður
vi
lb
or
ga
@
ce
nt
ru
m
.is