Morgunblaðið - 28.04.2007, Síða 39

MORGUNBLAÐIÐ LAUGARDAGUR 28. APRÍL 2007 39
orð lýsa betur en mörg hvernig
hjónaband þeirra var en það hafði
þá staðið í yfir 20 ár.
Eftir að Pétur hætti hjá Sam-
vinnutryggingum fór hann til Sví-
þjóðar og starfaði fyrst hjá trygg-
ingarfélagi samvinnumanna. Pétur
var ætíð mikill félagsmála- og mála-
fylgjumaður og Svíarnir sáu fljót-
lega hvern mann hann hafði að
geyma. Hann gegndi fyrir þá marg-
víslegum trúnaðarstörfum en hæst
ber að nefna að um tíma var hann
formaður Sambands norrænna
samvinnumanna, hann var trúnað-
armaður á vinnustað sínum og for-
maður verklýðsfélagsins og formað-
ur Félags eldri borgara.
Pétur mágur minn var hlýr mað-
ur og drengur góður.
Guð blessi Erlu og alla aðstand-
endur Péturs.
Sigurður Jörgensson.
Svo er því farið:
Sá er eftir lifir
deyr þeim sem deyr
en hinn dáni lifir
í hjarta og minni
manna er hans sakna.
Þeir eru himnarnir
honum yfir.
(Hannes Pétursson.)
Elsku Frændi, þú hefur nú kvatt
okkur og um leið kvaddir þú þau
erfiðu veikindi og þrautir sem þú
þurftir að glíma við á lokaspretti
ævinnar. Við sem eftir sitjum látum
minningarnar um góðan mann ylja
okkur um hjartarætur. Fyrir okkur
systkinunum varst þú alltaf Frændi
með stórum staf og aldrei ávarp-
aður öðruvísi. Það er kannski ekk-
ert óvanalegt að börn tali til frænda
sinna með þeim hætti, en þú vannst
þér það inn að vera ávarpaður á
þann hátt af okkur alla tíð, löngu
eftir að við urðum fullorðin. Mér til
ánægju kallaðir þú mig alltaf
frænku og svo brostir þú þínu fal-
lega brosi sem ég á eftir að sakna.
Nú þegar ég sest við skriftir rifj-
ast upp myndir úr fortíðinni, ein
slík er af þér sitjandi í stól í stof-
unni þinni í Kópavoginum, þú ert
að búa til fyrir okkur Guðna gler-
augu úr pípuhreinsurum, þú varst
ansi laginn við að búa sitthvað til úr
þeim. Ég man að ég var hreint ekk-
ert ánægð með það að þú skyldir
hætta að reykja, því þá áttir þú
ekki lengur pípuhreinsara til að
föndra úr. Ég sá það samt þegar ég
varð eldri að það var auðvitað hár-
rétt ákvörðun hjá þér. Önnur mynd
sem kemur upp í hugann er úr
Norðurlandaferð okkar mömmu og
pabba haustið 1982 þar sem við
heimsóttum þig í Saltsjöbaden í
Svíþjóð. Þaðan minnist ég stráanna
meðfram veginum við húsið þitt
sem voru mannhæðarhá, a.m.k. á
minn mælikvarða á þeim árum en
ég var þá 10 ára, ég minnist líka
ævintýralega garðsins þíns þar sem
við sátum og drukkum kaffi í veð-
urblíðunni, mér fannst svo frábært
að geta setið úti og borðað. Eftir að
þú fluttir til Svíþjóðar áttirðu það
til að dvelja hjá okkur þegar þú
komst í heimsókn á gamla skerið,
það var alltaf skemmtilegur tími.
