Morgunblaðið - 03.05.2007, Page 29

MORGUNBLAÐIÐ FIMMTUDAGUR 3. MAÍ 2007 29
Vegna mikils aðstreymis aðsendra greina í aðdraganda alþingiskosninganna verður formi þeirra greina,
sem lúta að kosningunum, breytt. Er þetta gert svo efnið verði aðgengilegra fyrir lesendur og auka mögu-
leika Morgunblaðsins á að koma greinunum á framfæri fyrir kosningar.
Alþingiskosningar
VIÐ megum ekki rugla saman hugtökunum nátt-
úruvernd og umhverfismál. Náttúruvernd er mik-
ilvægur hluti af umhverfisumræðunni, en hún er samt
aðeins einn hlekkur í stóru, mikilvægu
máli.
Í Evrópu hafa fulltrúar hægri flokka
tekið ákveðna forystu í umhverf-
isumræðu þar. Angela Merkel, kanslari
Þýskalands, beitir sér nú sérstaklega
fyrir því að draga úr útblæstri koltví-
sýrings (CO2) sem leiðtogi Evrópusam-
bandsins nú um stundir og David Came-
ron, leiðtogi Íhaldsmanna í Bretlandi, hefur sett fram
áhugaverða sýn á umhverfismál sem vert er að skoða
nánar.
Hvað skiptir máli og hvert er okkar hlutverk?
Við Íslendingar verðum að gera greinarmun á alþjóð-
legum skuldbindingum og aðstæðum í umhverf-
ismálum og þá sérstaklega á sviði CO2-útblásturs ann-
ars vegar og því sem við getum gert hérna heima hins
vegar. Við Íslendingar þurfum að beita okkur fyrir:
Einföldun á skattkerfi á sviði sorpmála.
Hvetjum fólk til endurvinnslu með því að draga úr
beinum skattgreiðslum í formi sorpgjalda.
Göngum betur um okkar nánasta umhverfi – það
hefst nefnilega allt heima hjá okkur!
Gætum að skipulagsmálum.
Reynum að haga skipulagi þannig að auðvelt sé fyrir
fólk að komast ferða sinna gangandi og hjólandi ef það
kýs.
Tökum stórt skref í almenningssamgöngum.
Undir forystu sjálfstæðismanna á Akureyri er nú
frítt í strætó þar og aðsóknin hefur stóraukist. Nýtum
okkur slík úrræði víðar.
Um leið og við fögnum uppbyggingu ferðaþjónustu
verðum við að gæta að því að viðkvæm svæði þola ekki
mikinn átroðning.
Hugum að mikilvægi orkuauðlinda okkar í al-
þjóðlegu samhengi.
Verndum þau svæði sem við viljum ekki snerta en
nýtum orkuna af skynsemi og yfirvegun til hagsbóta
fyrir íslenska þjóð.
Það má alltaf gera betur
Við skulum vera stolt af því sem vel er gert í umhverf-
ismálum en við vitum að það má alltaf gera betur. Það
er hlutverk okkar allra að líta í eigin barm og vanda
okkur í umgengni við náttúruna og okkar nánasta um-
hverfi. Það er hlutverk löggjafans að setja umgjörð
sem hvetur til þess að umhverfisvænstu lausnirnar
verði valdar og gera um leið strangar kröfur til fyr-
irtækja um að lágmarka mengun.
Umræðan um umhverfismál
Eftir Ólöfu Nordal
Höfundur er lögfræðingur og skipar 3. sæti
á D-lista Sjálfstæðisflokks í Norðausturkjördæmi.
NÝLEGA las ég frekar skrýtna
grein eftir Óskar Þór Karlsson, þar
sem stóð meðal annars að „fjölmenn-
ingarsamfélög hafa
hvergi gengið upp,
heldur þvert á móti
leitt til alvarlegra
samfélagslegra
vandamála og for-
dóma“.
Þetta eru athygl-
isverð rök. Með
sömu rökum má segja að það að hafa
konur og karlmenn í sama samfélagi
gangi heldur ekki upp – við þurfum
að glíma við alvarleg samfélagsleg
vandamál eins og kynbundið ofbeldi,
launamisrétti milli kynjanna, og alls
konar fordóma á báða bóga. Eigum
við þá að draga þá ályktun að sam-
félag með báðum kynjum gangi ekki
upp?
Auðvitað ekki! Við vitum vel að
það er ekki út af því að konur og
karlmenn eru „öðruvísi“ að vanda-
mál koma upp, heldur út af misskiln-
ingi, vanþekkingu og fordómum. Að
þessu leyti er margt sambærilegt
með innflytjendamálum og jafnrétt-
ismálum.
