Morgunblaðið - 31.01.2008, Blaðsíða 12

12 FIMMTUDAGUR 31. JANÚAR 2008 MORGUNBLAÐIÐ
ALÞINGI
Eftir Hjört Gíslason
hjgi@mbl.is
ENN finnst lítið af mælanlegri loðnu
en töluvert er þó af henni dreifðri á
stóru svæði út af sunnanverðum
Austfjörðum. „Við erum hérna í ein-
hverri loðnu. Við fórum út í kringum
65 gráðurnar og erum núna á 64,45
og austur undir 9. gráðu. Hér er
loðnuhrafl á rosalega stóru svæði, en
enginn kraftur í því. Það er dálítið
erfitt að halda utan um þetta, því það
er eiginlega alveg sama hvernig siglt
er það er alls staðar einhver loðna,
en engin ákveðin ganga,“ sagði
Sveinn Sveinbjörnsson, leiðangurs-
stjóri á Bjarna Sæmundssyni, en
Morgunblaðið náði tali af honum í
gær.
Þeir voru þá staddir austur af
Breiðdalsvík, en byrjuðu leitina út af
Reyðarfirði. Rannsóknarskipið var í
höfn um helgina, en hélt aftur út í
byrjun vikunnar. Einhver veiðiskip
eru á slóðinni nokkru norðar, en lítið
hafði frétzt af veiðum. Samkvæmt
upplýsingum frá Fiskistofu hafði
verið tilkynnt um 21.000 tonna afla í
gær, en enn sem komið er er leyfi-
legur heildarafli íslenzku skipanna
tæp 122.000 tonn.
„Loðnan er venjulega búin að
þétta sig saman í göngu á þessum
tíma, en það getur verið að þegar
hún kemur aðeins sunnar leysist hún
upp aftur. Við skoðum síðasta hlut-
ann af þessu eitthvað áfram og síðan
reynum við að draga okkur eitthvað
norður úr ef loðnan skyldi vera á
eitthvað takmarkaðra svæði og
ákveðnara. Eins og loðnan er hérna
sunnar, er mjög erfitt að ná utan um
þetta. Hún er svo dreifð á svo stóru
svæði,“ sagði Sveinn.
Það er reglan að miðað er við að
400.000 tonn af loðnu þurfi til að
hrygna til að tryggja vöxt og viðgang
stofnsins, en það sem er umfram það
megi veiða. Sveinn vildi ekki tjá sig
um það hve mikið hefði mælzt til
þessa. Það væri ekki tímabært.
Hann segir að það sé ekkert óeðli-
legt að það sé loðna á þessum slóðum
á þessum tíma. Það sé venjulega
ekki fyrr en í febrúar, sem hún fari
að ganga upp að landinu og haldi síð-
an vestur með því. Það gerist sjaldn-
ast fyrr en eftir fyrstu viku febr-
úarmánaðar. Stundum seinna. Þetta
sé breytilegt frá ári til árs.
„Oftast er hún farin að sýna sig við
suðausturhornið, uppi á söndum og
inni á bugtum ekki mikið seinna en
um miðjan febrúar, þó dæmi séu um
það að hún hafi komið mikið seinna.
Svo er alltaf möguleiki á því að það
komi vestanganga. Það hafa stund-
um komið mjög stórar göngur að
vestan. Árni Friðriksson er á leið út
til sjórannsókna og byrjar fyrir vest-
an. Það verður maður þar um borð til
að kíkja eftir loðnu, þegar farið verð-
ur yfir þau svæði,“ sagði Sveinn.
Loðnuhrafl á stóru svæði
Árvakur/Kristján
Fiskveiðar Lítið finnst af veiðanlegri loðnu enn sem komið er.
Loðnan ekki farin
að mynda göngur og
erfitt að mæla hana
FYRIRTÆKIÐ Perlufiskur á Pat-
reksfirði hefur fengið úthlutað
byggðakvóta Bíldudals og mun
hefja þar vinnslu innan þriggja
vikna. Um er að ræða bolfiskkvóta
að ígildi 239 tonna af þorski. Sam-
kvæmt reglum um úthlutun
byggðakvóta skal sá sem kvótann
fær landa til vinnslu í viðkomandi
höfn að minnsta kosti tvöföldum
byggðakvótanum.
Haraldur Haraldsson, annar eig-
anda Perlufiskis, segir að starf-
semin verði flutt frá Patreksfirði í
húsnæði í eigu Stapa á Bíldudal.