Aðra sterka minningu á ég er þú
gættir okkar systkinanna á meðan
að mamma og pabbi voru erlendis,
mér fannst þú ansi seigur að geta
eldað þennan líka ljómandi fína mat
ofan í okkur, ég átti því ekki að
venjast að karlmenn gætu sinnt
eldamennsku sem var líklega fátítt
hjá mönnum af þinni kynslóð. Ég
hitti þig síðast þegar ég kom í
heimsókn til foreldra minna með
strákana mína tvo og þú og Erla
voruð þar. Siggi, eldri strákurinn
minn, var svo ægilega spenntur yfir
fingrinum á þér og var mikið að spá
í hvað hefði komið fyrir, það minnti
mig á áhugann sem maður hafði
sjálfur á þessu sem barn. Elsku
Frændi, við kveðjum þig með þakk-
læti fyrir þær stundir sem við feng-
um að njóta í samvistum við þig.
Elsku Erla, Ísleifur, Helgi, Kiddi
og Gissur, við systkinin og fjöl-
skyldur okkar vottum ykkur og
öðrum sem eiga um sárt að binda
okkar dýpstu samúð.
Sigþrúður og Guðni Þór.
Það koma skemmtileg minninga-
brot upp í hugann þegar hugsað og
rætt er um frænda okkar Pétur
Kristjónsson, stóra bróður mömmu.
Pétur hefur alltaf verið í uppá-
haldi hjá okkur systkinunum og
mikið vorum við kát þegar foreldr-
ar okkar skírðu yngsta barnið í höf-
uðið á honum.
Pétur var alltaf „töffari“ í okkar
augum og hann stóð undir því. Æv-
intýramaður sem keyrði rútur á
yngri árum sínum. Sagði „skipti og
yfir og út“ í Gufunestalstöðina í
Reó-stúdíbeiker-rútunni frá Norð-
urleið þegar hann kom á henni í
heimsókn í Mosfellsdalinn.
Hann keyrði Vatnadrekann á
söndunum, bjargaði skipum á
Langanesi og Skógarsandi og leit-
aði eftir gulli úr gömlu hollensku
skipi.
Meiri kappi er vart til. Minn-
ingabrotin með Stínu, Pétri og
strákunum eru ljúf. Þau eru frá
„baslárum“ þeirra þegar framtíð-
arheimilið var byggt og komið
skyldi upp fjölskyldu. Margt var
brallað og margt skrafað og sungið
þegar Stína, kona Péturs var ann-
ars vegar. Stína þurfti endilega, allt
of ung, að fá slæmsku í sig sem lík-
aminn réð ekki við.
Tvær konur aðrar urðu á vegi
hans á lífsleiðinni. Sif með strákinn
Þór átti leið um Digranesveginn í
nokkur góð ár hjá Pétri. Erla kom
síðan í hans líf umkringd stórri fjöl-
skyldu sem öll hefur reynst honum
vel. Frændi var alltaf nálægur í
huga okkar þótt hann byggi á fjar-
lægum stöðum. Svíþjóð og Egils-
staðir voru áningarstaðir sem hann
dvaldi á. Alltaf var Pétur hafsjór af
fróðleik um menn og málefni sem
hann miðlaði til okkar í bland við
sögur af strákunum sínum, tengda-
dætrum, svo ekki sé talað um
barnabörnin. Pétur var ávallt ungur
í anda og ávallt með framtíðar-
áform á prjónunum. Það er gott að
minnast hans. Farðu í friði, frændi,
við þökkum almættinu að hafa
fengið að hafa þig með okkur.
Kristján, Bryndís, Daði og
Pétur, Einars og Gígíar-
börn.
Það var á björtum haustdegi
1962 að ég settist inn í Norðurleið-
arrútuna á Bifröst í Borgarfirði og
leiðin lá til Reykjavíkur, ekki hefð-
bundna leið fyrir Hvalfjörð, heldur
um Uxahryggi og Þingvöll. Þegar
haldið var á heiðina hljómaði
dimm og þýð rödd í hátalarakerfi
bílsins og farþegunum, mér og
eldri konu úr Reykholtsdalum
voru kynnt helstu kennileiti og
fjöll. Við ferðalok á BSÍ-planinu í
Reykjavík vorum við aftur ávörp-
uð og þakkað fyrir samfylgdina.
