Morgunblaðið - 31.12.2007, Page 26

26 MÁNUDAGUR 31. DESEMBER 2007 MORGUNBLAÐIÐ
„Eitt af stóru verkefnum okkar hér-
lendis er að vinna gegn kynferðislegu
ofbeldi gegn börnum og vekja athygli á
þætti nýrrar tækni í því sambandi.
Mér finnst að umræða um þessi mál
hafi aukist verulega sem og áhugi og
vilji stjórnvalda til að taka málin föst-
um tökum,“ segir Petrína Ásgeirs-
dóttir framkvæmdastjóri Barnaheilla.
Hún bendir á, að á árinu hafi t.d. kafli
almennu hegningarlaganna um kyn-
ferðisbrot verið endurskoðaður og Al-
þingi samþykkt margar breytingar í
þágu barna og til batnaðar fyrir barátt-
una gegn kynferðislegu ofbeldi. „M.a.
var fyrningarfrestur í kynferðisbrota-
málum gegn börnum afnuminn, og sam-
ræðisaldurinn var hækkaður í 15 ár, en
hann var áður einungis 14 ár. Einnig
stendur uppúr mjög jákvætt samstarf
Barnaheilla við netþjónustuaðila og
Ríkislögreglustjóra um að koma á síun
á landsvísu á efni á Netinu þar sem ver-
ið er að beita börn kynferðislegu of-
beldi, en það mál er komið vel áleiðis.
Einnig hófum við samstarf við Heimili
og skóla og Póst- og fjarskiptastofnun
um hjálparlínu fyrir börn og foreldra
um örugga netnotkun. Vefurinn Net-
svar.is hóf göngu sína síðla ársins.“
Í starfi Barnaheilla á erlendum vett-
vangi stendur, að áliti Petrínu, upp úr
alþjóðlegt verkefni samtakanna um að
bæta framtíð barna í stríðshrjáðum
löndum með gæðamenntun, en það
hófst árið 2006.
„Alþjóðasamtök Barnaheilla vinna
að því fram til ársins 2010 að átta millj-
ónir barna í 20 stríðshrjáðum löndum
fái góða menntun. Á árinu náðum við
að bæta framtíð hundraða þúsunda
barna og Barnaheill á Íslandi lögðu sitt
á vogarskálarnar með stuðningi við
menntun barna í Afganistan, Kambó-
díu og Norður-Úganda. Við unnum
einnig ötullega að því að vekja athygli
alþjóðasamfélagsins á aðstæðum
barna í stríðshrjáðum löndum og nauð-
syn þess að setja fjármagn í menntun
þeirra. Annars mun þúsaldarmarkmið
Sameinuðu Þjóðanna um grunn-
menntun fyrir öll börn árið 2015 ekki
nást, þar sem um 39 milljóna barna í
stríðhrjáðum löndum eru án skóla-
göngu.“
Rödd innflytjenda heyrist
Petrína segir mörg verkefni fram-
undan hjá Barnaheillum á nýju ári
bæði á innlendum og erlendum vett-
vangi. „Við munum halda áfram að
vinna að þeim verkefnum sem ég
nefndi áðan og hérlendis viljum við
einnig láta málefni barna innflytjenda
meira til okkar taka og að auka þátt-
töku barna í starfi okkar, þannig að
rödd þeirra heyrist betur í íslensku
samfélagi. Sem frjáls félagasamtök
byggjum við allt okkar starf á frjálsum
framlögum frá einstaklingum, fyr-
irtækjum og opinberum aðilum og við
erum mjög þakklát fyrir þann mikla
stuðning sem við fengum á þessu ári
og erum vongóð um að framhald verði
þar á.“
Arnarfjörður fjarða fegurstur
Á persónulegum nótum segir Petr-
ína árið í heild hafa verið mjög við-
burðaríkt og skemmtilegt. „Það sem
einna helst stendur upp úr er ferð um
Vestfirði og ferð í Flatey síðastliðið
sumar. Varla sást ský á himni á 10
daga tjaldferðalagi og Flatey og vest-
firsk fjöll og firðir eru algjörar perlur
og veita manni mikla orku. Ég held ég
halli ekki á neinn fjörð með því að
segja að Arnarfjörður sé fjarða feg-
urstur og það er einlæg ósk mín að sú
fegurð fái að haldast um ókomna tíð.“
Petrína Ásgeirsdóttir framkvæmdastjóri Barnaheilla
Viljinn aukist
Morgunblaðið/Valdís Thor