Morgunblaðið - 27.02.2007, Side 17
MORGUNBLAÐIÐ ÞRIÐJUDAGUR 27. FEBRÚAR 2007 17
ERLENT
Aðalfundur Sparisjóðs Reykjavíkur
og nágrennis verður haldinn í
Borgarleikhúsinu við Listabraut í
Reykjavík, fimmtudaginn 8. mars
2006 og hefst hann kl. 16.15.
1. Skýrsla stjórnar um starfsemi
sparisjóðsins á árinu 2006.
2. Lagður fram til staðfestingar
endurskoðaður ársreikningur
sparisjóðsins fyrir árið 2006.
3. Tillaga um ársarð af stofnfé.
4. Tillaga um að nýta heimild
í lögum til að auka stofnfé
um 5% með ráðstöfun hluta
hagnaðar.
5. Tillaga til breytinga á
samþykktum. Hún gerir ráð
fyrir heimild til stjórnar til hækk-
unar á stofnfé sparisjóðsins úr
kr. 9.500.000.000 í allt að kr.
15.000.000.000 og að hún
gildi til ársloka 2011.
6. Kosning stjórnar.
7. Kosning endurskoðanda.
8. Ákvörðun stjórnarlauna.
9. Önnur mál.
Samkvæmt ákvæðum 23. gr. samþykkta SPRON
skulu framboð til stjórnar og varastjórnar tilkynnt
stjórn eigi síðar en þremur dögum fyrir fundinn.
Kröfu um hlutbundna kosningu þarf að gera skrif-
lega og hún að berast stjórn eigi síðar en fimm
dögum fyrir fundinn.
Aðgöngumiðar og atkvæðaseðlar verða afhentir
á fundarstað í fundarbyrjun.
Reykjavík, 26. febrúar 2007
Sparisjóðsstjórnin
Dagskrá:
Aðalfundur
Sparisjóðs Reykjavíkur og nágrennis 2007
A
R
G
U
S
/
0
7
-0
1
3
7
Haag. AFP. | Alþjóðadómstóllinn í
Haag úrskurðaði í gær að stjórn-
völd í Serbíu bæru ekki ábyrgð á
hópmorðum í Bosníu í stríðinu sem
geisaði þar á árunum 1992–95.
Dómstóllinn komst hins vegar að
þeirri niðurstöðu að ráðamenn í
Belgrad hefðu brotið alþjóðlegan
sáttmála frá 1948 um hópmorð með
því að reyna ekki að koma í veg fyr-
ir dráp hersveita Bosníu-Serba á
8.000 karlmönnum og piltum úr
röðum múslíma í Srebrenica 1995.
Stjórnvöld í Bosníu höfðuðu mál
gegn Serbíu og ætluðu að krefjast
skaðabóta ef dómstóllinn úrskurð-
aði þeim í hag. Er þetta í fyrsta
skipti sem höfðað er mál gegn ríki
fyrir hópmorð. Einstaklingar hafa
aftur á móti verið dæmdir sekir um
hópmorð í Bosníu.
Dómstóllinn komst að þeirri nið-
urstöðu að ráðamenn í Serbíu hefðu
ekki gefið fyrirmæli um drápin þótt
þeir hefðu veitt Bosníu-Serbum
„verulegan hernaðarlegan og fjár-
hagslegan stuðning“ á þessum
tíma.
Boris Tadic, forseti Serbíu, fagn-
aði úrskurði dómstólsins en hvatti
þing landsins til að samþykkja
ályktun þar sem það fordæmdi
drápin í Srebrenica. Serbar í Bosn-
íu fögnuðu einnig úrskurðinum en
leiðtogar múslíma og Króata sögðu
niðurstöðuna „svívirðilega“.
Reuters
Niðurstöðunni mótmælt Konur úr röðum múslíma í Bosníu mótmæla úr-
skurði Alþjóðadómstólsins í Haag fyrir utan dómhús hans í gær.