Fyrir hundrað árum voru konur
annars flokks í samfélaginu. Þær
höfðu ekki sömu réttindi og karl-
menn, áttu mjög erfitt með að fá
menntun og störf við sitt hæfi, og lit-
ið var á þær sem annaðhvort gælu-
dýr eða vinnuafl á heimilinu, en ekki
manneskjur með sömu drauma og
þarfir og karlmenn.
Margt hefur breyst síðan þá, þótt
enn sé mikil vinna framundan. En
hvernig tókst okkur að breyta því?
Þrennt skiptir mestu máli: fræðsla,
umræða og lagasetning. Konur og
framsýnir karlmenn byrjuðu fyrst
að fræða karlmenn um að þær væru
alveg jafn hæfar og karlmenn á
flestum sviðum og oft mun hæfari.
Þá hófst umræða og samræða milli
kvenna og karla um þeirra málefni.
Smátt og smátt urðu bæði karlmenn
og konur meðvituð um staðreyndir
málsins, og þá voru sett lög sem end-
urspegluðu vilja þjóðarinnar. Þannig
var hægt að minnka alvarleg sam-
félagsleg vandamál og fordóma á
milli kvenna og karla. Við ættum að
beita sömu aðferðum til að koma á
jafnrétti milli innflytjenda og inn-
fæddra.
Innflytjendur og innfæddir eiga
að hafa mörg tækifæri til að ræða
saman – í skólanum, í vinnunni og
annars staðar í okkar daglega lífi.
Þannig geta innflytjendur lært
meira um íslenskt samfélag, og þá
geta Íslendingar líka lært meira um
þá sem hingað koma. Það þarf að
gerast í leikskólum, grunnskólum,
menntaskólum, háskólum og í
vinnunni. Þá tekst okkur að eyða
fordómum og skapa mikilvæga um-
ræðu.
Við þurfum líka lagasetningu sem
endurspeglar það sem við höfum
lært: að það þarf fræðslu en ekki
hræðslu til að koma í veg fyrir að
samfélagsleg vandamál verði til og
að allir eiga að fá sömu tækifæri í
samfélaginu, óháð því hvað við fædd-
umst.
Við vitum vel að fjölmenning er
ekki rót vandamálsins frekar en að
tvö kyn í sama landi séu rót allra
vandamála í jafnréttismálunum.
Innflytjendastefna Vinstri-grænna
grundvallast á trúnni á jafnrétti,
réttlæti og lýðræði. Það mun auka
umræðuna og fræðsluna á milli inn-
flytjenda og Íslendinga í skólum og í
vinnunni, tryggja góð kjör allra
landsmanna, eyða fordómum og
auka samþættingu. En við þurfum
ekki að bíða í hundrað ár eftir breyt-
ingum – innflytjendastefnan okkar
gerir okkur kleift að ná því mark-
miði strax í dag.
Innflytjendur eru
ekki vandamálið
Eftir Paul F. Nikolov
Höfundur skipar þriðja sætið á
lista Vinstri grænna í Reykja-
vík norður.
EKKI fer á milli mála að þau eru bæði sármóðguð Herdís Á. Sæmund-
ardóttir, núverandi formaður stjórnar Byggðastofnunar og Kristinn H.
Gunnarsson, fyrrverandi formaður sömu stjórnar, ef marka má greinar
þeirra sem birtust í Morgunblaðinu 24. apríl sl. („Einar
Oddur hræddur“ eftir Kristin) og 25. apríl sl. („Nú er Einar
Oddur ósanngjarn“ eftir Herdísi). Það eru skrif mín í Morg-
unblaðið þann 21. apríl („Byggðastofnun og byggðamál“)
sem pirra þau bæði. Hvorugt gerir þó athugasemdir við þau
efnisatriði sem ég tiltek í grein minni, enda er hún ein-
göngu hlutlæg frásögn af stofnuninni síðastliðin átta ár.
Greinin er makleg og greinin er rétt. Bæði virðast þau hins
vegar telja mig óttalegt hrekkjusvín og ljótt af mér að rifja
þessa sögu upp, en það var hvorki gert til að hrekkja né stríða.
Hið rétta er að allt of margt hefur gengið óhönduglega undanfarin ár við
stjórn þessarar stofnunar. Það er mjög alvarlegt mál og við verðum að
gera betur á komandi árum. Að sjálfsögðu ber Sjálfstæðisflokkurinn hér
fulla ábyrð til jafns við Framsóknarflokkinn. Það er eins með þetta mál og
önnur mál stjórnsýslunnar að báðir stjórnarflokkarnir bera ábyrð á því
sem vel hefur gengið, jafnt því sem miður hefur farið. Það hendir alla að
gera mistök, en þegar svo háttar er rétt að viðurkenna það af hreinskilni.
