Morgunblaðið - 15.09.2007, Síða 22
22 LAUGARDAGUR 15. SEPTEMBER 2007 MORGUNBLAÐIÐ
SUÐURNES
ÁRBORGARSVÆÐIÐ
Eftir Sigurð Jónsson
Eyrarbakki | „Ég er ekki í vafa
um að strandbyggð er draumur
hvers einasta manns og því eiga
strandbæir framtíð fyrir sér,“
sagði Árni Valdimarsson einn eig-
enda hraðfrystihússlóðarinnar, Ís-
foldarreitsins, við Eyrargötu á
Eyrarbakka á fundi í samkomu-
húsinu Stað þar sem fram fór
kynning á hugmyndum um íbúð-
areit sem Valdís Bjarnadóttir
arkitekt hefur unnið.
Hugmyndin gerir ráð fyrir 26
smáhýsum og 26 stærri íbúðum
og er gert ráð fyrir að flest húsin
verði tveggja hæða. Meginein-
kenni þessa reits er húsaröð með-
fram sjóvarnargarðinum þar sem
gert er ráð fyrir tveggja hæða
húsum í 8-16 metra fjarlægð frá
garðinum með útsýni út á hafið.
Meðal fundarmanna voru bæjar-
stjórinn í Árborg, Ragnheiður
Hergeirsdóttir, og Jón Hjartar-
son, forseti bæjarstjórnar.
Ekki eftirlíking
Valdís sagði markmiðið með
deiliskipulaginu að fá fram metn-
aðarfullri íbúðabyggð með smá-
gerðu byggðamynstri og þjón-
ustustarfsemi. Nálægðin við
dvalarheimilið Sólbakka byði upp
á tækifæri til samstarfs sem hún
sagði mikilvægt. Hún sagði að
deiliskipulagið væri hugsað sem
blöndun á aldurshópum ekki að
þarna væru bara íbúðir fyrir
eldra fólk en það væri gott fyrir
eldra fólk að hafa þann möguleika
að sækja þjónustu til Sólvalla.
Hún sagði að hugmyndin tæki
mið af mynstrinu við götuna en
mikilvægt væri að ný hús féllu vel
að þeirri byggð sem fyrir væri
hvað snertir byggingarefni og
húsagerð. Sagðist hún vilja ná
fram fjölbreytni á reitnum.
Byggðin á Bakkanum væri ynd-
isleg og kannski ætti ekki að
byggja öll hús eins og þau sem
fyrir væru og apa þannig eftir því
sem fyrir er.
Hún sagðist vilja sjá fjölbreyti-
leika sem væri staðnum til góðs.
Það væri hægt að setja þarna nið-
ur ný hús sem fengju að njóta sín
og þyrftu að vera sjálfstæð en
líka kurteis og tillitssöm í litum
og efni við gömlu húsin. Byggðin
þyrfti að verða metnaðarfull og
tillitssöm en ekki eftirlíking.
Gagnrýnendur í rýnihóp
Íbúar á Eyrarbakka sem sóttu
fundinn lýstu yfir ánægju með
kynningarfundinn og flestir voru
nokkuð sáttir við skipulagshug-
myndina en fundu að útliti
húsanna sem sýnd voru á reitnum
og sagði einn fundarmanna þau
líkjast um of húsum í Grafarholti.
Slíkt ætti ekki erindi á Eyrar-
bakka. Þar væri óregla í húsagerð
sem bæri að halda sig við en láta
nýtísku hönnun njóta sín í nýjum
hverfum.
Árni Valdimarsson sagði það
eindreginn vilja eigenda Ísfold-
arlóðarinnar að fullkomið íbúalýð-
ræði réði skipulagi reitsins og að
ekki yrði gengið frá skipulagi
hans fyrr en allir væru sáttir. Til
þess að leggja áherslu á orð sín
skipaði hann á fundinum þrjá íbúa
sem gagnrýndu tillöguna í rýni-
hóp með eigendum og Valdísi
arkitekt til þess að fara betur yfir
hugmyndina sem fyrir lægi. „Þið
eruð vinir er til vamms segið,“
sagði Árni og ítrekaði að næsti
fundur yrði þegar hópurinn hefði
rýnt í hugmyndirnar.
„Við viljum hafa nógan tíma og
ég hef gaman af þessu og hressist
allur við þegar ég hef verið
hérna,“ sagði Árni Hann ítrekaði
síðan þakkir sínar til fundar-
manna og sagði: „Við munum öll
hrósa okkur af þessu í lokin.“
Skipulag á hrað-
frystihússlóðinni á
Eyrarbakka kynnt
íbúum staðarins
Áhersla á íbúðabyggð með
smágerðu byggðamynstri
Morgunblaðið/Sigurður Jónsson
Rýnihópur íbúa Gísli Kristjánsson, Linda Ásdísardóttir og Magnús
Karel Hannesson úr rýnihópnum, ásamt Árna Valdimarssyni.
