Morgunblaðið - 27.02.2007, Síða 2

2 ÞRIÐJUDAGUR 27. FEBRÚAR 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskiptablað vidsk@mbl.is Umsjón Björn Jóhann Björns-
son, bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Sveinn Guðjónsson,
svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir, dagskra@mbl.is mbl.is
netfrett@mbl.is Guðmundur Sv. Hermannsson fréttastjóri gummi@mbl.is
Morgunblaðið í dag
Yf i r l i t

 

 

 


 
 



  

 

  

 


 


 !

"
# 
$
% 


 & 

 
 

'() *

 +,,,



  




 


 


 Í dag
Sigmund 8 Forystugrein 26
Staksteinar 8 Umræðan 28/32
Veður 8 Bréf 32
Alþingi 10 Minningar 33/37
Úr verinu 10 Brids 39
Viðskipti 14/15 Menning 40/43
Erlent 16/17 Leikhús 42
Menning 18 Myndasögur 44
Akureyri 19 Bíó 46/49
Austurland 19 Staður og stund 46
Suðurnes 20 Víkverji 48
Landið 20 Velvakandi 48
Daglegt líf 21/25 Ljósvakamiðlar 50
* * *
Innlent

ELF Films í Los Angeles, kvik-
myndafyrirtæki í eigu þriggja ís-
lenskra systra, undirritaði í gær
samning við Thelmu Ásdísardóttur,
Gerði Kristnýju Guðjónsdóttur og
Eddu útgáfu, um kaup á réttindum
til gerðar kvikmyndar eftir bókinni
Myndin af pabba. Þar birtist frásögn
Thelmu af kynferðislegu ofbeldi sem
hún og systur hennar urðu fyrir af
hálfu föður síns og fleiri. Gerður
Kristný skráði sögu Thelmu. Eftir
því sem næst verður komist er þetta
í fyrsta sinn sem samið er um rétt-
indi að leikinni kvikmynd eftir ís-
lenskri bók sem ekki er skáldsaga. »
Forsíða

Hjá sýslumanninum í Reykjavík
ligga fyrir nokkur þúsund kröfur um
fjárnám sem ekki hefur tekist að
ljúka þar sem fólk hunsar boðanir
sýslumanns. Í sérstöku átaki sem
standa mun yfir næstu daga munu
einkennisklæddir lögreglumenn
handtaka fólk sem hefur ekki sinnt
boðunum, hvar og hvenær sem í það
næst. Á miðvikudag og fimmtudag
verður opið hjá sýslumanni fram til
klukkan 22 svo hægt verði að koma
með þá sem ekki næst í á vinnutíma
og þá daga setur lögregla stóraukinn
mannskap í átakið. » Baksíða

Svifryk fór yfir heilsuvernd-
armörk í Reykjavík í gær. Milli
klukkan 10 og 10:30 mældist loft-
mengunin 186 míkrógrömm af svif-
ryki á rúmmetra við Grensás og á
háannatíma seinna um daginn
reyndist svifryksmengunin 132
míkrógrömm við sömu mælistöð.
Meðaltal dagsins klukkan fimm í
gær var 68,8 míkrógrömm, en
viðmiðunarmörk svifryks eru 50
míkrógrömm á rúmmetra á sólar-
hring. » Baksíða

Skuldatryggingaálag á skulda-
bréfum íslensku viðskiptabankanna
hefur lækkað hratt í kjölfar þess að
matsfyrirtækið Moody’s hækkaði
lánshæfiseinkunnir bankanna. Hef-
ur álagið ekki verið lægra síðan í
október 2005. » Baksíða
Erlent

