Morgunblaðið - 31.12.2007, Page 35

Morgunblaðið/ÞÖK
Vitnaleiðslur í Baugsmálum
MESTU vitnaleiðslur Íslandssögunnar fóru fram þegar Baugsmálið var til
meðferðar í Héraðsdómi Reykjavíkur. Yfir eitt hundrað manns voru
kvaddir til vitnis hjá ákæruvaldinu. Myndin var tekið við upphaf aðal-
meðferðar þegar Jón Ásgeir Jóhannesson forstjóri og Tryggvi Jónsson,
fyrrverandi forstjóri Baugs, komu í réttarsal. Á milli þeirra stendur Jakob
Möller verjandi Tryggva.
Jón Ásgeir og Tryggvi voru sakfelldir en fyrir lítinn hluta ákæra auk þess
sem Jón Gerald Sullenberger, fyrrverandi viðskiptafélagi þeirra, var
dæmdur fyrir sinn þátt í málinu. Dómunum var áfrýjað til Hæstaréttar.
Morgunblaðið/Júlíus
Sögufræg hús
urðu eldinum
að bráð
GRÍÐARLEGT tjón varð í mið-
borg Reykjavíkur í apríl þegar
eldur breiddist út um tvö af elstu
húsum borgarinnar, á horni Lækj-
argötu og Austurstrætis. Austur-
stræti 22, þar sem skemmtistað-
urinn Pravda var til húsa,
eyðilagðist og húsið við Lækj-
argötu 2 stórskemmdist. Slökkvi-
liðsmenn unnu þrekvirki í baráttu
sinni við eldinn. Talið var að eld-
urinn hefði kviknað út frá loftljósi
í söluturni við hlið húss Pravda.
Unnið hefur verið að nýju skipu-
lagi fyrir reitinn, meðal annars
var efnt til hugmyndasamkeppni.
Hugmyndin sem notuð verður sem
grundvöllur deiliskipulags í Kvos-
inni gerir ráð fyrir því að húsin á
horni Lækjargötu og Austur-
strætis verði endurbyggð í meg-
inatriðum. Einnig er gert ráð fyrir
að á baklóðinni verði byggt nýtt
hús í stíl Nýja bíós og að húsið sem
stóð við Lækjargötu 4 verði flutt
af Árbæjarsafni og sett upp á
Lækjartorgi.
Ekki hefur verið endanlega ákveð-
ið hvernig staðið verður að end-
urbyggingu húsanna en Reykja-
víkurborg hefur keypt
byggingarréttinn að Austurstræti
22. Kostar hann borgina 168 millj-
ónir kr.
Morgunblaðið/RAX
Friðarsúla
Yoko Ono vígð
VÍGSLA friðarsúlu Yoko Ono vakti
verðskuldaða athygli um heim all-
an. Fjöldinn allur af erlendum fjöl-
miðlamönnum kom hingað til lands
til að vera viðstaddur vígsluna og
birtist umfjöllun um hana víða. „Ég
get ekki lofað að ég muni koma
hingað á hverju ári þegar kveikt
verður á súlunni en mér finnst að
ég sé orðin hluti af Íslandi núna og
mun reyna að koma hingað eins oft
og ég get,“ sagði Ono meðal annars
af tilefni vígslunnar. Ekki verður
kveikt á súlunni allt árið um kring
en fyrsta árið bárust geislar frá
verkinu frá og með 9. október til 8.
desember, en sú dagsetning er
táknræn fyrir að þann dag árið
1980 lést John Lennon. Einnig mun
loga á súlunni á gamlársdag og því
næst eina viku á vorjafndægrum
2008 sem og við sérstök tækifæri.
Morgunblaðið/G. Rúnar
Risessa á ferð um miðbæinn
RISESSA vakti athygli þar sem hún gekk um miðbæ Reykjavíkur góðviðr-
isdag í maí með aðstoð götuleikhússins Royal de luxe, að kynna sér skemmd-
arverk risans föður síns, sundurskorna bíla og goshver í Grófinni. Uppá-
koman var endapuktur á frönsku menningarhátíðinnni Pourquois pas? og
um leið upphafspunktur Listahátíðar. Nokkur stærðarmunur var á risess-
unni og telpunni sem fékk far með henni. Sú litla virtist þó hvergi bangin.
Morgunblaðið/Júlíus
Þakið fauk af skólanum
ÓVEÐUR gekk yfir suðvesturhorn landsins um miðjan desember. Björg-
unarsveitir á suðvesturhorni landsins stóðu í ströngu við að bjarga verð-
mætum og afstýra slysum. Á fjórða hundrað hjálparbeiðnir bárust björg-
unarsveitum en þar af voru 150 á höfuðborgarsvæðinu. Fjúkandi
hjólhýsi, fjaðradýnur og gámar voru meðal þess sem björgunarsveit-
armenn þurftu að elta og festa niður. Þá fuku um 300 fermetrar af þaki
Austurbæjarskóla og hafnaði brak m.a. á bíl sem stóð við Vitastíg. Mildi
þykir að enginn slasaðist við það en bifreiðin undir þakinu var hins veg-
ar ónýt.
MORGUNBLAÐIÐ MÁNUDAGUR 31. DESEMBER 2007 35