Morgunblaðið - 03.05.2007, Qupperneq 2

2 FIMMTUDAGUR 3. MAÍ 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskiptablað vidsk@mbl.is Umsjón Björn Jóhann Björnsson,
bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar minning@mbl.is, Stefán Ólafsson,
Arnór Ragnarsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
EINSTAKLINGAR sækja oftast um
veitingu ríkisborgararéttar eftir að
hafa haft lögheimili hér á landi í tvö ár
eða lengur, eru eldri en 18 ára, upp-
fylla ekki búsetuskilyrði og tilgreina
persónulegar ástæður eða ástæður
fjölskyldulegs eðlis fyrir því að sótt er
um undanþágu. Þetta kemur fram í
samantekt, sem allsherjarnefnd Al-
þingis hefur látið gera á ástæðum
umsækjenda fyrir umsóknum, en
ekki koma fram ástæður fyrir því
hvort fallist er á umsóknina
Í yfirlitinu kemur fram að umsókn-
ir um ríkisborgararétt berist Alþingi
frá dómsmálaráðuneytinu. Það verk-
lag hafi verið viðhaft, að það er skil-
yrði fyrir meðferð málsins og af-
greiðslu á þinginu að fyrst hafi
formlegri umsókn með öllum nauð-
synlegum fylgiskjölum verið skilað til
ráðuneytisins.
Fram kemur að í lögum um rík-
isborgararétt segi að áður en umsókn
um ríkisborgararétt sé lögð fyrir Al-
þingi skuli dómsmálaráðuneyti fá um
hana umsögn lögreglustjóra og Út-
lendingastofnunar. Uppfylli umsækj-
andi ekki skilyrði laga til þess að fá ís-
lenskt ríkisfang geti hann óskað þess
að málið verði sent Alþingi til frekari
skoðunar.
Allsherjarnefnd hefur með um-
sóknir um ríkisfang að gera. Hefð er
fyrir því að nefndin feli þremur
nefndarmönnum að fara yfir umsókn-
ir og fylgiskjöl. Fram kemur að það
sé gert á fundi sem boðaður sé með
fulltrúa dómsmálaráðuneytis og Út-
lendingastofnunar. Þessir aðilar hafa
áður farið yfir gögn málsins og veita
nefndarmönnum frekari upplýsingar
og skýringar eftir því sem þörf krefur.
„Að lokinni yfirferð umsókna leggja
fulltrúar nefndarinnar tillögur sínar
fyrir allsherjarnefnd. Við afgreiðslu
málsins geta nefndarmenn fengið
skýringar, aðgang að gögnum eða
upplýsingar um eðli og ástæður. Eng-
in dæmi eru um að mál hafi verið af-
greidd í ágreiningi úr undirnefnd eða
frá allsherjarnefnd á þessu kjörtíma-
bili,“ segir ennfremur.
Fram kemur að meðfylgjandi
flokkun á aðstæðum umsækjenda
sýni ekki ástæður þess að fallist sé á
beiðnina heldur séu tilgreind helstu
rök sem teflt er fram af hálfu umsækj-
enda. Afgreiðsla mála byggist síðan á
heildarmati á hverri og einni umsókn.
Algengast að sótt sé um
eftir tveggja ára búsetu
Flestir umsækjendur um ríkisborgararétt eru 18 ára eða eldri
Eftir Hjálmar Jónsson
hjalmar@mbl.is
VATNI hefur verið hleypt af Ár-
bæjarstíflunni í Elliðaánum und-
anfarna daga svo lónið er nánast
horfið og sjá má leirborinn stíflu-
botninn. Það er árviss viðburður
að botnlokur stíflunnar eru opn-
aðar og vatni hleypt af stíflunni
til þess að gera laxinum kleift að
ganga upp í efri hluta Elliðaánna.
Á haustin er svo aftur safnað
vatni í stífluna til að hægt sé að
framleiða rafmagn í virkjuninni
veturinn á eftir. Hún framleiðir
rúmlega þrjú megavött eins og
Elliðaárvirkjun hefur gert allt frá
því starfræksla hennar hófst árið
1921, fyrir nær eitt hundrað ár-
um.
„Vatnsborðið hækkar á veturna
þegar virkjunin er rekin, en svo á
vorin gerum við klárt fyrir lax-
inn,“ sagði Hreinn Frímannsson,
sviðstjóri framleiðslusviðs hjá
Orkuveitu Reykjavíkur, í samtali
við Morgunblaðið í gærkvöldi.
„Gert klárt fyrir laxinn“
Morgunblaðið/Brynjar Gauti
Eftir Örlyg Stein Sigurjónsson
orsi@mbl.is
HARÐVIÐRI, frost og nöprustu
vindar Grænlandsjökuls bíða
Mörtu Guðmundsdóttur, ungrar
konu, sem leggur nú lokahönd á
undirbúning sinn að 600 km skíða-
leiðangri þvert yfir jökulinn ásamt
sjö manna leiðangri með norska
leiðangursfélaginu Hvitserk. Marta
gengur yfir jökulinn til styrktar
Krabbameinsfélagi Íslands, en sjálf
greindist hún með brjósta-
krabbamein fyrir tveimur árum og
lauk krabbameinsmeðferð sinni
fyrir um ári. Á meðan á meðferð-
inni stóð setti hún sér ýmis mark-
mið til að styrkja sig í baráttunni
við sjúkdóminn og eitt þeirra var
að ganga yfir Grænlandsjökul.
