Morgunblaðið - 13.10.2007, Page 29

úr bæjarlífinu
MORGUNBLAÐIÐ LAUGARDAGUR 13. OKTÓBER 2007 29
Verkalýðsfélögin á Snæfellsnesi eru á
leiðinni að sameinast í eitt félag. For-
ráðamenn verkalýðsfélaganna
þriggja sem starfa á norðanverðu
Snæfellsnesi hafa sent félagsmönn-
um á svæðinu kynningarbækling þar
sem þetta er lagt til. Með breytingum
á sjúkrasjóðskerfinu innan ASÍ eiga
lítil stéttarfélög erfiðara með að
standa undir skuldbindingum sínum
og er það til að flýta ferlinum. Með
því að sameinast verður til öflugra fé-
lag sem nær betri árangri í þjónustu
við félagsmenn sína, það fullyrða for-
svarsmennirnir.
Póstkosning verður í nóvember og
þá kemur vilji félagsmanna í ljós.
Í nýja félaginu, sem næði yfir allt
Snæfellsnes, verða um 2.000 félags-
menn. Þetta dæmi sýnir að meiri vilji
er til þess nú að líta á Snæfellsnesið
sem eina heild. Stærri heild er öflugri
og með meiri slagkraft en minni hóp-
ar. Sama lögmál gildir varðandi sveit-
arfélögin á svæðinu. Við erum ekki
nema rúmlega fjögur þúsund íbú-
arnir á Snæfellsnesi.
  
Veðrið er eilíft umræðuefni. Tíðar-
farið á þessu ári virðist koma okkur
dálítið á óvart og vera sérstakt á ýms-
an hátt. Í síðasta pistli mínum vakti
ég athygli á því hversu þurrt sumarið
hafði verið. Á 140 ára tímabili hafði
einu sinni áður verið minni úrkoma í
Stykkishólmi yfir sumarið. En skjótt
skipast veður í lofti. Nú hefur þessu
næstum verið snúið við. Það rignir
hvern daginn á eftir öðrum, enda-
laust vatnsmagn virðist koma af
himnum ofan. Við erum örugglega
búin að fá alla rigninguna sem hefði
átt að koma í sumar samkvæmt
venju.
Samkvæmt upplýsingum frá
Trausta á Veðurstofunni mældist úr-
koma í Hólminum í september 162,5
mm og hefur einni sinni mælst lítil-
lega meiri í þeim mánuði, það var
1933 (166 mm). Í ágúst og
september saman mældust
239,1 mm og það er það sama
að aðeins einu sinni hefur
mælst meiri úrkoma í þessum
mánuðum samtals, það var ár-
ið 1939 að hún mældist 246,9
mm.
  
Vatnasafn Roni Horn í Stykk-
ishólmi hefur vakið mikla at-
hygli frá því það var opnað í
vor. Þar var til nýr hlekkur til
að styrkja Stykkishólm sem
ferðamannabæ.
Í sumar var mikil aðsókn að
safninu og alls komu í heim-
sókn 4.200 gestir frá byrjun
júní til loka ágúst. Að sögn
umsjónarmanns er greinilegt
að Roni Horn nýtur mikillar
aðdáunar sem listamaður. Útlend-
ingar hafa komið gagngert til að
skoða safnið, taka myndir og skrifa
um listamanninn. Listaverkið sem
mótað er af glersúlum er einfalt og sí-
breytilegt. Margir gestanna eru tor-
tryggnir í byrjun, en enginn þeirra
virðist hafa farið vonsvikinn í burtu.
Í vetur verður ekki opið á föstum
tíma, en hægt er að fá að skoða safnið
með því að hafa samband við for-
stöðumann Amtsbókasafnsins.
  
Nýtt pósthús verður opnað föstudag-
inn 19. október. Húsið er við innkom-
una í bæinn og hafa byggingarfram-
kvæmdir gengið vel. Pósthúsið sem
nú er notkun fær nafnið Gamla póst-
húsið. Það var byggt árið 1966 og hef-
ur þjónað hlutverki sínu í 40 ár. Hús-
næðið hefur verið auglýst til sölu. Um
er að ræða gott hús á tveimur hæð-
um, um 340m². Eignin býður upp á
ýmsa notkunarmöguleika eins og
skrifstofu- eða verslunarhúsnæði.
Það er von bæjarbúa að með sölu
pósthússins skapist nýir möguleikar
fyrir framtakssama menn í atvinnu-
málum Hólmara.
  
Frá höfninni, sem áður var lífæð
Stykkishólms, berast litlar fréttir.
Þar er rólegt yfir. Einn smábátur
stundar línuveiðar, annar veiðir ígul-
ker og tveir leggja haukalóð.
Aðrir bátar sem hér eru skráðir
stunda veiðar frá öðrum höfnum.
Hólmarinn SH er annar báturinn
sem stundar lúðuveiðar og hefur
hann veitt níu góðar lúður í þessari
viku og getur áhöfnin verið ánægð
með þann árangur.
Morgunblaðið/Gunnlaugur Árnason
Góður fengur Áhöfnin á Hólmaranum SH,
þau Kristín Benediktsdóttir og Gestur
Hólm Kristinsson, ánægð með aflann.
STYKKISHÓLMUR
Gunnlaugur Árnason fréttaritari
Pétur Stefánsson yrkir um atgang-
inn í borgarstjórn:
Hvar sem bjóðast völd og
veraldarauður,
vatn í munninn svikahrappur fær.
– Ég sem hélt að Júdas væri dauður
og jarðaður í Austurlöndum nær.
Þá Einar Kolbeinsson:
Ýmsir hlú að efldri trú,
og þá færir völdum nær,
blessun sú að Björn er nú,
betri en hann var í gær.
Hjálmar Freysteinsson komst að
kjarna málsins:
Heimsathygli að henni beindist;
hitt er svo annað mál
að friðarsúlan seinna reyndist
sannkallað ófriðarbál.
Þá Hreiðar Karlsson:
Augu heimsins að sér dró
eins og ljósið flugurnar.
Friður lítill fylgdi þó
friðarkerti Yokoar.
Ingólfur Ómar Ármannsson komaf sjónum og hlustaði á fréttir
áður en meirihlutinn sprakk:
Margt er það sem miður fer
málin þvæld og snúin
borgarstjórinn okkar er
öllu trausti rúinn!
Og karl af Laugaveginum orti:
Karlinn í brúnni sjóa syðra sýpur nóga.
Brosir til mín baugaskorðan.
Minn borgarstjóri er fyrir norðan.
Lausnin við orðagátunni á þriðju-
dag var þing.
pebl@mbl.is
VÍSNAHORNIÐ
Af sjó og
borg