Það er kjánalegt að þræta fyrir augljósa hluti.
Sármóðguð
Eftir Einar Odd Kristjánsson
Höfundur er alþingismaður.
Mikið úrval af
fallegum
rúmfatnaði
Skólavörðustíg 21, Reykjavík, sími 551 4050 Rannsóknamiðstöð Íslands • Laugavegi 13 • 101 Reykjavík • Sími 515 5800 • Bréfsími 552 9814 • www.rannis.is
http://europa.eu.int/eracareers
Evrópska rannsóknastarfatorgið aðstoðar
• háskóla, stofnanir og fyrirtæki við að ráða til sín rannsóknafólk
• rannsóknafólk og fjölskyldur þess við vistaskipti
• íslenskt rannsóknafólk í leit að áhugaverðum störfum erlendis
EUROPEAN COMMISSION
Community research
Ísland sem alþjóðlegur vinnumarkaður vísindanna
Staða Íslands í alþjóðlegri samkeppni um vinnuafl í rannsóknum, tækni og nýsköpun
Málþing um stöðu og réttindi vísindamanna við flutning milli landa og möguleika atvinnulífsins
til að nýta sér alþjóðlegt vinnuafl við rannsóknir, þróun og nýsköpun
Föstudaginn 4. maí, kl. 8:00 – 12:00, Grand Hótel
H
N
O
T
S
K
Ó
G
U
R
g
r
a
fí
s
k
h
ö
n
n
u
n
RANNÍS býður til málþings í tengslum við verkefnið Evrópska rannsóknastarfatorgið, samevrópskt
verkefni sem hefur verið rekið undanfarin 3 ár. Nánar á: http://ec.europa.eu/eracareers/index_en.cfm
Dagskrá
8:00 Morgunverður
8:30 Ávarp
Steingrímur Sigurgeirsson, aðstoðarmaður menntamálaráðherra
8:45 Evrópska rannsóknastarfatorgið og Ísland sem alþjóðlegur vinnumarkaður vísindanna
Hans Kristján Guðmundsson, forstöðumaður RANNÍS
9:00 Fjölmenningarsamfélag í Háskóla Íslands
Kristín Ingólfsdóttir, rektor Háskóla Íslands
9:20 How Do You Like Iceland? A View from a Foreign Academic
Luca Aceto, prófessor, Háskólanum í Reykjavík
10:00 Kaffihlé
10:10 Þarfir atvinnulífsins fyrir alþjóðlegt vinnuafl til rannsókna og nýsköpunar
Helgi Már Þórðarson, starfsmannastjóri CCP
10:30 Ísland sem alþjóðlegur vinnumarkaður, tækifæri og hindranir í löggjöf og reglugerðum
Hildur Dungal, forstjóri Útlendingastofnunar
10:50 Samevrópskar aðgerðir, tilmæli og tækifæri til að örva flæði vísindamanna um og til Evrópu
Þorsteinn Brynjar Björnsson, RANNÍS
11:00 Aðild íslenskra háskóla að samevrópskum siðareglum við ráðningu vísindamanna til starfa
Undirritun yfirlýsinga fulltrúa Háskólans á Bifröst, Háskólans á Akureyri, Háskóla Íslands,
Háskólans í Reykjavík, Kennaraháskóla Íslands, Landbúnaðarháskóla Íslands og Háskólans á Hólum
11:10 Hvernig mun Ísland standa að vígi í samkeppni framtíðar um vinnuafl til vísinda,
tækni og nýsköpunar?
Pallborðsumræður með þátttöku fulltrúa stjórnmálaflokkanna:
Jón Sigurðsson, iðnaðar- og viðskiptaráðherra, Katrín Jakobsdóttir, Vinstri grænum,
Össur Skarphéðinsson, Samfylkingunni, Jón Magnússon, Frjálslynda flokknum,
Guðfinna S. Bjarnadóttir, Sjálfstæðisflokki og Ásta Þorleifsdóttir, Íslandshreyfingunni
12:00 Málþingi slitið
Ráðstefnustjóri: Ingólfur Bjarni Sigfússon, fréttamaður
Aðgangur er ókeypis en nauðsynlegt er að skrá sig
fyrirfram á: rannis@rannis.is
RANNÍS starfrækir Evrópska rannsóknastarfatorgið á Íslandi