Morgunblaðið - 13.09.2007, Blaðsíða 18

18 FIMMTUDAGUR 13. SEPTEMBER 2007 MORGUNBLAÐIÐ
viðskipti/athafnalíf
Hluthafafundur
Hluthafafundur HB Granda hf. verður haldinn föstu­
daginn 21. september 2007 í matsal HB Granda að
Norðurgarði, Reykjavík.
Fundurinn hefst klukkan 14:00.
Dagskrá:
Kosning nýrrar stjórnar.
Framboðsfrestur vegna stjórnarkjörs rennur út fimm
virkum dögum fyrir upphaf hluthafafundar. Upplýsingar um
frambjóðendur til stjórnar verða birtar eigi síðar en tveimur
dögum fyrir hluthafafund.
Atkvæðaseðlar verða afhentir hluthöfum og umboðs­
mönnum með skrifleg umboð á fundarstað frá kl. 13:30.
Stjórn HB Granda hf.
Eftir Hjört Gíslason
hjgi@mbl.is
ÍSLENDINGAR koma við sögu
við uppbyggingu atvinnulífsins í
Afríkulýðveldinu Líberíu eftir að
langvarandi borgarastyrjöld lauk.
Þeir koma aðallega að uppbygg-
ingu í sjávarútvegi, en uppbygging
raforkukerfis er einnig á döfinni.
Það er í gegnum ráðgjafarfyrir-
tækið EXA Consulting, sem Ís-
lendingarnar koma til sögunnar.
„EXA Consulting er, eins og
nafnið gefur til kynna, í fyrirtækja-
ráðgjöf. Fyrirtækið var stofnað á
Bretlandi og er með dótturfyrir-
tæki í Skandinavíu og í Líberíu,“
segir Óskar Kristjánsson, fram-
kvæmdastjóri EXA Consulting
Líbería. „Eigendur eru brezkir,
sænskir og íslenzkir. Við höfum
rekið fyrirtækið í nokkur ár og við
erum lögfræðingar, markaðsfræð-
ingar, viðskiptafræðingar og end-
urskoðendur. Við eru mikið í því að
aðstoða fyrirtæki við að fara inn á
nýja markaði með vöru og þjón-
ustu. Við hjálpum þeim þá yfir
ákveðinn hjalla í því ferli.“
Hitti forsetann
Hvernig lá leiðin til Líberíu?
„Núna síðasta árið höfum við
unnið mjög náið með Líberíumönn-
um. Við komum auga á tækifæri
þar fyrir einu og hálfu ári. Einum
af eigendum okkar, Halldóri Páls-
syni, var boðið að vera viðstaddur
innsetningu Ellenar Johnson Sir-
leaf í forsetaembætti Líberíu í jan-
úar 2006. Þar átti hann fund með
forsetanum. Hún þekki Vigdísi
Finnbogadóttur og vissi mikið um
Ísland, þar sem hún hefur mikla
reynslu af alþjóðlegum viðskiptum.
Hún óskaði þá beinlínis eftir því að
við fyndum fyrir hana fyrirtæki
sem væri tilbúið til að koma til
landsins með starfsemi, sem væri
áætluð til lengri tíma.
Við höfum unnið í þessu í eitt og
hálft ár. Við höfum heimsótt rík-
isstjórnina í Líberíu og ég er búinn
að funda með meira og minna öll-
um ráðherrunum. Það hefur leitt
til þess að við höfum verið að vinna
að fleiri verkefnum. Í stuttu máli
erum við nú með tvö aðalverkefni
sem koma Íslandi við og við teljum
að við getum orðið að liði. Það er í
uppbyggingu raforkuvera og í fisk-
iðnaði.“
Virkja frumkvöðla
„Í öllum þessum verkefnum
vinnum við að því að skapa sam-
vinnuverkefni opinberra aðila og
einstaklinga. Við erum að virkja
frumkvöðlaanda Íslendinga til að
koma að uppbyggingu í landinu.
Ég vil opna augu íslenzkra frum-
kvöðla fyrir því að koma inn í við-
skiptaumhverfi þar sem þeir geta
haft hagnað af og um leið skapað
sér góða ímynd á alþjóðamarkaði.
En við þurfum jafnframt að fá
ákveðna hjálp frá íslenzkum
stjórnvöldum á sama hátt og
stjórnvöld í Líberíu vilja liðka fyrir
starfsemi af þessu tagi. Þau ætla
sér að byggja upp aðlaðandi við-
skiptaumhverfi og hafa sagt að
óvinur þjóðarinnar númer eitt sé
spilling og að henni verði útrýmt.