Hefst leiðangurinn 20. maí.
Marta hefur að undanförnu æft
göngur, hlaup og lyftingar, en því
við viðbótar hefur hún aflað sér
reynslu í óbyggðaferðum að vetri
til með stuðningi íslenskra fjalla-
leiðsögumanna. Gekk hún yfir
Sprengisand á skíðum skömmu
fyrir páska og kleif Snæfellsjökul á
sumardaginn fyrsta ásamt föru-
neyti frá Krabbameinsfélaginu og
endurskoðunarfyrirtækinu
Deloitte hf. sem styður leiðang-
urinn.
Býst við erfiðum dögum
í byrjun leiðangursins
Marta segist búast við erfiðum
dögum til að byrja með á meðan
hún er að laga sig að aðstæðum og
komast í rétta taktinn, á skíðum
með þungan sleða í eftirdragi, líkt
og pólfari. „Maður þarf að venjast
tjaldvistinni og ísköldum fingrum
við hin ýmsu verk,“ bendir hún á.
Segir hún mikilvægt að færð og
veður á jöklinum sé gott og meta
þurfi framhaldið eftir hverja dag-
leið. Benda má á að oft hafa leið-
angursmenn á þessum slóðum lent
í miklum stormi og þurft að bíða
hann af sér í tjöldum sínum.
Með leiðangrinum vakir ekki síst
fyrir Mörtu að sýna fram á að ým-
islegt er hægt að gera þrátt fyrir
að greinast með krabbamein og
fólki ýmsir vegir færir. „Þessi leið-
angur er stórt markmið en stefnan
að þessu markmiði hefur hjálpað
mér að komast andlega í gegnum
sjúkdómsferlið,“ segir hún.
Á skíðum yfir Grænlandsjökul
Markmið Marta Guðmundsdóttir byrjar jöklaleiðangurinn 20. maí.
Þarf að venjast
ísköldum fingrum
FIMM hafa lagt fram umsókn til
dóms- og kirkjumálaráðuneytisins
vegna auglýsingar á stöðu ríkissak-
sóknara. Umsóknarfrestur til emb-
ættisins rann út 27. apríl sl. og bár-
ust ráðuneytinu fimm umsóknir.
Umsækjendur voru Brynjar
Níelsson hæstaréttarlögmaður, Eg-
ill Stephensen saksóknari, Jóhannes
Rúnar Jóhannsson hæstaréttarlög-
maður, Jón H.B. Snorrason, aðstoð-
arlögreglustjóri og saksóknari, og
Sigríður Friðjónsdóttir saksóknari.
Ríkissaksóknari er æðsti hand-
hafi ákæruvalds. Hann er skipaður
af ráðherra ótímabundið og skal
fullnægja lagaskilyrðum til skipun-
ar í dómaraembætti við Hæstarétt.
Ríkissaksóknara til aðstoðar eru
vararíkissaksóknari og saksóknar-
ar.
Bogi Nilsson ríkissaksóknari læt-
ur af embættinu 1. júlí nk.
Sækja um
embætti ríkis-
saksóknara
Eftir Guðmund Sverri Þór
sverrirth@mbl.is
GLITNIR hefur keypt tæplega 235
milljónir hluta í bankanum af tveim-
ur félögum í eigu Bjarna Ármanns-
sonar, sem sagt hefur starfi sínu
sem forstjóri Glitnis lausu. Kaup-
gengi í viðskiptunum, sem fram fóru
30. apríl, var 29 krónur á hlut en
lokagengi bréfa bankans í viðskipt-
um þann dag var 26,6 krónur á hlut.
Markaðsvirði bréfanna var þannig
tæplega 6,25 milljarðar króna en
Bjarna voru greiddir ríflega 6,8
milljarðar fyrir þau. Mismunurinn
er 550 milljónir króna.
Enn eru í eigu Bjarna og fjár-
hagslega tengdra aðila tæplega
milljón hlutir í bankanum og miðað
við kaupgengið 29 er verðmæti
þeirra er tæplega 29 milljónir króna.
Starfslokasamningur
ekki gefinn upp
Margir velta vöngum yfir hugs-
anlegu verðmæti starfslokasamn-
ings Bjarna við bankann en upplýs-
ingar um hann er ekki að fá, hann er
trúnaðarmál þeirra í milli, og því
erfitt að meta virði samningsins. Í
fréttum Sjónvarps var fullyrt að
meta mætti samninginn á um 800
milljónir króna og að Bjarni fengi
greidd laun í heilt ár frá starfslok-
um.
Þess má þó geta að í næstu árs-
skýrslu bankans verður greint frá
kostnaði við forstjóraskiptin.
Í gær var einnig tilkynnt til kaup-
hallarinnar um að nýjum forstjóra
Glitnis, Lárusi Welding, hefði verið
veittur kaupréttur að 150 milljónum
hluta í bankanum á genginu 26,6.
Samningurinn er til fimm ára og fyr-
ir hvert ár sem Lárus er í starfi fær
hann 30 milljónir hluta. Slíkur samn-
ingur felur í sér að Lárus hefur rétt
á að kaupa hlutina á genginu 26,6
krónur en ekki er hægt að segja til
um verðmæti samningsins fyrr en
allir hlutirnir hafa verið keyptir.
Seldi bréf í Glitni
fyrir 6,8 milljarða
Bjarni ÁrmannssonLárus Welding