Úrskurðað að Serbía beri ekki
ábyrgð á hópmorðum í Bosníu
DES Browne, varnarmálaráðherra
Bretlands, greindi frá því í gær að
Bretar hefðu ákveðið að senda
1.400 hermenn til Afganistan á
næstunni. Þar eru nú fyrir 6.300
breskir hermenn og verða þeir því
7.700 innan skamms.
Tony Blair, forsætisráðherra
Bretlands, sagði fyrir tæpri viku að
senda ætti 1.600 hermenn heim frá
Írak en Browne sagði að sú ákvörð-
un hefði ekkert að gera með
breytta stöðu í Afganistan.
Flestir úr breska aukaherliðinu
verða sendir til Helmand-héraðs í
suðurhluta landsins í maí og síðar í
sumar. Þar hafa herlið Atlantshafs-
bandalagsins, NATO, átt í miklum
átökum við talibana. Browne sagði
að hann hefði unnið að því að fá
NATO-ríki til að koma til aðstoðar
á svæðinu en ljóst væri að aðeins
Bretar og fá ríki til viðbótar væru
tilbúin að vera í fremstu víglínu.
Nær 50 breskir hermenn hafa
fallið í Afganistan frá innrásinni í
landið árið 2001.
Reuters
Herlið Fjölgað verður í herliði
Breta í Afganistan á næstunni.
1.400 Bretar
til Afganistan
HÓPI sérfræðinga innan Bandaríkjahers hefur verið fal-
ið að bæta stöðum, sem taldir eru gegna mikilvægu hlut-
verki fyrir vígasveitir sjíta, við möguleg skotmörk í
hugsanlegri loftárás á kjarnorkumannvirki Írana. Þessu
er haldið fram í nýrri grein blaðamannsins Seymour
Hersh í bandaríska tímaritinu New Yorker, þar sem
hann hefur m.a. fjallað um möguleikann á notkun lítillar
kjarnorkusprengju til að eyðileggja neðanjarðarbyrgi
sem talið er gegna lykilhlutverki í kjarnorkuáætluninni.
Áætlunin er sögð hluti af endurskoðun stjórnar
George W. Bush Bandaríkjaforseta á stefnu sinni gagn-
vart Íran, en umfjöllunin kemur skömmu eftir að Dick Cheney varaforseti
útilokaði ekki árás á Írana ef þeir létu ekki af umdeildri kjarnorkuáætlun
sinni. Telur Hersh að Bush muni grípa til aðgerða gegn Írönum áður en
forsetatíð hans lýkur 2008. Bandaríska varnarmálaráðuneytið vísaði þessu
á bug, slíkur undirbúningur stæði ekki yfir.
Sagðir undirbúa árás á Íran
Seymour Hersh
SKOTIÐ var á franska ríkisborg-
ara skammt frá Madain Saleh í
Norðvestur-Sádi-Arabíu í gær. Þrír
þeirra létust og tveir voru fluttir al-
varlega slasaðir á spítala. Forseti
Frakklands og utanríkisráðherra
fordæmdu árásina.
Frakkar myrtir
MAHINDA Rajapakse, forseti Sri
Lanka, hóf opinbera heimsókn til
Kína í gær. 266 manns eru í fylgd-
arliði forsetans, þar á meðal ráð-
herrar og viðskiptamenn. Auk þess
er óvenjuleg gjöf til forseta Kína í
farteskinu, fimm ára fíll.
Fíll í farteskinu
DICK Cheney, varaforseti Banda-
ríkjanna, kom í gær í óvænta heim-
sókn til Pakistans, þar sem hann
þrýsti á Pervez Musharraf forseta
að ganga harðar fram gegn talib-
önum og vígamönnum al-Qaeda
hryðjuverkasamtakanna sem eru
sagðir í felum í landinu.
Cheney í Pakistan
FRAMTÍÐ Romanos Prodis sem for-
sætisráðherra Ítalíu ræðst í kosn-
ingum beggja deilda þingsins á
morgun. Prodi baðst lausnar fyrir
sig og ráðuneyti sitt í liðinni viku eft-
ir að hafa tapað í atkvæðagreiðslu
um utanríkisstefnu stjórnarinnar.