„Við gerum ráð fyrir að vinna
þarna um 2.000 tonn af bolfiski á
ári, en úthlutun byggðakvótans er
til þriggja ára. Við höfum verið að
vinna á bilinu 700 til 900 tonn á
ári á Patreksfirði til þessa, mest
steinbít og þorsk, en með þessu
aukum við umsvifin verulega. Við
erum með einn bát í útgerð en nú
bætast tveir öflugir snurvoð-
arbátar við og alls verða því á
milli 30 og 40 manns í vinnu, bæði
á sjó og í landi. Fólki sem hefur
unnið hjá fyrirtækinu á Patreks-
firði verður boðinn akstur til og
frá Bíldudal til vinnu þar,“ segir
Haraldur.
Vinna fisk
á Bíldudal
ÚR VERINU
Eftir Höllu Gunnarsdóttur
halla@mbl.is
VERIÐ er að nota hugtakið
„störf án staðsetningar“ til að
draga embættisstörf til Reykja-
víkur en ekki til að dreifa þeim
um landið, sagði Bjarni Harð-
arson, þingmaður Framsókn-
arflokksins, á Alþingi í gær og
hafði áhyggjur af því að fram-
kvæmdastjóri Vatnajökuls-
þjóðgarðs yrði í Reykjavík.
Bjarni vísaði til fundargerðar
stjórnar þjóðgarðsins og sagði
þar hafa komið fram að það væri
sameiginlegur skilningur stjórn-
armanna að framkvæmdastjórinn
yrði staðsettur í einu af þeim átta
sveitarfélögum sem eiga land að
þjóðgarðinum, eða á höfuðborg-
arsvæðinu. „Ég verð fyrir tölu-
verðum vonbrigðum með að þetta
mál skuli vera í þessum farvegi,“
sagði Bjarni.
Þingmenn Samfylkingarinnar
blésu á þessar áhyggjur og sögðu
rangt að til stæði að flytja lands-
byggðarstörf til höfuðborgar-
svæðisins. „Það er alveg klárt að
við ætlum að vinna að þessum
málum og við höfum líka þá hug-
mynd að það starf sem hér var
rætt um áðan verði staðsett þar
sem það kemur þjóðgarðinum
best og ég hef alltaf litið á það
sem það verði á Hornafirði,“
sagði Lúðvík Bergvinsson þing-
flokksformaður.
Árvakur/RAX
Við jökulinn Framkvæmdastjóri Vatnajökulsþjóðgarðs verður að líkindum í nágrenni garðsins.
Störf dregin til Reykjavíkur?
Össur Skarphéðinsson 29. janúar
Elton og Össur
Maður hittir allskonar
fólk á ferðalögum. Á hót-
elinu í Abu Dhabi í síð-
ustu viku villtist ég í ljósa-
skiptunum inn á
vitlausan gang. Ég ramb-
aði inn í útsýnissal þar sem sá vítt yfir
hina miklu og vaxandi borg.
Þar stóð maður við gluggann og var
hugsanlega að dást að útsýninu.
Hann var svolítið lotinn til herðanna,
hnellinn, frekar lágvaxinn og humm-
aði fyrir munni sér. Þegar ég gekk inn í
fjarlægari enda salarins hrökk hann í
kút, snerist þegar á hæli og fór án
þess að kveðja viðstadda Íslendinga.
Mér fannst ég kannast við kauða, en
kom honum ekki alveg fyrir mig.
Þegar ég ætlaði að halda áfram að
finna réttu leiðina í vistarverur mínar
og rölti í humátt á eftir einmana karl-
inum gaf hann í, og um leið stukku
tvær górillur út úr skugganum og
sögðu það sem hefði þó átt að liggja í
augum uppi fyrir alla viðstadda: „You
are not with Elton John.“ Þá rann upp
fyrir mér hver var að skoða með mér
útsýnið. Ég sneri upp á mig, gekk
hvatskeyttur í burt og sagði snúðugt á
drottningarensku: „No, I’m with the
King.“
Meira: ossur.hexia.net
Jón Magnússon 30. janúar
Clintonarnir
Sagt er að Edward Kenn-
edy hafi ofboðið fram-
ganga Clinton-hjónanna í
kosningabaráttunni en
það er þá ekki í fyrsta
skipti sem þau ofbjóða
fólki. […] Þau kunna líka þá list til
fullnustu að rugla umræðuna eins og
Sjálfstæðisflokkurinn og fjölmiðlar
hans varðandi skömm flokksins í
borgarstjórn Reykjavíkur eru að gera
núna.
