Morgunblaðið - 31.12.2007, Blaðsíða 36

36 MÁNUDAGUR 31. DESEMBER 2007 MORGUNBLAÐIÐ
GRÍÐARLEG ólga var í Pakistan á árinu og Be-
nazir Bhutto, fyrrverandi forsætisráðherra,
lést af sárum sínum fimmtudaginn 27. desem-
ber eftir banatilræði ofstækismanns. Pervez
Musharraf, forseti landsins, mætti mikilli and-
spyrnu er hann rak forseta hæstaréttar úr emb-
ætti á vordögum og var jafnframt gagnrýndur
fyrir að ætla að sitja áfram sem forseti þegar
kjörtímabili hans lauk í haust um leið og hann
gegndi embætti æðsta yfirmanns hersins. Staða
Musharrafs veiktist er leið á árið og um síðir
samþykkti hann að láta af öðru embættinu, þ.e.
hjá hernum. Stjórnarandstöðunni óx því ásmeg-
in á árinu og tveir helstu leiðtogar hennar, Na-
waz Sharif og Bhutto, sneru heim úr útlegð.
Tilræði við Bhutto sem henni var sýnt 18. októ-
ber kostaði raunar 138 manns lífið og skók sam-
félagið. Stuðningsmenn hennar fögnuðu hins
vegar heimkomu hennar mjög – eins og sjá má
á myndinni.
Óyndismönnum tókst hins vegar ætlunarverk
sitt 27. desember þegar Benazir Bhutto var
ráðin af dögum á kosningafundi í borginni
Rawalpindi. Dauði Bhutto vekur ugg um þróun
mála á nýju ári, næsta víst er að áfram verði
róstusamt í Pakistan, þar sem klofningurinn
milli róttæks íslams og hófsams er hvað mestur
í heimi hér.
AP
Gríðarleg ólga
í Pakistan á árinu
MIKLIR bardagar geisuðu á heima-
stjórnarsvæðum Palestínumanna á
vordögum, ekki milli palestínskra
vígamanna og hersveita Ísraels
heldur var þar um að ræða inn-
byrðis átök Fatah-hreyfingarinnar
og Hamas-samtakanna sem ári áð-
ur höfðu unnið sigur í þingkosn-
ingum. Klofningur palestínsku
þjóðarinnar flækir enn frekar stöð-
una í Mið-Austurlöndum, enda erf-
itt að semja um frið þegar samn-
ingsaðili gengur klofinn að
samningsborðinu. Staðan nú er sú
að Fatah-hreyfing Mahmouds Ab-
bas ræður ríkjum á Vesturbakk-
anum en á Gaza-svæðinu fara Ha-
mas-menn með völdin. Þar er
ástand mjög slæmt enda nýtur
herská stjórn Hamas ekki fjárhags-
aðstoðar umheimsins.
AP
Palestínu-
menn klofnir
Fréttamyndir af
erlendum vettvangi
NÝR forseti tók við í Frakklandi, hægrimaðurinn Nicolas Sarkozy tók við
af öðrum hægrimanni, Jacques Chirac sem gegnt hafði embætti forseta í
tólf ár. Stormasamt hjónaband Sarkozys og eiginkonu hans, Ceciliu, var
mjög í fréttum en á haustdögum tilkynntu þau síðan að þau hygðust skilja.
Í desember bárust síðan fréttir um að forsetinn kraftmikli hefði brugðið
sér á stefnumót með ítalskri fyrirsætu.
AP
Chirac kvaddi,
Sarkozy tók viðFLJÓTLEGA á nýju ári verður ljóst hverjir keppa um forsetaembættið fyr-
ir Demókrataflokkinn og Repúblikanaflokkinn næsta haust en kosninga-
barátta vegna forvals flokkanna hefur hins vegar staðið allt árið 2006 og
hafa skipst á skin og skúrir fyrir frambjóðendurna. Mikil óvissa og spenna
ríkir um það hverjir hreppa hnossið en óhætt er að segja að barátta demó-
kratanna Baracks Obama og Hillary Clinton veki sérstakan áhuga enda
yrði Obama fyrsti blökkumaðurinn til að keppa um forsetaembættið, fari
svo að hann vinni útnefninguna, og Clinton yrði fyrir sitt leyti fyrsta konan.
AP
Kona eða blökkumaður?