Þau eru gífurlega vakandi og hörð,
komi slík dæmi upp. Menn eru
fljótir að missa vinnuna verði þeir
uppvísir að einhverju ólöglegu.“
Og eru möguleikarnir miklir?
„Við höfum mikla trú á mögu-
leikum í Líberíu og höfum verið að
kynna þá fyrir fólki í lykilstöðum í
sjávarútvegi á Íslandi. Ráðherra
sjávarútvegsmála í Líberíu hefur
verið hér í heimsókn ásamt fylgd-
arliði í boði okkar. Hingað eru líka
að koma tveir aðrir ráðherra frá
Líberíu, ráðherra orkumála og ráð-
herra fjárfestinga innan lands.
Hann er mjög mikilvægur því hann
tekur ákvörðun um stóran hluta
fjárfestinga í landinu. Þeir koma
hingað til viðræðna við raforkufyr-
irtækin, en koma líka til með að
hitta þá sem ákveða að halda áfram
með okkur í verkefninu í sjávar-
útveginum.“
Miklir möguleikar
„Við höfum tekið að okkur það
hlutverk, sem kannski enginn ann-
ar vildi taka. Við höfum fjárfest
töluvert mikið í því að koma þessu
samstarfi af stað. Að fá ríkisstjórn
Líberíu til að sjá að hægt er að
fara í uppbygginguna í stærra
samhengi og vinna að því að fá ís-
lenzk fyrirtæki og stjórnvöld til að
taka þátt í henni. Ég er mjög stolt-
ur yfir því að hver einasti fundur
sem við höfum átt á Íslandi hefur
verið mjög uppörvandi fyrir okkar
gesti. Bæði íslenzk einkafyrirtæki
og íslenzk stjórnvöld sjá þarna
mikla möguleika. Þarna er tæki-
færi fyrir mikla útrás og um leið að
skapa sér góða ímynd á alþjóða
vettvangi. Mér myndi finnast mjög
gaman að því að sjá okkar þjóð
taka að sér þetta hlutverk. Þeir eru
orðnir mjög þreyttir á því í Líberíu
að þangað koma fyrirtæki með lát-
um og segjast ætla að gera alla
mögulega hluti, en svo verður lítið
sem ekkert um efndir. Þess vegna
eru stjórnvöld afskaplega varkár í
þessum efnum. Þau vilja fá ein-
hverja sem eru tilbúnir til að
byggja upp til framtíðar.
Möguleikarnir eru vissulega
miklir. Það þarf flest að byggja
upp frá grunni eins og síma, sam-
göngur, fiskveiðistjórnun og eftir-
lit. Það þarf að byggja upp raf-
orkukerfið og í tengslum við það
kemur til greina að reisa álver, en í
landinu eru auðugar báxítnámur,
en það er hráefnið sem notað er til
að framleiða ál. Ég vona að bara og
er reyndar viss um að þáttur Ís-
lendinga í þessari uppbyggingu
verður bæði mikill og góður,“ segir
Óskar Kristjánsson.
Koma að uppbyggingu
sjávarútvegs í Líberíu
Fyrirtækið EXA Consulting efnir til samvinnu opinberra og einkaaðila á Íslandi og í Líberíu
Morgunblaðið/Brynjar Gauti
Frumkvöðlar Óskar Kristjánsson, framkvæmdastjóri EXA Consulting Líb-
ería, og Dr. J. Chris Toe, ráðherra sjávarútvegsmála í Líberíu.
Landkostir Líbería er frjósamt og fallegt land og nú er allt með kyrrum kjörum eftir langa
borgarastyrjöld. Ný ríkisstjórn hefur tekið við völddum og berst hún gegn spillingu.
Sjávarútvegur Frá höfninni í Monrovíu, höfuðborg Líberíu. Mikillar uppbygginar er þörf í
sjávarútvegi landsins, einkum á svið hafrannsókna og gæzlu landhelginnar, sem er stór.
Í HNOTSKURN
»Við eru mikið í því að að-stoða fyrirtæki við að fara
inn á nýja markaði með vöru
og þjónustu. Við hjálpum þeim
þá yfir ákveðinn hjalla í því
ferli.
» Í öllum þessum verkefnumvinnum við að því að skapa
samvinnuverkefni opinberra
aðila og einstaklinga. Við er-
um að virkja frumkvöðlaanda
Íslendinga til að koma að upp-
byggingu í landinu.
»Möguleikarnir eru vissu-lega miklir. Það þarf flest
að byggja upp frá grunni eins
og síma, samgöngur, fisk-
veiðistjórnun og eftirlit.