Í HNOTSKURN
»Eyrarbakki var fyrr á árumeinn af helstu útgerðar- og
verslunarstöðum landsins.
Blómatími staðarins var frá
miðri 19. öld og á fyrstu ára-
tugum 20. aldar. Þá myndaðist
þéttbýliskjarni umhverfis hús
dönsku verslunarinnar og íbú-
um fjölgaði ört. Flestir urðu
þeir um 1920, tæplega 1000
manns.
»Hátt í sex hundruð mannsbúa nú á Bakkanum.
»Eyrarbakki var sjálfstættsveitarfélag í rúma öld en
hefur verið hluti af Sveitarfé-
laginu Árborg í tæpan áratug.
Selfoss | Hátíðardag-
skrá hófst í gær og
heldur áfram í dag og á
morgun í tilefni þess að
60 ár eru liðin frá því
Selfoss varð sérstakt
sveitarfélag. Sérstök af-
mælisnefnd var skipuð
af áhugafólki um til-
efnið og býður hún upp
á fjölbreytta dagskrá
sem fjölmargir aðilar
standa að.
Dagskrá hátíðarinnar er birt á heima-
síðu Árborgar www.arborg.is. Mikið er
um að vera dag, sýningar af ýmsu tagi inn-
an dyra og á götum úti. Í Listagjánni í
Bæjar- og héraðsbókasafninu er til dæmis
opin sýning á passamyndum Tómasar
Jónssonar af Selfyssingum. Við Tryggva-
skála verður til sýnis strengur úr gömlu
Ölfusárbrúnni sem hrundi 1944 sem einn
brúargerðarmanna hélt til haga.
Skemmtikvöldið Selfosstónar er í kvöld
með þátttöku söngvara og hljómsveita frá
Selfossi. Söngvarar og hljómsveitir frá
fyrri tíð stíga á svið á skemmtikvöldi í
anda gömlu Selfossbíósáranna. Fram
koma ma. söngvarar úr hljómsveit Óskars
Guðmundssonar, Carol, Mánum, Halli Sig
og Óli Bach í Limbó, Gunni í Skítamóral,
auk þess munu söngvarar seinni tíma
hljómsveita stíga á svið. Hljómsveitin Myst
kemur fram, Ingó idol og Sigrún Vala, svo
nokkur nöfn séu nefnd.
Brúarsöngur verður á Pylsuvagnsplan-
inu undir stjórn Árna Johnsen og flug-
eldasýning í miðbænum. Selfossliðið í
knattspyrnu er á heimleið að norðan og
verður tekið á móti þeim í miðbænum.
Brúarball verður svo á Hótel Selfossi með
kántrýsveitinni Klaufum.
Dagskráin heldur áfram á morgun,
sunnudag. Meðal atriða er ganga á Ing-
ólfsfjall. Söngur Karlakórs Selfoss á Hótel
Selfossi kl. 15.30 markar lok afmælishátíð-
arinnar.
Selfosstónar á
sextíu ára afmæli
sveitarfélagsins
Mikil hátíð er hald-
in á Selfossi í dag.
Eftir Helga Bjarnason
helgi@mbl.is
Reykjanesbær | Aðstaða Tónlistarskóla
Reykjanesbæjar gjörbreytist með tilkomu
Hljómahallarinnar við félagsheimilið Stapa
sem áætlað er að komist í gagnið eftir tvö ár.
Aðsókn hefur aukist mjög í tónlistarnám og
ekki verið hægt að anna
eftirspurninni. Þá mun
hljómleikasalur í Stapanum
efla menningarlíf á Suð-
urnesjum almennt, að mati
skólastjóra Tónlistarskóla
Reykjanesbæjar.
„Ef vel tekst til við fram-
kvæmdina verður þetta eitt
glæsilegasta tónlistarskóla-
hús landsins. Það verður
líka notadrjúgt og gott fyr-
ir nemendur og kennara,“
segir Haraldur Á. Haraldsson, skólastjóri
Tónlistarskóla Reykjanesbæjar. Bæjaryf-
irvöld hafa ákveðið að byggja höfuðstöðvar og
kennsluaðstöðu fyrir skólann í viðbyggingu
við félagsheimilið Stapa og endurbæta um
leið húsnæði Stapans til að það geti nýst sem
stór hljómleikasalur fyrir skólann, stóra tón-
leika og til ráðstefnuhalds.