Kosið um traust
NORSKU málverki með álímdum
100.000 norskum þúsundkróna-
seðlum var stolið frá MGM-lista-
safninu í Ósló um helgina. Mál-
verkið er eftir Jan Christensen og
er 2 x 4 m að stærð, en þjófarnir
skildu rammann eftir. Málið er í
rannsókn.
Of freistandi
Eftir Boga Þór Arason
bogi@mbl.is
AL Sharpton, prestur sem hefur
barist fyrir borgaralegum réttindum
blökkumanna í Bandaríkjunum, er
afkomandi þræls sem var í eigu ætt-
ingja Stroms Thurmonds, er var
lengi talsmaður kynþáttaaðskiln-
aðar á löngum ferli sínum í öld-
ungadeild Bandaríkjaþings. Þetta er
niðurstaða rannsóknar bandarískra
ættfræðinga og Sharpton kvaðst í
gær ætla að óska eftir DNA-
rannsókn á málinu. Sharpton sagðist
hafa orðið „forviða“ þegar hann
frétti af tengslum forföður síns við
ættingja Thurmonds. „Ég get ekki
lýst tilfinningunum sem bærðust
með mér … allt frá reiði til hneyksl-
unar, nokkurs stolts og heiðurs,“
sagði hann.
Ættfræðingar vefsetursins
Ancestry.com komust að þessum
tengslum í rannsókn sem þeir hófu
að beiðni New York Daily News.
Báðir í forsetaframboð
Sharpton bauð sig fram í forkosn-
ingum demókrata vegna forseta-
kosninganna í Bandaríkjunum árið
2004 og lagði áherslu á réttindabar-
áttu blökkumanna.
Thurmond var upphaflega demó-
krati en bauð sig fram í forsetakosn-
ingunum 1948 sem óháður fulltrúi
suðurríkjamanna er voru ósáttir við
stuðning flokksins við réttindabar-
áttu bandarískra blökkumanna.
„Öll lög Washington og allir
byssustingir hersins geta ekki
þröngvað negrunum inn á heimili
okkar, matstofur okkar, skóla,
kirkjur, sundlaugar og leikhús okk-
ar,“ sagði Thurmond á þessum tíma.
Hann gerðist síðar repúblikani og
beitti málþófi á þinginu árið 1957
gegn frumvarpi til laga um borg-
araleg réttindi, talaði þá sleitulaust í
rúman sólarhring. Afstaða Thur-
monds í kynþáttamálum mildaðist
þó með árunum.
Thurmond lést árið 2003, hundrað
ára að aldri. Hann hafði þá setið
lengur en nokkur annar í öld-
ungadeild Bandaríkjaþings, var
þingmaður frá 1954 til janúar 2003.
Eftir andlát hans var skýrt frá því
að hann átti dóttur með svartri þjón-
ustustúlku Thurmond-fjölskyld-
unnar þegar hann var 22 ára.
Megan Smolenyak, aðalættfræð-
ingur Ancestor.com, stjórnaði ætt-
fræðirannsókninni sem stóð í þrjár
vikur. Stuðst var við ýmis gögn,
meðal annars manntöl, skrár yfir
hjónavígslur, dauðsföll og þá sem
gegnt hafa herþjónustu.
Rannsóknarmennirnir komust að
því að langafi Als Sharptons, Cole-
man Sharpton, var þræll í eigu
frænku Thurmonds, Juliu Thur-
mond Sharptons, í Suður-Karólínu.
Afi hennar var langalangafi öld-
ungadeildarþingmannsins.
Sharpton kvaðst hafa hitt Thur-
mond einu sinni með söngvaranum
James Brown, sem þekkti þing-
manninn og vildi heimsækja hann í
Washington. „Ég var ekki ánægður
með að heimsækja hann vegna þess
sem hann hafði verið alla ævina.“
Al Sharpton niðji þræls í
eigu ættingja Thurmonds
AP
Réttindabarátta Al Sharpton hef-
ur barist fyrir rétti blökkumanna.
AP
Aðskilnaðarsinni Strom Thur-
mond aðhylltist kynþáttaaðskilnað.