Pólitísk ódæðisverk, sem framin
hafa verið á Filippseyjum á und-
anliðnum sex árum, tengjast herafla
stjórnvalda, samkvæmt niðurstöðu
tveggja nýlegra skýrslna. Skýrsl-
urnar styrkja ekki Gloríu Macapagal
Arroyo, forseta Filippseyja, í sessi
og pólitískt líf hennar er undir
stuðningi hersins komið. » 16
STURLA Böðvarsson samgönguráð-
herra segir að aldrei áður hafi hærra
hlutfall vegafjár farið til höfuðborg-
arsvæðisins. Framkvæmdastjórar
sveitarfélaganna á höfuðborgarsvæð-
inu telja, í tillögum til þingsályktunar
um samgöngumál, að fjárveitingar til
vegamála á höfuðborgarsvæðinu séu
ekki nægilegar. Í ályktun frá fram-
kvæmdastjórunum segir að verja
þurfi 22 milljörðum til stofnfram-
kvæmda á höfuðborgarsvæðinu á ár-
unum 2007–2010, en í samgönguáætl-
un er gert ráð fyrir að varið verði 8,7
milljörðum til verkefna á þessu
svæði, auk 9,3 milljarða af símapen-
ingum til Sundabrautar.
Framkvæmdastjórar sveitarfélag-
anna fara þess á leit við samgöngu-
nefnd Alþingis að hún endurskoði
samgönguáætlun. „Komi tillögurnar
til framkvæmda óbreyttar er ljóst að
í mikið óefni stefnir í umferðarmálum
á höfuðborgarsvæðinu á næstu árum.
Umferð á helstu stofnleiðum verður
eftir aðeins 5–10 ár um og yfir flutn-
ingsgetu þeirra, sem þýðir miklar
tafir á umferð, langar biðraðir, aukna
slysahættu í íbúðahverfum og veru-
lega skert lífsgæði íbúa svæðisins.
Þjóðvegaumferð er nú þegar lang-
mest á höfuðborgarsvæðinu og slys
tíðust þar eins og kemur fram í fram-
lagðri þingsályktunartillögu til sam-
gönguáætlunar 2007–2010.“
Gerðu úttekt á þörf fyrir
úrbætur á höfuðborgarsvæðinu
Forstöðumönnum tæknideilda
sveitarfélaganna á höfuðborgarsvæð-
inu var í mars árið 2005 falið að gera
úttekt á þörf fyrir úrbætur á vega-
kerfi höfuðborgarsvæðisins miðað
við skipulagsáætlanir sveitarfélag-
anna til næstu ára. Miðað við þessar
tillögur er þörf á að leggja verulegt
fjármagn til vegakerfisins á höfuð-
borgarsvæðinu á næsta áratug um-
fram það sem framlagðar þingsálykt-
unartillögur gera ráð fyrir.
Óraunhæfar væntingar
„Það hefur aldrei áður verið hærra
hlutfall af heildarútgjöldum sam-
gönguáætlunar sem farið hefur til
höfuðborgarsvæðisins,“ sagði Sturla
um gagnrýni framkvæmdastjóranna.
Í ályktuninni eru nefndar nokkrar
framkvæmdir sem þeir telja brýnar.
Sturla sagði að á síðasta kjörtímabili
sveitarstjórnanna hefðu fram-
kvæmdir við mislæg gatnamót
Kringlumýrarbrautar og Miklu-
brautar verið slegnar út af borðinu,
en undirbúningur undir þessa fram-
kvæmd hefði þá verið kominn á loka-
stig. Í samgönguáætlun væri gert ráð
fyrir að hefja þessa framkvæmd og
tengingu niður fyrir Lönguhlíð. Þetta
verkefni væri því í eðlilegum farvegi.
Sturla sagði að framkvæmdir við
Hlíðarfót væru inni í áætluninni og
sömuleiðis jarðgöng undir Öskjuhlíð,
þótt göngin væru aftarlega í röðinni.
Ennfremur væri gert ráð fyrir mis-
lægum gatnamótum á Reykjanes-
braut.
„Ég held að þessir ágætu fram-
kvæmdastjórar sveitarfélaganna séu
með meiri væntingar um fram-
kvæmdir en eðlilegt getur talist við
þessar aðstæður. Að mínu mati eru
áform þeirra óraunhæf. Ég bendi á
að Sundabraut er fullfjármögnuð inni
í áætluninni. Ég bjóst satt að segja
miklu fremur við því að þeir myndu
fagna þeirri aukningu sem þarna er á
ferðinni en að setja fram óraunhæfar
kröfur eins og gert er í þeirra sam-
þykkt,“ sagði Sturla.
Hlutfall vegafjár aldrei hærra
Telja að það stefni í óefni í umferðar-
málum á höfuðborgarsvæðinu
Morgunblaðið/Sverrir
Eftir Egil Ólafsson
egol@mbl.is
JÓHANNES Kjarval málaði mynd-
ina „Hvítasunnudagur“ árið 1917 og
gaf verkið danska kaupsýslumann-
inum Nienstedt og konu hans í silf-
urbrúðkaupsgjöf, en Kjarval hafði
búið hjá þeim þegar hann var við
nám í Listakademíunni í Kaup-
mannahöfn. Listaverkið verður boð-
ið upp á uppboði hjá Bruun Rasm-
ussen listaverkasala í dag.
Berlingske Tidende fjallar um Kjar-
valsmálverkið undir fyrirsögninni
„„Týnt“ íslenskt málverk undir
hamrinum“. Þar kemur fram að
Kjarval hafi málað myndina árið
1917 og gefið það Nienstedt-hjón-
unum árið 1919. Þetta komi fram á
myndinni þegar hún sé tekin úr
rammanum.
Í frétt blaðsins er vitnað í bókina
um Kjarval sem kom út hjá Nes-
útgáfunni árið 2005 en þar kemur
fram að verkið hafi verið sýnt 1919
og 1927. Í bókinni er vitnað í bréf
sem Kjarval skrifaði Einari Jóns-
syni árið 1917 þar sem hann ritar að
hann hafi málað þrjár myndir með
gulli og sé að íhuga að stækka eina
þeirra í einn metra. Þessi lýsing
passar við verkið Hvítasunnudag.
Gæti farið á fimm milljónir
Í Berlingske Tidende segir að
verkið sé metið á 100–150 þúsund
danskar krónur en haft er eftir
Niels Raben hjá Bruun Rasmussen
að það geti allt eins farið á 500 þús-
und krónur, þ.e. rúmlega fimm
milljónir íslenskra króna.
„Mér kæmi ekki á óvart að þetta
verk seldist á fimm milljónir
króna,“ sagði Tryggvi Páll Friðriks-
son, listmunasali hjá Galleríi Fold,
þegar hann var spurður út í upp-
boðið. Mikill áhugi er á uppboðinu
og er reiknað með að margir freisti
þess að eignast verkið.
Málverkið Hvítasunnudagur eftir
Jóhannes Kjarval er málað í kúb-
ískum anda 1917 þegar Kjarval
hafði nýlokið námi í Konunglegu
dönsku listakademíunni. Tryggvi
Páll sagði að þegar tekið væri mið
af höfundarverki Kjarvals væri ljóst
að þessi kafli í lífi hans væri merki-
legur og það gerði þetta listaverk
áhugavert. „Þetta er merkilegt verk
og að mínu mati skemmtilegt.“
Forstöðumaður Listasafns
Reykjavíkur lýsti því yfir í Morg-
unblaðinu fyrr í mánuðinum að
safnið hefði áhuga á að eignast
myndina.
„Hvítasunnudagur“
silfurbrúðkaupsgjöf
Silfurbrúðkaupsgjöf Dönsku kaupmannshjónin fengu verk Kjarvals að gjöf frá honum árið 1919.
Kjarval gaf dönskum kaupmannshjónum verkið