200 á biðlista
Liðlega 700 nemendur eru við Tónlistar-
skóla Reykjanesbæjar, þar af 340 nemendur
fyrsta og annars bekkjar grunnskólanna í for-
skóla og 365 í hefðbundnu hljóðfæra- og söng-
námi. Skólinn hefur fengið til afnota ágæta
aðstöðu í öllum grunnskólunum fimm í sveit-
arfélaginu. Þar stunda nemendur hljóð-
færanám upp í sjöunda bekk sem hluta af
samfelldum skóladegi. Elstu nemendur
grunnskólans og fullorðnir nemendur tónlist-
arskólans, alls um 200 manns, fá alla sína
kennslu í óhentugu húsnæði sem Tónlist-
arskóli Reykjanesbæjar erfði frá forverum
sínum, tónlistarskólunum í Keflavík og Njarð-
vík. Þangað sækja líka hljóðfæranemendur úr
grunnskólunum hljómsveitastarf og tón-
fræðagreinar þannig að 365 nemendur Tón-
listarskólans sækja þangað nám að öllu leyti
eða að hluta. Starfið hefur fyrir löngu sprengt
húsnæðið utan af sér.
Ásókn í tónlistarnám hefur aukist, meðal
annars vegna fjölgunar íbúa. Nú eru um 200
manns á biðlista eftir að komast í nám, að
sögn Haraldar. Hann segir að með nýju hús-
næði verði hægt að taka við liðlega 600 nem-
endum í hefðbundið hljóðfæra- og söngnám
en tekur fram að það sé ekki eingöngu hús-
næðisskortur sem hafi skapað biðlistana.
Vantað hafi heimildir til að ráða fleiri kennara
auk þess sem sífellt sé erfiðara að fá tónlist-
arkennara til starfa.
Umræða um byggingu nýrra höfuðstöðva
tónlistarskólans hefur staðið lengi, að sögn
Haraldar, og hann er ánægður með að nú
skuli vera komið að framkvæmdum. Guð-
mundur Jónsson arkitekt í Ósló var fenginn
til að hanna húsið en hann hefur mikla
reynslu af hönnun menningarhúsa, ekki síst á
Norðurlöndunum. Sjálfur hefur Haraldur
unnið að undirbúningnum sem verkefnisstjóri
af hálfu Reykjanesbæjar og segir hann að það
hafi verið skemmtilegt verkefni að takast á
við.
Hljómahöllin verður á tveimur hæðum.
Hljómleikasalur sem tekur um 120 til 130
manns í sæti verður í miðju hússins og í hon-
um verður góður flygill. Við hlið hans verður
rúmgóður æfingasalur fyrir hljómsveitaæf-
ingar. Þessir salir mynda saman skemmti-
legan kjarna í húsinu. Á neðri hæðinni verða
sérstakar samspilsstofur og stórar stofur fyr-
ir hópkennslu. Einkakennslan fer meira fram
á efri hæðinni þar sem verða margar og rúm-
góðar kennslustofur. Þar verður nettengt
hljóðsafn og fullkomið hljóðupptöku- og
kennsluver sem tengt verður við salina og
nokkrar kennslustofur.
Hljómleikasalur í Stapa
Poppminjasafn Íslands fær aðstöðu í
Hljómahöllinni. Sýningaraðstaða verður á
torgi í miðju hússins og í sérstökum sal auk
þess sem hægt verður að sýna muni þess víð-
ar um húsið. Jónatan Garðarsson hefur verið
ráðinn til að vinna að undirbúningi fyrstu
sýningar safnsins í nýju húsnæði. Í Hljóma-
höllinni verður kaffihús og veitingastaður.
Lagfæringar á Stapasalnum miða að því að
gera hljómburð sem bestan, auk þess sem
sviðið verður stækkað. Salurinn mun eftir
breytingar taka um það bil 400 gesti í sæti á
gólfi og svölum. Haraldur segir að þar verði
hægt að halda sinfóníutónleika, stórir kórar
geti haldið þar tónleika og hægt verði að setja
upp söngleiki, auk annarra stórra tónlistar-
viðburða. „Með nýjum menningarsölum í
Duus-húsum og góðum flyglum þar hefur
aukist mjög að tónlistarfólk hafi viljað koma
hingað til að halda tónleika. Þegar Hljóma-
höllin kemst í gagnið munum við geta boðið
upp á enn meiri og fjölbreyttari aðstöðu til
tónleikahalds,“ segir Haraldur. „Við trúum
því að þetta muni hafa góð áhrif á menningar-
líf í Reykjanesbæ og á Suðurnesjum öllum,“
bætir hann við.
Hefur góð áhrif á menningarlífið
Útlitsmynd/Guðmundur Jónsson arkitektastofa
Hljómborð Útlit Hljómahallarinnar sem byggð verður við Stapa minnir á hljómborð píanós.
Dökku plöturnar á útlitsmynd Guðmundar Jónssonar arkitekts eiga að tákna svörtu nóturnar.
Á þær verður hægt að „spila“ með því að skipta litum og vekja athygli á atburðum í húsinu.
Hljómahöllin verður
eitt glæsilegasta tónlist-
arskólahús landsins
Haraldur Árni
Haraldsson