Meira: jonmagnusson.blog.is
Björgvin G. Sigurðsson 30. janúar
Góð ákvörðun
Ákvörðun Kaupþings um
að ekki verði af yfirtöku
bankans á hollenska
bankanum NIBC er einkar
skynsamleg í ljósi að-
stæðna á markaði. Þetta
er ábyrg ákvörðun sem er
Kaupþingi til álitsauka í ljósi þeirra
erfiðu aðstæðna sem sköpuðust á al-
þjóðalánamörkuðum undir lok ársins.
Meira: bjorgvin.is
RÁÐHERRAR munu ekki sitja á
þingi ef frumvarp Kristins H.
Gunnarssonar, þingmanns Frjáls-
lynda flokksins, og tveggja sam-
flokksmanna hans verður að lögum.
Kristinn mælti fyrir frumvarpinu í
gær en það felur einnig í sér að
heimild til setningar bráðabirgða-
laga verði felld á brott sem og að
leggja þurfi stjórnarskrárbreyting-
ar undir þjóðaratkvæðagreiðslu.
Í máli Geirs H. Haarde forsætis-
ráðherra kom fram að hann væri
andvígur því að fella út ákvæði um
bráðabirgðalög en hann fagnaði
engu að síður umræðu um stjórnar-
skrána. Hvað varðar hugmynd um
að ráðherrar víki af þingi og í þeirra
stað komi varaþingmenn benti Geir
á að með því myndu bætast 12 þing-
menn við stjórnarliðið. Það væri
kannski ekki það sem mest þörf
væri á. Össur Skarphéðinsson iðn-
aðarráðherra var hins vegar
hlynntur því að ráðherrar létu af
þingmennsku og sagði það vera til
þess fallið að skerpa enn frekar
skilin milli löggjafans og fram-
kvæmdavaldsins. „Ég vil lýsa
stuðningi við þetta viðhorf eins og
ég hef áður gert úr þessum stól,“
sagði Össur í umræðunum á Al-
þingi í gær.
Ráðherrar víki af þingi
ÞETTA HELST … ÞINGMENN BLOGGA
Auðir bekkir
Þingfundur var með rólegra móti í
gær og fámennt í þingsal lungann úr
deginum. Talsverður fjöldi þingmanna
var fjarverandi, m.a. vegna jan-
úarfunda Norðurlandaráðs sem
haldnir voru í Svíþjóð. Áætlaður hálf-
tími til umræðu um störf þingsins var
ekki nýttur til fulls og ekki lágu fyrir
nógu margar fyrirspurnir til að fylla
hefðbundinn fyrirspurnartíma mið-
vikudags, svo önnur mál voru einnig
tekin á dagskrá.
Svifasein
Landsvirkjun
Álfheiður Ingadóttir, VG, er ekki sátt
við hversu löng bið hefur verið eftir
skýrslu frá iðn-
aðarráðherra um
kostnað við Kára-
hnjúkavirkjun og
vísaði í gær til
fréttar í Viðskipta-
blaðinu um að
kostnaðurinn
gæti farið í 200
milljarða króna,
þ.e. 100% fram úr
upphaflegri áætl-
un. Ráðherrar hafa tíu vikur til að
svara skýrslubeiðnum þingmanna en
Álfheiður sagði nú vera komnar fimm-
tán vikur frá umræddri beiðni.
Össur Skarphéðinsson iðn-
aðarráðherra svaraði því til að skýrsl-
an væri flókin og ekki væri hægt að
gera hana nema fá ákveðin gögn frá
Landsvirkjun. „Þau gögn bárust iðn-
aðarráðuneytinu ekki fyrr en í síðustu
viku eftir töluvert harðan og þrýstings-
mikinn eftirrekstur,“ sagði Össur.
Táknmálstúlkun
Kolbrún Halldórsdóttir, VG, hefur
lagt fram fyrirspurn til mennta-
málaráðherra um
táknmálstúlkun
og spyr m.a.
hversu margir
túlkar hafi útskrif-
ast úr táknmáls-
fræði við Háskóla
Íslands og hvaða
kröfur séu gerðar
til táknmálstúlka
sem starfa fyrir
opinbera aðila. Þá
spyr Kolbrún hvort komi til álita að
táknmálstúlkar fái lögverndað starfs-
heiti.
Dagskrá þingsins
Þingfundur hefst kl. 10.30 í dag og
m.a. verður rætt um nýja Evrópu-
skýrslu utanríkisráðherra.
Álfheiður
Ingadóttir
Kolbrún
Halldórsdóttir