Þessu hafði ég aldrei kynnst áður í
langferðabíl af hálfu ökumanns.
Mér varð starsýnt á manninn á
bílaplaninu. Dökkur yfirlitum, fas-
ið rólegt og pípan á sínum stað.
Minnti svolítið á enskan lord
ímyndaði ég mér.
Þarna var Pétur Kristjónsson
lifandi kominn og þannig hefur
hann varðveist í minningunni.
Seinna lágu svo leiðir okkar
saman í margvíslegu félagsmála-
stússi. Ég sem starfsmaður hjá
Landssambandi ísl. samvinnu-
starfsmanna og Pétur sem for-
maður í Starfsmannafélagi Sam-
vinnutrygginga og Andvöku og
síðar í stjórn LÍS. Þetta voru
skemmtileg og gjöful ár. Fjöldi or-
lofshúsa reis við Hreðavatn,
starfsmannafélög stofnuð nánast í
hverjum firði og sveit, tímaritið
Hlynur endurvakið og varð að
einu útbreiddasta riti á landinu,
hús Jónasar frá Hriflu fylltist af
fundum og námshópum um lífsins
gagn og nauðsynjar og haldið var
út fyrir landsteinana með ótal
ferðahópa, flesta til Norður-
landanna vítt og breitt. Við Pétur
fórum margar ferðirnar saman,
innanlands og utan og þvílíkur
ferðafélagi. Hann þekkti nánast
hvern sveitabæ á landinu og ólík
störf höfðu leitt hann á ótrúleg-
ustu staði. Sögurnar streymdu
fram við hvert fótmál og aldrei
dauð stund. Eitt það skemmtileg-
asta voru vináttuvikurnar, þegar
starfsmenn frá samvinnuhreyfing-
unum á Norðurlöndum komu hing-
að til lands og kynntust náttúru og
þjóð. Samstarfið í norrænu sam-
vinnustarfsmannasamtökunum
KPA, leiddi Pétur á endanum út
fyrir landsteinana og hann starfaði
í Svíþjóð um árabil.
Ævikvöldið vildi hann eiga á Ís-
landi og endastaður hans og konu
hans, Erlu var austur á Egils-
stöðum. Kannski átti hið norræna
umhverfi Fljótsdalshéraðsins þátt
í því. Síðasta kveðjan frá þeim
hjónum var á jólakorti fyrir síð-
ustu jól. Þau skoruðu á mig að
fara á þing og halda þar áfram
baráttunni fyrir málefnum aldr-
aðra. Ekki verður þó af því – að
sinni.
Við Ritva þökkum einstaka
tryggð og vináttu í gegnum árin.
Blessuð sé minning Péturs Krist-
jónssonar. Erla og aðstandendur:
Innileg samúð.
Reynir Ingibjartsson.
Minningarkort
535 1825
www.hjarta.is 5351800
Útfararþjónustan ehf.
Stofnað 1990
Símar: 567 9110 & 893 8638
www.utfarir.is • runar@utfarir.is
Alhliða útfararþjónusta
Rúnar
Geirmundsson
Sigurður
Rúnarsson
Elís
Rúnarsson
Þorbergur
Þórðarson
✝
Okkar innilegustu þakkir fyrir allan þann hlýhug og
samúð sem okkur var sýnd við andlát og útför
elskulegs eiginmanns míns, föður okkar, tengda-
föður, afa og langafa,
ÞORSTEINS ÞORSTEINSSONAR
skipstjóra,
Kirkjuvegi 1,
Keflavík.
Lovísa Þorgilsdóttir,
Unnur Þorsteinsdóttir, Þórður Kristjánsson,
Guðný Helga Þorsteinsdóttir, Halldór Fr. Olesen,
Hrönn Þorsteinsdóttir, Magnús Jónsson,
Magnea Þorsteinsdóttir, Johan D. Jónsson,
barnabörn og barnabarnabörn.
✝
Þökkum af alhug auðsýnda samúð og hlýhug
vegna andláts og útfarar föður okkar, tengdaföður,
afa og langafa,
GARÐARS JÖRUNDSSONAR,
Glaumbæ,
Bíldudal.
Kolbrún Matthíasdóttir, Ágúst Gíslason,
Matthías Garðarsson, Elisabeth Brandser,
Jörundur Steinar Garðarsson, Erna Bjarnadóttir,
Áslaug Garðarsdóttir, Jón Guðmundsson,
Gunnar Karl Garðarsson, Védís Thoroddsen,
Drífa Garðarsdóttir, Baldur Waage,
Sverrir Garðarsson, Sonja Jónsdóttir,
afabörn og langafabörn.
✝
Innilegar þakkir fyrir hlýhug og samúð við andlát
og útför ástkærs eiginmanns míns, föður okkar,
tengdaföður, afa og langafa,
INGVA BRYNJARS JAKOBSSONAR
fyrrv. lögregluvarðstjóra
á Keflavíkurflugvelli.
Guð blessi ykkur öll.
Ragnheiður Elín Jónsdóttir og aðstandendur.
✝
Innilegar þakkir til allra sem sýndu okkur samúð og
vinarhug við andlát og útför elskulegrar móður
okkar, tengdamóður, ömmu, langömmu og systur,
RAGNHEIÐAR FRIÐRIKU JÓNASDÓTTUR,
Skálabrekku,
Húsavík.
Sérstakar þakkir til starfsfólks Heilbrigðisstofnunar
Þingeyinga fyrir góða ummönnun.
Guð blessi ykkur öll.
Auður Hermannsdóttir,
Hreiðar Olgeirsson, Halla Hallgrímsdóttir,
Pétur S. Olgeirsson, Ása D. Hólmgeirsdóttir,
Jón Olgeirsson, Hulda Salómonsdóttir,
Skarphéðinn J. Olgeirsson, Kristjana V. Ketilsdóttir,
Egill Olgeirsson, Pálína Stefánsdóttir,
Sigríður Sveinbjörnsdóttir,
Kristján B. Olgeirsson, Fríða S. Rúnarsdóttir,
Björn Olgeirsson, Rúna B. Sigurðardóttir,
Heiðar Geir Olgeirsson, Brynja B. Halldórsdóttir,
Sigríður Jónasdóttir,
barnabörn, barnabarnabörn og barnabarnabarnabarn.
✝
Ástkær eiginkona mín, móðir okkar, tengdamóðir,
amma og langamma,
EMILÍA GUÐRÚN BALDURSDÓTTIR,
Hamraborg 36,
Kópavogi,
sem lést föstudaginn 20. apríl verður jarðsungin frá
Digraneskirkju mánudaginn 30. apríl kl. 13.00.
Þeim sem vilja minnast hennar er bent á minningar-
sjóð líknardeildarinnar í Kópavogi og heimahlynn-
ingu Krabbameinsfélagsins.
Sæmundur Þorsteinsson,
Guðrún S. Sæmundsdóttir, Sigurgeir H. Högnason,
Þorsteinn B. Sæmundsson, María J. Hauksdóttir,
Sigurður B. Sæmundsson, Svava Bjarnadóttir,
Jakob Sæmundsson, Sunneva Jörundsdóttir,
Guðlaugur Sæmundsson, Fríður Brandsdóttir,
Baldur Sæmundsson, Ólöf Kr. Guðjónsdóttir,
Sigurlín S. Sæmundsdóttir, Magnús P. Halldórsson,
Kristján N. Sæmundsson, Unnur Þorbjargardóttir,
Hallgrímur Sæmundsson, Þórhildur Þorbergsdóttir,
barnabörn og barnabarnabörn.
✝
Ástkær móðir okkar,
UNA BÁRA ÓLAFSDÓTTIR,
lést á Droplaugarstöðum fimmtudaginn 26. apríl.
Jarðarförin auglýst síðar.
Fyrir hönd ættingja,
Edda Guðmundsdóttir,
Magnús Guðmundsson,
Lára G. Nielsen.